венко филипче – Вистина.мк

Миа Костова отворено му го „плесна“ на Филипче: „Пола докторска фела се смее на теорииве новокомпонирани, а тој упорен со истиот муабет како пијан на слава у 5 и 15 сабајле… дај докторе замини, почнавме да зеваме“!

Антонио Димитриевски — Mon, 23 Aug 2021 07:49:13 +0000

Министерот за здравство Венко Филипче објави дека оние што прележеле Ковид 19 немаат, односно имаат многу помал имунитет од оние што се вакцинирани. Дури и оние со една доза од вакцината. Така барем излегува, зашто првиве по 45-тиот ден од прележувањето на заразата, не можат речиси никаде да влезат... Од кафеана и кафуле до спортски натпревар или културен настан, за разлика од имунизираните со само една доза на кои сите врати им се отворени иако врвните имунолози тврдат дека една доза не прави имунитет. Нешто што и на обичниот човек му е јасно дека „не држи вода“, а камо ли на лекарската, стручната и научната фела. Онаа се разбира, што не е „индоктринирана“, политички пристрасна или дебело платена да тврди поинаку. „Јасни се препораките дека природниот имунитет после прележување на болеста, со тек на време се намалува и вакциналниот е оној којшто е потраен. Во таа смисла, Американскиот центар за контрола на болести тоа го укажува, Светската Здравствена Организација тоа го укажува, според препораките 10 дена после тестирањето кај асимптоматските пациенти се препорачува вакцинација. Значи, сите препораки одат кон тоа за што пократко време, луѓето да се имунизираат. Точно е дека има студии коишто препорачуваат и коишто констатираат дека луѓето, граѓаните имаат имунитет и после 5-6 месеци по прележувањето на болеста, дури студии и после 8 месеци, меѓутоа природниот имунитет се намалува. Имајќи предвид дека имаме препораки за што поскоро вакцинирање битно е граѓаните да се вакцинираат и за што пократко време да се постигне колективен имунитет. Не можеме веќе да чекаме и да се соочуваме со нови бранови, а низок процент на вакцинација. Тоа е логиката и за препораката од 45 дена по прележувањето граѓаните да се вакцинираат. Нема зошто да се одложува вакцинацијата, а бенефитот е подигање на колективниот имунитет, за целосно да се смени сликата со пандемијата“ - порача министерот Филипче на социјалните мрежи и предизивика бура од коментари, негодувања, па дури и исмевања. И навистина, да не е трагично би било смешно... Вака, само трагикомично. Меѓу оние кои го коментираа произволното тврдење на министерот покрај обичните граѓани имаше и јавни лица и познати личности од разни области, но најмногу се издвои коментарот на македонската ТВ водителка и инфлуенсерка Миа Костова, која ионака е позната по тоа што нема „влакна на јазикот“, па го „закопа“ Филипче со тоа што му го порача: „Пола докторска фела се смее на теорииве новокомпоновани, он упорен со истиот муабет како пијан на слава у 5:15 сабајле. Дај докторе замини, почнавме да зеваме“! Фото: Фејсбук и Инстаграм принтскрин/Венко Филипче/miandrija

Откако кафето не и „запали“, Лиде на Филипче му напиша песна па му порача: „Гo чeкaм вo када мокpa кo cиpeнa, дojди ти кај дaдa нoќвa co сиpeна“! (ВИДЕО)

