верба – Вистина.мк

„Ми беше тешко“: Никола Роквиќ проговори за развод од сопругата Бојана

Слободанка Илиева — Mon, 06 Jun 2022 08:56:45 +0000

Пејачот Никола Роквиќ ја шокираше јавноста со тоа што призна дека има голема желба да се замонаши, а кога ги носи децата на пат, како своја животна цел го гледа одењето во манастир. Сепак, бракот на Никола Роквиќ е доволно силен, па благослов му даде сопругата Бојана Баровиќ која беше со него во најубавите, но и најтешките моменти од неговиот живот. Па така, Никола гостувајќи кај Марина Рајевиќ Савиќ во емисијата „Додека спијат ангелите“, искрено зборуваше колку му е важна верата. Тој е многу посветен на неа и свесен дека таа многу му помага. Чувствуваше колку вербата го враќа во живот кога Бојана и тој размислуваа да се разведат. Но, бракот на Никола Роквиќ ја надмина таа пречка. - Пет години живееме на релација Србија-Америка. Таа страда од мојата работа овде, нејзината таму, па има кавги во врската. Рековме во еден момент дека ќе раскинеме. Ми беше тешко, а се мачевме многу. Потоа повторно ми се појави тоа чувство на убавина. После сфатив дека тоа е благодет. Внатрешен глас ми рече да продолжам да го читам Новиот завет. Го отворив Евангелието по Лука, раѓањето на свети Јован Крстител во Белград. Два петока отидов да пеам со луѓе во црква. Се молев пред Света Петка и Свети Јован Бог да ме спои мене и Бојана, да ја немаме повеќе таа дистанца - искрено изјави Никола и откри засега непознати детали. -Не знам зошто тогаш реков: „Боже, би сакал Бојана да е трудна, да се собереме на едно место и повеќе да не се разделуваме“. Во еден момент реков дека Бог постои само ако Бојана е бремена. Таа подоцна доаѓа од Америка и ми дава подарок. Додека го земав, под подарокот ми подари рака и тест за бременост. Тогаш бев шокиран! Не можев да кажам ни збор. Значи, Господ постои, а од друга страна ми се исполни големата желба. После неколку дена Бојана ми кажува дека сонувала жена во црно, дека дошла да и каже да не се грижи и дека се ќе биде во ред. Тогаш и кажав дека е Велики петок. Леона подоцна ни се роди на денот на Света Петка Трнова, а се крсти на денот на Света Петка Српска - рече Никола. фото:принтскрин Инстаграм

На кој хороскопски знак можете најмногу да му верувате?

Слободанка Илиева — Thu, 21 Jan 2021 12:45:41 +0000

Сигурно сте се запрашале на кои личности можете најмногу да им верувате…Ви носиме хороскоп листа според која можете да процените на кои знаци треба да им верувате, а од кого треба да се „пазите“… ОВЕН Овенот е хороскопски знак кој е лојален пријател. Секогаш го кажува тоа што го мисли и кај него нема лажни ветувања. Тој најдобро се сложува со упорните и вредните, а ги избегнува оние кои постојано се жалат. БИК Бикот е пријател кој секогаш е тука за вас. Тој е заштитнички настроен и не дозволува во негово друштво да се оговараат пријателите. БЛИЗНАЦИ Близнаците имаат голем круг на пријатели. За секој вид на потреби имаат одреден круг на пријатели. Едни пријатели им се за деловна соработка, други за излегување, трети за утринско кафе… РАК Ракот е знак кој не може да се дружи со ладни луѓе. Најмногу му одговараат емотивните личности кои се полни со љубов и кои сакаат на другите да им помагаат. ЛАВ Лавот е знак кој има многу пријатели но е целосно искрен само со мала група на луѓе. Ако имате пријател Лав кој ќе ви се отвори тогаш знаете дека ве цени и никогаш нема да ви го заврти грбот. ДЕВИЦА Девицата на прв поглед изгледа ладно, но кога некого ќе засака, тоа е искрено. Не знаат да глумат почитување. Мана им е што не знаат да го почитуваат туѓиот успех. ВАГА Вагата е некој кој е добар советник за пријатели. Има многу пријатели но само со мал дел од нив е целосно искрена. ШКОРПИЈА Шкорпијата е знак кој ладно се однесува со пријателите. Односно остава таков впечаток, но кога ќе го освоите нејзиното срце, ќе ви се отвори максимално и ќе уживате во нивното пријателство. СТРЕЛЕЦ Стрелецот е многу искрен и друштвен. Луѓето го сакаат, но она што на нив не им се допаѓа кај другите е агресивност и пасивност. Никогаш нема да дозволат агресивна личност да влезе во нивниот потесен круг на пријатели. ЈАРЕЦ Јарецот ја почитува лојалноста. Неговиот круг на пријатели е врзан за луѓето кои им помагале и на кои тоа им е возвратено. Ако на некого му помогнал, а таа личност не го испочитувала кога на него му била потребна помош, тогаш ќе се оддалечи. ВОДОЛИЈА Водолијата е знак кој се држи на дистанца. Ретко покажува вистинско пријателство, бидејќи прво чека другата личност да се потруди околу неа, па дури тогаш ќе возврати. РИБИ Рибите често знаат да бидат лаковерни и подложни на туѓо влијание. Веруваат во приказните кога некој ќе им каже дека некој друг ги оговара. Инаку се добронамерен знак кој сака луѓе со став. извор:нетпрес.ком.мк

