велес – Вистина.мк

За Мики Секуловски од пеење никогаш доста: Во два по полноќ свесно реши да ги буди комшиите (видео)

Слободанка Илиева — Sat, 24 Feb 2024 09:10:06 +0000

На актуелниот учесник во „Ѕвездите на Гранд“, велешанецот Мики Секуловски, ѕвездите му се наклонети повеќе од кога било. Мики е еден од најпофалените натпеварувачи во ѕвездите на Гранд, па иако и претходно имал големи успеси во шоуа за таленти, овој пат се чини дека за него дојде вистинското време.

View this post on Instagram

A post shared by Miki Sekulovski (@mikisekulovski)

За Мики не мора да има договорена тезга, снимање во Белград или слично, на талентираниот велешанец никогаш не му е доста од песна. Тоа го покажа и во едно од своите најнови видеа кое се најде на неговите профили од социјалните мрежи. Па така, иако беше два по полноќ, Мики качен на блакон под отворено небо со гитра во рацете, доби желба да ги искаже своите емоции и моментално расплложение, а како ако не поинаку, туку преку песна. „Рано је за тугу“ од Харис Џиновиќ беше изборот на Мики, рано наутро, но не рано и за пена и тоа отпеана со „полна гас“. Сопирачки за Мики немаше се додека не си го направи меракот, својот, а и на оние кои му правеа друштво кое без сомнеж уживаа. https://youtube.com/shorts/1q32Ldzwx58 Свесен дека ќе ги разбуди комшиите, кои веројатно навикнале Мики да им пее, а за овој утрински испад веројатно ќе му прогледаат низ прсти на популарниот сосед. -Ги разбудивме комшиите“, напиша во описот, а во прилог стави и насмеани емотикони. Се надеваме дека откакло Мики по бурната ноќ се наспа, а и на соседите им беше доволно сон, при првата средба немаше проблем, туку потреба само од едно извинување. фото:Instagram printscreen/ mikisekulovski

„Допри ми колена“: Македонската фудбалска репрезентативка Јулија Живиќ за роденден доби бројни честитки, ама онаа „поделена одблизу“ и е најдрага (ФОТО)

Антонио Димитриевски — Mon, 30 Oct 2023 11:35:05 +0000

Јулија Живиќ важи за најзгодната македонска фудбалерка. Згодна, стројна, атрактивна, сексапилна... Русокосата убавица е жив доказ дека убавината и „најважната споредна работа на светот“ можат да одат заедно. Дека високите потпетици секогаш може да ги замениш со „копачки“, фустанот со дрес, тангата со спортски гаќички, хулахопките и мрежестите чорапи со штуцни и костобрани. Јулија однеодамна тргна својата спортска среќа да ја бара во фудбалскиот свет надвор од Македонија, поточно во хрватската женска фудбалска лига и тоа на релација Ријека – Сплит, каде и што остана да игра! Русокосата убавица деновиве славеше роденден. Управата на нејзиниот клуб ЖФК Сплит не пропушти на својата членка и јавно да и го честита! На честитките секако се придружија најблиските пријателите, дел од некогашните и сегашните колешки... Некои лично, некои преку социјалните мрежи, преку кои убавата Јулија доби мноштво роденденски честитки со пораки за добро здравје, среќа и успешна кариера... Се разбира љубовта не ја прескокна. Зашто колку и да се обидувате од јавноста да ја сокриете, кога сте позната и популарна, во која и да е област, приватноста и то како ја скокотка јавноста, па личните нешта бргу излегуваат на виделина. Така и љубовта на македонската фудбалска репрезентативка. Имено, Јулија Живиќ е во врска... И тоа исто така со фудбалер, момче по потекло од Велес, кој и и бил школски другар. Блиско упатените знаат дека се работи за млад голман чие име е Дарко Манчев, а оние кои ја следат Јулија на социјалните мрежи знаат и повеќе. Имено сексапилната фудбалерка и младиот голман очигледно се вљубени како гулапчиња. Ја користат секоја прилика кога можат да бидат заедно, да се наразделни. Можеби тоа (не) била училишна љубов на прв поглед, ама сега е фудбалска љубов во секој поглед. Така било очигледно и овој пат, кога Јулија го славела роденденот... Букет рози за славеничката за денот што го чекаме цела година и прослава со одбрано друштво во елитен ресторан со пура и шампањско. Сепак, најпосакуваната честитка „поделена одблизу“ е секогаш најдрага. Во ресторанот за време на интимната прослава, пред да тргнат на пат кон дома - „Допри ми колена“, а потоа... Наместо илјада зборови, најпосакувана роденденска честитка во една слика... Секако, на обострано задоволство. Фото: Инстаграм/daremancevv/zivic.julija

