венера – Вистина.мк

Марија Спасовска како божица на убавината и љубовта во нејзината – „Венера“ (ВИДЕО)

Антонио Димитриевски — Tue, 27 Dec 2022 09:25:51 +0000

Деновиве новата надеж на македонската музичка сцена, младата Марија Спасовска ја промовираше најновата песна со наслов „Венера“. Таа пред помалку од три месеци дебитираше на годинешното издание на фестивалот на забавни мелодии во Штип, „Макфест 2022“, каде веднаш со својот настап успеа да ги освои симпатиите на домашната јавност. Таму настапи со песната „Омилен“, која оттогаш, па досега се емитува на сите радио-станици ширум Македонија. Инаку како и на претходните, така и на најновата „Венера“, Марија самата се потпишува како автор на музиката и стиховите на песната, додека аранжманот, миксот и мастерингот се дело на познатиот музички продуцент и аранжер, Иван Јованов - Ивајо. Исто така Спасовска не ја промени и екипата која го работеше нејзиниот претходен видеоспот, па така и ова видео го потпишува тимот на „Urban Records“. „Презадоволна сум од сработеното. Одамна ја имав напишано оваа песна и само го чекав вистинскиот момент. Соработував со продуцентот Ивајо, кој навистина се потруди и ги даде сите потребни украси за финалниот продукт да звучи вака. Планот за следната година ми е да бидам уште поактивна, а тоа значи повеќе песни, повеќе видеоспотови и задравје Боже, настапи...“ – изјави накусо младата Марија. Во продолжение проследете како звучи и изгледа кога Марија пее за некој кој во љубовта се однесува како да е „паднат од Марс“ кон божица на убавината, љубовта и животот - „Венера“ (КЛИКНИ ТУКА):

Актерката Мирјана Карановиќ сликовито покажа дека е љубител на нудизмот: Гола Венера на зајдисонце (ФОТО)

Антонио Димитриевски — Mon, 26 Jul 2021 09:27:53 +0000

Познатата српска актерка Мирјана Карановиќ (64) е вистински пример дека годините се само бројка во личната карта и дека состојбата на умот е она што се рефлектира и на телото. Актерката последните години интензивно работи на своето тело, а сега ги воодушеви обожавателите со новата објава. Тие коментираат дека Карановиќ изгледа фантастично и не само за своите години. Карановиќ е позната како голем љубител на нудизмот и дека секое лето одбира различни нудистички плажи, а сега покажа и фотографија од една такава плажа, за која многу се крена врева. Имено, Карановиќ позирала целосно гола, свртена со грб, што во прв план го става нејзиниот добро зачуван задник. „Лето и слобода! Зајдисонце! Без филтер и фотошоп“ - напишала Карановиќ во описот на фотографијата. Славната актерка поради оваа фотографија добила низа позитивни коментари, како оние дека е прекрасна и слободна жена, дека е ѕвезда, дека така прават самоуверените жени и слично. „Прекрасно за гледање“, „Одлично ги носиш своите години“, „Венера“, „Морска сирена“, се само дел од пораките што може да се најдат под оваа нејзина објава. Фото: Инстаграм принтскрин/mirjanakaranovic

Карлеуша одново шокираше: Гола меѓу ангелите?! (ФОТО)

Антонио Димитриевски — Thu, 02 Aug 2018 09:22:55 +0000

Српската поп-фолк дива Јелена Карлеуша одново ја шокираше јавноста. Иако не и е прв пат да се фотографира прилично разголена, па дури и гола, овој пат се чини навистина претера. Барем така смета дел од јавноста која Карлеуша длабоко ја допре во нивните верски и уметнички убедувања, откако постираше необичан фотографија, или поточно цртеж.

На него, ЈК насликана гола, како гола Венера меѓу ангелите...Еден вид, обид за реплика на познатата слика на Ботичели, „Раѓањето на Венера“... Социјалните мрежи експлодираа по оваа нејзина провокација, па Карлеуша ја „распнаа“ со коментари дека турбофолк кичот почнал длабоко да задира како во уметноста, така и во религијата!

Контроверзната Јеца остана без коментар... Очигледно нејзиниот потег, каков и да бил, ја постигна целта... Која, очигледно ги оправдува средствата!