велко тодевски – Вистина.мк

Од горда ќерка до распеана фолкерка: Тамара се распејуваше со народњаци, па „случајно“ или „проверено“ испрати скриена порака до одредени бивши фаци?

Антонио Димитриевски — Mon, 27 Nov 2023 09:37:24 +0000

Тамара Тодевска имаше исполнета агенда минатата недела. И приватно и професионално. Најпрвин уште еднаш покажа колку е горда ќерка на својот татко, професорот во пензија Велко Тодевски, чија монографија за виртуозот на контрабас во вид на одбрана на дипломски испит на една студентска беше промовирана деновиве. Тамара разбирливо ја сподели огромната радост со својот татко и неговите студенти. „За мојот татко Велко и неговата музичка извонредност се пишувало и зборувало многу. Но, денеска по којзнае кој пат сум горда ќерка. Беше задоволство да се присуствува на одбраната на дипломскиот испит на Нора Бајрами, која подготви монографија за виртуозот на контрабасот - Велко Тодевски. Денеска му дојдоа сите негови студенти, заедно свиреа и се потсетија на деновите минати на Факултетот за музички уметности. Тоа е најдобра потврда за неговата големина, почит и успешна педагошка дејност. Уште долго да те имаме и да нѐ правиш горди сите. Бескрајно те сакаме“ - сподели тамара покрај фотографиите на својот Инстаграм. Викендот пак, резервиран работно. Во еден од најпознатите скопски ноќни клубови пејачката имаше настап. Во музичката “станица“ невидена турканица да се дојде до билет повеќе и фати подобра позиција за да се проследи настапот на пејачката. Сосема очекувано кога е во прашање Тамара во чиии изведби уште еднаш скопската публика максимално уживаше. Тамара одново како Торнадо и Нијагара покажа дека суверено хара на сцената, на која оддува и однесе се' пред себе, оставајќи ги присутните во транс на својот концертен перформанс. Арно ама уште пред шоуто и да започне, пред пејачката да истрча на сцената, жената имаше свој „предконцертен настап“... И тоа во гримиорната, односно салонот на својот фризер. И додека вештите раце ја дотеруваа, Тамара тргна да се распејува... А кога Тамара ќе запее, па макар и на фризер, тоа звучи беспрекорно. Проверено! Е, сега друга работа е што сакаше пејачката да каже со песната? Тамара се распејуваше со познати народњаци, па „случајно“ или „проверено“ испрати скриена порака до одредени „бивши фаци“? Фото: Инстаграм/tamaratodevska

Тамара Тодевска се подготвува за зимата: Пејачката традиционално правеше ајвар во Драчево, ама во мешањето „се замеша“ и некој друг (фото)

Слаѓана Атанасова — Mon, 16 Oct 2023 10:00:45 +0000

Македонската пејачка Тамара Тодевска и оваа есен замина во скопската населба Драчево за како и секоја година, традиционално, побрза да го приготви највкусниот домашен македонски специјалитет, надалеку познатиот ајвар. Таа на Инстаграм објави фотографии со кои се пофали дека заедно со татко и по стариот рецепт ја отворија сезоната на ајварот и лутеницата. Дека одлично се забавувале додека го приготвувале се гледа и од објавата на Тамара, која со насмевка и во добро расположение го задевала татко и Велко Тодевски. Иако, со поскапувањата според некои поисплатливо е да се купи, домашниот, заедно со целиот процес на подготвување е незаменливо чувство. Така, старите навики останаа и кај пејачката, па омилената зимница од пипеки повторно ќе се најде на домашната трпеза. Оваа година во мешањето „се замеша“ и нејзината ќерка Хана, која реши да помогне и да учествува во целиот процес. А, наследничката на Тамара со тоа покажа колку е вредна и трудољубива, ама и како се создаваат домаќински навики кај девојчето уште од малечка. Атмосфера за мерак, која го собира семејството заедно, која и годинава е предизвик за сите кои за жал, полека ја запоставија и се откажаа од оваа прекрасна традиција. Фото: Принтскрин/Инстаграм/Тамара Тодевска

Повторно „копаше“ по старите фотографии, па најде неколку што будат носталгични спомени: Можете ли да ја препознаете нашата музичко-актерска ѕвезда? (ФОТО)

Антонио Димитриевски — Sat, 08 Apr 2023 07:29:26 +0000

„Ех, тоа беа времиња“ или: „Да знае ти како беше во наше време...“ или „Да може да се врати она време, оние години...“ - се само неколку од најспоменуваните фрази во последно време. Особено за оние кои растеле и во едни други, поинакви, посреќни времиња, необременети со политика, криминал, корупција, економско-егзистенцијални проблеми, пандемии... Можеби токму затоа носталгијата по детството и младоста кај нив е многу посилна, емоциите подлабоки, чувствата поизразени кога ќе се спомнат „оние години“, кои до душа кога ќе станеме доволно возрасни или подостареме, на сите ни недостасуваат. Затоа неретко сите ние посегнуваме по враќање во минатото, не само во мислите и сеќавањата, разговорите и муабетите, туку и по сведоците на тоа време - старите фотографии и по некое филмско видео. Меѓу сите нас и тие - познатите и јавни личности. Впрочем и тие како и ние, како секој од нас биле и деца и момчиња или девојчиња, нечии дечиња, татини принцези, мамини синови... Гордост на нивните родители. Затоа понекогаш пребарувањето, „копањето“ по старите фотографии ни ги враќа тие среќни моменти на неизмерна радост, не враќа во детството, младоста, годините на безгрижност и слобода. Секого од нас, па и неа... Тијана. Или фрау Ула, ако повеќе сакате, доколку нејзината улога во „Преспав“ ви е подрага. Токму таа повторно „копала“ по старите фотографии, па нашла неколку што будат носталгични спомени. Пред можеби и Вие да го направите истотото, запрашајте се дали можете да ја препознаете нашата музичко-актерска ѕвезда, без да знаете дека е таа? А, можете да прашате и некого што не ве познава многу оддамна, дали ќе ве препознае на Вашата фотографија од детството или младоста? Како и да е, ова е Тијана, односно, Тијана заедно со Тамара и татко им Велко Тодевски, најверојатно на роденденска фотографија пред... „извесен број“ години! Фото: Инстаграм принтскрин/tijana.dapcevic

Таткото на Тамара: „Не можев да се смирам, на Евровизија не и требаат гласовите на публиката!“

Слободанка Илиева — Mon, 20 May 2019 07:00:30 +0000

Велко Тодевски, таткото на пејачката Тамара Тодевска и поранешен професор по контрабас на Факултетот за музичка уметност во Скопје, пред камерата на ТВ 24 кои го посетија во семејниот дом, зборуваше за своето видување за настапот на својата ќерка, како и за самиот музички натпрвар. Тој вели Тамара за него е морален победник.

Таа за мене е морален пробедник. Од три минути направи симфонија, вибратото беше виолинско, нејзиниот глас кадифен, имаше градација во мелодијата. Нејзината емоција се покажа и со солзите на крај. Значи како што кажав на почетокот, она за мене е морален пообедник. Солзите беа присутни два дена и на полуфиналето и на главната вечер, не можев да се смирам, раскажа професорот гордо за својата наследничка и додаде дека победничката песна на Евровизија треба да ја избира само стручното жири, како најкомпетентно.

Јас имав многу солистички концерти во животот, сум свирел и во концертна сала во Виена, таква треба, таква возбуда не сум имал додека Тамара пееше, а особено кога се броеја гласовите од цела Европа, тоа беше за мене најголемото доживување и најголемото задоволство кога слушнав дека Англија ни дава 12 бода, Швајцарија, Хрватска, значи жири-комицијата го направи тоа. Мислам дека на Евровизија не требаат гласовите на публиката. Треба таа жири-комисија, односно стручните да кажат која песна беше најдобра на Евросонг. Како што беше гласањето, ние бевме 41 минута први на ранг листата. Последната значи Словенија ниеден, Грција еден бод и Израел ни еден бод, па паднавме на второто место, изјави Велко во интервјуто со новинарката на ТВ 24 Ружица Фотиновска.