веренички прстен – Вистина.мк

На која рака се носи бурмата, а на која вереничкиот прстен? Како настанала традицијата стара со векови

Слаѓана Атанасова — Mon, 09 Oct 2023 13:30:44 +0000

Традицијата на размена на венчални прстени датира од антички Египет, античка Грција и антички Рим. И во тој период бурмата се носела на четвртиот прст од левата рака бидејќи се верувало дека на овој прст има вена која оди директно до срцето, а овој орган се смета за емотивен центар на телото. Старите Римјани таа вена наводно ја нарекувале „vena amoris“ (латински „вена на љубовта“). Сепак, сега е познато дека не постои вена што оди од четвртиот прст до срцето. Традицијата на носење венчален прстен на четвртиот прст од левата рака останала до денес. Ако не сакате да ја следите традицијата, не мора, се разбира. Но, тоа е еден од универзалните начини да им дадете на другите луѓе до знаење дека сте зафатени. Вереничкиот прстен го симболизира ветувањето за брак, а венчалниот прстен само го засилува. За време на свадбената церемонија, свршеничкиот прстен обично се пренесува на десната рака, па можете да ја ставите бурмата на левата страна. Извор: Попара.мк

Сандра Решиќ се огласи за нејзиниот емотивен статус: Пејачката конечно ја откри тајната која долго време ја криеше (фото)

Слаѓана Атанасова — Mon, 06 Mar 2023 10:04:52 +0000

Пејачката и поранешна задругарка Сандра Решиќ, откако ја напушти петтата сезона на „Задруга“, постигнуваше успех по успех, а нејзините стајлинзи секогаш се подложени на промени. Долго време се шпекулираше дали причината за разубавувањето е деловна или приватна, а се шпекулираше и дека пејачката си нашла момче. За време на учеството во реалното шоу, Сандра ја запознавме како некој кој не зборува многу за својот приватен живот и мери три пати пред да каже нешто, а јавноста е убедена дека пејачката нешто крие. Таа за камерите на „Премиер викенд специјал“ на телевизија Пинк проговори за својата нова песна и конечно го откри својот емотивен статус. - Нова песна, нова фризура... Ново момче? Не знам за што зборувате. Не е сив автомобил, туку црн... Не се заљубив, имам љубов за прв пат по 100 години. Ако не се претворам во санта мраз, се надевам дека ќе дојде моментот кога ќе ви покажам дијамант или брилијант на раката. Моментално не сум во врска, но имам љубов - изјави Сандра Решиќ. Фото: Принтскрин/Инстаграм

Сара Јо запросена на концертот на Марија Шерифовиќ: Пејачката „и го смести“ на колешката или тоа беше само договор за шоу пред публиката? (ВИДЕО)

Антонио Димитриевски — Fri, 25 Mar 2022 12:26:27 +0000

Пејачката Сара Јовановиќ, попозната како Сара Јо, доживеа шокантно изненадување на неодамнешниот концерт на Марија Шерифовиќ, на кој таа беше нејзина гостинка, откако непознато момче се приближи до сцената и ја запроси. На настанот му кумуваше токму Марија, која ја „режираше играта“, поточно му дозволи на момчето да излезе на сцената, да клекне пред Сара и да ја замоли да се омажи за него! Покрај тоа, Шерифовиќ ја убеди Сара на брачната шок понуда да одговори со потврден одговор и да го каже судбоносното - „да“. На крајот пејачката со многу двоумење му дозволила на младото момче да и го стави вереничкиот прстен на раката.Секако, Марија ја искористи оваа ситуација и се пошегува на сметка на момчето кое ја запроси Сара. „Има 21 година, значи легално е. Тоа е важно“ - се пошегува Шерифовиќ, кој дефинитивно се забавуваше со оваа ситуација во која сништата станаа „наместена“ стварност! Како сето тоа изгледаше кога Сара Јо беше побарана за жена, погледнете од видето во продолжение:

View this post on Instagram

A post shared by ⬆⬆🔝Zapratite🔝⬆⬆ (@srbija_showbizz)

Фото: Инстаграм принтскрин/srbija_showbizz

Подготвен за следниот чекор: Бен Афлек во потрага по веренички прстен заедно со неговата мајка (ФОТО)

