витамин – Вистина.мк

Не ги игнорирајте: Телото ви ги дава овие знаци на недостаток од витаминот Б12

Слободанка Илиева — Wed, 31 Jan 2024 13:25:25 +0000

На луѓето им требаат 50 микрограми витамин Б12 дневно, а оние кои имаат недостаток на оваа хранлива материја може да искусат одредени тешкотии, според британскиот биолог Џастин Батлер. -Екстремниот замор, недостатокот на енергија, мускулна слабост, пецкање, депресија и когнитивни проблеми, како што се слаба меморија, разбирање и расудување, може да бидат признак за недостаток на витамин Б12, вели д-р Батлер. Таа наведува дека витаминот Б12 го произведуваат бактериите коишто се наоѓаат во почвата, па најлесен начин да се добие е преку неизмиени плодови, што за повеќето луѓе денес не е опција. Затоа, сега најчесто се добива од збогатена храна или додатоци во исхраната. -Може да се добие со внесување екстракт од квасец и снегулки, млеко од растително потекло, вегански јогурти и десерти збогатени со витамин Б12… Тој витамин му помага на телото да одржува здрави нервни клетки и помага во создавањето на ДНК. Исто така, витаминот Б12 тесно е поврзана со фолната киселина, ги ствара црвените крвни зрнца, му помага на железото подобро да работи во телото и произведува соединение вклучено во имунолошката функција и расположението, појасни д-р Батлер. Меѓу последиците од долгорочно ниско ниво на витамин Б12, се покачени нивоа на аминокиселината хомоцистеин во крвта. Тоа пак е поврзано со срцевите заболувања. Советот на стручкот за крај гласи – при загриженост за нивото витамин Б12 и сомнеж за недостаток, контактирајте со вашиот лекар за консултација. (МИА)

Недостигот на витамин Б12 може да предизвика и когнитивни проблеми

Слободанка Илиева — Fri, 01 Dec 2023 12:55:46 +0000

Веројатноза човековото тело е витаминот Б12, којшто е потребен за нормално секојдневно функционирање. Витаминот Б12 учествува во многу процеси во телото, вклучувајќи ја и синтезата на ДНК, создавањето црвени крвни зрнца и на изолационата обвивка што им овозможува на сигналите да минуваат низ нервниот систем. Можен недостиг од тоа, на пр., се знае дека може да предизвика анемија, потоа – замор, мускулна слабост, вртоглавица или зашеметеност… Но, помалку е познато дека недостатокот на витамин Б12 може да предизвика и умствени проблеми. Според напис објавен во „Британскиот медицински журнал“ (Би-ем-џи), има барем пет проблематични когнитивни состојби забележани кај 85 отсто од пациентите со недостаток на Б12. Тоа се: проблеми со помнењето, когнитивни тешкотии, афазија, проблеми со учењето и главоболки (мигрена). „Анемијата е присутна кај помалку од 20 отсто од луѓето со недостаток на витамин Б12. Невролошките проблеми, пак, што се многу почести, може да траат со месеци, па дури и години, додека целосно да се решат“, се наведува во написот. За луѓе кои немаат поголем недостиг на витамин Б12 и невролошки симптоми, витаминот може да се прима орално во доза од 1.000 до 2.000 микрограми одеднаш / на ден. Витаминот Б12 го има само во храната од животинско потекло. Количината витамини во намирниците зависи од видот храна и земјата на производство. Во повеќето случаи, состојбата може да се подобри кога ќе се збогати исхраната со месо, риба, сирење, путер, јајца, хранлив квасец и друга храна што содржи витамин Б12. Меѓутоа, ако недостигот е потежок, можеби пациентот ќе треба да зема дневни додатоци и инјекции. извор:курир.мк фото:Freepik

Недостатокот од витамин Б-12 предизвикува чест замор кај децата

Слободанка Илиева — Wed, 27 Sep 2023 12:10:28 +0000

Ако детето често се жали дека е уморно или исцрпено, покрај недостатокот на сон, може да му недостасува и витамин Б-12 во телото, објаснуваат педијатрите. Тоа е клучен витамин што на детето првенствено му е потребен за создавање црвени крвни зрнца и ДНК. Покрај тоа, многу испитувања покажуваат дека овој витамин е одговорен и за одржување на здравјето на нервниот систем. За разлика од другите витамини, Б-12 го нема во овошјето и зеленчукот бидејќи растенијата не го произведуваат. Наместо тоа, детето најчесто може да го добие преку месо – главно пилешко или мисиркино, како и млечните производи. Благодарение на тоа што овие намирници се лесно достапни, недостатокот на витамин Б-12 не е честа појава. Доколку сепак се случи тоа, децата најчесто се жалат на замор и исцрпеност, а се јавува и бледа кожа на лицето, мускулна слабост, проблеми со концентрацијата и помнењето, и дигестивни нарушувања. извор:курир.мк

Не ги паметите соновите? Ви недостасува еден витамин

Христина Ѓоргиевска — Mon, 10 May 2021 12:00:30 +0000

Ако ви се случи наутро да се разбудите и да не се сеќавате што сте сонувале, можеби би требало да почнете да пиете витамин B6. Во едно истражувањето учествувале лица чиј просек на години бил 27. Испитаниците биле поделени во три групи – една група секоја вечер пред спиење земала суплементи кои содржат 240 милиграми од овој витамин, втората добивала суплементи комплекс витамин B, а третата плацебо. Учесниците добиле задача во наредните пет дена да ги забележуваат своите сонови, колку сонувале и на што точно се сеќаваат. Лицата кои биле во првата грипа успеале да се сетат на содржината на соновите подобро од останатите испитаници. Извор: Курир.мк

Замрзнете си лимони за да имате здравје

Слободанка Илиева — Thu, 28 Jan 2021 12:46:53 +0000

Лимонот е преполн со витамин Ц и има бројни здравствени придобивки за организмот. Но најздравата варијанта е замрзнат лимон и тоа треба да се консумира заедно со кората, бидејќи таа е всушност најздравиот дел од ова цитрусно овошје. Лимоновата кора го регулира крвниот притисок, има антидепресивно дејство и ослободува од тешкотии, стрес и раздразливост. Освен тоа, го алкализира телото и ја регулира Ph-вредноста на крвта. Но лимонот не може долго да стои, па ако не го искористите навреме, почнува да скапува. Постои трик за да го надитрите тој процес и секогаш да го имате овој цитрус, кога и да ви е потребен. Со ставањето на лимонот во замрзнувач, подоцна ќе можете да го користите не само плодот, туку и кората, која секогаш дава убав вкус во десерти. Уште една добра работа кај замрзнувањето лимон е тоа што така полесно ќе можете да го искористите. Замрзнатиот лимон е многу помоќен од хемотерапијата во борбата против рак, покажало истражување на Универзитетот Станфорд. Истражувањето покажало дека силните нутриенти во кората на лимонот можат да ги уништат клетките на рак кај 12 видови рак, вклучувајќи и некои од најсмртоносните, како што се на простата, дебело црево, панкреас и бели дробови. Процесот не е комплициран, но важно е да следите одредени чекори за да добиете што подобар резултат. Одберете лимон што нема меки делови и темни дамки по него. Прво, измијте го плодот со вода, а ако имате овошен детергент, можете и со него. Друга опција е да измешате вода и оцет, а тоа е ефикасен начин на отстранување пестициди. Пригответе кесички за замрзнување, кои имаат затворач. Лимонот можете да го замрзнете цел, изрендан, како лимонов сок, исечкан на резанки или само кората од лимон. извор:нетпрес.ком.мк

Зошто ни е потребен витамин А?

Горан Силјановски — Wed, 04 Apr 2018 08:58:19 +0000

Витаминот А е првиот откриен витамин, па затоа е именуван со првата буква од латиницата. Тој е особено важен за одржување на добар вид, за добрата состојба на коските, кожата, косата, забите и непцата. Без доволно витамин А, организмот е посклон кон инфекции.

Морковите се богати со витамин А.

Овој витамин е еден од најактивните антиоксиданси, а помага и во заштитата на кожата од штетните сончеви зраци. Особено е важен и во лекувањето на акни и мали брчки. Докажано е дека витаминот А дејствува профилактично кај некои видови рак, помага за намалување на нивото на лош холестерол и го намалува ризикот од срцеви заболувања. СИМПТОМИ ПРИ НЕДОСТИГ НА ВИТАМИН А За среќа, повеќето луѓе внесуваат доволно витамин А преку храната. Но, недостигот на овој витамин иако е реткост, сепак се појавува. Особено изложени на ризик се луѓето болни од рак, туберкулоза, пневмонија, хронични болести на бубрезите или болести на простатата. Некои од симптомите кои се појавуваат при дефицит на витамин А се:

Склоност кон вирусни инфекции;
Ноќно слепило;
Опаѓање на косата;
Загуба на апетит;
Проблеми со коските.

ПРЕДОЗИРАЊЕ СО ВИТАМИН А Кога зборуваме за витаминот А нема како, а да не споменеме нешто повеќе за предозирањето со овој витамин. Таа појава се нарекува хипервитаминоза А и значи дека вашиот организам има складирано повеќе витамин А отколку му е потребно за правилно функционирање. Најчесто предозирање со витамин А се добива со прекумерно консумирање на витамин А како додаток во исхраната. Хипервитаминозата А може да доведе до проблеми при породувањето, аномалии на црниот дроб или проблеми со централниот нервен систем. Некои од симптомите кои се појавуваат при интоксикација (хипервитаминоза) со витамин А се: загуба на апетит, раздразнетост, малаксаност, кршливи нокти, главоболка, проблеми со видот, депресија и анемија. Примањето на големи количества витамин А за време на бременост може да предизвика спонтан абортус или дефекти на новороденчето. Поради тоа, бремените жени не треба да примаат витамин А како додаток во исхраната, освен ако тоа не е препорачано од доктор. ПРЕПОРАЧАНИ ДНЕВНИ ДОЗИ и ПОТРЕБИ од ВИТАМИН А Препорачаните дневни потреби на витамин А варираат, во зависност од полот и возраста на лицето.

