вело марковски – Вистина.мк

Вело и Евгенија Марковски за прв пат заедно во ТВ емисија: „И покрај предрасудите и лошите коментари, ние успеавме“ (ВИДЕО)

Антонио Димитриевски — Tue, 15 Feb 2022 10:00:45 +0000

Дека вистинската љубов не познава граници, не брои години и е посилна е од сите бариери, сведочи љубовната приказна на нашиот познат инфектолог др. Вело Марковски и неговата млада, убава и шармантна сопруга Евгенија.

Др. Марковски сега е во брак со многу помладата Евгенија Николовска – Марковска, која на јавноста исто така не и е непозната од порано. Особено на онаа естрадната и медиумите кои ја третираат естрадата, музиката, светот на модата и забавата. Евгенија е поранешна манекенка и мисица, некогашна членка на модното студио „Шанел“ од Битола со кое има учествувано на многу модни ревии, а освоено и повеќе титули на разните избори за убавина. Откако младата убавица и професороот нивната љубов ја крунисаа со брак, набргу го добиваат и нивното синче, а Евгенија покрај дипломирањето се стекнала и со титулата магистер. Денес се горди родители на две дечиња откако пред нешто повеќе од една година ја добија и ќеркичката и пример за тоа како сите животни препреки, бариери, коментари и озборувања, љубовта ако е вистинска, ги надвладува и победува. Својата љубовна приказна ексклузивно за прв пат им ја раскажаа на нашите партнери и соработници од естрадниот магазин од зад сцената, „Бекстејџ“:

Дедо Мраз порано пристигна кај Евгенија: Убавата сопруга на инфектологот Вело Марковски ја украси новогодишната елка (ФОТО)

Антонио Димитриевски — Thu, 25 Nov 2021 08:40:02 +0000

Нова Година и Божиќните празници се веројатно најубавиот период од секоја зима. Целата еуфорија, украсениот амбиент, шарениот и светликав изглед на градот, продавниците, дуќаните, локалите, создаваат бајковита атмосфера, која сепак најпрвин се создава во домот. И додека ваквата атмосфера почнува да се гледа и чувствува обично на некои 20 до 15 дена пред Нова Година, годинава убавата, млада, шармантна сопруга на нашиот познат и признат инфектолог Др. Вело Марковски, уште сега се погрижи новогодишната бајка да започне во нивниот дом. Евгенија викендов ја пребарала оставата, подрумот, шупата... каде ли веќе ги чуваат потребните дребулии, па ги извадила кутиите со новогодишните украси и играчки и ги донела во домот. Светилки во разни бои, украси лампиони... полни картони. И секако големата новогодишна елка која е умешност да се накити со стил и вкус. А него шармантната Евгенија оддамна е очигледно дека го има, што се огледа во нејзиниот изглед, облекување, дотерување, стил... А кога сите предуслови се исполнети, китењето ина новогодишната елка и украсувањето на домот, може да започне. Резултатот повеќе од очигледен... Елка за чиста десетка, што би рекол професорот Марковски. Стокмена со вкус, со сите лампиони во избрани бои, од подножјето до врвот, а под неа и по некое завиткано подароче. Домот исто така со по некое ситно новогодишно сувенирче и големиот Дедо Мраз што од сите нас, годинава избра прв да дојде кај семејството Марковски. Можеби главната причина за тоа е што тие навреме подготвени сакаат да ја испратат старата и да го дочекаат првиот ден од Новата Година, зашто за тоа имаат двојна причина. Имено, да потсетиме дека на првиот ден од оваа година, Евгенија се породи и по втор пат стана мајка. Таа на 1-ви јануари 2021-ва во 10 часот на свет донесе здраво девојче. Можеби токму затоа, првиот роденден на малечката принцеза кој со нетрпение сите го чекаат е причина повеќе елката уште сега да биде накитена, а домот дискретно новогодишно украсен. Впрочем, самата Евгенија во една прилика изјави дека е мајка која секогаш е и ќе биде подготвена да ги ислуша своите деца и да им ја даде потребната поддршка, а детските жлби се најголеми кога се чека да се појави Дедо Мраз со својата торба полна подароци, нели? Особено ако некои од нив ќе бидат и новогодишни за прв пат роденденски. Гордите родители веројатно тоа навреме го проценија, па можеби токму затоа Дедо Мраз „порано пристигна“ кај Др. Вело и Евгенија!? Фото: Инстаграм принтскрин/evgenija.markovska

Проф. Др. Вело Марковски покажа дека не е само врвен инфектолог, туку и патриот со уметничка душа: Со песна за поддршка на уставобранителите и сите неправедно затворани – „Налеј, налеј“

Антонио Димитриевски — Tue, 27 Apr 2021 08:14:20 +0000

Деновиве доктор Вело Марковски повторно ги изненади сите, речиси целата јавност на социјалните мрежи со седна од своите последно објави. Не , не е во прашање никаков научен труд, стручно излагање, интервју или ТВ гостување, туку во прашање е испеана песна. Имено, тој постави статус со линк до аудио на Јутјуб и гордо изјави дека ја снимил својата прва песна, со која им дава поддршка на уставобранителите и сите неправедно затворани за Македонија. Во прашање е позната македонска народна песна со патриотска содржина во стиховите „Налеј, Налеј“, за која многумина тврдат дека е всушност љубовна. Но, напишана за една поинаква љубов... Љубовта кон татковината, љубовта кон Македонија! А Вело Марковски ја испеал подеднакво емотивно и со душа, како да е врвен естраден уметник. https://www.youtube.com/watch?v=XnmBxynaHzk&t=2s Инаку, професор - доктор Вело Марковски е врвен познат и признат македонски инфектолог, стручњак почитуван и надвор од Македопнија и еден од неколкуте лекари, кои со своите медиумски настапи се истакна во оваа пандемиска криза, особено на нејзиниот почеток, пред повеќе од една година. Неговото прво интервју на почетокот на пандемијата, во кој се осврна на погрешната или поточно штетната употреба на респираторите и кога треба и кога не треба, стана особено популарно во целиот регион. Неговите ставови и изјави предизвикуваа особено внимание, коментари и реакции во јавноста, но не само во нашата држава, туку и пошироко. Откако ја заинтригира јавноста со своите излагања, истата таа јавност и медиумите секако, интензивно почнаа да се интересираат и за неговиот приватен живот. Убавата и атрактивна помлада сопруга на др. Марковски, Евгенија Николовска – Марковска и нивниот брак преку ноќ влегоа во фокусот на вниманието, иако нитуу таа како и познатиот инфектолог не и беа непознати и од претходно на јавноста. Тој по својата стручност и познавања, таа на естраднатафела и медиумите кои ја третираат естрадата, музиката, светот на модата и забавата. Но малкумина знаат или тогаш открија дека некогашната манекенка, мисица и модел, денес е магистер по економија и бизнис администрација, а однеодамна и мајка на две дечиња. Вело Марковски пак, оние кои одблизу го познаваат знаат дека не е само само врвен инфектолог, туку и мултиталентирана личност, лекар со кревка уметничка душа. За тоа најдобро говорат неговите напишани книги надвор од стручната област на која и припаѓа, но и песната која тој и ја напишал посветил токму на својата убава сопруга, насловена како „Те Сакам“. Истата е објавена на Јутјуб, а тој самиот како и „Налеј, налеј“ ја споделил на својот профил на Фејсбук. https://www.youtube.com/watch?v=e6MkVu4vrB0 Фото: Фејсбук и Инстаграм принтскрин/ Velo Markovski/evgenija.markovska Видео: Јутјуб

Евгенија – сопругата на познатиот инфектолог Вело Марковски, по породувањето блеска: „Најголемата авантура што можете да ја доживеете е да го живеете животот од вашите соништа“!

Антонио Димитриевски — Sat, 20 Mar 2021 07:39:08 +0000

Сопругата на познатиот инфектолог Вело Марковски, Евгенија Николовска Марковска на првиот ден од новата 2021 се породи по втор пат и на свет донесе здраво девојче. Ова е второ дете на семејството Маркоски кое покрај ќерката, имаат и синче кое ќе го добијат набргу откако ќе запловат во брачните води. Евгенија на социјалната мрежа Инстаграм често објавува свои фотографии од себе, па со оваа пракса продолжии по неодамнешното породување каде покажа дека бременоста воопшто не ја нарушила нејзината вита става и манекенската фигура. Од нејзините фотографии се гледа дека гордата мама живее здрав живот и дека постојано води сметка за својот изглед. Впрочем, Евгенија и додека беше бремена изгледаше одлично и немаше проблеми со вишокот килограми, освен онаа дополнителна тежина што се смета за вообичаена и неопходна кога е бременоста во прашање. Затоа на некогашната манекенка, мисица и модел, денес магистер по економија и бизнис администрација не и требаше многу за брзо време по породувањето се врати во топ форма, па на Инстаграм објави неколку фотографии, на кои изгледа неверојатно... Како да не била до неодамна бремена!? Но, покрај природните предиспозиции, очигледно е дека убавата млада сопруга на професор Марковски и тоа како се грижи за својот изглед. Внимава на исхраната, а практикувањето на спортот и физичката активност е повеќе од очигледно. Пешачењето, вежбањето, пливањето... Рекреативно, а понекогаш и со натпреварувачки карактер, како на пример учеството на тениските натпревари...

Токму затоа кусо по првите денови од породувањето или поточно само по еден месец откако на свет го донесе своето второ дете, Евгенија и се врати на физичката активност. Моментите пред првиот тренинг ги овековечи со фотографија на која се гледа дека и без да вежба, изгледа одлично... како и некогаш. Во црвени хеланки и кус спортски топ со долги ракави под која се гледа нејзиниот рамен стомак, таа е како подготвена за на модна писта. Или што би рекле некои, Евгенија постпородилно - блеска! И не само заради изгледот, туку можеби токму заради тоа што денес се чувствува комплетно исполнета и реализирана и како жена, сопруга, мајка... во секој поглед! Конечно, Евгенија и самата на некој начин тоа го признава, јавно опишувајќи го своето чувство на задаволство покрај својата последна фотографија споделена на Инстаграм, со цитат на легендарна ТВ водителка Опра Винфри: „Најголемата авантура што можете да ја доживеете е да го живеете животот од вашите соништа“!