Трпение или сила – еве што одбра Сани Гроздановска за да го издржи тридневниот споен викенд-карантин, без излегување надвор! (ФОТО)

Антонио Димитриевски — Sat, 11 Apr 2020 08:52:03 +0000

Деновите во изолација на сите тешко ни паѓаат, времето споро минува... Денот како година, часовите како денови, минутите мислиш се часови... Што и да работиш, што и да правиш и чиниш, сепак си „затворен“ во 4 ѕида. А, меѓу врати и ѕидови, се раѓаат и нови идеји, нови облици на забава, дружење, понекоја нова или обновена љубов... а, Бога ми и многу кавги и расправии, зашто очигледно не сме навикната толку долго да бидеме едни покрај други во домашниот кафез. Уште пак ако е и брачен...! Но, што е - тука е, мора да издржи, а што се мора - не е тешко! Така барем велат, ама од муабет до практично спроведување, разликата е огромна. Особено ако тоа „мора“ треба да трае 41 час, од петок до понеделник сосе викенд, без нос да провириш надвор. Евентуално низ прозорец, до балкон или тераса или дворче кој го има. Затоа многумина велат дека во вакви ситуации, во верата е спасот. Во молитвата се наоѓа утехата и спокојот на душата, да се собере сила која Бог ќе ни ја даде, сето ова да издржи, да се истрпи за да го пребродиме и поминеме без последици. Во вербата и трпението е спасението, ама и дилемата?! Особено за некои, меѓу кои и македонската фолкерка, Сања Сани Гроздановска. За прв пат од корона пандемијата имаме споен полициски час од петок до понеделник, што значи два и пол дена и фазла, нема излегување од дома. Па, за да не и се „спојат жижичките“, Сани превентивно чарето си го побара во молитва и молба кон Бога. Заедно сосе дилемата, што Бог да и даде повеќе, овие три дена: трпение или сила? Најдобро познавајќи се себе си, еве што одбра темпераментната кумановка!

Дуке Бојаџиев ви ги честита празниците со „Сон, верба, љубов“ (АУДИО)

Антонио Димитриевски — Fri, 05 Jan 2018 11:19:50 +0000

Македонскиот композитор, пијанист и продуцент со светско реноме, Дуке Бојаџиев одлучи да ни ги разубави празниците и да ни подари бесплатен албум со 10 одлични композиции, сето тоа собрано под насловот „Сон, верба, љубов“! „Во изминативе 7-8 години, покрај сите проекти на кои работев, пишував и композиции инспирирани од моите македонски музички корени. Дел од нив изведов во концертни верзии минатите години, а дел премиерно ќе ги чуете на студиското издание на ’Сон-Верба-Љубов’. Ова издание сакам да го споделам со сите вас како еден искрен подарок со кој Ви ја честитам Новата 2018 година, и Ви посакувам и понатаму никогаш да не заборавите да Сонувате, Верувате и Љубите!“ - порача композиторот и музичар. Материјалот се снимаше во периодот од 2010 до 2017 година, а меѓу гостите на овој проект се: Исмаил Лумановски (кларинет), Каролина Гочева (вокал), Крсте Роџевски (вокал), Наташа Петровиќ (вокал), Владимир Крстев (виолина), Ара Данкјиан (уд), Матијас Кунцли (перкусии), Прија Даршини (вокал) и Фло Атенози (гитара). Сето тоа можете да го слушнете ОВДЕ, а бесплатно да го преземите ОВДЕ.