Антонио Димитриевски — Mon, 19 Apr 2021 12:12:29 +0000

Лидија Гиновска, која на социјалните мрежи е претставена како Лиде - Лиде стана популарна со со своите коментари на објави кај министерот за здравство Венко Филипче. Таа не испушташе прилика не само да коментира, туку дури и јавно го повика и покани Филипче на кафе, со желба за лична средба со него. Петочното поладне на 19 март 2021 година беше денот за кој сонувапше и се надеваше на остварување на големата желба на Лиде, која тогаш објави фотографија на социјалните мрежи на која пишува: „Конечно успеав да го сретнам“! Лиде Лиде се надеваше дека ќе си ја оставри целта, но излезе само половично. Го запозна Филипче, ама министерот, дамата кафе не ја почести! Наместо кафе, Лиде од Филипче доби едвај едно заедничко селфи. И таа, како и народот за вакцините - извиси! https://arhiva.vistina.com.mk/radio-mileva/lide-lide-go-nacheka-filipche-se-zapoznaa-ama-dobi-samo-selfi-kafeto-na-lide-i-vakcinite-za-narodot-kje-pochekaat-zashto-so-filipche-ochigledno-moze-samo-da-se-slikame-foto/ Арно ама упорната Лиде не се откажа. Ако веќе кафето „не и запали“ и средбата и пропадна, тогаш можеби нешто друго ќе го заинтригира повеќе, па министерот можеби ќе најде време да и посвети малку повеќе внимание. Затоа Лиде - Лиде дојде до генијална идеја Нималку едноставна и лесна, ама сепак... Засука ракави, напрегна мозочни вијуги и на Филипче му напиша песна. Можеби пеењето не и е посилна страна и е „малку тенко“, ама затоа се надева дека идејата и е полн погодок, па така Лиде стана - „Лиде на Венко“. „Ми викаат по улици Лиде-манекенко, а јас им викам - не, јас сум Лиде на Венко“! Ова се само дел од стиховите на авторското музичко дело што така несебично и смело, ова скопско „рипче“ му го посвети на министерот Филипче. Секако, покрај посветата тука е и скриената порака во стиховите, или поточно отворена понуда во вид на „непристоен предлог“ од Лиде за Венко: „Гo чeкaм јас вo када мокpa кo cиpeнa, дojди ти кај дaдa нoќвa co сиpeна“...! Не знаеме што ќе каже на сето ова министерот Филипче, ама од она што може да се претпостави... Ако може со сирени на приватна брза помош и во скафандери заразени да доаѓаат на гласања, што не би можело и со сирени здрави да доаѓаат на бањање? До тогаш уживајте во ремек - делото на „Лиде на Венко“. https://www.youtube.com/watch?v=plyo2nd4myw

Лиде Лиде го начека Филипче, се запознаа, ама доби само селфи: Кафето на Лиде и вакцините за народот ќе почекаат, зашто со Филипче, очигледно може… „само да се сликаме“! (ФОТО)

