викендица – Вистина.мк

Билјана Дебарлиева како градинарака: Издание во кое никогаш ниту сте ја виделе, ниту ја замислувате (фото)

Слободанка Илиева — Wed, 06 Mar 2024 09:40:57 +0000

Почетокот на месец март беше јасен сигнал за старт на пролетната припрема на градините. ТВ водителката Билјана Дебарлиева преку социјалните мрежи откри дека има викендичка во Скопска Црна Гора која е бегство од градот кон планина, за релаксација и уживање во природата и убавиот воздух. Дебарлиева редовно ја гледаме во префинети дамски изданија пред камери, но овој пат таа понуди можност да ја видиме доста поразлична и да ѕирнеме во нејзиниот мал приватен рај на вкендичката која е излез од секојдневието и градската џунгла. Модерна градинарка, лежерна и во комфорно издание за работа, но сепак со моден идентитет кој соодветствува на нејзиниот визуелен израз на кој сме навикнале. Откако ги исчисти сите остатоци на градината оставени од зимата и тоа во друштво на трите кучиња, градината за претстојната сезона е подговтвена за сеидба на нови зелени растенија и цвеќиња по вкус на познатата водителка. Кефето во дворче сигурно ќе се пие со уште поголемо задоволство кога се' околу ќе грее од убаво! фото:Facebook/ Билјана Дебарлиева

Има многу недвижнини, но тука и е најубаво: Ѕирнете во планинскиот приватен рај на Нада Топчагиќ (фото)

Слободанка Илиева — Wed, 29 Nov 2023 12:20:08 +0000

Нада Топчагиќ и нејзиниот сопруг Златко напорно работеа со децении за се’ што стекнаа. Конкретно, тие можат да се пофалат со голем број имоти во Србија и Црна Гора, кои ги купиле во последните години. Тие вложија многу и во својот недвижен имот, па реновирањето стана речиси секојдневие на легендарната пејачка. Порано размислуваше да продаде некои бидејќи толку многу пари и време одат во нив, но брзо се откажа од таа идеја.

View this post on Instagram

A post shared by Nada Topcagic (@topcagicnada)

Парот поседува стан на Косанчиќ во строгиот центар на Белград, куќа во Црна Гора, недалеку од Тиват, на брегот, вила во Стари Бановци и уште една во Белград. Но, имаат и викендица на Тара, која Нада ја направи вистински мал рај.

View this post on Instagram

A post shared by Nada Topcagic (@topcagicnada)

Нада и нејзиниот сопруг заминуваат во Тара во зимските месеци и на почетокот на пролетта, кога пејачката нема толку многу обврски околу настапите и снимањето емисии. Нада има се’ таму и не мора ништо да купува. Најмногу сака да јаде тоа што ќе го засади во својата градина, на што напорно работи и никогаш не и е тешко да се посвети на тоа. Наесен со задоволство ја подготвува зимницата, а во лето ужива во чистиот планински воздух.

View this post on Instagram

A post shared by Nada Topcagic (@topcagicnada)

- Често одиме во Тара, тоа ни е втор дом. Верувај ми, можев да бидам таму без престан. Имам обврски и морав да се вратам во Белград, но наскоро повторно ќе одам во викендицата на неколку дена - изјави своевремено Нада за „Курир.рс“. фото: Instagtam printscreen / topcagicnada

Во оваа луксузна вила ужива Леа Киш: „Ова е нашето море блиску до Белград“ (фото)

Слаѓана Атанасова — Mon, 04 Sep 2023 10:15:45 +0000

Една од најпознатите водителки во Србија, Леа Киш, живее во вистински мал рај. Со сопругот и ќерката таа ужива во топол дом меѓу цвеќиња и дрвја кои потсетуваат на бајка. Таа во една прилика откри кој е одговорен што нејзината куќарка изгледа беспрекорно. - Морам да се пофалам дека сето ова го осмисли мојот сопруг, со оглед на тоа што вложил многу труд и време, не смеам да не го споменам. - Тука сме цело време, нема смисла да се биде во градот, особено во лето кога е многу топло. Оваа тераса, како што можете да видите, е целата во камен, потсетувајќи на морска средина. Со оглед на тоа дека мојот сопруг е од Херцег Нови, тој го дизајнираше ова да биде наше море блиску до Белград и мислам дека успеа во тоа. Тој се грижи за целиот имот и градината. Вечерите ги поминуваме на тераса бидејќи дува ветер. Преку ден сме во базен или ручаме во кафана. Не е овде како во Белград да не можеш да заспиеш од вревата пред два по полноќ. Во десет сум тука сместена - изјавила Леа и го покажала дворот. По тој повод покажа и вештачки поток: - И овој поток е дизајниран и направен од Момо. Во него чуваме вистинска риба. Седнуваш до него, земаш книга или пушташ музика и чувствуваш дека си далеку од сите проблеми, да не зборуваме за работа, хаос во градот... - искрена била Леа. Од друга страна, дневната соба на куќата е уредена во планински стил со камин и библиотека. Фото: Принтскрин/Инстгарам/Урош Арсиќ

