вина – Вистина.мк

Дали барате вина во другите? Показатели дека можеби вие сте вистинскиот проблем во врската

Слаѓана Атанасова — Tue, 21 Mar 2023 12:59:12 +0000

Многу луѓе доаѓаат на терапија откако романтичната врска со партнерот им пропаднала, а најмногу се жалат на грешките на „другата страна“. „Партнерот не ми одговара веднаш на пораките, тоа многу ме лути“, „Се гледавме лежерно некое време и се одеше добро, зошто не сака врска?“, „Навистина би сакала да знам со кого мојот поранешен избра да ме замени“… Сите горенаведени прашања се одраз на токсичноста, но не само на врската, туку често и на нас самите. Иако сакаме да бидеме најдобри партнери во светот, моделите на однесување кои се развиваат уште од детството влијаат на сите меѓучовечки односи што ги создаваме во текот на животот. Познатите „црвени знамиња“ во љубовната врска се следни. 1. Претерано романтизирање на партнерот Кога идеализираме личност и носиме „розови очила“, ги замислуваме какви што би сакале да бидат, па често во главата си создаваме сценарио кое отстапува од реалноста. Иако нема ништо лошо во мала „илузија“, преголемата романтизација на вашиот партнер укажува на подлабоки проблеми како што се недостаток на самопочит и самодоверба. Ако на некоја личност ѝ дадеме сè прерано, личноста со која сме во врска се чувствува супериорно, што автоматски не прави помалку привлечни. Според една студија, луѓето со висока самодоверба не попуштаат во своите морални вредности без оглед на тоа какви барања носи врската; тие секогаш се ставаат себеси на прво место. Недостатокот на самодоверба предизвикува козависност во односите, односно зависност од друга личност и нивна валидација, што често резултира со изразување на нереални очекувања и барања веднаш по средбата. Споменатите обрасци можете да ги спречите да ви ја уништат врската доколку му дозволите на партнерот да работи напорно околу вас и да докаже дека ве заслужува преку гестови на внимание, однесување и комуникација. Исто така, би било добра идеја да се побара мислење од „трета страна“ за да се разликува субјективноста од објективноста. 2. „Трчање“ по некој кој штотуку излегол од врска Не можеме да избереме кој ни се допаѓа, но можеме да ги контролираме нашите постапки за да избегнеме последици. „Бркањето“ на личност која штотуку напуштила емотивната врска може да значи проблем со давање простор и време на другите луѓе, на кои тоа им е потребно. Ако вашиот потенцијален партнер често се присетува на бившиот преку вашите разговори, тоа значи дека сеќавањата се уште се многу свежи во неговиот ум и дека раните веројатно не се залечени. Ако, пак, зборува негативно за неа, покрај тоа што е големо црвено знаме бидејќи кажува многу за личноста што ја „раскажува приказната“, тоа е и знак дека тој не е подготвен да продолжи понатаму. Исто така, внимавајте на луѓето кои почнуваат со силно додворување, а потоа некаде на средината на патот се „оладуваат“. 3. Очекување врска само затоа што сте имале интимни односи „Односи без конци“, „friends with benefits“, се само дел од термините за врска каде што има интимност, но само во спалната соба. И тоа веќе не е табу. Меѓутоа, често се случува еден човек да сака „повеќе“, па во таа желба да се изгори и да згреши. Ако сакате да ја подигнете вашата „врска“ на повисоко ниво, треба отворено да разговарате за тоа со личноста со која се гледате. Исто така, важно е да поминете некое време надвор од спалната со лицето со кое спиете и да пробате различни активности за да видите дали имате заеднички интереси или само силна хемиска привлечност. Врската бара многу повеќе од лачењето на феромони и важно е да се тестира компатибилноста на ментално и духовно ниво. Извор: Попара.мк

Трагична судбина: Откриена причината како ослепеле Дејан и Саша Матиќ и кој е виновен!

