виктор апостоловски – Вистина.мк

Битолска свадба со сите адети: Виктор Апостоловски официјално е женет човек- пејачот секогаш уникатен, па и на големиот ден (фото)

Слободанка Илиева — Sun, 18 Jun 2023 09:14:25 +0000

Викендите секогаш се рецервирани за свадбени веселби, кои периовод ги има доста на естрадата. Овој викенд, односно вчера, сабота, во Битола свадбаа правеше пејачот и композитор, Виктор Апостоловски кој се ожени со својата вереница Минела Доневска. Младите сакале свадбата да биде со сите адети, па младоженецот уште рано отишол со музика да ја земе невестата од семејството. Специфичен како и секогаш, Виктор на главата имаше црн шешир, а пристигна во црвен олдтајмер, налик на стар холивудски филм, а на веселбата разбирливо се фати за микрофон, а направил и песна за првиот танц. Невестата пак во бајковита корсетирана венчаница со огромна кринолина за ултра впечаток. На свадбата биле поканети 300 гости, а веселбата се случила во еден битиолски ресторан. Инаку, Виктор и Милена која инаку по професија е медицинска сестра, беа во врска околу три години, а запросувањето се случи во јнуари годинава, кога тој на патување во Турција реши да и стави прстен на раката. фото:Инстаграм принтскрин

Виктор Апостоловски му беше гостин на јутјуберот Мими Марковски, а уште на почетокот му откри како е да си тазе женет (фото)

Слаѓана Атанасова — Thu, 27 Apr 2023 06:23:25 +0000

Битолскиот јутјубер Мими Марковски овој пат во неговото југо го собра пејачот Виктор Апостоловски, па гледачите на неговите интересни видеа имаа можност да слушнат совет од тазе женетиот соговорник. Виктор уште на почетокот нагласи дека бидејќи сега му е нова жената, си ја гушка и сака па, затоа го доби и прашањето: „Како е да си женет вака тазе?“ На што пејачот видно возбуден раскажа и сподели што тоа значи: „Да ти кажам право чудна работа е, сите ти велат жени се и после од кога ќе ја запросиш ти велат е сега ќе видиш што те чека“ - мафтајќи со прстот како опомена за мало дете кое направило голема грешка и напоменувајќи дека после е џабе штом веќе е готова работата... Па бесплатниот советот што го делат сите наоколу е многу нејасен?

View this post on Instagram

A post shared by Mimi Markovski (@mimi4u16)

Понатаму во видеото Виктор истакна дека со вереницата сѐ уште не живеат во официјална заедница. Иако, Виктор неговата избраничка официјално ја запроси во Турција, тој сега откри дека таа поради емоционалната приврзаност со нејзините родители уште малку сака да ужива по старо. Целиот разговор на пејачот Виктор Апостоловски и Мими Марковски проследете го во продолжение: Фото: Принтскрин/Инстаграм/Јутјуб

Стефан Спироски празнично ја промовираше својата прва авторска песна – „Овој Велигден“ (ВИДЕО)

Антонио Димитриевски — Tue, 18 Apr 2023 12:43:07 +0000

Стружанецот Стефан Спироски празнично ја промовираше својата прва авторска песна „Овој Велигден“ со две верзии, на македонски и хрватски јазик. Тој ја направи музиката заедно со Александар Петрески. Хрватската верзија „Свети Дан” на хрватски јазик ја напиша познатата хрватска пејачка, Антонија Шола. Спироски го истакнува посебното значење на оваа негова прва песна и со посветата на неговата девојка. Видеото за оваа песна го изработи нашиот познат артист Виктор Апостоловски. Истото е снимано во преубавата Глобочица во Струга, а главната улога ја толкува стружанката Ивона Јованова. Како сето тоа звчи изгледа, проследете од видеото во продолжение (КЛИКНИ ТУКА):

„Значи алал да ми е”: Виктор Апостоловски задоволен од одлуката, а следбениците му посакаа добредојде во клубот на брачните парови (фото)

Слаѓана Атанасова — Mon, 30 Jan 2023 08:54:25 +0000

Пејачот Виктор Апостоловски неодамна пред јавноста обелодени дека одлучил да се жени и јавно ја запроси неговата девојката на Босфор. Апостоловски, тогаш ги изненади своите следбеници кога на интересен, спонтан начин ја побара раката на неговата сакана Милена Доневска, па со тоа стави крај на една етапа од неговиот живот. Овој пат, пејачот, кој на јавност и стана познат од шоуто „Македонски Идол“ потврди дека е сигурен во одлуката која ја донесе, па напиша: „Значи алал да ми е“ - на шеговит начин си потврди битолчанецот сам на себе кој успеал да ја сликне раката на саканата и одблизу. Сега доби силна поддршка и потврда од неговите фанови кои му посакаа добредојде во клубот на „впловени во брачните води“, откако тој уште еднаш потврди дека нема бегање и дека си стои на дадениот збор: „Убава невеста и убав прстен“, „Честитки уште еднаш и добредојдовте во клубот на брачните парови“, „Навистина секоја чест Виктор, среќни и вечни“ - му посакаа тие. Дали наскоро ќе има и официјален чин во матично, а можеби набрзо и свадба пред олтар и дали одлуката била неизбежна, зашто невестата е во „блажена состојба“, се е информации кои најдобро им се познати само на вљубените гулапчиња. Епа Виктор, навистина алал да ти е , среќни и вечни и од Бога благословени! Фото: Принтскрин/Инстаграм/Виктор Апостоловски

