вистина ком мк – Вистина.мк

Уредникот на „Вистина“ Антонио Димитриевски на „Жешко столче“: „Ние сме таблоид, но името доволно кажува дали објавуваме лажни вести“ (ВИДЕО)

Антонио Димитриевски — Mon, 18 Dec 2023 08:18:50 +0000

Некогашен музичар кој свирел на тапани во неколку значајни македонски рок групи, меѓу кои најпозната е секако „Меморија“ со која го снима и првиот нивни албум „Оган под ѕвездите“. Речиси три и пол децении во новинарскиот еснаф. Новинар, уредник, ТВ и радио водител, која работел во сите можни медиуми. И електронските и печатените и овие кои се онлајн. Од Млад борец и Фокус, преку МРТВ и Радио Слободна Македонија, до Вистина... Од извршен продуцент и сопственик на „Премиер продукција“ до проект менаџер една цела деценија на „Универзална сала“. Од „Пулсирања“, „Шоуто мора да продолжи“, „Мислам дека имаме хит“, „Хит на месецот“, „Евтини приказни“, до „5 минути Вистина на РСМ“ и „Ништо лично“ на Слободен печат... Автор и организатор на две клучни манифестации кои ја вреднуваа, валоризираа и наградуваа македонската музика и нејзините автори и изведувачи на најрелевантен начин уште во почетокот на 90-те... „12 Величествени“ како и „Македонскиот радиски фестивал - МАкедонската Радио Селекција - МАРС“ кој ги наградуваше најслушаните песни во годината по избор на македонските радиостаници, официјален ПР на последниот „Макфест 2023“... Последните десет години основач новинар и уредник на порталот за култура, забава, естрада, мода, музика... Вистина.ком.мк - Антонио Димитриевски на гости кај младиот водител Никола Трпковски, седнат на „Жешко столче“ во неговиот истоимен подкаст одговараше на скокотливите прашања за македонската естрада, нејзините ѕвезди и оние кои тоа би сакале да бидат, за оние кои тоа не се, а мислат дека се, за соработката и релациите со нив и нивните менаџери, за порталот во кого е новинар и уредник последнава деценија, за новинарството и т.н. онлајн новинарство, за односот со колегите од другите медиуми, за паралелите помеѓу популарните од регионот и домашните изведувачи, за Министерството за култура, медиумите, прајм тајмот, забавата... За многу нешта за кои другите не можат, не смеат или не сакаат да зборуваат или немаат што да кажат... Сето ова во видеото кое можете да го погледнете во продолжение...

„Вистина“ ја истурка првата деценија: Десет години оригинални, уникатни, препознатливи… вистински!

Антонио Димитриевски — Mon, 20 Nov 2023 08:07:58 +0000

20 ноември, ден денешен, 2013 година… Денот кога пред една цела деценија тогаш само на нашиот, набргу па се' до денес многу повеќе Ваш портал Вистина.ком.мк, (Vistina.com.mk) осамна првиот текст. … Тогаш уште еден нов онлајн медиум, денес познат, признат, етаблиран и што е најважно многу посетуван и читан портал. Бевме и останавме Ваш медиум. Не дека ги нема доволно. Напротив. Или дека меѓу другите нема и доволно добри. Ни случајно, иако таквите на прсти можат да се избројат. Но, нам уште од првиот ден не ни е целта да бидеме подобри од некого. Целта ни беше да бидеме поразлични. Уникатни, препознатливи, оригинални, единствени… Бренд сам по себе. Препознатлив штом му се спомене името. Затоа за сите овие години се потрудивме да не бидеме еднолични, исплакнати и само едни од многуте. Од првиот објавен текст не само ги пренесувавме информациите туку ги создаваме, им одиме на настаните и збиднувањата во пресрет, наместо да чекаме некој друг да ни раскаже што таму се случило, а ние само тоа да го преџвакаме. Постојано гребеме под површината за да ја ископаме вистината, наместо компромисно да Ви сервираме фингирани приказни, испеглани информации, премолчени факти, препишани написи… Едноставно ние создаваме приказни! Ветивме дека ќе бидеме интригантни и забавни, провокативни и шокантни, гламурозни и екстравагантни, хумористични и сатирични, но и едукативни и издржани, информативни и промотивни, сериозни и ригорозни, доблесни и бескомпромисни… Се со цел да Ви ја доближиме реалноста. И останавме доследни на ветеното. И покрај сите „сцили и харидби“ , бури и премрежја низ кои годиниве минувавме и се’ уште минуваме во овие турболентни времиња и опасни години на живеење. Се’ уште сме тука со Вас и за Вас и планираме уште долго да бидеме, за да Ви ја понудиме вистината на дланка, зошто како што велат, секој има своја вистина, но само една е онаа – „вистинската“. Или како што ние велиме: Само една има вистина – Вистина.ком.мк… Се’ друго е… Знаете веќе што. Затоа, од срце Ви благодариме што од првиот напишан збор и првата објавена фотографија до ден денес останавте со нас. Верна читателска публика, која постојано се зголемува, расте… Ние и понатаму ќе бидеме првите што ќе се потрудат да ви овозможат да дознаете повеќе од тоа што го знаете, или она што вообичаено досега сте можеле да го дознаете. Зашто сме естрадно-забавна лектира, единствена по својата содржина и по начинот како истата е презентирана. И за читателите и за препишувачите во овој виртуелен хаос, во ова онлајн „село без кучиња“, во кое мнозинството „лингури“ секојдневно безидејно талкаат од портал до портал, бесрамно крадејќи од малкуте вистински, за потоа нивното „копи-пејст“ препишување на туѓите идеи, истражувања, приказни, написи… да го преставуваат како свое дело. Затоа, само една има Вистина… Единствена оригинална, уникатна, препознатлива… Вистина.ком.мк! Ова се нашите први 10 години… Наши и Ваши, за што од се’ срце Ви благодариме на времето, вниманието, лојалноста, довербата, која никогаш нема да ја изиграме и нема да ве изневериме! А, годините...? Само нека ни се множат... И нам и Вам!

