весна петрушевска – Вистина.мк

Весна Бејби во поткастот кај Лазаров откри детали за ќерката Мина која беше жртва на педофил (видео)

Слаѓана Атанасова — Wed, 21 Feb 2024 06:29:22 +0000

Македонската актерка Весна Бејби Петрушевска беше гостин во најновиот поткаст кај Стефан Лазарав, каде меѓу опуштениот муабет откри и нови детали околу ќерката Мина која во 2016 година беше жртва на педофилија. Актерката зборуваше за тој настан од аспект како таа реагирала на сето тоа но и за храброста на Мина да ја каже вистината. „Мина многу сакаше да вози точак и возела, но саат ипол ја снемало. Тука се работеше само за допири, тоа било во гаража. Ѝ рекол само „утре пак ќе те барам“ и се претставил како Сашо, иако тоа не му беше името. Јас одма провалив сè. Ѝ дал 500 денари за да ќути“, кажа Весна во поткастот кај Лазаров.

View this post on Instagram

A post shared by Lazarov Podcast (@lazarovpodcast)

Мина тогаш имала само 11 години и полна од тој страв што го насобрала, веднаш кажала на брат ѝ затоа што седел тука. „Кирил ми се јави, отидов да ја земам, тоа беше во Капиштец, и само ја седнав во кола и ја гледав дека цела беше лом направена. И викам „океј, сега ќе одиме во полиција. Јас точно знаев дека ѝ се случило тоа“. Потоа Мина на полицијата и раскажала сѐ а за тоа Бејби вели дека тоа е најголемото херојство што го направила Мина. Раскажа и за ситуацијата кога Бејби го видела тој човек во судницата и изгубила секаква контрола, бидејќи тоа е посилно од неа. „Мене ме држат двајца полицајци, јас ќе го задавев. Ти немаш тука контрола“, изјави таа. На крај сторителот добил 12 години казна затвор за овој немил настан, а пред неколку месеци од неговиот адвокат дознала дека починал. Разговорот за Мина можете да го слушнете од видеото на 2:07:10 Фото: printskrin/vesnapetrushevska

„Почеток на последната, трета третина“: Игор Џамбазов си посака среќен јубилеј – „На здравје нека ми е!“ (видео)

Слаѓана Атанасова — Mon, 17 Jul 2023 06:32:45 +0000

Македонскиот шоумен Игор Џамбазов викендов наполни 60 години. Игор пред своите следбеници на социјалната мрежа „Инстаграм“, во негов стил си го честиташе роденденот па, напиша: „Да беше животов хокеј, овој ден ќе беше почеток на последната, трета третина. Ако на крајот биде нерешено, ќе има и продолжетоци… Јадев 60-ка со кромид, среќен ми роденден и на здравје нека ми е!“ - стоеше во објавата.

View this post on Instagram

A post shared by Игор Џамбазов (@igordzambazov)

По тој повод од многубројните фанови, колеги и пријатели Џамбазов доби честитки, а доста од македонските познати личности споделија фотографии и му го честитаа роденденот на Игор. Една од нив беше неговата колешка и пријателка Весна Петрушевска која остави емотивен коментaр под објавата каде напиша: „Среќен роденден љубов моја“ - но, на нејзиниот профил му остави и видео порака со која го предупреди да внимава што прави, а во описот стоеше „Среќен 60ти роденден братче. Лав ју“ – посакувајќи му оваа година да му биде старосватица или кума.

View this post on Instagram

A post shared by Vesna Petrushevska (@vesnapetrushevska)

Игор оваа година со алпинистката Илина Арсова ставија крај на љубовна приказна, а во една прилика откри дека далечината ја победила љубовта. Игор Џамбазов, познат и како миленик на сите генерации е роден на 15 јули 1963 година, а во јавноста е уште од неговото рано детство запловувајќи во актерските води, а потоа и како музичар, писател и шоумен. Среќна 60 -ка ! Фото: Принтскрин/Инстаграм/ИгорЏамбазов/Весна Петрушевска

