викенд прогноза – Вистина.мк

Викенд прогноза: Сончево и топло со мала локална облачност

Антонио Димитриевски — Sat, 14 Oct 2023 08:04:08 +0000

Како што најавија од УХМР, во деновите од викендот ќе се задржи сончево време со свежи утра, а ќе биде релативно топло преку денот. Минималната температура ќе биде во интервал од 2 до 10, а максималната ќе достигне од 23 до 30 степени.

Во Скопје времето ќе биде сончево и топло со слаб југоисточен ветер. Минималната температура ќе се спушти до 8, а максималната ќе достигне до 29 степени.

Во текот на ноќта кон понеделник ќе започне продор на студена воздушна маса од север, проследен со засилен северен ветер и со значително опаѓање на температурата, особено во северните делови од земјата. На почетокот на следната седмица времето ќе биде променливо облачно и посвежо со повремен дожд, особено во вторник. Во понеделник ќе дува умерен до засилен северен, а во вторник ќе засилува јужен ветер.

Викенд прогноза: Драстична промена и пораст на температурите

Антонио Димитриевски — Fri, 29 Jun 2018 11:08:31 +0000

Локален дожд и ретки грмежи најавуваат метеоролозите за попладневните часови во Македонија. Ќе дува слаб до умерен северозападен, а во југозападните делови повремено засилен западен ветер. Минималните температури ќе се движат од 12 до 16 степени, а максималните од 19 до 28 степени. Од УХМР за утре најавуваат потопло време, попладне со појава на локален пороен дожд и грмежи. Ќе дува умерен до засилен северозападен ветер, особено долж Повардарието. Од недела ќе биде претежно сончево и топло. Во попладневните часови ќе има услови за изолирана појава на краткотраен дожд и ретки грмежи, главно во планинските подрачја. Минималната температура ќе достигне 16, а максималната 32 степени.

Викенд прогноза: Сончево и топло, попладне нестабилно со пороен дожд

Антонио Димитриевски — Fri, 08 Jun 2018 08:28:36 +0000

Во текот на денот времето ќе биде сончево и топло со умерен до засилен јужен ветер. Кон крајот на денот ќе биде нестабилно со пороен дожд и грмежи. УВ индексот ќе биде 9. Минималната температура ќе се движи од 11 до 19 целзиусови степени, а максималната од 29 до 36 степени. Во Скопје, попладне со услови за пороен дожд и грмежи. Температурата од 16 до 34 степени. В сабота ќе преовладува променливо облачно време со локален пороен дожд и грмежи, додека во недела условите за нестабилност ќе бидат помали.

Време: Уживајте во денешното сонце, од утре дожд и снег

Антонио Димитриевски — Fri, 19 Jan 2018 07:35:20 +0000

Времето во Македонија ќе биде сончево насекаде со негативни утрински температури, во текот на денот со умерена локална облачност повремено со умерен јужен ветер. Утринската температура ќе се движи од минус еден до минус осум степени, а дневната од еден до 12 степени. Во Скопје ќе биде сончево со умерена локална облачност повремено со умерен јужен ветер. Температурата ќе се движи од -4 до 9 степени. За време на викендот ќе преовладува променливо облачно време. Од сабота попладне со врнежи од дожд, на планините снег. Повеќе врнежи ќе има во недела, на крајот од денот ќе се префрлат кон исток и ќе поминуваат во врнежи од снег понекаде на повисоките места. Врнежите ќе завршуваат во понеделник наутро, но преку денот ќе биде студено и ветровито.