Вистина.ком.мк ви посакува среќни Велигденски празници

Антонио Димитриевски — Sun, 16 Apr 2023 05:45:30 +0000

„Велигден, Христовото воскресение... Еден од најголемите христијански празници. Празник на надежта кој ги исполнува срцата со топлина, а мислите со оптимизам и верба. Со љубов и добра мисла да му се радуваме на животот. Постојано со нас нека бидат присутни добрината, дарежливоста, добродушноста, чесноста, искреноста... човечноста. Христијанството би било празно без Христовото воскресение, а нашите животи без љубов, сочувство, емпатија, морал, споделување, благодарност... Вистина.ком.мк ви посакува среќни Велигденски празници... Христос воскресна - навистина воскресна... За многу години Велигден!

Девет години Вистина

Антонио Димитриевски — Sun, 20 Nov 2022 11:32:29 +0000

20 ноември, 2013 година… На овој датум пред 9 години се “роди“ нашиот портал, осамна првиот текст на Вистина.ком.мк… Тогаш уште еден нов медиум, денес познат, признат, почитуван, етаблиран и што е најважно многу посетуван и читан портал. Бевме и останавме Ваш медиум. Не дека ги нема доволно. Напротив. Или дека меѓу другите нема и доволно добри. Ни случајно, иако не нема многу. Целта ни беше да бидеме поразлични. Уникатни, препознатливи, оригинални, единствени… Бренд сам по себе. Препознатлив штом му се спомене името. Своевидна „лектира“ за сите останати што се занимаваат со нашата проблематика! Ние од првиот објавен текст ги создаваме информациите наместо да чекаме сами да ни дојдат, им одиме на настаните и збиднувањата во пресрет, наместо да чекаме некој друг да ни раскаже што таму се случило, а ние само тоа да го преџвакаме, постојано гребеме под површината за да ја ископаме вистината, наместо компромисно да Ви сервираме фингирани приказни, испеглани информации, премолчени факти, препишани написи… Срамен „копи-пејст“ од туѓи, украдени текстови, од нечие авторство како што тоа го прават повеќето во „морето останати“! Затоа ние и сме поразлични, интригантни и забавни, провокативни и шокантни, гламурозни и екстравагантни, хумористични и сатирични, но и едукативни и издржани, омилени и омрзнати, информативни и промотивни, сериозни и ригорозни, доблесни и бескомпромисни… Се со цел да Ви ја доближиме реалноста. така започнавме и останавме доследни на ветеното. И покрај сите бури и премрежја низ кои годиниве минувавме и се’ уште минуваме во овие турболентни времиња и опасни години на живеење. Се’ уште сме тука со Вас и за Вас и планираме уште долго да бидеме, за да Ви ја понудиме вистината на дланка, зошто како што велат, секој има своја вистина, но само една е онаа – „вистинската“. Или како што ние велиме: Само една има вистина – Вистина.ком.мк… Се’ друго е… Знаете веќе што. Затоа, од срце Ви благодариме што од првиот напишан збор и првата објавена фотографија до ден денес останавте со нас. Верна читателска публика, која постојано се зголемува, расте… Ние и понатаму ќе бидеме оние што ќе се потрудат да ви овозможат да дознаете повеќе од тоа што го знаете, или она што вообичаено досега сте можеле да го дознаете ка останатите. Естрадно – забавна „лектира“ за читателите. Но и за препишувачите во овој виртуелен хаос, во ова онлајн „село без кучиња“, во кое мнозинството „неписмени џукели и лингури“ секојдневно безидејно талкаат од портал до портал, бесрамно крадејќи од малкуте вистински, за потоа нивното „копи-пејст“ препишување на туѓите идеи, истражувања, коментари, написи… неказнети за кражбата безобразно да го преставуваат како свое дело. Затоа, само една има Вистина… Единствена, оригинална, уникатна, препознатлива… Вистина.ком.мк! Ова се нашите први 9 години… Наши и Ваши, за што од се’ срце Ви благодариме на времето, вниманието, лојалноста, довербата… која никогаш нема да ја изиграме, нема да ве изневериме!