Весна Петрушевска замина на одмор со Хана, Ума и Аце, а кога ќе видите што направиле, слатко ќе се изнасмеете (фото)

Слаѓана Атанасова — Fri, 14 Jul 2023 09:00:41 +0000

Месец јули е периодот на летниот пик, односно кон средината на јули веќе сите датуми се резервирани за плажа, езеро или море. Токму тоа го направи и македонска актерка и ТВ водителка Весна Петрушевска која ги спакува куферите и замина да ги наполни батериите во друштво на нејзините три кучиња Хана, Ума и Аце. Но, бидејќи сакаше да го искористи целиот ден одлучи рано изутрина да ги прошета миленичињата низ ресортот каде што е сместена на Егејскиот брег кај јужниот сосед. „Сабалјечки да им помочаат се“ - со емотикони кои плачат од смеење таа ги тагна и апартманите каде што престојува, а дека сите слатко се изнасмејаа доказ беше и објавата која и тие ја споделија на нивниот Инстаграм профил. Уште во утринските часови мама Весна веќе е на плажа, подготвена со сите летни реквизити без кои е невозможно да се седи, бидејќи веќе е вистинско „изгор“ лето. На плажа уживаше во лежарен стил, со летна шарена кошула и големи темни сончеви очила, додека за дополнителна заштита од сонцето носеше и шапка на главата во светла боја. На објавата таа ги сподели стиховите од поетот Ланг Лив и на тој начин искажа како се чувствува во моментот. - Во мојата душа има мешаница. Немирно диво исчекување. Зјапам во хоризонтот. Далеку колку што можам. Не можам да видам што таму се крие. Но, можам да почувствувам - стоеше во објавата на Инстаграм во нејзините кратки приказни. Фото: Инстаграм/vesnapetrushevska

„Престанаа твоите болки“: Колегите се збогуваа од актерката Катерина Крстева

Слободанка Илиева — Tue, 10 Jan 2023 08:53:35 +0000

На своја 85 годишна возраст почина познатата македонска актерка Катерина Крстева или попозната како Мара Попора, лик на кој се сеќаваат многу генерации. Нејзиниот хумор, насмевката, препознатливата руса коса и сценски гестикулации, ќе останат како нешто на кое ќе се сеќаваме кога ќе се спомене нејзиниот незаборавен лик. Иако хуморот е првото нешто со кое ја поврзувавме, нејзината реалност за жал не била баш таква. Катерина станала мајка на своја 49 годишна возраст, а сопругот и починал кога детето и било мало, па со својата сила и мајчиснска љубов го одгледувала сама. За „Фокус“, нејзиниот колега Гоце Тодоровски открива дека Катерина и нејзниниот син Александар живееле од нејзината скромна пензија. Но, нивни блиски пријатели открија повеќе за трагедијата која ја снашла Катерина која го нашла својот 36 годишен син мртов во нивниот дом во месец сепрември, односно пред три месеци. -Многумина не знаат што се случи, дека Александар почина, бидејќи Катерина сосема се повлече по неговата смрт, се осами. Таа го пронајде мртов во нивниот дом, тој беше предобар човек, весел по природа, но имаше свои проблеми. По неговата смрт мајка му, на која тој и беше целиот свет, се тргна од се и тивко свена. Трагедија е сето кое се случи, тој немаше семејство, не остави потомство. И двајцата со мајка му беа добри луѓе, ведри, но ете, се случи тоа што се случи… Катерина, која го расположуваше народот со своите улоги целиот живот, на крај доживеа најголема болка, и таа си почина со тежина на душата – ни изјавија пријатели на Александар за „Фокус“. На социјалните мрежи од Катерина Крстева се збогуваше и Весна Петрушевска која вели дека повеќето не ја занеле нејзината тажна приказна. -Драга моја Кате (сестро да ти кажам)или во народот позната како Мара Попара да си го најдеш мирот и извини што сите те заборавија ,прости им што не ја знаеја твојата тажна приказна и барем малку со Мони Угриновска, Македонски народен театар дознавме, па подостоинствено да ја завршиш оваа приказна .Ефектот кој го имаше на другите е највредната валута која постои. Со тебе израснаа многу генерации, а само мал круг знаевме колку си луцидна, остроумна и благородна.Кате, многу ми е жал! Нас глумците баш лесно не забораваат. Слава ти, пишува Весна Петрушевска, а на нејзниот статус на Инстаграм се надоврза и Игор Џамбазов кој кусо напиша:

