вилијам – Вистина.мк

Хари во неговите мемоари откри дека принцот Вилијам, физички го нападнал и го соборил на земја (фото)

Слаѓана Атанасова — Thu, 05 Jan 2023 10:14:13 +0000

Принцот Хари и Меган Маркл не престануваат да ја шокираат јавноста со нивната исповед од животот во британското кралско семејство, кое го напуштија во 2020 година. После серијалот „Хари и Меган“, кој многумина изненади, помалиот син на кралот Чарлс сега во автобиографијата објавил дека неговиот брат, принцот Вилијам, го нападнал и го соборил на земја. Принцот Хари својата книга ја нарекол „The Spare“, мислејќи на фразата на кралските семејства кои секогаш имаат најмалку две деца – престолонаследникот и „резервниот“. Во книгата напишал дека принцот Вилијам физички го нападнал и го соборил на земја и ја навредувал Меган Маркл. „Расправијата беше во нашата куќа во Лондон во 2019 година. Му реков дека се однесува нерационално, а тој ја нарече Меган тешка, невоспитана и кавгаџика. Му реков дека како папагал ми го повторува она што го пишуваат таблоидите за неа, а потоа почна да вика по мене“, се сеќава принцот. „Ме фати за јаката, ми го скина ланчето и ме фрли на земја. Паднав на садот за вода на нашето куче, кој се скрши. Останав со видливи повреди, модринки и исеченици од парче од садот, на грбот. Лежев на подот зашеметен, а потоа станав и му реков да излезе надвор“, напишал принцот Хари. „Вилијам ми одговори - ајде, возврати ми удар. Така се расправавме кога бевме деца. Одбив и тој замина. Малку подоцна се врати и се извини. Пред да излезе се сврте и ми рече дека Меган не треба да знае за инцидентот. Го прашав дали мисли на нападот. Тој ми одговори дека не ме нападнал“, вели принцот Хари. Тој понатаму пишува дека првично не ѝ кажал на Меган за нападот, туку прво ѝ се јавил на својата терапевтка. Меган Маркл дознала за тепачката дури кога ги забележала повредите на неговиот грб. Извадоци од книгата објави британски „Гардијан“, а „Дејли мејл“ пишува дека е голема мистерија како новинарите успеале да дојдат до копија од автобиографијата на принцот Хари, бидејќи издавачот „Пингвин Хаус“ презел многу мерки за ниту еден збор да не „протече“. Фото: Принтскрин/Профимедиа

Повеќе на vistina.mk

Конечно заедно еден покрај друг: Принцот Вилијам и Хари ја открија статуата на Дајана (фото)

Христина Ѓоргиевска — Fri, 02 Jul 2021 08:21:53 +0000

Војводите од Кембриџ и Сасекс, принцот Вилијам и Хари заедно ја открија статуата на покојната принцеза Дајана, а по тој повод изјавија: „секој ден сакаме таа да е со нас овде“. Принцовите присуствуваа на церемонијата во дворот на Кенсингтонската палата на денот кога нивната мајка ќе наполнеше 60 години. Ова беше прво нивно заедничко појавување од погребот на нивниот дедо, принцот Филип кој почина во април. „Се сеќаваме на нејзината љубов, каракатер и сила“ изјавија тие. „Нејзините особини ја направија позната ширум светот и таа промени многу животи на подобро“. Тие истакнаа дека се надеваат дека споменикот секогаш ќе биде симбол на нејзиниот живот.

Повеќе на vistina.mk

Кејт и Меган ги скараа браќата: Вилијам и Хари повеќе не се дружат, зашто жените им ги замрсија конците и ним и на целото кралство (ФОТО)

Антонио Димитриевски — Thu, 29 Aug 2019 09:35:07 +0000

Принцот Вилијам (37) и војвотката од Кембриџ Кејт (37) ги преименуваа со друго име своите организации за добротворни цели и со тоа „официјално се разделија“ од Меган Маркл (37) и принцот Хари (34). Според документите објавени од британските медиуми, Кејт и Вилијам легално го смениле името на организацијата во Кралската фондација на војводата и војвотката од Кембриџ. Тоа е последниот чекор во одвојувањето на Хари и Меган од некогашното заедничко добротворно друштво, откако престанаа да поставуваат свои фондации.