Riste Zdravkov — Wed, 25 Aug 2021 12:40:37 +0000

Папараците го следат секој чекор на актерот. Светските медиуми не престануваат да пишуваат за последната прошетка на популарниот холивудски актер Бен Афлек со неговата мајка Сем и синот Самуел. Имено, за време на оваа прошетка ништо немаше да биде чудно доколку актерот не застанеше кај златарницата на светски познатиот бренд „Тифани“, која меѓу другото е препознатлива по веренички прстени. Поради оваа прошетка, почнаа гласините дека Бен Афлек се подготвува повторно да ја запроси Џенифер Лопез. Бен Афлек влезе во продавницата со мајка си и синот, каде што остана некое време. Актерот со себе носеше превиткана хартија, во која повремено се загледуваше, а по излегувањето од продавницата, разменуваше впечатоци со мајката и синот. Дали актерот е подготвен да го направи следниот голем чекор со својата поранешна девојка Џенифер Лопез, времето ќе покаже.

Ben Affleck was spotted last friday with son Samuel and mom Chris shopping at Tiffany & Co.
📸August 20, 2021 Boaz / BACKGRID via Page Six pic.twitter.com/cGvN0h3uHk — bennifer tea (@jloaffleck) August 23, 2021

Првиот свршенички прстен Вереничкиот прстен што Бен Афлек ѝ го подари на пејачката во 2002 година, сѐ уште се смета за еден од најскапоцените прстени во светот. Актерот плати 1,2 милиони долари за розов дијамантски прстен од 6 карати, потпишан од Хари Винстон, додека денес тој дијамант вреди десет пати повеќе, пишуваат светските медиуми.

Викторија Јаначковиќ покажа необичен свршенички прстен: Бракот за неа, или бракот со неа е… „руски рулет“? (ФОТО)

Антонио Димитриевски — Sat, 10 Oct 2020 07:15:56 +0000

Некогашната мисица, екс шефица на кабинет на во Министерството за култура на РМ, дипломиран стоматолог и топ модел, убавата Викторија Јаначковиќ, одново актуелна. Видно ослабена, стегната, згодна и сексапилна како и тогаш кога за прв пат се појави, таа неодамна ги преплави интернет порталите и социјалните мрежи со едиторијал фотографии од новата колекција на модната куќа Елена Лука. https://arhiva.vistina.com.mk/radio-mileva/d-r-viktorija-janachkovikj-odnovo-pokaza-shto-e-toa-suptilna-golotija-toples-zabarka-foto/ Подразголена, во различни модни варијанти во стилот: „се' се гледа, а ништо не може да се види“, атрактивната Србинка со скопска адреса на живеење, уште еднаш ги измами воздишките на сите оние, што нејзината природна убавина ги остава со подзината уста. Но, она што особено ја заскокотка јавноста е најновата фотографија од нејзините приказни на Инстаграм, каде згодната забарка покажа како изгледа нејзиниот необичен свршенички прстен. До душа, институцијата „брак“ не дека и е непозната равенка, зашто Викторија Јаначковиќ по кусиот брачен излет во 2016 година, по само 12 месеци брачна заедница со Никола Тасески и стави крај на таа приказна, па денес е среќно разведена жена, „без семеен багаж“! https://arhiva.vistina.com.mk/radio-mileva/viktorija-janachkovikj-ja-napushti-rabotata-se-razvede-i-i-se-vrati-na-starata-ljubov-foto/ Дали со најновата фотографија згодната докторка повторно сака да наговести нешто „меѓу редови“ што наликува на „мој брачен термин“ или тоа е само слатка шега меѓу неа и нејзините пријателки, само Викторија знае?! Како што јавноста би сакала да дознае, дали необичниот свршенички прстен значи дека бракот за неа, или бракот со неа е... „руски рулет“? Ако е она второто, еден куршум кај неа е веќе е испукан... Од него падна првата „брачна жртва“ на забарката!

