вистинскиот – Вистина.мк

Знаци дека не сте ја пронашле својата сродна душа – Вака ќе знаете дека тој е вистинскиот и дека сте на вистинскиот пат

Слаѓана Атанасова — Thu, 25 May 2023 11:17:18 +0000

Кога сте вљубени, светот одеднаш станува поубав. Љубовта и смиреноста која таа ви ја дава ја оттргнуваат од вас целата негативна енергија која тајно се таложела. Чувствувате сигурност која е толку голема што целата ваша доверба ѝ ја доверувате на таа личност која ја сметате за ваша сродна душа. Повеќе се смеете и подготвени сте полесно да им простите на луѓето околу вас. Ако кај себе ги забележувате следните „симптоми“ тогаш можете да бидете сигурни дека сте ја нашле вашата сродна душа.

Чудата се појавуваат секој ден

Тешко е да се каже дали вашите секојдневни активности се менуваат толку многу, но сигурно забележувате дека секој нов ден ви е сè поубав од претходниот. Кога личноста која ја имате до себе ве поддржува во секој ваш чекор и е подготвена да ви прости за вашите непромислени грешки, и вие сте подготвени на истото. Каде и да одите знаете дека нивната љубов е постојано околу вас па романтичното кафуле не ви изгледа толку депресивно и светот не е толку сив.

Љубовта им се случува на луѓето околу вас

Свесното избирање љубов и среќата која таа ви ја носи привлекуваат уште повеќе љубов. Следејќи ги постапките кои вие ги правите за вашата љубов ги поттикнувате луѓето околу вас да го следат вашиот пример и да веруваат во вистинска љубов. Бидете им поддршка и инспирација на луѓето кои ги сакате, и кога се тажни и кога се среќни.

Се поврзувате подлабоко со пријателите и роднините

Врската меѓу вас и вашата сродна душа е толку силна што вашите внатрешни особини (сочувство, љубов, прифаќање) ви даваат поттик за позитивни физички реакции (јадете подобро, спиете поубаво, им простувате на другите). Сосема несвесно сите аспекти од вашата врска ги применувате и врз останатите врски во семејството и пријателите. Забележувате како сочувството и прифаќањето на луѓето онакви какви што се, е нешто кое сте го научило од партнерот и сосема едноставно истото го применувате со луѓето кои ви значат.

Вашиот поглед кон светот се менува

Вие и вашата сродна душа сте две сосема спротивни личности кои совршено се надополнуваат и создаваат една цврста заедница. Како што сè повеќе се поврзувате и работите на себе забележувате дека се случуваат магични нешта. По извесно време ќе сфатите дека си влијаете на еден на друг толку многу што можеби фразата „Никогаш не вели никогаш“ ќе биде нешто на кое со насмевка ќе се сеќавате. Но, не плашете се од тоа, останете отворени за промени, сè додека гледате дека тие ве прават подобра и посреќна личност.

Вашата сродна душа ви помага да најдете решенија на кои претходно не сте ни помислувале

Вашата сродна душа е тука за вас за да ве фати за рака во моментите кога ќе паднете и ќе се почувствувате изгубено. Тоа е личноста која го посакува најдоброто за вас и ќе се обиде на секој можен начин да ви покаже колку сте силни и колку вредите и дека во ниту еден момент нема да се откаже од вас дури и кога вие ќе чувствувате дека сте на дното. Сродната личност е таа кај која трчате и барате совет кога сте збунети и несигурни во себе, бидејќи знаете дека нејзините зборови се добро промислени и секогаш го посакуваат најдоброто за вас. Извор: Попара.мк

„Едвај чекам…“: Бресквица сака да застане на „лудиот камен“, тврди дека го пронашла вистинскиот, а еве што вели за Војаж (фото)

