вистинска – Вистина.мк

Која е разликата меѓу вистинската и токсичната љубов?

Слободанка Илиева — Fri, 21 Oct 2022 12:35:56 +0000

Луѓето ја бараат вистинската љубов, а кога ќе стапат во врска имаат чувство дека им се остварил сонот и дека ја пронашле вистинската сродна душа. Но, дали сè се одвива онака како што тие посакуваат? Постепено, личноста што ја сакате излегува дека е некоја што е сосема поинаква од онаа што првично ја запознавте. Ова е време кога „вистинската љубов“ добива форма на „токсична љубов“. Затоа, пред да стапите во врска, треба да ја знаете разликата меѓу вистинската и токсичната љубов. 1. Љубовта кон себе наспроти важноста на врската Во вистинската љубов развојот на себе е најважен. Двете страни го посакуваат најдоброто една за друга. Во токсичната љубов примарниот фокус е на самата врска каде двете страни се „опседнати“ со начинот на кој се поврзуваат една со друга. 2. Одделни интереси наспроти зависност Во вистинската љубов двајцата партнери имаат слобода да им се посветат на сопствените интереси. Така, тие можат да имаат свои пријатели и надвор од нивните романтични врски. Можат да ги следат интересите и идеите без страв од укор. Во токсичната љубов двајцата партнери се целосно вклучени во животот на еден на друг. Едниот не може да оди никаде без другиот. 3. Слобода наспроти тенденција да го смените партнерот во друга личност Во вистинската љубов нема борба во прифаќањето на индивидуалноста на вашиот партнер бидејќи го прифаќате партнерот таков каков што е. Во токсичната љубов постои екстремен порив да го промените вашиот партнер во некој со кој повеќе би сакале да бидете наместо да го сакате онаков каков што е. 4. Взаемна интимност наспроти принудна интимност Во вистинската љубов интимноста е резултат на длабоката љубов, грижа и наклонетост. Почитта доминира меѓу партнерите во вистинската љубов. Во токсичната љубов интимноста е нешто поради кое се чувствувате под притисок и тоа најчесто поради страв, несигурност од тоа како треба да се усогласите со сексуалните желби на вашиот партнер. 5. Пријателски разговор наспроти расправија Во вистинската љубов разговорот е конструктивен. Секој партнер се обидува да ги разбере емоциите и чувствата на другиот. Партнерите се обидуваат да ги надминат разликите и недоразбирањата преку разговор и комуникација. Во токсичната љубов разговорите започнуваат со тривијални расправии кои на крајот се претвораат во префрлање на вината и манипулација. Откако прочитавте за разликата помеѓу вистинската и токсичната љубов, можеби ќе сакате да прочитате и кои 3 видови хемија се неопходни за да имате вистинска љубов. Извор: themindsjournal.com/кафепауза.мк

Ова се 4 клучни совети како вашата виртуелна љубов да стане вистинска!

Христина Ѓоргиевска — Tue, 22 Jun 2021 13:15:38 +0000

Ако некогаш сте доживеале врска на далечина, знаете за каков напор станува збор, бидејќи не е лесно да се одржи самодовербата и безбедноста кога не ја гледате вашата сакана личност често. Еве неколку совети кои ќе ви помогнат. Избегнувајте тајни Искреноста е можеби најважната работа во секоја врска, особено онаа што работи од далечина. Секогаш зборувајте дали нешто ви пречи и работете заедно за да поминете низ лош период. Нема да можете да го постигнете ова ако ги скриете чувствата или животните настани од партнерот. Разговарајте секојдневно Во денешно време, одржувањето на таква врска не е толку тешко како порано. Освен технологијата што ја поседувате, нема причина да не споделувате едни со други што сте направиле тој ден, бидејќи тоа ќе ја одржи вашата врска жива. Сепак, препораката на експертите е да испраќате говорни пораки почесто отколку СМС, бидејќи не е секогаш можно преку текстуална порака да заклучите што сте размислувале и на кој начин. Дефинирајте ја сериозноста на врската Пред да започнете со оваа врска, мора да ги дефинирате поимите. Врската на далечина вклучува жртва, но ако навистина верувате дека сте еден за друг, тогаш нема да ви биде важно. Договорете се колку пати ќе се слушате секој ден во зависност од одговорностите што ги имате и двајцата и дали ви е дозволено да гледате други луѓе. Имајте јасна цел Овој вид на врска не може да работи засекогаш. Затоа е важно на самиот почеток да ја одредите вашата крајна цел со вашиот партнер. Верувањето дека во иднина конечно ќе живеете на истото место за вашата врска е како светло на крајот од тунелот. извор: Курир.мк

Дали вашата љубов е вистинска или случајна комбинација?

Моника Манасиевска — Wed, 31 Oct 2018 14:45:14 +0000

Честопати, девојката не е сигурна околу својата позиција во врската и сѐ што е поврзано со тоа, па во умот се вртат прашањата „Зошто не сакаше да ми се јави пред пријателите?“, „Зошто не ми се јавил три дена?“… „Периодот на пеперутките“ веќе заврши, па нејзе ѝ се чини дека тој сѐ почесто едвај чека таа да замине, за да може непречено да продолжи со своите обврски. И, во такви ситуации многу жени се лажат себеси дека се сложуваат со тоа и дека не им пречи, а всушност многу им пречи. Во овој случај, според стручните лица и советувачите, најважна е искреноста. Настојувајте тој да биде целосно искрен со вас. Се јавува само по полноќ Доколку момчето може да ви пише СМС порака во 1:40 часот по полноќ, а не може во 13:40 попладне, просто не му одговарајте. Ова е најсилниот признак дека него го интересира само секс и не му се прави многу муабет преку ден. Одбива да ве запознае со пријателите Ако има сериозни намери, ќе сака да ве претстави на своите пријатели. Можеби ќе договори заедничко излегување, или пак, ќе објави ваша слика на Инстаграм… Ќе најде начин. Ако, пак, за време на прошетка тој цело време гледа преку рамото стравувајќи дека ќе види некој познат, не се надевајте на нешто посериозно. Комуникацијата оди тешко Сигурни сте дека не сте дотолку здодевна личност, но секогаш кога разговарате, вашиот партнер некако, има израз на лицето како да не сака да биде со вас во тој момент. Доколку е навистина заинтересиран, ќе го занимаат вашите желби, интереси, амбиции, хобија… Можеби не за сите подробности, но барем малку мора да биде заинтересиран. Не пружа каква било поддршка Тоа вие сами ќе го почувствувате, ако вашиот партнер речиси никогаш не е подготвен да ви понуди поддршка се надевате, и кога тоа е потребно.