веспа – Вистина.мк

„На маж не се верува од прва“: Кој „и го смести“ на фитнес инструкторката Ана Стојанова? (ФОТО)

Антонио Димитриевски — Wed, 30 Nov 2022 08:30:13 +0000

Атрактивната фитнес инструкторка и мотиватор за здрав живот, Ана Стојанова наголемо се подготвува за почетокот на новата сезона во 2023 година. Но, за да можеда биде предводник, лидер и пример за својата верна армија, воглавно жени што ги следи нејзините фитнес програми за здрав живот, мора најпрвин и самата така да изгледа... Здрава, силна и мотивирана! Токму затоа сексапилната велешанка ниту ден не пропушта да не го обави својот фитнес ритуал во теретана, каде ја билда својата става, ама и самодоверба, за да може со обете и понатаму таа да ги мотивира следбеничките на нејзините нови програми. Што значи и да студи и да врне и да вее и гужва низ градот да има, Ана мора својата дневна доза да ја одработи и во лето и во зима. Арно ама Скопје не е Велес, па од точка А до то точка Б не се стига баш за пет минути, особено ако низ градот има блокади, протести и штрајкови, што стана речиси секојдневна појава во последно време. Тогаш оди снаоѓај се да те видам... Но, Ана никако не сака да пропушти дневен тренинг по ниту една цена, па затоа наместо да бара изговор, побара совет за решение, како да ја избегне гужвата која „наводно“ тој ден требаше да ја има заради споменатите блокади на јавните превозници. И опа, еве ја Ана одеднаш со идеја - „да се смрзнеш“! Инструкторката качена на веспа тргна да ја одработи својата дневна доза фискултура, по што „смрзнатата убавица“ се покаја и се почувствува како... мага**ца! Така барем самата се пожали! Фактот дека сепак најде начин да си ја постигне целта ја направи среќна, што секако не го промени фактот дека испадна... тоа што и самата си кажа! Патем, дополнително се пожали дека не сакате да знаете колку е под капутот облечена... Особено не оној што знае како изгледа инструкторката кога е сосема соблечена. Е, токму тој беше посочен како виновникот за нејзиното „маг*ешко чувство“ откако дома се прибра како да се потела во ладилник! Затоа и прстот вперен во „главниот виновник“ со оптужба: „На маж не се верува од прва... Ќе те зафркне намерно или ненамерно“! А, тој кутриот само сакал да помогне во дадената ситуација Ана што побрзо да стигне на саканата дестинација, но наместо помош со веспата „брзо и безбедно да одјава“, излезе дека и дал „лажна дојава“! Човекот по се изгледа гледал „погрешни вести“, па испадна дека на госпожата... „и го смести“! Фото: Инстаграм принтскрин/annstojanova

Полицаецот му пишал казна за неносење кацига, а момчето полуде, па го фрли моторот од мостот в река (ВИДЕО)

Антонио Димитриевски — Mon, 20 Jan 2020 13:40:49 +0000

Жител од Лесковац (Република Србија), изреволтиран од наводното изживување и птценувачко однесување на сообраќајниот полицаец кој му пишал казна за неносење на кацига додека управувал со веспа, се изнервирал до таа мера, што реши целосно да го искрши моторчето, па на крајот и да го фрли преку мостот во реката Морава. Не се знае кога е точно снимено видеото, а објавено е овие денови на видео платформата YouTube.

Без кацига, на веспа без табличка, стои на зелено среде зебра и зборува на мобилен: „Ало Оливер, прием… Имате ли вие во МВР метла?“ (ФОТО)

Антонио Димитриевски — Fri, 31 May 2019 10:02:55 +0000

Бранот на „хигиенска чистка“ го зафати СДС, ама не и институциите на системот. Таму метлата се' уште не заиграла. Ни во првите редови, уште помалку во пониските ешалони. А додека не се случи чистка, состојбата ќе си остане иста. Каква е, подобро да решат да направат „генералка“.... Море, „хемиско чистење“, зашто какви се' типови храниме со наши пари во буџетот, многумина треба да завршат не надвор од институциите, туку во „Дрисла“! Ниту МВР не е надвор од кажаното. Напротив, тие што треба да бидат пример за ред, поредок, безбедност и сообраќајна култура, се полни со примери како не треба. Среќа секој од нас има мобилен, па камерата може да го регистрира секој „уличен шериф“ што се однесува како да е на „маалско родео“ по уличната инфраструктура, наместо да биде пример за сообраќајна култура. Јавнал веспа без сообраќајна табличка, без заштитна кацига, стои на зелено на пешачки премин и среде зебра зборува на мобилен! Па добро бе Оливер, вие во МВР или немате Интернет или немате метла? Ако го имате првото, прошетајте понекогаш по тоа социјалните мрежи за да си ја видите „сликата и прилика“ на дел од припадниците. Пример за тоа како не треба, за во учебниците! А ако немате метла, трк на пазарче да ја набавите под итно. Зашто ако продолжите „да мижите“ на ваквите примери, утре заради нив, токму Вас ќе ве „изметат“ и од министерското место! Само се' се плашам, дека не една, туку тендер за метли да не треба да распишете?