View this post on Instagram

A post shared by Vesna Petrushevska (@vesnapetrushevska)

-Златна Кате... И актерката Стојна Костовска се прости од својата колешка Кате со која заедно познати беа како дел од Хихирику. -Драга колешке престанаа твоите болки, сега сте сите ангели на небото, сопругот, син ти...Чувај ги!!! Кате лесна ти земја!- беше последниот поздрав на Костовска. Инаку, Катерина Крстева беше погребана вчера, 9-ти јануари на градските гробишта во Бутел. Информацијата во врска со комеморацијата ќе биде дополнително објавена од МНТ. фото:Фејсбук МНТ/Инстаграм/Јутјуб принтскрин

Синот на Весна Петрушевска славеше матура во Америка, а таа како горда мама на сите им покажа каков згоден млад убавец има (фото)

Слободанка Илиева — Tue, 03 May 2022 07:00:29 +0000

Актерката Актерката Весна Петрушевска во месец јули 2020 година откри дека нејзиниот син Кирил одлучил да замине во Америка кај неговиот татко Јанко и таму да заврши гимнација и да го продолжи образованието. Тогаш таа во објава на социјалните мрежи напиша дека и е многу тешко што мора да ја прифати неговата одлука, но и да му понуди подобра опција. „Броиме ситно со Кирил кој ќе оди во Хјустон за да заврши гимназија и факултет. Тој е едно од децата кои сакаат да го освојат светот. Безброј пати го прашував дали е сигурен и секогаш без двоумење одговара потврдно. Немам подобра опција да му понудам во овие луди времиња. Не прашувајте, срце ми се кине. Убав на мајка. Го гушкам, плачам ко некоја задушна баба секој ден, а он ми вика: „Мамо, мислев умрел некој, ме исплаши“, напиша тогаш Петрушевска на „Фејсбук“. Оттогаш поминаа речиси две години, а Кирил стигна до матура. Дотеран и стокмен во костум како што е ред позираше насмеан и среќен, а мама горделиво ги сподели фотографиите од својот убав матурант. „Лејдис енд џентлмен Кики отишол на матура и уредно се вратил дома од вестите во светот „нејви блу“ љуби га мајка“, пишува Весна. Таа откри и дека нејзинот син е свесен за предизвиците и сака да биде од оние млади кои го освојуваат светот, а ние му посакуваме секоја намера да му стане лесно остварлива реаност од која ќе биде задоволен. фото:Инстаграм/Весна Петрушевска

Игор Џамбазов, Весна Петрушевска и децата актери објавија еко химна од “Агенда 21“ – „Ѓубре, ѓубре ѓубренце“… (ВИДЕО)

Антонио Димитриевски — Fri, 08 Apr 2022 06:12:48 +0000

Познатите шоумени Весна Петрушевска и Игор Џамбазов ја промовираа еколошката химна онлајн на јутјуб каналот на „Агенда 21“. Песната е изработена за телевизиската емисија „Агенда 21“ која има за цел да се подигне свеста кај граѓаните за важноста на грижата за животната средина. – „Ѓубре, ѓубре, ѓубренце“ е рефренот кој ќе го потпевнувате секој пат кога ќе ве изнервира граѓанската негрижа и ќе ве потсети дека промените можат да дојдат и од нас преку мали чекори во секојдневието. Певлива но во исто време и до коска реална која целосно го отсликува ниското ниво на еколошка свест во државава.- велат од КМК Продукција. Спотот е реализиран од страна на КМК Продукција, сниман на локација на кејот на реката Вардар и на кровот од зградата на Македонија осигурување Виена Иншуренс Груп кои се и нивни поддржувачи. Децата од спотот искрено ја пренесуваат пораката се ученици од Актерскатa школа на Весна Петрушевска, кои заедно со нивните идни носители на еко промена во земјава се нивните поголеми другари – учениците од СУГС „Орце Николов“. – Време е за еко промени! – додаваат од КМК продукција.