Антонио Димитриевски — Sat, 20 Mar 2021 08:48:57 +0000

Лидија Гиновска, која на социјалните мрежи е претставена како Лиде Лиде стана популарна со со своите коментари на објави кај министерот за здравство Венко Филипче. Таа не испушташе прилика не само да коментира, туку дури и јавно го повика и покани Филипче на кафе, со желба за лична средба со него. Во меѓувреме, Филипче на народот му вети вакцини, а Лиде направи своја емисија на Јутјуб, насловена „На кафе со Лиде“, па вети дека во една од првите гостин ќе и биде токму министерот Венко Филипче! На почетокот од пандемијата, Лиде Лиде беше редовна со коментари на прес конференциите на министерот, па во една прилика кога тој беше гостин во една емисија запрашан дали ќе има и средба со Лиде Лиде, Филипче одговори дека ќе пијат кафе откако ќе помине корона пандемијата. Вчерашниот ден, или поточно петочното поладне на 19 март 2021 година беше денот на остварување на големата желба на Лиде, која објави фотографија на социјалните мрежи на која пишува: „Конечно успеав да го сретнам“! Кога нешто силно посакуваш, Господ ќе се потруди да ти ги „намести коцките“, а доушниците да ти ги сервираат информациите, па така средбата се случила вечера попладне, во едно скопско кафуле, кога Филипче и Мила Царовска решиле да се напијат кафе, а „шпиуните“ и дојавиле на Лиде дека е тука и веднаш да дојде ако сака да го види. „Другарка ми ми вика тука е, веднаш доаѓај. И реков: „ Абе како, сега ли, воопшто не сум средена.“ Но, шансата не се пропушта. На брзина облеков хеланки, блуза, ставив и маска. Влегов во кафулето, седнав и го гледам од страна. Тој седеше со Царовска и нешто си правеа муабет. И реков на другарка ми дека дека нема да му пријдам бидејќи имам трема. Но, таа ме охрабри, ми рече не само да му пријдам туку и да побарам да се сликам. Јас се колебав, навистина многу, ми беше непријатно. Абе трема имав многу. Лелеее… Сепак, ја ставив маската „Лиде и Венко“ и пријдов“ - раскажа детално и искрено Лиде за ММС. „Господине министре, да ви кажам само дека ја имате мојата целокупна поддршка уште од почетоткот. Јас сум Лиде Лиде“ - му се преставила таа на Филипче. „ Кога го кажав ова, Царовска падна од смеење. А и тој почна да се смее. А мене! Мене ми се тресеа рацете. Го прашав дали може да се сликам и тој рече: „Ајде може слефи“. Ама јас не можев да го наместам телефонот од што ми се тресеа рацете. Не можев да ја најдам камерата. Едвај направив две селфи, но ги направив матни од што ми се тресеа рацете. Целата бев збркана, а не можев да го погледнам од трема. А тој ме гледа и се смее. Се изнервирав, му реков- може ли другарка ми да не слика и тој се согласи. Потоа, секако дека го прашав дали може да ја објавам сликата на Фејсбук, му реков: „Сепак, да не ви направам проблем“. И тој ми дозволи. Ми рече: „Само сликање сега, кафе другпат“. И толку беше, они си доправија муабет и си заминаа“ - возбудено ја раскажала средбата Лиде. Лиде Лиде си ја оставри целта, ама само половично. Го запозна Филипче, ама министерот, дамата кафе не ја почести! Наместо кафе, Лиде од Филипче доби едвај селфи. И таа, како и народот - извиси! Кафето на Лиде и вакцините за сите нас - ќе почекаат... Зашто со Филипче, очигледно може само... „да се сликаме“! И тоа матно! Фото: Фејсбук/Јујуб принтскрин

Венко Филипче жестоко ги навреди музичарите: „Нека протестираат пред инфективна, пред оние што најверојатно се заразиле на нивните настапи и свадби“!