Деца (3 години и помалку) – 300µg
Деца (4-8 години) – 400µg
Деца (9-13 години) – 600µg
Тинејџери (14-18 години) – 900µg
Возрасни (19 години и нагоре) – 900µg
Бремени жени (18 години и надолу) - 750µg
Бремени жени (18 години и нагоре) - 770µg
Доилки (18 години и надолу) – 1 200µg
Доилки (18 години и нагоре) – 1 300µg

Поради фактот дека постои голем ризик од интоксикација (хипервитаминоза А) со витамин А, подолу се дадени максималните количества на витамин А, кои што можете да ги примате дневно.

Деца (3 години и помалку) – 600µg
Деца (4-8 години) – 900µg
Деца (9-13 години) – 1 700µg
Тинејџери (14-18 години) – 2 800µg
Возрасни (19 години и нагоре) – 3 000µg
Бремени или доилки (18 години и надолу) – 2 800µg
Бремени или доилки (18 години и нагоре) – 3 000µg

ХРАНА БОГАТА СО ВИТАМИН А Витаминот А е застапен во рибиното масло, црниот дроб, јајцата, млекото и млечните продукти, туната, темнозелените и жолтите зеленчуци, морковот, дињата, компирите и др.

Зошто ни е потребен витаминот Д?

Горан Силјановски — Wed, 28 Mar 2018 09:59:27 +0000

Витаминот Д се создава по природен пат во човечкото тело, кога тоа е изложено на сонце. Поради тоа, познат е и како “сончевиот” витамин.

На сите ни е познато дека витаминот Д е особено важен за коските. Тој помага за полесно апсорбирање на калциумот. Недостатокот на калциум води до рахитис (омекнување и деформирање на коските) кај децата и остеопороза кај возрасните. Витаминот Д помага за побрзо зараснување на повредите на коските кај повозрасните луѓе. Секојдневно се прават различни истражувања кои што докажуваат колку е важен витаминот Д и ги прошируваат областите во кои што е корисен. Така, денес познато е дека витаминот Д помага во заштитата и лекувањето на многубројни заболувања како некои видови рак (на дојката, на простатата, на дебелото црево), мултиплекс склероза и Алцхајмеровата болест. Има и такви истражувања кои го сврзуваат витаминот Д и младоста. Според нив, жените кои што имаат поголемо количество витамин Д во крвта изгледаат помлади.

КОЛКУ ВИТАМИН Д ДА ВНЕСУВАМЕ ДНЕВНО?

Експертите препорачуваат дневно да се внесуваат 5-15µg витамин Д. Многу истражувања покажуваат дека со консумирање на 20µg дневно, се намалува ризикот од остеопороза. Најголем дел од експертите сметаат дека дневното внесување на вкупно 25-50µg витамин Д, од различни извори (сонце, исхрана, додатоци во исхраната) е идеално за зачувување на добро здравје.

КОИ ЛУЃЕ ИМААТ ПОТРЕБА ОД ДОПОЛНИТЕЛНО КОЛИЧЕСТВО ВИТАМИН Д?

Повозрасните. Многу често повозрасните луѓе не се изложуваат доволно на сонце, затоа кај нив се создава помалку витамин, кој треба да го надокнадуваат со користење на додатоци во исхраната. Луѓето со поголема телесна тежина. Масното ткиво на луѓето од оваа група зема и складира повеќе витамин Д и како резултат на тоа се намалува количеството на витамин Д во крвта. Луѓето со темен тен на кожата. Кога луѓето со потемен тен на кожата се изложуваат на сонце, кај нив се создава помалку витамин Д, затоа што нивната кожа апсорбира помалку UV зраци. Доилки и трудници. Жените од оваа група треба да консумираат дополнително витамин Д, особено ако имаат темен тен или ако не се изложуваат доволно на сонце. Истражувањата покажуваат дека количеството витамин Д кое што го имаат мајките во текот на последните три месеци од бременоста, директно влијае врз здравјето на коските на бебето.

ИЗВОРИ НА ВИТАМИН Д

Сонцето навистина е најважен извор на витамин Д, но сите знаеме колку е штетно изложувањето на сонце. Затоа, подобро е да внесувате витамин Д преку исхраната или со консумирање на додатоци богати со витамин Д. Витаминот Д најмногу е застапен во месото од риба, рибиното масло и жолчката од јајцето. Но, има и некои продукти во кои производителите по вештачки пат додаваат витамин Д. Такви продукти се: корнфлексите, кравјото млеко, сирењето и маргаринот. Сепак, производителите не се задолжени да го прават тоа, па затоа ако сакате да купите продукт богат со витамин Д, побарајте информација за составот на продуктот на неговата етикета.