ветувања – Вистина.мк

„Кога човек ќе престане да има желби, тој почнува да се затвора, а јас сум полна со желби“: Цеца во Новата година влегува со големи очекувања (фото)

Слаѓана Атанасова — Fri, 29 Dec 2023 08:49:41 +0000

Цеца Ражнатовиќ во Новата година влегува со големи очекувања и како што вели, има многу желби. Таа во едно интервју призна што и пречи, но и што сака кога е во прашање нејзината публика, а зборуваше и за албумот кој се подготвува. Годината што ја остава зад себе за Цеца, беше и добра и лоша, но вели дека на крајот најважно е сите да сме живи и здрави: - Годината беше шарена. Како и да го свртам, ние сме живи и здрави и тоа е најважно - кажала Цеца и открила дека оваа година била работна година за неа. - Имаше толку многу концерти што немав време да се организирам и да си дозволам одмор. Но, морам да кажам и дека за сметка на одморот го доживеав дружењето со мојата публика која беше во огромен број на сите концерти и тоа е најубавата енергија што може да ја доживее една пејачка – изјави таа. Следната година пејачката ќе ја воодушеви својата публика со албум. - Го чекам и албумот. Се работи, па ќе видиме. Не сакам да давам ветувања што не се случуваат. Се работи за уметност. Ова не е купување цемент, блокови и градење куќи. Ова е прашање на инспирација, креативност, не можеме да седиме и да правиме песна. За тоа треба да дојде инспирација. Затоа има толку многу чекање и затоа на сите проекти се работи долго, затоа што се дотеруваат и менуваат. Се надевам дека мојата публика има разбирање за сè што чека. Пејачката во новата година влегува со многу желби - Секакви работи, од албуми, концерти, до некои приватни работи - лични и интимни желби. Кога човек ќе престане да има желби, тој почнува да се затвора, а јас сум полна со желби– откри таа за емисијата „Блиц дан“. Фото: Printskrin/Instagram/cecaraznatovic

Пет ветувања што треба да си го дадете за посреќен секс

Христина Ѓоргиевска — Tue, 24 Sep 2019 11:35:43 +0000

Престанете да се преправате дека уживате во работи што навистина не ги уживате … 1. Следниот пат кога ќе започнете предигра, слободно уживајте во тоа колку што сакате и ви треба. Освен ако не е брз секс, нема потреба да брзате. Дајте му на знаење колку уживате во предиграта, што ве води до одличен секс. 2. Запомнете дека немате што да направите. Иако би било идеално да се има партнер кој има либидо идентично како вашето, вообичаено не е така. Ако вашиот партнер не ужива во сексот на секои неколку дена, имајте на ум дека е совршено добро, и навистина пожелно е работите да ги земете во свои раце. Никој нема да ви пречи да мастурбирате. 3. Преземете контрола. Не, не зборуваме за лисици на рацете. Зборуваме за да се осигураме дека секој секс што го практикувате е безбеден. Ако користите кондоми, проверете дали секогаш имате пакетче со ва. Ако сте на пилула, поставете аларм на вашиот мобилен телефон што ќе ве потсетува секој ден да ја земете пилулата. Едноставно, внимавајте на вашето сексуално здравје исто како што се грижите за физичкото здравје. 4. Престанете да глумите. Животот е премногу краток за да поминете во лош секс. И ако тој продолжи да живее во верба дека нешто ве возбудува (само затоа што воздивнувате), тој ќе продолжи да го прави она што не ве возбудува и да, ќе имате лош секс. Наместо тоа, му шепнете му каков оган имате и што сакате да пробате. Тој сигурно ќе прифати. 5. Бидете авантуристи! Без оглед на кој начин ви одговара. Престанете да се плеткате со идеи како тројка секс ако знаете дека длабоко во внатрешноста навистина не сте привлечни од таа идеја. Бидете авантуристи на начинот на кој најдобро ве опишува вас! извор: попара

7 ветувања кои што треба да си ги дадете оваа есен за да ја имате најдобрата сезона

Моника Манасиевска — Fri, 14 Sep 2018 12:15:15 +0000

Немојте да жалите за крајот на летото. Пред вас има уште многу месеци полни со можности и сеќавања кои чекаат да ги направите. Оваа есен дајте си ги следниве ветувања за да ја направите најдобрата сезона од годинава. Ова се едноставни нешта што можете да ги правите секој ден, а навистина ќе го подобрат вашиот живот.