Антонио Димитриевски — Tue, 06 Oct 2020 07:58:29 +0000

Реакциите на новите одлуки на владата по препорака на Комисијата за заразни болести за нови мерки за заштита од ковид-19, кои овој пат главно предвидуваат ограничувања во работата на угостителските објекти и рестрикција на живата музика, жестоко одекнаа како на социјалните мрежи, така и во медиумите. Најгласни, секако најпогодените: угостителите и музичарите и естрадата воопшто. Зашто рестрикциите на звукот на 55 децибели и забраната за настапи на ДЈ и музичари по локалите повеќе од јасно е дека им ја запечатува не само естрадната кариера на оние што тргнале да ја градат, туку и судбината воопшто на сите оние, на кои музиката и музицирањето им е основна егзистенција! Револтот и огорченоста се огромни кај музичката фела и ивент индустријата, која почна да се саморганизира и веќе го закажа првиот протест за утре, среда, 7-ми октомври 2020 год. во 14 часот пред Владата на Република Македонија. Од друга страна истата таа влада или потчно нејзините најповикани луѓе во здравството предводени од министерот Венко Филипче засега никако не попуштаат, картегорички тврдејќи дека мерките мора стриктно да се спроведат, без оглед на колатералната штета која стотици, па и илјадници луѓе од угостителско-музичката фела и нивните семејства, ќе ги остави гладни на улица! И додека на социјалните мрежи музичарите, а и останатите почнаа да си прават самите мајтап на сопствената мака која некој друг им ја приредил, министерот Филипче гостувајќи по одредени медиуми со своите „неумесни“ изјави дотура масло на огнот, што многумина го сфатија како дотурање „сол на нивната рана“, сол која им ја истураат токму тие што ги „ранија!“ Дури и музичарите кои важат за „блиски до власта“ сфатија колку е часот, па гледајќи дека покрај „сувото ќе изгори и суровото“, се обидоа „да му отворат очи“ и на министерот и на целата таа здравствено-комисиско-владина свита околу него, дека наместо да ги казнуваат и затвораат само оние газди и локали што го кршат законот, што не ги почитуваат одлуките и одредбите и не ги спроведуваат протоколите, тие решиле комплетно да „збришат“ се' што е локал и се' што во него свири и пее! Или како што самите музичари по аналогија на настаните даваат еден пластичен пример: „Ако вечерва пет-шест возачи поминат со автомобилот на црвено светло на семафор, дали тоа значи дека ќе го забраните комплетно целиот сообраќај“? И како капак на се', Венко Филипче во едно од вчерашните гостувања на една од телевизиите, на новинарско прашање како ќе го коментира најавениот протест на музичарите пред владата, министерот даде неумесен одговор, испраќајќи им навредлива порака со жесток коментар: „Нека протестираат пред инфективна клиника, нека ги погледнат во очи семејствата на оние кои се борат за живот и на оние кои починаа, а се заразиле најверојатно на нивните настапи и свадби каде што настапувале, лесно е да излезеш на протест, тешко е да седнеш и да најдеш решение кое ќе биде добро за сите...“ - меѓудругото им порача на музичарите пред утрешниот протест министерот Филипче. Претходно „провладините медиуми“ го фалеа министерот дека е смирен и сталожен, дека не ги губи нервите на било какво новинарско прашање... Да, ама тоа беше пред избори, кога не смееше и не требеше да се покаже нервоза кон своите и другите потенцијални гласачи, а сега откако изборите завршија и маските паднаа, па гледаме некој друг Филипче. Реакцијата на музичката фела и воопшто на голем дел од јавноста на неговата изјава уште пожестока, воглавно изразена на социјалните мрежи: Ќе си даде ли Филипче оставка по ваквото скандалознио и недопустиво однесување, како што од него бараат музичарите? Тешко... или поточно, невозможно! Тогаш, дали барем министерот ќе се извини за нервозата, навредливиот и потценувачки однос кон музичко-уметничката фела, останува да видиме? Како што останува да видиме дали нивниот протест ќе биде многу посилен и погласен од 55 децибели, а владата за нивните барања „ќе има слух“ за да ги преиспита и преиначи своите погубни одлуки?!

За Филипче – времето е пари… баеги пари: Министерот за здравство со часовник вреден 5 илјади евра на рака (ФОТО)

Антонио Димитриевски — Tue, 12 May 2020 16:16:12 +0000

Министерот за здравство Венко Филипче во својата колекција има часовник кој речиси никој просечен граѓанин во оваа земја не може да си го дозволи со ниту една плата, па дури и од неостварената на Заев од 500 евра. Станува збор за рачен часовник од брендот Омега кој на пазарот вреди околу 5 илјади евра. Јавноста прашува дали часовникот Филипче го добил по заслуга за „справувањето“ со коронавирусот или пак самиот се почестил од платата или...? Целосните спецификации на часовникот од марката Омега кој го поседува Филипче можете да ги погледнете ТУКА. Извор: Курир.мк Редакциска опрема: Вистина.ком.мк

Панчо -ДНК со описна (пре)порака до министерот Филипче: „Ова мене ми испаѓа слично она – не го ставај цел, само до пола“! (ФОТО)