Тргна со естрадните бракови: И Виктор Апостоловски се жени- девојката ја запроси на Босфор (видео)

Слободанка Илиева — Sun, 22 Jan 2023 08:45:43 +0000

На македонската естрада викендиов и тргнало со многу љубов, запросувања и бракови... И битолчанецот Виктор Апостоловски синоќа пријатно ги изненади фановите. Имено, пејачот кој јавноста го познава од шоуто „Македонски Идол“ деновиве е на романтилно патување во Истанбул со саканата Милена Доневска која се решил да ја побара за жена и да му стави крај на ергенскиот живот. Запросувањето го смислил како едноставно и спонтано, а токму тоа ја шокираше неговата избраничка која се тресеше од среќа. Додека таа се подготвуваше да му позира за фотографија свртена со грб, тој го извади прстенот, клекна и веќе претпоставувате што следуваше...

View this post on Instagram

A post shared by Viktor Apostolovski (VA) (@professor_va)

Виктор Апостоловски е од оние естрадни ликови кои не сакаат да зборуваат и објавуваат моменти од приватноста, па така, малкумина знаеја дека тој е во долгогодишна врска. Сепак, овој интимен момент сакаше да го сподели со сите и да им каже клкава е неговата љубов! Среќно! фотоќ:Инсатграм/Виктор Апостоловски

Марија Цветановска македонската забавно-музичка сцена ја обои во нова боја со фестивалската балада – „Засекогаш твоја“ (ВИДЕО)

Антонио Димитриевски — Thu, 13 Oct 2022 06:29:14 +0000

Марија Цветановска има 18 год и доаѓа од Битола. Со пеење се занимавам од свои 8 години. Годинава ја започнувава и својата соработка со познатиот композитор Григор Копров, кој воедно е автор на нејзината нова песна „Засекогаш твоја“. Песната беше создадена за потребите на настапот на марија на фестивалот „Охрид Фест 2022“ на кој оваа млада пејачка ја добива и наградата за најдобра интерпретација. На музиката од Григор Копров, аранжман на песната направил Владимир Дојчиновски Дојчин, а текст го напишал на Огнен Неделковски... Се' на се' екипа познати, признати и проверени мајстори на својот занает што направија оваа песна во старт да биде гарантиран хит. Периодов беше снимен и спотот за ,„Засекогаш твоја“ кој го реализирал Виктор Апостоловски, а дрон камерата ја управувал Саше Богоевски, додека машката главна улога во видеото ја има Симеон Тасев. Спотот е снимен на повеќе локации во околината на Битола, ресен и Преспа, а официјално беше промовиран деновиве на Јутјуб. „Благодарност до целиот тим кој стои позади овој голем проект, се надевам песната ќе добие добри критики и ќе биде прифатена од јавноста, а очекувајте уште многу нови проекти и добри хитови“ - порачува Марија информирајќи дека веќе следниот викенд ќе настапува и на најреномираниот македонски фестивал на забавна музика „макфест 2022“ во Штип. Во меѓувреме проследете ја визуелизацијата на песната од „Охрид фест 2022“ на Марија Цветановска, насловена „Засекогаш твоја“ (КЛИКНИ ТУКА):

Виктор Апостоловски: Имам проблем со недовербата кај жените, а кога сум во врска не гледам на страна (ВИДЕО)