Ноне славеше роденден далеку од дома: Стаклена коктел пирамида од колегите и најубавите честитки од родниот Велес (ФОТО)

Антонио Димитриевски — Fri, 29 Sep 2023 07:20:32 +0000

Македонската морепловка, екс пејачата Ноне Неделковска одново е по белиот свет, но овој пат близу, во соседството или тука некаде... Најшетаната велешанка овој пат укотвена на убавиот син Јадран, во Хрватска... Древниот Дубровник, ба преубавиот Сплит се приатанишните места кои се логично најпримамливи за туристите откако големиот крузер ќе се укотви. И додека гостите го разгледуваат градот и неговите знаменитости, персоналот секско наоѓа по малку слободно време и за себе. По некој слободен час за сопствено рефреширање, оддишка, одмор на телото и умот и „туширање“ на душата. Но, кога имаш патувачка работа, „денот што го чекаме цела година“ може да те задеси било каде, најчесто далеку од дома. Така беше и овој пат кога Ноне роденденот го дочека работно во Хрватска. Но “џепната венера“, на која сега многу повеќе и прилега епитетот „џепна сирена“ иако навидум осамена, далеку од тоа дека не најде начин како денот на раѓањето да си го одбележи... И тоа со она што најмногу сака и најповеќе на срце и лежи - слатки и коктели! Најпрвин испружена во бикини на сончање на карпа, а потоа и во кафе барот на една хотелска тераса, Нона стаса сама себе си да се почести, но и да ги прими и прегледа сите роденденски честитки. Од другар(к)ите, пријател(к)ите, познаниците, колегите... сите што ја знаат и познаваат! Од сите што и се блиски и добро ја познаваат, а најмногу оние најблиските. Па иако Ноне славеше роденден далеку од дома, но најубавите честитки пристигнаа токму од дома, од родниот Велес: „Среќен роденден сестро...“ - честитка од нејзиниот брат Бојан се една заедничка фотографија зачинета со бакнеж, од морската палуба на прекуокеанскиот крузер, на кој домашните на славеничката поминаа во една од бројните тури. Кога сме веќе кај домашните, честитката од мама Мимоза е секако онаа која спаѓа меѓу најпосакуваните и највредните. И овој пат како и досега, со плна поддршка до својата ќерка и она што избрала да го работи, но начинот на кој животот го живее ... по свое: „Мами... Годините не се важни... Сакај се себе си, биди позитивна, насмеана... Живеј го животот само како што ти сакаш... П.С. И ние те сакаме таква, каква што си... Среќен роденден“ - напишала гордата мајка во својата Фејсбук честитка до нејзината сакана ќерка. А дека слатаката мала велешанка навистина одбрала да го живее животот како што многумина сонуваат, покажува и нејзиниот начин на роденденска прослава откако од брегот ќе се врати на бродската палуба. Пирамида од колку што полни години, толку стаклени чаши, полни со најразлични коктели за колегите... Па, колку години - толку пати наздравје за роденденското славје на Ноне! Фото: Фејсбук/Mimoza Nedelkovska/Инстаграм/nona.nedelkovska