Подготвено со љубов: Елена Стефановска гордо се пофали како ја пази и чува саканиот (фото)

Слободанка Илиева — Mon, 23 Nov 2020 08:10:04 +0000

Водителката на емисијата „Живот со стил“, Елена Стефановска изминатите години немаше пракса да открива детали од својата приватност и љубовниот живот пред очите на јавноста, но сега веројатно поради силните љубовни искри, Еленче пред сите ја покажува љубовта со саканиот. Кога е професионално послободна од снимања, Елена и Бојан времето најмногу го минуваат во викендица на Маврово.

View this post on Instagram

A post shared by Elena Stefanovska 🌸 (@elena_zivotsostil)

Познатата водителка често знае да објави фотографии од прекрасната природа, но овој пат гордо се пофали со тоа дека нејзиниот Бојан не само што е домаќин човек, туку е одличен и во кујната. Тој на саканата и подготвил октопод, па додека шефот го маринираше, Елена тоа го сними на својот Инсатграм. Очигледно избраникот на Еленче и тоа како си ја пази и чува. Да дише чист воздух наместо да седи во загаденото Скопје, да јаде здраво и секако да ужува во љубов. „Тогаш кога најмалку очекуваш се случува љубовта. Среќна сум, со Бојан се надополнуваме, имаме разбирање еден за друг и многу ми значи што без проблем го прифати ова што јас го работам и максимално ме поддржува во се“, откри водителката во една прилика за „Бекстејџ“. Инаку Бојан Најдоски, кој барем според информациите на социјалните мрежи, се заминава со угостителство и е сопственик на еден локал во Скопје. Љубовната кулминација ја очекуваме со свршенички прстен на раката на Елена.

Кај беа и што „кркаа“ познатите македонски фаци за 1-ви Мај: Од скара на балкон и прасе на ражен во двор, до јагоди, пршута и печеница на викендица… (ФОТО)