Антонио Димитриевски — Fri, 13 Mar 2020 08:45:15 +0000

Коронавирусот од зараза стана пандемија од светски размери. Светот се бори со неа, барајќи начини како да се справи. Вакцината против „Ковид 19“ е се' уште само „мисловна именка“, а додека бројот на заболени расте, се' повеќе од нив завршуваат фатално. Логичнио, заразата и паниката одат рака под рака, па маркетите и аптеките експресно се празнат, медиумите 24/7 известуваат со најразлични вести, социјалните мрежи оддамна се зовриени. Секој со свое мислење и размислување, рецепти и „100% ефикасни лекови“, упатства за превентива, пофалби и критики, пораки и препораки... И до населението и до оние кои се одговорни за заштитата на неговото здравје. Македонската влада и нејзиниот министер за здравство Венко Филипче со се' порадикални мерки и активности во превенција од ширење на вирусот. По воспитно-образовните институции и забраната за јавни собири, министерот го лимитираше и работното време на кафулињата, кафеаните, меаните, угостителските локали, клубовите, дискотеките... само до 18.00 часот. Меѓу реакциите на сите „обични смртници“ и оние, „необичните“, или поточно, познатите и популарни личности од различни сфери, па и од естрадата со коментари и (пре)пораки до народот и мерките на Владата. Еден од првите кои се најгласни, Панчо - ДНК. Имено, популарниот ДЈ Шорти се огласи со свој коментар на социјалните мрежи. На Панчо мерката на министерот за здравство за затворање на локалите и угостителските објекти од типот: „фифти-фифти“ не му се допаѓа. Особено не, познавајќи го менталитетот на нашиот народ, а Панчо добро го познава, зошто „цел живот“ лебот си го заработува во истите тие локали забавувајќи го истиот тој народ. И ако тргнете по она што Дј Шорти го тврди, неговата реакција има логика. Од 08 до 18 часот локалите отворени, а потоа фајронт? Излегува како „Ковид 19“ преку ден да спие, па се буди попладне и почнува да делува после 18 часот? А народот она што му е забрането му е најслатко, или поточно, она што не може навечер, го надополнува преку ден, па како што видовме уште веднаш „дневната шема - цвета“! Локалите преку ден полни како око, па излегува дека „попуста ти била Венко забрана, кога не е целосна“! Затоа Панчо на министерот Филипче и неговата експертска свита им предлага тотално затворање на угостителските локали со модус за целосно обесштетување на сопствениците, зашто „џабе паника“, кога ова нема логика! Или што би рекол Панчо-ДНК, описно: „Вака, мене ми испаѓа слично на она: не го ставај цел, само до пола“!

Миа Костова „еден на еден“ со министерот Филипче: Венко, нели имаш епидемија, па принудно вакцинираш, а ваму терате гласање по училишта? (ФОТО)

Антонио Димитриевски — Tue, 23 Apr 2019 08:13:46 +0000

Паузата во гласањето меѓу двата изборни круга, македонската ТВ водителка Миа Костова, која меѓудругото е и самохрана мајка на малолетно дете кое оди во основно училиште, ја искористи јавно да му се обрати на министерот за здравство Венко Филипче.

Имено, Миа е позната како голем поборник за слободно одлучување на родителите за здравјето на своите деца. Затоа по задоцнетото прогласување на епидемија од заразните морбили и таканареченната принудана теренска вакцинација од страна на министерот и неговата здравствена свита, Миа реши јавно да го прозве и да му се обрати. Причината - „изборни морбили“!

„Во моментов се паркирам прд училиштето на Андрија (синот на Миа) чисто да се договориме со Венко и екипата околу теренската вакцинација, односно принудното вакцинирање. Мене ме интересира, како при прогласување на епидемија на ниво на Македонија, се одвиваат едни избори каде што циркулираат илјадници луѓе и гласањата за истите тие избори се случуваат по училишта? Венко?“ - се зборовите со кои му се обрати Миа Костова на министерот Филипче во приказните на својот Инстаграм профил.

И сосема оправдано. Ако веќе си прогласил епидемија во која најзагрозени се децата, па сакале или не ги принудуваш со закон или со низа мерки нивните родители и старатели да мораат да ги вакцинираат, како тогаш не превземаш ништо таа зараза да се шири? Напротив, на извесен начин уште и ја „стимулираш“ со отворањето на школите и градинките за гласање?

Очигледно време е за метла! Не за метла... За хемиско чистење! За генералка... И тоа голема! Ама, големата метла за среќа, овој пат се покажа дека е во рацете на... народот! И не само метлата... Најголемите валканици народот има да ги вади со... „Кирби“!