Слаѓана Атанасова — Wed, 22 Feb 2023 10:01:30 +0000

Пејачката Анѓела Игњатовиќ попозната како Бресквица проговори за своето ново момче, а истакна и дека е подготвена да се омажи за него. Брешквица на почетокот на интервјуто за Блиц тв се осврнала на настапите, и објаснила дека повторно ја вратила препознатливата црвена боја на косата. - Имав кикици, кои ги носев некое време, но ми стана многу болно, па решив да се вратам на старо - изјавила на почетокот Бресквица, а потоа ги спомнала и настапите. - Сега имаме многу настапи, фала богу, така да продолжи. Немаме многу време, но можам да го правам тоа додека сум млада. Брешквица признала дека успева да го балансира приватниот и деловниот живот. - Не ми е тешко затоа што моето семејство и моите луѓе се таму покрај мене, секогаш сме заедно, само за викенди не сум тука. Младата пејачка открила како нејзиното момче реагира на нејзината работа, и дали го разбира нејзиното отсуство. - Да, секако, кога и да може оди со мене, кога не може, едвај чекам да се вратам дома - признала, а потоа шокирала со изјавата дека е подготвена да се омажи. - Подготвена сум да се омажам, кога ќе почувствуваш дека си со вистинската личност, не е ни важно кога тоа ќе се случи - рекла таа. На самиот крај Бресквица проговорила за Војаж со кој беше во врска. - Тоа беше на почетокот на мојата кариера, се случи тоа што се случи, двајцата „експлодиравме“, сега секој си продолжи по својот пат. Контактирам со сите мои колеги, би контактирала и со него - заклучи Бресквица. Фото: Принтскрин/Снежана Крстиќ/Рингиер

„Ми проработи мајчинскиот инстинкт“ – Александра Младеновиќ подготвена да се реализира во најважната улога (фото)

Слаѓана Атанасова — Mon, 23 Jan 2023 11:21:02 +0000

Пејачката Александра Младеновиќ откри како ги поминала празниците во родниот Житорад, со родителите, братот и неговите деца, а признала и дека е подготвена за најважната улога во животот. - Сега е се поубаво откако брат ми доби деца, а секоја година тие стануваат се поголеми, разбираат, се повеќе и повеќе се радуваат на тоа, а и ние со нив, како деца. - Во детството беше исто како и сега, само што сега е уште порадосно затоа што нè има повеќе, тие се мали, преслатки, многу интересни, сега ни е уште поубаво и поинтересно. И се сеќавам дека и тогаш беше убаво, одење во црква, подготвување вечера со мама, беше навистина убаво. А ќе биде уште поубаво кога и јас ќе добијам бебе – рече таа, а потоа додаде дека едвај го чека вистинскиот за да се оствари во улогата на мајка. - Секако, дека мајчинскиот инстинкт ми проработи уште одамна, ги обожавам децата, кога ќе се појави вистинскиот маж, ќе се случи и тоа. Александра додала дека Божиќ го поминала работно, но тоа не ја спречило оваа година да биде вистинска домаќинка и да ги подготви сите традиционални јадења со нејзината мајка. Дојдов дома на 4 или 5, веднаш ја ставив престилката, веднаш почнав да се подготвувам со мајка ми. Веројатно сите кога ќе ме видат помислуваат дека не знам ни кафе да правам, но навистина не е така, можам се да подготвам, заедно со мајка ми и снаа ми подготвував, - изјавила Младеновиќ во емисијата Премиер Викенд Специјал. Да потсетиме, врската меѓу Александра Младеновиќ и Исак Шабановиќ прекина само по три месеци врска, а како што тогаш објавија локалните медиуми, наводно главна причина за раскинувањето било нејзиното поранешно момче. Фото: Принтскрин/Инстаграм/Александра Младеновиќ

Милица Павловиќ призна каков партнер посакува: „Мора да знае кога да ја смири лавицата“ (фото)

Слаѓана Атанасова — Thu, 17 Nov 2022 08:06:34 +0000

Милица Павловиќ не е баш вешта во љубовта, но она што е сигурно е дека не губи надеж и верува дека вистинскиот нема да ја одмине. - Признавам дека се заљубувам. Вљубена сум во работата и новите песни. Ми рекоа дека е невозможно по само една година од „Посесивна“ да издадам нов албум - рече Милица Павловиќ, тврдејќи дека не верува во „невозможно“. Многу нејзини колешки целата енергија ја насочуваат кон кариерата, а љубовниот живот поради недостаток на време го оставаат настрана, а дали е тоа случај и со Милица? - Никогаш не сум бил спремна за мажење, тоа е поентата. Кога имав 17 години сакав да се омажам на 22, всушност немав поим за животот. Ако сакам да бидам со некого „постојано“, тој некој мора да ме трпи барем половина колку што ме трпи оваа работа. Тој човек треба да ме жари и пали за да може дури и да биде во мојот систем. Сакам интелигентни и паметни луѓе и тој ќе мора да го разбере ова темпо на мојата работа, што е навистина тешко. Би требало да знае кога да ја смири лавицата, да ја пушти и да не сака таа лавица да биде во кафез. Не сум жена за кафез – призна пејачката, а потоа откри што им недостигало на врските од минатото: Понекогаш јас сум таа што бегам од приказната за да се посветам на работата, но секоја приказна завршуваше на убав начин и со сите сум во коректни односи. Секоја од нив има само убави зборови за мене, нивните мајки секогаш ме поздравуваат и слично - вели пејачката и открива дека во последно време повеќе ја привлекуваат помладите момци. Милица и открила и дека никогаш не го запознала семејството со нејзините партнери, бидејќи имала договор со нив да го запознаат само вистинскиот. Фото:Принтскрин/Инстаграм/Милица Павловиќ

