Миа Костова веќе знае каде ќе ги помине Велигденските празници, иако следбениците и најдоа проблем кој за неа не е проблем: „Не е крај на светот“ (ФОТО)

Слаѓана Атанасова — Fri, 14 Apr 2023 06:55:27 +0000

Екс водителката на најпопуларниот естраден ТВ магазин „Бекстејџ“, а сега можеби и најпозната инфлуенсерка во Македонија, Миа Костова редовно ги информира корисниците на социјалните мрежи за сите одлуки преку нејзиниот Инстаграм профил. Миа овој пат реши да открие каде ќе ги помине претстојните празници, со кого и на кој начин организирале патување. Таа потврди дека ќе овековечи дел од убавите спомени кои ќе се родат од ова ново искувство и ново доживување кое ќе биде исполнето со неизвесност и многу авантура. Откако одлучи слободното време да го искористи во дружба со следбениците, сподели дека е подготвена за прашања, со цел да ги мотивира и охрабри со нејзините одговори. - Имам малку слободно време може да ме прашате што сакате? - напиша таа. Првото прашање секако беше за претстојните празници па, прашањето гласеше : „ Каде ќе патувате за Велигденските празници?“ „Конкретно за Велигден сме во Охрид. Од таму продолжуваме... “- Па, уште на почетокот Миа откри дека планира да замине на подолго. „Дали летате во четврток?“ „Не летаме, ја возиме Италија со кола. Здравје од понеделни. Во меѓувреме сме во Охрид“. „За каде се спремаш Миа и колку време остануваш ?“ - следеше љубопитното прашање. „Со овие двајца одиме за Италија со кола. Почнуваме негде од Бриндиси па нагоре, Амалфи, Тоскана, Фиренца, каде ќе не вее патот. Не знам колку време, колку ќе треба толку“. - Таа со фотографијата покажа дека ќе патува со нејзините најдраги, па тука се отвори дилемата за времето и отсувството од училиште на нејзиниот син Адрија кој после празниците би требало да продолжи со редовна настава. Но, загрижените следбеници имаа само едно прашање: „Зарем нема да биде проблем што Андрија ќе отсувствува од наставата?“ Со оглед дека на луѓето кои не одат на колективен одмор, а на кои децата им одат во училиште патување во било кој период би им било проблем, Миа ги охрабри и одговори: „Со оглед на празниците ќе бидат некои 8- 9 работни дена. Мислам дека не е крај на светот. Особено не за дете од 5 -то одделение или 4 то по старо. Ништо драматично и страшно“. „Дали си стога со Адрија во однос на учењето?“ „Не сум воопшто. Одговорен е, но не мора да му се сите петки. Никогаш тоа не би го барала од него. Нешто му оди, нешто не сака. Така и треба да биде“. Вака одлучила Миа Костова, а дали вие се согласувате со неа и нејзината постапка, пишете во коментари. Фото: Принтскрин/Инстаграм/Миа Костова

Возете внимателно за време на велигденските празници

Антонио Димитриевски — Thu, 05 Apr 2018 13:51:30 +0000

Велигденските празници и продолжениот викенд се на прагот. Тие претставуваат добра можност да се отпатува на некоја блиска туристичка дестинација, на планина, на езеро, кај пријатели или роднини. Продолжениот викенд и празничните денови значат и погуст сообраќај, зголемен интензитет и фрекфенција на патиштата, а тоа влијае за зголемување на бројот на сообраќајни незгоди од кои некои и со фатални последици. Водејќи се од тоа, Републичкиот совет за безбедност на сообраќајот на патиштата апелира на внимателно возење, дисциплинирано и смирено учество во сообраќајот. Патувањата се најинтересни кога се договараат спонтано, но времето и начинот на договарање не треба да бидат причина да тргнете на пат неподготвени. Затоа, најпрво потребен е добар одмор на возачот, техничка проверка на возилото, проверка на притисокот на гумите, проверка на бришачите, на светлата, на маслото во моторот, а исто така, посебно важно е да се почитуваат сообраќајните правила и прописи, особено правилата за ограничување на брзината, правилата за неуправување моторно возило под дејство на алкохол и прописите за правилно престигнување. Оние кои патуваат на поблиските туристички места најчесто ги користат локалните и регионалните патишта и треба да имаат предвид дека освен возила, на овие патишта за време на празниците има голема фрекфенција на пешаци, велосипедисти и на мотоциклисти. РСБСП потсетува, бидете особено внимателни, прилагодете ја брзината кон условите на патот и бидете максимално концентрирани за време на управувањето со моторното возило. Алкохол е една од водечките причини за сообраќајни незгоди, особено во период на продолжени викенди и празници. Затоа, РСБСП уште еднаш потсетува на правилото дека: волан и алкохол се комбинација која може да заврши со фатални последици и смрт. Младите возачи и возачите почетници најмногу страдаат во сообраќајни незгоди за време на продолжен викенд, а најчеста причина за тоа е брзото возење и возењето под дејство на алкохол. Честопати, во вакви ситуации, станува збор за сообраќајни незгоди со само еден учесник (излетување на возилото од патот, удар во бетонски столб итн). Во оваа насока, Републичкиот совет за безбедност на сообраќајот на патиштата, ги советува младите возачи: сообраќајот не е место за импровизации и компромиси, сообраќајот не простува грешки и секоја непромислена одлука или непромислена реакција може да резултира со фатални, долгорочни и ненадоместливи последици. РСБСП апелира до сите учесници во сообраќајот да ги разбудат позитивните навики и да бидат позитивен пример за останатите учесници во сообраќајот. Истовремено, потсетува дека, почитувањето на сообраќајните прописи е најважното правило во сообраќајот. Не дозволувајте моментите за празнување да се претворат во трагедија! Христос воскресе и честит Велигден!

велигденски празници – Вистина.мк

Миа Костова веќе знае каде ќе ги помине Велигденските празници, иако следбениците и најдоа проблем кој за неа не е проблем: „Не е крај на светот“ (ФОТО)

Возете внимателно за време на велигденските празници