Антонио Димитриевски — Sat, 23 Apr 2022 07:09:41 +0000

Кога во февруари ја испеа „Супермен“ на домашниот избор за Евросонг, на Виктор Апостоловски му се случува истата приказна како во времето кога пееше во „Идол“. Добива пораки од обожавателки, го застануваат на улица за да се фотографираат, родители му испраќаат видеа од нивните деца кои пеат и играат на песната со која не успеа да стигне до Евросонг. Виктор повторно преку ноќ стана популарен. „Пред некој ден си го земав пасошот и уште не влезен, вработените во МВР ми рекоа: Еееееј, многу ми е криво што не победи. Луѓето ме паметат од времето на 'Идол', а сега почнаа да ми пишуваат и луѓе што не сум ги видел 20 години. Има и непристојни пораки од луѓе што не ги знам, и од машки и женски. Без влакна на јазикот се, па кога ќе прочитам нешто, се фаќам за главата и се прашувам од каде им толкава храброст што си дозволуваат да пишуваат сè“ - вели Виктор во разговорот за „Репортер“. Иако долго живееше во Скопје, сега пак е во Битола за да отвори свое музичко студио. Ни раскажа за детството во Баир Маало, најозлогласената населба во Битола. „Во маалото од дете научив многу животни лекции. Не дека не сакав да живеам во некои поубави услови, ама поубави услови прават слаби луѓе, а јас таму научив да не се откажувам“ - кажува Виктор. Виктор раскажува и за измислениот лик Роки, кој го користеше како псевдоним среде карантинот, а со откачените видеа што ги снимаше ги забавуваше фановите. Вели, реакциите биле супер и ова се покажало како добра забава. Не сака да открива многу за приватниот живот, оти тоа многупати му се удрило од глава. „Луѓето се водат од предрасуди, па кога си пејач, ти си автоматски пијаница, наркоман, женкар. А јас кога сум во врска, не гледам ништо на страна. Само љубомората е страшна работа. На почетокот сите се супер, интересно им е што си јавна личност, ама после почнуваат другите муабети, недовербата, коментари од типот - ете, одиш во Скопје, којзнае што правиш таму“ - се пожали Виктор. Меѓу сите муабети за „Идол“, семејството и за детството во Битола, Виктор нè однесе на гости кај композиторот Владимир Дојчиновски. Заедно ја напишаа „Супермен“. Среќни се што песната е хит, ама признаа дека им е криво што не отидоа на Евровизија. За приватниот живот на Виктор, од вреќите вар до Евросонг, за соработката со американските хип-хоп музичари, како звучи Бруно Марс во негова изведба... Гледајте го видеото.

На Виктор Апостоловски таа му создава – „Пеперутки“ (ВИДЕО)

Антонио Димитриевски — Sat, 12 Dec 2020 09:32:06 +0000

Пејачот Виктор Апостоловски кој македонската јавноста го запозна пред десетина години преку талент шоуто „Македонски идол“, ја промовираше својата најнова песна. По макфестовската тема „Срца камени“ за чија кореографија при изведбата битолчанецот доби и награда за најдобар сценски настап, Виктор сега ја претстави темата „Пеперутки“. Апостоловски е самиот комолетен автор (музика, текст, аранжман, музичка продукција) на неговото ново музичко остварување, кое вообичаено за него, е проследено и визуелизирано и со видеоспот во реализација на неговата видео продукција „VA Records“, додека зад камерата бил Дејан Трајчевски. Во спотовите на Виктор секогаш се појавуваат убави и згодни млади девојки, па тоа не е исклучок и овој пат, така што со него во видеото моѓжете да видите уште една македонска убавица, моделот Анастасија Димеска. За што станува збор, погледнете во продолжение во неговите „Пеперутки“. https://www.youtube.com/watch?v=-I68epVDXCY&feature=emb_logo

Виктор Апостоловски ја овековечи во видео наградената макфестовка тема – „Срца камени“ (ВИДЕО)

Антонио Димитриевски — Tue, 29 Sep 2020 13:16:34 +0000

Битолчанецот Виктор Апосотоловски, на неодамна одражаниот фестивал на забавни песни „макфест 2020“ во Штип ја испеа темата „Срца камени“, за која доби и награда за најдобар сценски настап. Песната на Виктор, за која музиката и аранжманот се дело на Илија Ќосевски, а текстот на самиот пејач која ја потпишува и аудио продукцијата во неговото студио „VA Records“, е динамична, со брз, модерен ритам, а со самото тоа подобна за одлична кореографија. Токму кореографијата и му ја донесе макфестовската награда на Апостоловски, а истата доминира и во видеоспотот за песната, која официјално деновиве ја доживеа својата премиера во етерот. Видеото пак, (камера и едит) се дело на Сергеј Смилков, додека главната улога во спотот ја има Викторија Варадинова. Во коделот на кореографијата која го следи за цело време и водеозаписот учествуваат девојките од танц студиото - „Break The Floor“: Глорија Атанасова, Марија Цветанова, Леа Манева, Анастасија Стојкова, Јована Коцевска, Горица Николова и Ева Пејова. Како звучи и изгледа кога Виктор Апостоловски пее и танцува во неговата наградена фестивалска тема „Срца камени“ проследете во продолжение: https://www.youtube.com/watch?time_continue=39&v=Se7sl1uomgY&feature=emb_logo

Виктор Апостоловски ја отпеа својата вистинска приказна – „Ме знаат“ (видео)

Слободанка Илиева — Mon, 08 Jun 2020 11:32:28 +0000

Битолчанецот Виктор Апостоловски од своето домашно студио извади уште едно свое музичко парче кое како што вели е инспирирано од реалноста. Во неговата вистинска приказна пее за љубовта, но и за муабетите кои кружат за него, па токму затоа песната ја наслови „Ме знаат“. -Еве ви една нова... Вистинита приказна. Муабетот не е нов, сум го праел милион пати... мање више aма никогаш вака уз музиче .Уживајте –напиша Виктор. Песната е во модерен електронски ритам, а за видео праче Апостоловски искористи виртуелни разговори, односно текстот на песната. „Ме знаат“ наиде на позитивни реакции, па многумина видеото го постираа на неговиот Фејсбук профил пишувајќи му дека има одлично музичко дело по сопствена инспирација. Што пее Виктор во „Ме знаат“ погледнете во продолжение: