венчаници – Вистина.мк

Сопругата на Шијан сите три венчаници што ги носеше на свадбата ги позајмила – сите се прашуваат за цените, а таа не потрошила ниту евро (фото)

Слаѓана Атанасова — Wed, 21 Sep 2022 06:28:59 +0000

Бојана Родиќ на свадбата со сопругот Мирко Шијан на секој начин се трудеше да го сврти вниманието кон себе. И успеа во тоа. Сите пишуваа за тоа како таа блесна во сите три венчаници што ги носеше на црковната и граѓанската венчавка, како и на забава во ресторанот. Се шпекулираше дека за гламурозните креации издвоила вртоглави 30.000 евра, меѓутоа, вистината е дека не платила ниту едно евро за венчаниците и дека ги добила како надомест, како и дека е должна да ги врати нив кога ќе заврши прославата. Таа за тие три фустани била должна само да ги рекламира на социјалните мрежи, што тоа и го направила, а оваа мала работа и се исплатела повеќекратно, па како што налагаат српските обичаи, ја спасила својата свекрва Гоца Божиновска да плати голема сума. Да потсетиме, Бојана најпрво се појави во венчаница во крој на принцеза со голи рамења и долг вел со круна, кој беше украсен со богат вез и светки. Го носеше на црква и граѓанска венчавка. По ова, невестата се одлучила за уште една венчаница од бел сатен, а детаљот кој најмногу и привлекол внимание се ракавиците во иста боја и украсот на главата. За крајот на прославата и сечењето на тортата, која имаше дури осум спрата, Бојана се одлучи за тесен светкав фустан со корсет и длабоко деколте, во кој и се гледаше трудничкиот стомак, бидејќи е во вториот триместар од бременоста. Фото:Принтскрин/Приватна Архива

Александра Пријовиќ потроши 50 илјади евра за три венчаници, а еве ги и деталите

Слободанка Илиева — Sat, 02 Jun 2018 09:06:48 +0000

Венчавката на пејачката Александра Пријовиќ и Филип Живојиновиќ ќе се случи на 21-ви јуни, а каква е таа венчавка без волшебна венчаница или неколку венчаници, две, три... Пријовиќ за три венчаници издвоила дури 50 илјади евра -Александра на венчавката со Филип ќе смени неколку венчаници, а најмногу поторши за фустанот кој ќе го носи во црква, вели изворот близок до пејачката за српски Телеграф и додава:

A post shared by Aleksandra Prijovic (@aleksandraprijovic) on Jun 1, 2018 at 11:31am PDT

-Тоа е и најскапата венчаница што ќе ја носи, а изгледа како од бајките. На себе има многу детали од кои повеќето се рачна изработка. Прија се одлучи тоа да биде брендот Кристијан Диор, а чини околу 30 илјади евра. Истиот извор додава дека идната снаа на Брена останатите две венчанци ги избрала од домашни српски дизајнери и вкупно чинат околу 20 илјади евра.

(Фото) Хит венчаници за 2018 година: Кажете му збогум на длабокото деколте

Наташа Тасевска — Fri, 30 Mar 2018 11:32:56 +0000

Исто како и со чевлите, капутите или ташните, така модата на венчаниците секоја година се менува. Кројот на најважниот фустан се избира според градбата на телото, а сè останато според личниот вкус на идната невеста - дали ќе биде отворено на грбот, дали ќе има деколте, ремен, шлиц, дали ќе биде кратка или долга венчаницата.

Според социјалната мрежа Pinterest, во 2018 година, најпопуларните венчаници ќе бидат оние без деколте, односно, тоа ќе бидат тоалети со висока јака.

Се чини дека на венчаниците кои ги откриваат градите им помина модата, па оваа година познатите дизајнери на венчаници решија оваа година невестите да ги закопчат до грлото.

Венчаниците во облик на сирена сеуште се едни од најбараните модели, додека голем дел од идните невести сеуште избираат венчаници со детали од чипка.

Овие познати Македонки облекоа венчаница, а не се омажија? (ФОТО)

Антонио Димитриевски — Mon, 26 Feb 2018 10:12:39 +0000

Традиционалниот Саем за венчавки по осми пат се одржи годинава од 23 до 25 февруари во хотелот Александар Палас.

Саемот е извонредно место за решавање на сите свадбени потреби и идеи. Педесеттина изложувачи од сите свадбени категории ќе ви ги претстават најновите свадбени трендови, а свадбената шопинг-картичка ќе ви овозможи и голема заштеда при набавката на сите потреби за вашата свадба, пишува порталот Убавина и здравје.

Едина Муса

Како и на минатите саемеи така и на овој венчаници носат и наши многу познати дами, па од таму и идејата кои се наши дами носеа венчаници, а се’ уште не „заиграа“ на сопствената свадба. Кошаркарката и мис фитнес модел Едина Муса, водителките Марјана Станојкивска, Ведрана Ѓорѓевиќ и поп-пејачката Викторија Лоба се само дел од нашите познати дами кои неколкупати се облекоа во венчаници само да продефилираат на модните писти. Се надеваме дека оваа година и ти ќе го кажат судбоносното ДА.