„Ѕвездата на Гранд“ момчето ја однесе во Париз да го прослави роденденот, а таму доби верички прстен, ама… изгледа саканиот „го промашил моментот?“ (ВИДЕО)

Антонио Димитриевски — Sat, 25 May 2019 11:10:54 +0000

Пејачката и поранешна учесничка во "Ѕвездите на Гранд", Катарина Грујиќ, поминаа неколку незаборавни денови во Париз. Нејзиното момче во Париз и организираше луксузна прослава на 27-ми роденден, но потајно тој подготвувал уште нешто.

Избраникот пејачката ја изненадил со тоа што отседнале во еден од најпрестижните хотели со поглед на Ајфеловата кула. Токму на полноќ, нивната заедничка вечера ја прекинале вработените во ресторанот и на Катарина и ја донеле роденденската торта, со неизбежниот огномет од прскалки.

Меѓутоа, како што пренесува српски "Свет", по се' изгледа дека тоа не било сè од момчето, кое допрва и го приредило најголемото изненадување на пејачката. Грујиќ, наводно исто така, добила и скап прстен на подарок, за кој се верува дека е веренички, иако таа одбила да зборува за тоа.

Атрактивната Каќа одлучила да не го открива дури и идентитетот на нејзиниот сакан, што ги подгрева гласините дека можеби „саканиот го промашил моментот“, па се чека да видиме што ќе се случи набргу со нејзината врска? Брак или разделба?

View this post on Instagram

A post shared by Katarina Grujić (@katarinagrujic.doll) on May 20, 2019 at 7:56am PDT

Викторија Лоба се мажи: Вистина.ком.мк e како „Баба Ванѓа“ или уште едно „апри-ли-ли-ли“ на пејачката? (ФОТО)

Антонио Димитриевски — Wed, 24 Apr 2019 08:04:16 +0000

Викторија Лоба ќе се мажи... Пејачката со свршенички прстен на раката... Лоба го покажа вереничкиот прстен...

Ова се само некои од насловите кои осамнаа на македонските портали и информација која осамна во македонските естрадни ТВ магазини.

И додека се чека самата Лоба тоа да го потврди, ние само сакаме да ве потсетиме дека она што другите дури сега го откриваат, ние го откривме во Америка... не, не ја откривме Америка, туку го откривме и напишавме пред точно еден месец, уште додека Викторија Лоба со своето момче беше во Америка.

Викторија Лоба со свршенички прстен на рака: „Ти кажувам ќерко, сети се зете“! - беше насловот во кој ја предвидовме свршувачката... или маркетинг интригата, на пејачката сеедно! Арно ама, ајде да видиме дали зошто Вистина.ком.мк беше како „Баба Ванѓа“ или Лоба си игра(ше) „априлилили“!?

Не дека македонската пејачка со руска крв во вените не сака да са мажи и не е подготвена за брак, напротив! Таа веќе подолго време живее заедно со своето момче, со кое и беа на заедничото патешествие во САД. Што значи дека и добро се познаваат, уште подобро функционираат, а (пред)брачните обврски ги имаат во „малиот прст“ и им се добро познати! Така што само едниот треба да праша, а другиот да се согласи кажувајќи го судбоносното ДА!

О друга страна, во исто време по цело Скопје осамнаа билборди, а по некои медиуми реклами на кои „руската душа“ е фотографирана како невеста, која го покажува вереничкиот прстен или свадбената бурма на раката. Во рекламни цели секако, зашто токму нејзе една позната јувелир фирма ја одбрала за заштитно лице во нејзината кампања за накит и скапоцени камења.

И сега ти види дали е во прашање само добра реклама, „штик проба“ или навистина ќе ја мажиме Лоба? Или конечно рекламата добро и дојде на пејачката, па и легна како „кец на десетка“ за да му прати порака на оној на кој треба да му текне да ја побара по теркот на онаа нашата народна поговорка, за што како што споменавме, веќе пишувавме: „Ти кажувам ќерко, сети се снао“… или поточно, сети се зете!

Дали прстенот е навистина веренички или само спонзорски, се сети ли зетот дека Лоба го нема сето време на светот, туку е време на пејачката да и ја „скрати маката“, па да и ја побара раката... Чекаме да каже несвестата!

И порноѕвездите се мажат: Миа Калифа кажа – „ДА“! (ФОТО)

Антонио Димитриевски — Mon, 25 Mar 2019 13:02:00 +0000

Поранешната порно ѕвезда Миа Калифа, е еден од најголемите фановии на фудбалот и англискиот премиерлигаш „Вест Хем“, им стави крај на машките надежи.