1. Не грижете се за малите нешта

Навистина е лесно да почнете да се грижите за ситниците во животот. Можеби сте имале несогласување со најдобриот пријател и размислувате за тоа месеци подоцна. Или му дозволувате на стресот од утрото да ви го расипе целиот ден. Ветете си дека оваа есен нема да се грижите за малите нешта и ќе преземете контрола над вашиот живот. Обидете се да ја гледате големата слика. Запрашајте се дали нешто ќе биде важно за 5 или 10 години од денес. На крајот, најважни се среќата, љубовта и сеќавањата што ги создавате. Па, простете му на пријателот, релаксирајте се и фокусирајте се на создавање живот што е убав.

2. Не плашете се од промена

Есента е совршена за да си ветите дека ќе ја прифатите промената и целата убавина што доаѓа со неа. Убавото, но страшно нешто за животот е што ништо никогаш не останува исто. Вашето опкружување и желби ќе се менуваат со текот на времето, а истото важи и за вас. Свртете нов лист и гледајте како созревате во личноста која отсекогаш сте сакале да бидете. Почнете со мали чекори, направете веб-сајт или купете некоја нова гардероба. Со текот на времето ќе го направите големиот скок и ќе завршите онаму каде што треба да бидете. Сепак, најдобрите нешта во животот се случуваат кога ќе се соочите со стравот. Па немојте да се плашите од промената и нештата што сè уште не ги знаете.

3. Барајте нови предизвици

Сигурно сега работите само од плата до плата, а истовремено наоѓате изговори зошто одредени нешта не би излегле како што сакате. Наместо да се движите нагоре им дозволувате на пречките да ви стојат на патот. Па, ветете си дека ќе ги надминете овие пречки и ќе барате нови предизвици. Животот си има подеми и падови. Ќе имате стравови, сомнежи и лоши недели. Но на овој начин универзумот ве предизвикува и ве тера да бидете креативни и да најдете нов пат.

4. Бидете личноста којашто навистина сте

Сега е време да го покажете вашето вистинско лице. Навистина е лесно да заглавите со нешта што не ви се воопшто важни. Можеби ќе се согласите со активности кои навистина ги мразите, или пак ќе ја покажете вашата уметничка душа. Не е секогаш лесно да бидете личноста којашто навистина сте, но оваа есен покажете ги вашите вистински бои. Светот е многу поубав кога го покажувате вашето лице. Секој може да биде копија, но вие сте оригинал. Одберете се себеси и не се задоволувајте се со ништо помалку.

5. Најдете удобност во непознатото

Топлите пијалаци и удобните џемпери се одлични за есента. Удобноста е клучна и секогаш сакате да останете дома со омилениот филм. Но удобноста не мора да заврши овде, можете да ја најдете и во други делови од животот вклучувајќи ги и нештата што сè уште ви се непознати. Можеби често бегате од нештата што не се сигурни. Си ги поставувате истите прашања безброј пати, но ретко го барате одговорот. Што би се случило ако се преселите? Што ако напишете бестселер? Единствениот начин да дознаете е да го направите тоа.

6. Продолжете да се сакате

Сте си ветиле дека ќе правите нешта што ве прават среќни. Сте се поставиле на прво место и сте се оддалечиле од непотребната драма и токсичните врски. Есента е време кога треба да се фокусирате на љубовта кон себе, дури и ако во вашиот живот постои некој друг. Дајте си место да созревате и да учите нови работи за вас. Научете да верувате во себе. Кога ќе се чувствувате подобро ќе ги инспирирате и другите повеќе да се грижат за себе.

7. Вдишете свеж воздух

Само затоа што летото е при крај не значи дека есента треба да ја поминете дома. Има нешто во зеленилото и свежиот воздух што помага да се вратите на земјата. Вашите грижи исчезнуваат со ветрот и има многу простор за авантури во вашиот живот. Кога ќе бидете под стрес поради училиштето или работата, потсетете се да дишете длабоко и да истражувате. Понекогаш сè што ви е потребно е прошетка за да ја промените вашата перспектива.