Марјана Станојковска

Ведрана Ѓоргевиќ

Викторија Лоба Извор: Курир.мк Фото: Убавина и здравје

(ФОТО) Ќе бидете невеста – еве ги најголемите невестински трендови за 2018 година!

Слободанка Илиева — Fri, 23 Feb 2018 09:51:31 +0000

Дури и да не сте венчани, сигурно можете да ја замислите возбудата на невестата кога треба да одбере фустан. Тул, чипка, слоеви… навистина е тешко да се одбере само една венчаница. Невестинските трендови доаѓаат и си одат, па ако оваа година планирате да правите свадба, погледнете што ќе биде во мода.

1. Романтична наметка

Стотици дизајнери создаваат прекрасни наметки кои одговараат со речиси секоја венчаница. Овој винтиџ изглед е дефиниција за романтично и му додава навистина интересен елемент на невестинскиот изглед. Изборот е навистина огромен.

2. Елегантни долги фустани

Еден од најголемите невестински трендови годинава речиси сигурно ќе бидат елегантните свилени фустани. Кога станува збор за деколтето, колку поотворено толку подобро. Овој изглед е едноставен, но може да се надополни со вел и венчиња.

3. Гламурозни панделки

Панделките се класика кога станува збор за венчаници. Без разлика дали ќе одберете голема панделка на грбот или некоја помала, тие секогаш изгледаат одлично.

4. Големи украси за глава

Најдобар начин да го зачините вашиот изглед е да додадете впечатлив украс на главата. Помеѓу златните дезени со ливчиња и сребрените венчиња со кристали, постојат украси за секоја венчаница.

5. Нешто сино

Пред неколку години сите беа опседнати со црвенкастите венчаници. Но, во 2018-та популарни се сините ретро венчаници. Сината боја може да се ублажи со чипка.

6. Ракавици

Можеби мислите дека ракавиците се изглед од 50-тите, но се враќаат и оваа година. Проѕирните ракавици со детали од чипка се одличен избор.

7. Малку црно

Црните детали им даваат неверојатен готски елемент на венчаниците. Едноставен црн колан, црни чевли или црн украс на главата се одличен начин да го пробате овој тренд.

8. Невестинско одело

Веќе е 2018-та година, па се разбира дека на листава ќе најдете и невестинско одело. Кроените панталони и длабокото деколте го прават овој изглед неверојатен.

9. Цветни детали

Венчаниците со цветни детали се популарни веќе неколку години наназад, а истото важи и за оваа година.

10. Боемски изглед

За несвестите со слободен дух, овие венчаници се совршен избор. Тие се совршена комбинација од опуштен и елегантен изглед.

11. Висока јака

Венчаниците со високи јаки имаат викторијански шмек, но се и навистина секси и модерни. Кога станува збор за овој стил, повеќе е подобро.

12. Слоеви

Можеби мислите дека со ваков фустан ќе личите на невестинска торта, но детално изработените венчаници со слоеви изгледаат неверојатно добро. Одберете ваков фустан во комбинација со минимален накит и ќе изгледате како од бајка. извор:кафепауза.мк

Едина Муса се „омажи“ без никому да каже: Невестата од машките соништа разголена прошета среде елитниот скопски хотел!(ФОТО)

Антонио Димитриевски — Wed, 07 Feb 2018 09:24:37 +0000

Македонската кошаркарка, бодибилдерка, убавата Едина Муса облече венчаница?! Ова е веста што ја шокираше не само пошироката јавност туку и поблиските пријатели и познаници на згодната фитнес мис бикини девојка!

Имено, таа само пред неколку дена и се врати на репрезентативната кошарка подготвувајќи се со македонската женска репрезентација за претстојните натпревари од вториот сегмент на евроквалификациите со Хрватска и Италија.

Затоа и ваквата вест беше шокантна, иако Едина е една од оние кои знаат да изненадат. Нејзиното идеално извајано спортско торзо, кое гордо го шеташе ко на корзо, совршено легна во провокативниот невестински фустан, специјално скроен за овој настан... А тој направен од бела проѕирна тантела, на прерамки со висок шлиц, гол грб и длабоко деколте кое едвај ги прекрива нејзините бујни гради... Едина беше невеста од соништата... Особено, од оние - машките!

Разголената невеста зрачеше со сексапил и еротски набој, кој особено се чувствуаше кај машката популација кога згодната Едина чекореше по пистата на модната ревија на венчаници дизајнирани од неколку наши модни дизајнери, која се одвиваше во еден од најелитните хотели во строгиот центар на Скопје.

Таа привлекувајќи ги кон себе погледите на присутните будеше воздишки кај посилниот пол, од кој многумина со очи ширум отворени сонуваа, замислуваа и посакуваа ваква невеста.

Кругот се прошири особено откако таа на Инстаграм ги прикачи фотографиите и видеата на нејзиниот профил, со што го разгоре Интернетот и уште повеќе машките мечти.

А оние, загрижените... Нека не се секираат! Ова беше само обид... Само „штик проба“.

Кога Едина навистина ќе реши да се мажи, среќник ќе биде само еден, а бројката огромна... на разочарани мажи!