Вистина.ком.мк, 7 години со Вас: Естрадно – забавна „лектира“ за читателите и… препишувачите!

Антонио Димитриевски — Fri, 20 Nov 2020 09:00:36 +0000

20 ноември, ден денешен, 2013 година... Пред 7 години се “роди“ нашиот портал, осамна првиот текст на Вистина.ком.мк... Тогаш уште еден нов медиум, денес познат, признат, етаблиран и што е најважно многу посетуван и читан портал. Бевме и останавме Ваш медиум. Не дека ги нема доволно. Напротив. Или дека меѓу другите нема и доволно добри. Ни случајно, иако не нема многу. Но, нам уште од првиот ден не ни е целта да бидеме подобри од некого. Целта ни беше да бидеме поразлични. Уникатни, препознатливи, оригинални, единствени... Не бренд за себе, туку бренд сам по себе. Препознатлив штом му се спомене името. Затоа за сите овие години се потрудивме да не бидеме еднолични, исплакнати и само едни од многуте. Ние од првиот објавен текст ги создаваме информациите наместо да чекаме сами да ни дојдат, им одиме на настаните и збиднувањата во пресрет, наместо да чекаме некој друг да ни раскаже што таму се случило, а ние само тоа да го преџвакаме, постојано гребеме под површината за да ја ископаме вистината, наместо компромисно да Ви сервираме фингирани приказни, испеглани информации, премолчени факти, препишани написи...! Ветивме дека ќе бидеме интригантни и забавни, провокативни и шокантни, гламурозни и екстравагантни, хумористични и сатирични, но и едукативни и издржани, омилени и омрзнати, информативни и промотивни, сериозни и ригорозни, доблесни и бескомпромисни... Се со цел да Ви ја доближиме реалноста. И останавме доследни на ветеното. И покрај сите „сцили и харидби“ , бури и премрежја низ кои годиниве минувавме и се' уште минуваме во овие турболентни времиња и опасни години на живеење. Се' уште сме тука со Вас и за Вас и планираме уште долго да бидеме, за да Ви ја понудиме вистината на дланка, зошто како што велат, секој има своја вистина, но само една е онаа - „вистинската“. Или како што ние велиме: Само една има вистина - Вистина.ком.мк... Се' друго е... Знаете веќе што. Затоа, од срце Ви благодариме што од првиот напишан збор и првата објавена фотографија до ден денес останавте со нас. Верна читателска публика, која постојано се зголемува, расте... Ние и понатаму ќе бидеме првите што ќе се потрудат да ви овозможат да дознаете повеќе од тоа што го знаете, или она што вообичаено досега сте можеле да го дознаете. Но, ние не нудиме само повеќе. Нудиме нешто сосема поразлично! Зашто сме естрадно-забавна лектира, не единствена по својата содржина, туку по начинот како таа содржина е презентирана, пласирана, напишана, кажана, обзнанета, објавена... Естрадно - забавна „лектира“ за читателите. Но и за препишувачите во овој виртуелен хаос, во ова онлајн „село без кучиња“, во кое мнозинството „лингури“ секојдневно безидејно талкаат од портал до портал, бесрамно крадејќи од малкуте вистински, за потоа нивното „копи-пејст“ препишување на туѓите идеи, истражувања, коментари, написи... да го преставуваат како свое дело. Затоа, само една има Вистина... Единствена оригинална, уникатна, препознатлива... Вистина.ком.мк! Ова се нашите први 7 години... Наши и Ваши, за што од се' срце Ви благодариме на времето, вниманието, лојалноста, довербата... која никогаш нема да ја изиграме, нема да ве изневериме!