Извори од Кралската палата разбирливо, негираат дека имало кавги меѓу браќата и нивните животни придружнички. Браќата ја основаа Кралската фондација во 2009 година, а Кејт се приклучи на две години подоцна, откако се омажи за Вилијам, додека таа оттогаш е клучен дел од неговата работа.

Ова не е единствениот пат кога браќата се разделија. Поточно, Меган и Хари имаат свој профил на Инстаграм, одвоен од Вилијам и Кејт. Експертите што го следат кралското семејство рекоа дека го сториле тоа со цел да се приближат што е можно поблиску до следбениците.

Односно, Хари и Меган често пишуваат свои постови под фотографиите, додека за Вилијам и Кејт тоа не е случај. За двојката тоа го прават експерти од нивниот тим. Многумина тврдат дека сопругите се среќни што ги одвоиле браќата за себе.

Војвотката од Сасекс инсистираше на тоа откако се омажи за принцот, затоа што поранешната актерка не е научена да живее во големо семејство.

Повеќе на vistina.mk

Принцот Вилијам се огласи по повод раѓањето на внукот и со пораката го насмеа целиот свет

Слободанка Илиева — Wed, 08 May 2019 08:34:27 +0000

Принцот Хари и Меган Маркл на 6-ти мај во раните утрински часови станаа родители на машко бебе, а цела Англија се уште го слави доаѓањето на свет на уште едно кралско бебе. Принцот Вилијам и Кејт Мидлтон изјавија дека едвај чекаат да се запознаат со новиот член на семејството, а принцот Вилијам имаше и посебна порака за својот брат и новопечен татко Хари.

-Морам на Хари да му посакам добредојде во „друштвото ненаспани родители“ – се пошегува Вилијам, додека Кејт додаде дека се радуваат и едвај чекаат да дознаат кое име ќе го добие новиот наследник. Кралицата Елизабета и принцот од Велс исто така ја споделија со јавноста својата радост поради раѓањето на новиот челен на големото кралско семејство.

Повеќе на vistina.mk

Се шпекулираше дека е бремена со четврто, но Кејт Мидлтон нема да има уште деца и тоа поради Вилијам?!

Слободанка Илиева — Wed, 27 Mar 2019 11:08:03 +0000

Принцот Вилијам веќе даде до знаење дека не е воодушевен од идејата тој и Кејт да добијат ново дете. Иако се шпекулираше дека очекува уште едно дете, се чини дека Кејт Мидлтон не планира нова бременост. Како што објавија британските медиуми, Војвотката од Кембриџ ги известила новинарите дека нема намера повторно да биде бремена. "Што велите за бебе број четири?" Праша еден од новинарите. "Мислам дека тоа Вилијам многу ќе го загрижи", рече Кејт. Принцот Вилијам во неколку наврати објави дека не го привлекува помислата да има уште едно дете.

"Спиењето во моментот е мој највисок приоритет, бидејќи кога бебето доаѓа, тоа нема да биде можно повеќе", рече тој неколку недели пред раѓањето на трето дете. Откако се роди принцот Луј, Вилијам бил многу уморен за секојдневниот ангажман. "Две деца се во ред, но не знам како да се справам со три. Мислам дека ќе бидам постојано уморен и исцрпен ", рече тогаш. Кејт и Вилијам имаат три деца, принцот Џорџ и Луиз, и принцезата Шарлот.

Повеќе на vistina.mk

Иако им се родители, Кејт и Вилијам не се старатели на своите деца

Слободанка Илиева — Thu, 23 Aug 2018 12:10:24 +0000

Сигурно се запрашавте како е можно родителите да не бидат старатели на сопствените деца, но во кралското британско семејство тоа е можно. Имено, според закон стар 300 години, малите принцови и принцези се под старателство на монархот на Англија, а тоа е кралицата Елизабета. Па така, кога родителите сакаат да ги однесат децата надвор од земјата, дозвола треба да добијат од старателот.

Законот е воведен од страна на кралот Џорџ Први, кој владеел околу 1700 година. Кога принцот Чарлс ќе стане крал, ќе биде старател на децата на Вилијам и Кејт, како и на идните наследници на Хари и Меган.

Повеќе на vistina.mk