На 26 март: Премиера на претставата „За нашиот Горан“ во МНТ

Антонио Димитриевски — Mon, 21 Mar 2022 13:48:30 +0000

На 26 март, сабота, во 12 и во 14 часот на големата сцена на Македонскиот народен театар (МНТ) ќе се одигра премиерата на претставата „За нашиот Горан“ каде што улогите ги толкуваат децата од актерската школа на Весна Петрушевска. Во претставата ќе има одломки од „Лонг плеј“ и „Демонот од Дебар маало“, пиеси на еден од најголемите македонски драматурзи Горан Стефановски.

Горан беше мој професор, мој омилен драмски автор и мојата дефиниција за бескрајно талентиран и племенит човек. Децата од мојата актерска школа се крајно посветени на ликовите кои ги играат во различни сцени од нколку пиеси на Горан. Првпат ќе се слушнат на сцена неговите генијални текстови од книгата „Стапица”. Таа книга ги содржи сите тајни на драмскиот занает и на приодот кон создавање и градење лик, изјави Петрушевска за „Република“.

Претставата „За нашиот Горан“, е предизвик во вистинска смисла на зборот за еден актер, а за малите актери мисловен и актерски предизвик и задача.

Горан е нашиот идентитет, нашиот најдобар драмски писател. Театарот немаше да биде ист ако не постоеше Горан. Горан е љубов, вели Петрушевска.

Петрушевска е режисер на претставата, а таа го направи и изборот на музиката и адаптацијата на сцените.

Горан е често име на нашите простори изведено од именката гора, но исто така со значение голем и силен. Таква е нашата љубов кон Горан: силна,огромна, истрајна и посветена. Можете лесно да паднете во неговата стапица на зборови. Децата од актерската школа лесно го разбираат и нивниот поттекст е прецизно точен. Јас сакам секое дете да знае барем по еден монолог на Горан. Така живее само онолку колку го зборуваме. Ние немаме друг Горан. Имаме само еден! Храбар, бескрајно талентиран,точен, шармантен и полн со љубов, се вели во најавата за претставата.

Кореограф е Надја Лукановска, графички дизајнер е Александра Гатовска, а продуцент е Виолета Дамевска. Претставата е во продукција на КМК Продукција. Следна изведба на претставата „За нашиот Горан“ е на 9 април во 12 часот во МНТ.

12 години непребол по Тоше Проески: Весна Петрушевска и Тони Цетински со сеќавање кое боли во секој збор!

Слободанка Илиева — Wed, 16 Oct 2019 07:22:21 +0000

12 години и ниту една емоција не се промени, физички го нема, но толку многу е присутен во нашите мисли и срца – единствениот Тоше Проески кој на денешен ден во 2007 година го испративме во вечноста! Минатата ноќ пред 12 години го гледавме за последен пат во емисијата „Вртелешка“ кај Весна Бејби Петрушевска, само 6 часа пред да замине така млад и полн со живот! Идолот на сите генерации! Младите го гледаа како херој, врсниците најдоа идол во него, а постарите се гордееја со Тоше како за свое дете. Колку и да се пишува е малку ама сме богати што го имавме ние! Неговата пријателка, актерката Весна Петрушевска го споменува секогаш, не само на деновите кога е роден и починал, но тогаш тагата е посилна, поголема, подлабока... Таа како и секогаш во изминативе години и овој 16-ти октомври се буди со болка во градите по Тоше, а нејзините емотивни статуси знаат да наежат: -Јас се сеќавам на 15ти октомври, на оној другиот ден беше вторник и не се сеќавам многу... зошто и би се потсетила? Но, затоа таа понеделничка вечер ме гребе ...12 години! Се ми е кристално јасно и неговиот чекор,неговата силуета како се прикрадува за да ме изненади , широката насмевка и задршката на сопственото разочарување.Ја паметам онаа силна прегратка . Кога некој ќе ми каже дека е роден 1981 година, таа година емотивно ме врзува само за него.Помислувам јас многу често како ќе пееше денес,на што ќе се смееше, за што ќе беше нервозен ...имам многу сеќавања со него, велат само тогаш знаеме колку сме биле, колку сме живееле и зошто да го браниме нашиот живот. Колку е се бесмислено кога таков лик ќе исчезне преку ноќ...вечерта е тука, утрото го нема...беше ладен и дождлив октомври...мене барем ми беше така....вечерва исто...те сакам бескрајно и те чувам повеќе од што мислиш бејб, пишува Весна на социјалните мрежи.