Либанката на која повеќето мажи од целиот свет и го знаат секој дел, вклучувајќи го и секое влакненце од телото, му го кажа судбоносното "ДА" на својот сакан Роберт Сандберг.

Калифа и Сандберг се заедно веќе подолго време, а Швеѓанецот ја изненади порно ѕвездата давајќи и веренички прстен на нивната заедничка вечера во еден ресторан во Чикаго.

„Јас сум најсреќната жена на светот! Реков Да“ - напишала Калифа на социјални мрежи, гордо покажувајќи го својот веренички прстен.

И после некој нека каже дека порно ѕвездите никој не сакал да ги земе за жени, а Швеѓаните не се либерални мажи?

Викторија Лоба со свршенички прстен на рака: „Ти кажувам ќерко, сети се зете“! (ФОТО)

Антонио Димитриевски — Sat, 23 Mar 2019 09:22:00 +0000

Викторија Лоба во моментов е во САД. Деновиве пишувавме за целта, локацијата, придружбата на нејзината посета на оваа егзотична дестинација, ама сепак една работа остана нејасна. Локацијата ја лоциравме - Mајами, придружбата исто така - пејачката е таму со истиот човек со кој и дома во Скопје, ја дели локацијата… за животен престој или заедничкото живеалиште, аам целта на патувањето остана енигма: работа или чисто прошетказаради задоволство? Но, она што осамна во вид на најнови фотографии на нејзиниот Инстаграм профил ја става јавноста не само во дилема, туку и во недоумица: Да не е нешто сосема трето во прашање?

Имено, Лоба се појави на фотографиите со невестински мини букет и веренички прстен на рака!

Патем, покрај една од од фотографиите е прикачен и нејзиниот пост, во кој има многу симболика, а вели: „На пат кон рајот“!

Тогаш, логично е да се запрашаме дали целта на патувањето во Мајами на Викторија Лоба и нејзиното момче не е токму „пат кон рајот“? Оној, животниот, се разбира!

Но, веднаш потоа, се појави и кусо видео на кое Лоба ја откри причината за покажувањето на вереничкиот прстен и не само него, на својата рака!

Имено, се работи само за рекламна кампања на една позната јувелирница за злато, златен накит и скапоцени камења... во која пејачката е главниот лик!

Ама кој да знае? Кога веќе се на „пат кон рајот“ со момчето со кое ионака веќе подолго се во врска, а и живеат заедно, можеби со оваа реклама Лоба сакаше и да го потсети, по теркот на онаа народната: „Ти кажувам ќерко, сети се снао“... или поточно, сети се зете!

Одберете го вистинскиот веренички прстен

Наташа Тасевска — Thu, 30 Aug 2018 16:03:09 +0000

Голем број на двојки ги одбираат своите бурми со цел да се совпаѓаат со вереничкиот прстен. Тоа не е неопходно бидејки вереничкиот прстен се носи на лева рака, а бурмата на десна. Исто така при купувањето можете бурмата и вереничкиот прстен да ги одберете во ист стил, но изработени со различен метал. Најчести метали кои доаѓаат во комбинација за веренички прстен се: жолто злато, бело злато и платина.

Најтрадиционално од сите метали е жолтото злато. За голем број на луѓе жолтото злато е симбол на љубовта и топлината на бракот. Ѕирнете на внатрешната страна на прстенот за да ја дознаете каратажата на златото – 14К, 18 К или 24К. 24 каратното злато е најчисто но истовремено и најмеко од сите метали. Ако работите со своите раце би требало да одберете 14 или 18 каратен прстен со цел да ги избегнете гребаниците.

Белото злато во моментално е тренд затоа што одговара на среброто и платината, а воедно е поефтино од платината. Платината е метал со стил, воедно и најтежок метал и заради своите карактеристики многу луѓе го сметаат за симбол на безвременска љубов. Платината не се меша со други метали и прстенот од платина ќе го платите најскапо. Но, ако и вие го сметате за симбол на вечна љубов тогаш платината е вашиот вистински избор.