Антонио Димитриевски — Sat, 02 May 2020 08:18:43 +0000

Први Мај... Ден на трудот, ден на работникот, симбол на борбата за неговите права за подобри работни услови, помала експлоатација, помало работни време, поголема плата... И секако, наследената оставштина од социјализмот, 1-ви Мај да биде ден за пикник, за излез во природа, скара, пијалок, дружба, песна, па и по малку рекреација и спортување... Зависно од тоа, „кој(а) по што спорт е?“ Познатите македонски личности или барем голем дел од нив, не останаа имуни на овие што наследени, што новостекнати навики. Скара, печење, мезе, салати, пијачки... „се вртеа“, мезеа, јадеа и пијеа на различни локации. Од балкони и тераси, преку постaвeни маси во домашниот двор или на викендичка, до некоја анонимна пољана или пак ним добро позната ледина. Ниту короната, карантинот и полицискиот час не ги спречи познатите фаци да покажат какви се' првомајски „јунаци“ има меѓу нив, кога се скарата и пикникот во прашање. Познатата македонска ТВ водителка и пејачка Бојана Скендеровски е тазе мајка по втор пат, па очигледно таа и нејзиниот сопруг Васко, не сакаа да ризикуваат и решија празникот на трудот заедно со дечињата да го минат дома. „Кој рече дека оваа година нема да имаме скара?“ - праша сопственикот на "Скендеровски продукција", па ја монтираше електричната скара на терасата од својот стан во подножјето на Водно. На планина речиси и да се лоцирани, погледот кон падините на Водно и крстот е тој, а и месото ставено „натенане“ да се пече. Во меѓувреме за амбиентот да биде баш празничен, се потруди домаќинката со песна, додека домаќинот ја вртеше скарата... „Блазе тебе ѕвездо моја, си го имаш него...“ или така некако веќе одеа стиховите на песната од Наум Петрески, која ечеше на распеаниот и разигран првомајски балкон под Водно, на семејството Скендеровски. Скара се вртеше и кај Жарко Димитриовски, ама во дворот. Водителот на ток шоуто „1 на 1“ првомајски реши да спои две во едно: убавото и корисното, „кркањето“ и снимањето, пикник и емисија, која истата ја снимаше додека ги вртеше плескавиците на електричната скара, во очекување на двајца познати гости... Кои - ќе видите во „1 на 1“! На домашната скара и тоа првомајска, карантинска, не можеа да и одолеат ниту мисиците и манекенките... Плус со кромитче, па и салатичка... за мерак! Убавата штипјанка Ивана Ина Димитрова, модната писта и подиумот ги замени со празничен ручек во дворот. Калориите не се проблем, брзо се топат, ако имаш соодветен начин за нивна елиминација, а Ивана оддамна покажа дека знае како тоа се прави. „Честит 1 Мај пролетери“ - напишал на својот Фејсбук профил пејачот Филип Јордановски, иако е далеку од пролетер, зашто покрај пеењето, главна професија му е банкарството, а тој е еден од директорите на скопската централа на бугарската „Капитал банка“. Арно ама, „пролетерската традиција“ од социјализмот, очигледно и понатаму достојно си ја почитува, па Филип заедно со семејството и другарите за 1. Мај реши да излезе на ледина... Пикник и скара во природа, за оваа традиционална празнична пригода. Чашката ракиичка и насмевките се задолжителни... како и скарата со плескавици, наместо заштитни маски и ракавици. Тие никако не одат во пакет со првомајското хедонистичко задоволство. Имуна на првомајска скара на отворено не остана ниту Миа Костова. Нејзината локација, една куќа/викендичка со преубав двор во околината на Скопје и се разбира весело друштво и полна трпеза. До душа, повеќе вегетаријански или само така ни се чини... Очигледно, скарата допрва се подготвувала да се распали... Впрочем, денот е долг, а тек ноќта... Најдалеку од „месната естрадна елита“ се чини отиде водителката и позната ДЈ-ка, Вера „Генерал“ Јанковиќ. Кај Вера нема далавера, има да се јаде додека се може, па и згора на тоа... ДЈ Јанковиќ има српско презиме, а каква тоа српска крв тече во тебе, ако не си спремил прасе? И тоа не во фурна, туку на ражен, во двор! Да се врти како плоча, првите комшии да видат, а цело маало да го почувствува мирисот на крцкавата кожичка на тазе печеното прасенце! А, ДЈ Вера дотерана и спремна по сите прописи... Со заштитна маска на лице и електричен ражен, со првомајска парола: „Двор ни е, прасе ни е...!“ Алал да ви е! Е сега, не се сите по скарата и печењето... Има некои што за празникот на трудот му ја збришаа надвор од дома, на својата или на викендичка кај пријател(к)ите, а наместо скара или прасе, своите хедонистички апетити ги задоволија со многу поегзотично мени. Писателката и стенд ап комичарка Ивана Наскова, 1.Мај го дочека карантински дислоцирана. Во викендичка во Маврово, во женско друштво и малку подиетална празнична трпеза. Дека не им фали даска, покажа масата на која даската со сувомесно мезе, кашкавал, сирење и други месно-млечни производи беше сервирана заедно со по некоја чаша бело винце. А овошјето со ваквото мени оди под задолжително. Впрочем, линијата треба да се задржи и додека целата нација е во изолација, зарем не? Слично на неа, на иста локација - Маврово, само во различна викендичка , но со речиси иста гастрономска поставка, 1.Мај го помина и водителката на „Живот со стил“. И Елена Стефановска се почести со даска, бело вино и јагоди, сервирани надвор на масата во дворот со поглед на езеро, а внатре... Внатре, десерт - шумско овошје со јаткасти плодови или така наречена витаминска „секси - салата“. Здрава за телото, уште поздрава за либидото... Впрочем, фотопозата сама зборува, за тоа како се согорува акумулираниот вишок калории, дома или на „туѓи“ територии! И за крај на оваа наша мини првомајска прошетка, една вистинска работничка закуска. Популарниот охридски радио и ТВ водител Жанко „Зш“ Голабоски, е познат љубител на природата, планината и планинарските авантури, па затоа и овој Први Мај не пропушти да се здаде во потрага по нова возбуда. Доследен на работничката идеја, со срп и чекан и развиорено црвено пролетерско знаме, Жанко денот на трудот како и лани, кога на Магаро го прослави со бурек, годинава на Требенишко езеро го одбележа со закуска од житарки! Да живее празникот на трудот!