Фото: Инстаграм принтскрин

Се породи Евгенија, сопругата на нашиот познат инфектолог Вело Марковски (ФОТО)

Антонио Димитриевски — Sat, 02 Jan 2021 10:56:47 +0000

Се породи Евгенија Марковска сопругата на инфектологот др. Вело Маковски - пренесе Шило магазин. Вело Марковски сега е во брак со многу помладата Евгенија Николовска – Марковска, која на јавноста исто така не и е непозната од порано. Особено на онаа естрадната и медиумите кои ја третираат естрадата, музиката, светот на модата и забавата. Атрактивната Евгенија е поранешна манекенка и мисица, некогашна членка на модното студио „Шанел“ од Битола со кое има учествувано на многу модни ревии, а освоено и повеќе титули на разните избори за убавина. Откако младата убавица и професорот нивната љубов ја крунисаа со брак, набргу го добиваат и нивното синче, а Евгенија покрај дипломирањето се стекнала и со титулата магистер. Евгенија на 01 јануари 2021 година во 10 часот на свет донесе здраво девојче. Ова е второ дете на семејството Маркоски. Инаку на познатиот инфектолог ова му е и втор брак. Тој е поранешен сопруг на екс -пратеничката Ѓулистана Марковска. Нека им е жива и здрава приновата на семејството Марковски.

Младата сопруга на др. Вело Марковски – Евгенија е вистинска убавица: Од мисица до магистер (ФОТО+ВИДЕО)

Антонио Димитриевски — Tue, 23 Jun 2020 08:59:36 +0000

Иако долги години важи за еден од врвните стручњаци во својата област уште од времето на некогашна Југославија, инфектологот Вело Марковски на македонската јавност и стана познат по своите забележителни и настапи во медиумите, особено на ТВ, со своите излагања, видувања, стручни анализи, препораки... околу корона епидемијата. Така, тој за кратко време ги собра симпатиите и стана еден од омилените стручни ликови во Република Македонија, кој се обидува со своето искуство и знаење несебично да помогне во борбата со невидливиот непријател. Секогаш кога си за кусо време толку многу медиумски експониран, како по правило стануваш интересен лик не само професионално, туку и приватно како за народот, така и за медиумумите, кои набргу се заинтересираа за сето она што пошироката јавност не го знае за доктор Марковски, а е врзано за неговиот приватен живот. Јавноста до душа знаеше дека познатиот епидемиолог е бивш сопруг нанекогашната пратеничка Ѓулистана Марковска со која беше во брак и од која се разведе. Но, истражувајќи ја неговата приватност, брзо се обзнани она што е сегашност во неговиот приватен живот, па така Марковски на социјалните мрежи беше компариран со доскорешниот поглавар на Исламската верска заедница во Македонија, заради една работа: И тој како и реисот имаат многу помлади сопруги! Имено, вело Марковски сега е во брак со многу помладата Евгенија Николовска - Марковска, која на јавноста исто така не и е непозната од порано. Особено на онаа естрадната и медиумите кои ја третираат естрадата, музиката, светот на модата и забавата. Атрактивната Евгенија е поранешна манекенка и мисица, некогашна членка на модното студио „Шанел“ од Битола со кое има учествувано на многу модни ревии, а освоено и повеќе титули на разните избори за убавина. Убавата Евгенија е позната и како модел, а особено популарна стана пред 7 години, кога во етерот се појави контроверзното видео на групата „Пука козметика“ за темата „Си го бара“ кое изобилува со прилично провокативни сцени, какви што се и стиховите на песната, кои обработуваат токму и таква, скокотлива тематика. https://www.youtube.com/watch?v=U5MBlo0EJGw&feature=emb_logo Евгенија истата година се појави и во некои фолк спотови како оној за песната ”Пајтон Лено да ти купам” испеана од Иван Радески, нашинец кој живее и работи во Австралија. https://www.youtube.com/watch?v=vo3ISGKuAPY&feature=emb_logo Потоа таа се повлекува од манекенството, моделството и медиумите па, освен блиското опкружување, откако ќе стапи во брак со доктор Маркоски, за неа пошироката јавноста нема многу да слушне, се' до сега. Откако младата убавица и професороот нивната љубов ја крунисаа со брак, набргу го добиваат и нивното синче, а Евгенија покрај дипломирањето се стекнала и со титулата магистер. Нашиот познат инфектолог професор-доктор Вело Маркоски и неговата млада, убава, згодна и атрактивна сопруга Евгенија се вистински доказ дека љубовта не познава ниту граници, ниту брои години. Фото: Фејсбук принтскрин