велигденски јајца – Вистина.мк

Колку дена може да се јадат велигденските јајца?

Христина Ѓоргиевска — Sun, 16 Apr 2023 07:40:09 +0000

Јајцата се многу вкусен и хранлив оброк. Содржат протеини и голем број витамини и минерали и се одлична замена за месо. Доколку ги чувате како што треба, варените јајца можат да се јадат неколку дена. Треба да знаете дека варените јајца не мора да стојат во фрижидер, но никако не треба да ги чувате на место каде ќе бидат изложени на сонце. Како што тврдат нутриционистите, варените jajца може да ги јадете 5-7 дена од денот на варење. Се препорачува да ги чувате во фрижидер или на ладно место. Нека не ве загрижува зеленкастата боја на жолчката, тоа не значи дека јајцето е расипано туку е последица на хемиска реакција меѓу белката и жолчката. Доколку јајцето има чуден мирис, побезбедно е да не го јадете. извор: кајгана

Техники кои овој Велигден се хит за боење јајца (ФОТО)

Моника Манасиевска — Sat, 01 May 2021 07:20:39 +0000

Доколку ви е потребна инспирација за дома, или пак за да им помогнете на вашите дечиња околу училишните проекти по часовите за ликовно, овој Велигден бидете креативни и поразлични и пробајте со мали, но едноставни трикови да добиете мали уметнички дела. 1. Обојување на јајце со мрсни боички Ставете ги јајцата да се сварат во вода. Откако ќе бидат тврдо сварени земете неколку мрси боички и шарајте. Мрсната боја под дејство на топлината од јајцето ќе започне да се топи и да креира ефект на обојување со желатински бои. Креирајте шари, дезени и нормално внимавајте да не си ги повредите дланките од топлината на јајцето. Мал и едноставен трик кој ќе и помогне побрзо да завршите со декорирањето е претходно да ги изрендате боичките, па откако ќе ги извадите мрсните боички од врелата вода и и ги избришете со крпа, да ги наросите резaнките врз јајцата што претходно ќе ги ставите врз држачи- влошки за јајца. За 10 минути финалниот производ ќе изгледа одлично, а вие нормално ќе бидете задоволни од резултатот.

2. Декорирајте со ориз Ставете го сировиот ориз во сад со неколку лажици ладна вода измешана со темперна боја, измешајте се додека не се обои и оставете да отстои неколку минути во содржината се додека не се обои целосно. Извадете го оризот од садот и оставете го да се исуши околу 1 час врз хартија. (Не лепете го врз лајцето додек не е комплетно сув) Откако ќе се исуши, претходно свареното јајце намачкајте го со лепило и извалкајте го во обоениот ориз. На деловите со празнини, рачно долепете додатни зрнца на ориз, се додека не се покрие целата површина.

3. На живо јајце направете мала прецизна дупка со голема игла за шиење и полека изцедете ја целата содржина од јајцето во сад на страна. Јајцето на овој начин може да се искористи во безброј декорации но и да се обесува.

4. Декорирање со лак за нокти Во пластична чаша со вода истурете делови од вашите омилени лакови за нокти,и истите измешајте ги на површината со чепкалка за заби за да добиете шара. Претходно свареното јајце со лажица протнете го во чашата и за кратко време извадете го. Постапката повторете ја неколку пати се додека исшарувањето не стане совршено. Внимавајте да се исуше лакот од сите страни пред да ги преместите јајцата во кошничката. За сушење најдобро одговара влошката за јајца која може да послужи како држач.

5. Светки,циркони, бисерчиња и декоративни камчиња и елементи Свереното јаце со четка обложете го со течно лепило и полека посипувајте го со светките се додека не се покрие целата негова површина. За држач , повтроно користете влошка за јајца. кога првата половина на јајцето биде заврпена и исушена, преминете кон посипување на втората половина. Со ваквиот метод вие ќе добиете мали шанси за уништување на севкупниот дизајн, а воедно поголема веројатност дека ќе ви успее проектот. Цирконите, пулејките и различните декоративни камчиња лепете ги со топол силикон, поради поголемата безбедност на камчињата против паѓање.

Македонски дами се пофалија со вапцаните Велигденски јајца (фото)

Христина Ѓоргиевска — Fri, 30 Apr 2021 07:35:30 +0000

Денес (30.04.2021) се празнува еден од најголемите христијански празници Велигден. Според традицијата и обичаите, три дена пред Велигден односно на Велики четврток пред изгреј сонце се вапцаат првите Велигденски јајца. Според верувањата, првото вапцано јајце му се наменува на Господ и се нарекува Господово јајце. За првото јајце се верува дека има магична моќ, па затоа неговото место е под иконата. Во народните преданија се вели дека со него се лекуваат одредени болести. Меѓутоа, домаќинките останатите јајца ги вапцуваа на Велика сабота односно дената пред Велигден. Инаку, за разлика од претходните години кога за овој празник се оди во црква и точно во 00ч се слави Христовото воскрсение, овој Велигден поради короната го дочекавме во своите домови. Македонските дами ги засукаа ракавите во кујна, па се покажаа како вредни домаќинки. Тие беа креативни, а со крајниот резултат се пофалија на социјалните мрежи.

Калиопи

Мелита Ракиќевиќ

Лила Филиповска

Татјана Лазаревска

Викторија Лоба

Хелена Роза

Милена Антовска

Катарина Ивановска

Елена Стефановска

Симона Поповска

Христиос воскресе, навистина воскресе....за многу години

Најубави мермерни Велигденски јајца – едноставен природен метод со преубав ефект

Христина Ѓоргиевска — Mon, 19 Apr 2021 12:45:58 +0000

Доаѓа Велигден, па еве еден начин како да ги украсите велигденските јајца.

Состојки:

7-8 бели јајца 2 кесички зелена боја Лушпи од кромид Влажни марамчиња или газа 50 мл. алкохолен оцет

Подготовка:

Земете поголема количина на лушпи од кромид и ставете ги во блендер да се иситнат. Јајцата навлажнете ги со ладна вода и веднаш ставете ги во иситнетите лушпи од кромид и секое јајце завиткајте го со влажно марамче или газа и прицврстете со ластиче. Вака подготвените јајца наредете ги во тенџере. Во тенџерето ставете ги кесичките со зелена боја и оцедот, варете ги јацата на тивок оган, откако водата ќе зоврие варете уште 8 до 10 минути.Откао јајцата ке се сварат истурете ја топлата вода и веднаш налијте ладна вода. Отстранете ги марамчињата или газата од јајцата во зависност од тоа што сте користиле, исчистете ги лушпите од кромид од секое јајце и оставете јајцата добро да се изладат, па потоа со намрсена газа премачкајте го секое јајце. извор: Курир.мк