View this post on Instagram

Јас се сеќавам на 15ти октомври, на оној другиот ден беше вторник и не се сеќавам многу...зошто и би се потсетила?но, затоа таа понеделничка вечер ме гребе ...12 години! Се ми е кристално јасно и неговиот чекор,неговата силуета како се прикрадува за да ме изненади , широката насмевка и задршката на сопственото разочарување.Ја паметам онаа силна прегратка . Кога некој ќе ми каже дека е роден 1981 година, таа година емотивно ме врзува само за него.Помислувам јас многу често како ќе пееше денес,на што ќе се смееше, за што ќе беше нервозен ...имам многу сеќавања со него, велат само тогаш знаеме колку сме биле, колку сме живееле и зошто да го браниме нашиот живот. Колку е се бесмислено кога таков лик ќе исчезне преку ноќ...вечерта е тука, утрото го нема...беше ладен и дождлив октомври...мене барем ми беше така....вечерва исто...те сакам бескрајно и те чувам повеќе од што мислиш бејб❤️❤️❤️#toseproeski #lovehimtodeath ?⭐️?❤️❤️#mysuperstar

A post shared by Vesna Petrusevska (@babymamarulz) on Oct 15, 2019 at 12:21pm PDT

И хрватскиот пејач Тони Цетински со кого Тоше соработуваше и го отпеаја дуетот, „Лагала нас мала“ и по повеќе од една деценија не може да прифати дека неговиот колега и пријател повеќе го нема. -Секоја година доаѓа тој ден, тоа утро како нешто што не сакаме да го знаеме, слушнеме или слушаме, но сепак доаѓа кај нас и не потсетува колку сме кршливи и како никогаш не знаеме што не носи следниот ден. Многу е тешко тука за оваа година да прифатите дека не сте тука. Нашата единствена надеж е дека сте биле и сте останале доказ дека ангелите во човечки облик постојат и остануваат секогаш таму покрај нас. Јас секогаш сакам да кажам и да повторам, дека си навистина посебен. Благодарение на вас, вашето однесување, скромност, дела, сигурен сум, дека ангелите се тука со нас и во човечки облик. Ти беше еден од оние луѓе кои ја враќаат вербата во човештвото, во ангелите кои ја шетаат земјата. Можете да имате многу повеќе на земјата, но ние ќе го направиме тоа кога ќе се сретнеме во универзумот кога ќе се сретнеме во универзумот. Драг Тоше те сакаме до последниот здив. Засекогаш мој брат!, гласи емотивниот статус на Цетински кој го објави на официјалната страница од својот фејсбук профил. Тоа кобно утро на 16-ти Октомври 2007 година, никој од нас не сакаше да поверува во она што го слуша, дека Тоше трагично го загубил животот во сообраќајна несреќа кај Нова Градишка ама вистината беше сурова и болно реална. Во негова чест и оваа година маратонците заминаа за Хрватска од каде по 12ти пат ќе се трча ултрамаратонот од Нова Градишка до Крушево. 900 километри во чест на Тоше!