Не можете да го најдете вистинскиот? Еве зошто…

Христина Ѓоргиевска — Tue, 02 Mar 2021 13:33:24 +0000

Пронаоѓањето на вистинскиот партнер не е едноставна работа. Иако можеби не мислиме така, често проблемот е токму во нас, затоа што поради лажните уверувања не успеваме да ја пронајдеме таа посебна личност. Еве шест најчести лажни уверувања што сингл девојките би требало да ги променат за да можат да ја најдат искрената, единствена и вистинска љубов.

Мислите дека на мажите им се допаѓа одреден тип жени

Ако идеализирате одреден тип жени, тогаш најверојатно ќе мислите дека и мажите го мислат истото што и и вие. Но, не сте во право. Кога станува збор за жените, мажите имаат различни вкусови, а што е уште поважно, тие несакаат површни жени. Ним им е поважно жената да се чувствува добро во сопственото тело и да е сигурна во сопствениот изглед и интелегенцијата. Ако и самите го имате овој проблем, задолжително треба да поработите на зајакнување на сопствената самодоверба.

Се споредувате со другите жени

Споредбата е нешто најлошо што можете да го направите, затоа што обично завршува со омаловажување на сопствениот изглед и вредност. Без разлика на тоа дали сметате дека сте подобри или полоши од другата личност, негативноста и љубомората ќе бидат вкоренети во несигурноста и недостатокот на љубов кон себе си. Почнете поинаку да гледате на луѓето околу себе. Фокусирајте се на нивните (но и на сопствените) добри и убави страни. Немојте да се воздржувате да давате комплименти, па себе си ќе се гледате во поинакво светло.

Сметате дека треба да глумите за да го привлечете совршениот маж

Најголемиот проблем е кога сметате дека не сте доволно добри и дека морате да глумите за да го привлечете вниманието на мажот што ви се допаѓа. Сепак, единствениот начин да создадете трајна, одржлива и безусловна врска исполнета со љубов е да бидете она што сте. Ништо друго нема да го задржи покрај вас. Дајте си шанса себе си да бидете весели и опуштени. Не постои ништо попривлечно од жената што е свесна колку вреди и која знае што сака.

Веќе сте си зацртале каков треба да биде идеалниот маж

Сигурно е најдобро да пронајдете партнер кој е совршен во се’. Но, можностите за тоа се премали. Во главата може да имате слика за тоа каков би требало да биде тој и несакате ништо поинакво од од тоа. Наместо да се фокусирате на неговиот физички изглед, обрнете внимание на неговите особини. Неговата страст и амбиции се многу поважни од неговата работа (која најверојатно не го прави среќен). Наместо совршените физички атрибути, побарајте маж кој поседува развиен и отворен дух. Фокусирајте се на квалитетите што се кријат под површината, затоа што токму тие ќе влијаат на вашиот заеднички живот.

Вашиот збор мора да биде последен

Играњето игри не е забавно на долги патеки и само создава чувство на недоверба и конкурентност во врската. Кога помеѓу партнерите владее вечна борба за тоа кој ќе го има главниот збор, тогаш постои и страв дека некој од вас двајцата ќе биде повреден. Тоа е така затоа што сметате дека само со контрола и доследност можете да ја докажете сопствената надмоќност. Но, поради ова, тој најчесто станува незаинтересиран и си оди, а вие останувате со скршено срце. Наместо тоа, обидете се да бидете на иста страна, да најдете компромис и двајцата подеднакво да давате и примате. Ако се обидете, ќе сфатите дека чувството е одлично.

Мислите дека е предоцна за се’

Ако самите себе си се убедувате дека сте ги пропуштиле сите шанси, ќе дојдете во ситуација да престанете да се надевате. Всушност самите себе си си говорите дека она што вистински го сакате, едноставно неможете да го имате. Самите себе си се одбивате пред да ја добиете можноста да бидете одбиени. Заборавете на старите навики и поченете да размислувате позитивно. Убедете се самите себе си дека сепак постои некој што ве чека само вас. Заборавете на грижите и почнете да верувате дека и вам ќе ви се случат убави нешта. Љубовта не може да се планира, таа едноставно се случува. И додека го чекате „оној вистинскиот“ обидете се да остварите подобра и поубава врска со себе си. извор: нетпрес