Слободанка Илиева — Wed, 22 Nov 2017 10:19:33 +0000

Близнаците Дејан и Саша Матиќ се родени на 26. април 1978 година како здрави, но прерано родени кои мајката и таткото морале своите деца да ги сместат во инкубатор во породилиштето во Загреб.

Од неутврдени причини, двете бебиња по само неколку дена во болница, ослепеле, а тој недостаток судбината им го надоместила со извонредниот музички телент кои со години се едни од најпопуларните пајчи во Србија и во регионот.

На најпопуларните пејачи на народната музика многу често во медиумите им биле поставувани чудни прашања кои водителите најверојатно не се добро упатени околу нивната животна приказна.

Како на пример, еден ТВ водител го прашал Саша за неговиот брат Дејан - дали е вистина дека поради него не сака да ги оперира очите, иако знае дека после тоа ќе прогледа, што ова не е случај кај Саша.

Пејачот рекол дека нема одговор за тоа.

Очигледно дека поради недоволно информираност на водителот за нивната животна тажна приказна, знаат да направат голема непријатност. Тие двајца, имено, како недоносени близнаци биле во инкубатор и поради невнимание на медицинската сестра ослепеле, а бебињата биле родени со извонреден вид.

Но, сепак многу малку е познато како Саша изгледа без очила.

Најдобрите есенски дестинации во Европа за храна и вино

Антонио Димитриевски — Mon, 20 Nov 2017 13:56:41 +0000

Европските градови во овој период од годината организираат есенски фестивали за храна и вино, со менија од разни комбинации на сезонски производи. Од Андалузија до Хелсинки, преку шкотските висорамнини, ова се дел од советите на туристите за закуски низ Европа. Валтелина- гастрономски рај во есен Валтелина, град во Швајцарија, во близина на италијанските Алпи, важи за гастрономски рај во есен. Долините се полни со костени, има рамна почва со винова лоза, кои произведуваат разни вкусни вина. Развиен е агротуризмот, има винска патека, а специјлитет се сирење, месо и особено, лебот од орев. Чорба и кнедли, Тирол, Австрија Посетете ја Австрија во рана есен и уживајте во задоволствата на свежо собраните печурки во вкусна чорба, со плус додаток- од локалниот специјалитет – кнедли. Една чаша вино направена од сорта на грозје одгледувана во Австрија, Словачка, Словенија и Чешка дава соодветно освежување. Заокружете го оброкот со парче торта од слива со шлаг одозгора. Фестивал на шунка, Андалузија, Шпанија Градот Арасена (оддалечен на 90 минути возење со кола северно-западно од Севиља) и овој октомври беше домаќин на „Фериа дел хамон Иберик“, фестивал кој го слави локалниот деликатес- шунка. Во градот во кој има и Музеј на шунка, покрај маркетот и тезгите, има натпревар во сечење на шунка, како и можност за гостинот да добие шунка во износ на неговата тежина. Фестивал на харинга во Финска И финскиот главен град Хелсинки секој октомври е домаќин на еднонеделниот фестивал на харинга, кој се организира стотици години. Фестивалот не е само за харингите, туку и во чест на рибарите, и со тоа се означува крајот на летото и на сезоната. Рибарите доаѓаат од цела Финска, има музика во живо, тезги со харинги, се продаваат плетени капи и чорапи, џемови, суво месо. Шкотски деликатеси Шкотска го нуди најдоброто од себе, токму во есенските месеци. Овде готвачите најдобро ги разбираат годишните времиња, и можете да вкусите вкусни и креативни јадења од локален дивеч, домашно цвекло, свежи печурки и разни зеленчуци. Пинчос во Сан Себастијан Познатите пинчос во Сан Себастијан , Шпанија ги отсликуваат годишните времиња, а за време на есента, карактеристични се пинчос со вкусни, локални, диви печурки. Секој ресторан има различна понуда, па нема да ви се случи два пати да пробате ист вкус. Извор:Винотика.мк