Сон на секој патник – љубов во Верона!

Моника Манасиевска — Wed, 02 May 2018 10:57:02 +0000

Во градот кој го прослави Шекспировата трагедија “Ромео и Јулија”, животот се одвива во живописните тесни улички и тој е еден од најфасцинантните градови во северена Италија. Во форма на срце и ренесанса романса, Верона е жив град, во кој доминираат многу културни споменици, а архитектонската структура на градот и уметничко наследство се заштитени од УНЕСКО како светско културно наследство. Додадете на сето ова и безброј цркви, неколку архитектонски фасцинантни мостови над реката Адиџе, храната и вината од регионот Венето, како и импресивната уметност, добивате дестинација која е сон на секој патник. Верона се наоѓа на реката Адиџе, која едно време служела како меѓународна граница во подножјето на превојот Бренер, транс-алпскиот пат кон Инсбрук и Минхен. На реката Адиџе има безброј мостови, од кои најстариот е Понте Пјетро. По должината на самата река, се наоѓа долго шеталиште каде што можете да избегате од градската врева, кога сте уморни од разгледувањето на сите споменици и музеи. Секоја година милиони посетители доаѓаат во Верона за да го видат Capullet Mansion, односно Casa di Giulietta – куќата на Јулија, каде се наоѓа веројатно најпознатиот балкон во светот. Но, атракциите вредни за посета дефинитивно се: амфитеатарот Arena di Verona, Piazza Delle Erbe, ден од најстарите и најсликовити плоштади во цела Италија, Piazza Dei Signoriе – со право познат како Плоштадот на Данте, Castello di Montorio Veronese, замок на 3 км од Верона, Castelvecchio – стариот замок со своите седум кули и Duomo, главната катедрала во Верона.

Верона – Вистина.мк

Сон на секој патник – љубов во Верона!