Тамара, Елена Ристеска, Каролина… Распеани, насмеани до уши на концертот на Лозано, ама и облечени исто (фото)

Слободанка Илиева — Mon, 25 Mar 2019 08:26:28 +0000

Дека публиката знае да слуша и цени добра македонска музика, се потврди и со концертот на Влатко Лозаноски –Лозано кој се случи изминатиот викенд. Концерт исполнет со многу љубов, измешани емоции и прекрасна енергија која се пренесеува од еден на друг кај сите присутни во преполната арена во „Борис Трајковски“. Влатче овој концерт дефинитивно ќе го памти, а како што напиша и самиот, горд е што има армија од фанови од сите генерации кои го пеат секој стих на неговите песни, дојдоа, го поддражаа и му го наполнија срцето.

Меѓу фановите во публиката на Лозано беа и колегите и колешките од естрадата, а меѓу нив заедно се појавија, Каролина Гочева, Антониа Гиговска, Роберт Билбилов, Дарко Димитров, Тамара Тодевска, Елена Ристеска...

Секако главен и најгорд беше и композиторот на песните на Лозано кој тој за ништо не го менува – најплодниот музички автор на забавната сцена, Лазар Цветковски. Моментите од концертот каде се распеани, насмеани и сите облечени во црно, Елена, Тамара, Каролина и Весна Петрушевска ги овековечија со неколку фотографии кои се најдоа на нивните профили на социјалните мрежи, а наедно му честитаа на Лозано за одличниот концерт.

Радосен Лозано, радосни фановите, задоволни организаторите, авторите... Овој концерт со преполна сала нека биде поттик секогаш вака да ја поддржуваме и сакаме македонската музика, она што е наше и не прави горди.

Месец за славење: Тон честитки за Весна Петрушевска – еве колку наполни Бејби Мама (фото)

Слободанка Илиева — Mon, 11 Mar 2019 08:03:10 +0000

Месец март е периодот од годината на астролошката риба, хороскопски знак за кој важи дека е собрана целата енергија од зодијакот. Во јатото риби е и нашата позната актерка Весна Петрушевска на која изминатиот викенд и беше роденден. Жените не често зборуваат или ги откриваат годините, а Бејби Мама напротив, јасно и гласно откри дека е на прагот од шестата деценија, односно го прослави својот 49-ти роденден. По тој повод на својот профил на Инстаграм објави фотографија на која откри дека е славеничка, гордо исправена и самоуверена пред сè она што животот и донел досега и ќе и донесе. Честитките во коментари се редеа една по друга, како и комплиментите дека ниту виното не може со неа.

View this post on Instagram

#49 #rollingloud #praise #birthdaygirl ??

A post shared by Vesna Petrusevska (@babymamarulz) on Mar 10, 2019 at 6:27am PDT

Инаку, со роденденот не завршува месецот за славење на Бејби Мама. На 13-ти (среда) март Весна Петрушевска ќе го прослави јубилејот кој таа го нарекува 25 години во брак со Македонскиот народен театар (МНТ). По повод јубилејот премиерно ќе биде изведена претставата „Влези, не се соблакај“, за која Петрушевска вели дека ќе ја насмее и ќе ја расплаче публиката, но и дека ќе ја испрати со љубов.

View this post on Instagram

A post shared by Vesna Petrusevska (@babymamarulz) on Mar 5, 2019 at 12:31pm PST

Петрушевска е актерка која секогаш има нешто да каже и да порача. Таа е единствената жена која стои исправено пред сите предизвици. За неа, националниот театар е верен другар низ годините.

Во претставата ќе се обидам да раскажам сè она што ми се случувало во последните 30 години. Има многу приказни, случки, разни ситуации, но во суштина ќе се бавам со она што сум, што се трудам да бидам сиот мој живот и сè она што сум пропуштила. Забавно и единствено. Не сакам конвенционални одбележувања на јубилеи и затоа се одлучив за стенд ап форма. Освен што сум единствена жена што се бави со таа форма и навистина не знам зошто, ќе се обидам и на таа тема да се искажам. Нели родова еднаквост, скоро 22 век, ама ние со родова еднаквотст се бавиме, изјавува Петрушевска за „Република“.

Ние ќе и посакаме уште многу јубилеи, убави нешта и исполнување на замислените желби.