Караванот „Македонијо во срце те носиме“ патува во Велес

Слободанка Илиева — Mon, 18 Sep 2023 05:59:14 +0000

„Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“, „Ми заплакало село Ваташа“… оваа недела ќе се пеат во Велес, зашто караванот „Македонијо во срце те носиме“ по одличните концерти во Штип и Битола својата мисија ја продолжува во градот на Гемиџиите, родното место на Кочо Рацин, на големиот Прличко, на народниот херој Миле Поп Јорданов, на Јордан Хаџи Константинов-Џинот, на Жинзифов… Концертот е закажан во четврток, на 21 септември, со почеток во 20 часот, а ќе се одржи во Амфитеатарот во велешкиот Младински парк. Публиката ќе има можност на едно место да ги види и чуе Бојана Скендеровски, Сузана Спасовска, Наум Петрески, Зуица Лазова, Андријана Јаневска, Александар Тарабунов, Огнен Здравковски, Марија Спасовска, Мина Блажев, ДНК, Ламбе Алабаковски и Миле Кузмановски. Проектот со потписот на Скендеровски продукција, а во чии рамки 12 македонски изведувачи препеаја исто толку родољубиви песни – сите спакувани во ново руво од маестро Николче Мицевски, има единствена цел да им се продолжи векот на песните и да се испрати порака особено до младите генерации дека треба да го чуваме она што го имаме, највредното – нашата земја и нејзиното наследство. Затоа не пропуштајте ја можноста да пееме во еден глас и да ја обоиме Македонија со најубавите звуци и, се разбира, да го зачуваме највредното – музичкиот аманет што ни го оставиле генерациите пред нас.

Горан Мишев – Мишка беше одличен во „Никогаш не е доцна“, ама велешанецот има само една желба: „Би ја дал сета слава на светот, само еднаш да запем на сцена со Брега и Дугме“ (ФОТО)

Антонио Димитриевски — Thu, 06 Apr 2023 07:30:10 +0000

Рокерот од Македонија, Горан Мишев - Мишка, блесна во третиот круг на регионалното музичко талент шоу за повозрасни „Никогаш не е доцна“, кога ја изведе песната „Липе цвату“ од „Бијело дугме“ за која доби неверојатни пофалби од жирито, што му даде ветар во грб да продолжи да работи како досега, затоа што тоа Мишка го прави брилијантно. Без лажна скромност, ветеранот ги сподели првите впечатоци за „Гранд“ и призна дека ова е неговиот најдобар настап досега. „Задоволен сум, добро испадна. Беше подобро од првиот и вториот круг, ма беше одлично“ - ќе рече Мишка, кој веќе стана популарен не само во својот град, туку и пошироко, во цела Македонија, па и во регионот, но сета популарност би ја заменил само да му се исполни една желба за која сонува со години. „Ме препознаваат на улица, не само во Велес, ми се јавуваат од цела Македонија. Најголема желба е ова да го слушне Бреговиќ или некој друг од 'Бијело дугме', дека повеќе би сакал да изведам една песна со него, отколку да работам секој викенд... тоа е мојата најголема желба“ – искрено ја отвори душата ветеранот што се би дал се за да го запознае својот идол. „Го следам Бреговиќ од кога паметам за себе. Првата песна што ја слушнав беше 'Битанга и принцеза' и оттогаш го сакам 'Бијело дугме'. Ако се качам на сцена со нив ќе ми биде остварување на животниот сон и мислам дека нема да ги посрамотам, зашто можам да го донесам она што ти его свират“ - тврди Мишев. Во видеото подолу дознајте која песна на „Бијело дугме“ му ја запеа Мишка „на суво“ на Брега, со надеж дека можеби сепак ќе го слушне и ќе му ја исполни животната желба... Впрочем, „Никогаш не едоцна“, зарем не?

Никола Мицевски со концертна промоција на музиката од неговиот албум „Нова ера“ во Велес

Антонио Димитриевски — Thu, 16 Feb 2023 13:06:18 +0000

Општина Велес со гордост ве кани на концертна промоција на албумот “New era” на маестралниот Никола Мицевски. Пред велешката публика ќе се претстави оваа сабота, 18 февруари со почеток во 20 часот во Театар “Ј.Х.К. Џинот”, придружуван од 40тина врвни музичари и хористки на сцена. Специјални гости на концертот ќе бидат Дамјан Пејчиноски и хорот “Св.Кирил и Методиј” – Велес, под диригентската палка на Веселинка Маџарова. Билетите се во продажба на билетара во Театар “Ј.Х.К. Џинот”, а средствата од продажбата ќе бидат наменети за хуманитарни цели. „Со гордост ви најавувам дека концертната приказна "Нова ера", на 18.02.2023 публиката ќе има можност да ја чуе и види на сцената во театарот "Ј.Х.К. Џинот"во Велес!! Сцената ќе биде исполнета со петнаесетина мои колеги, познати професионални музичари со кои заедно неодамна концертно ја промовиравме оваа музичка приказна. Сцената ќе ни ја надополнат и збогатат дваесетина членовите на хорот "Св. Кирил и Методиј" од Велес! Ве очекувам во голем број да дојдете и заедно да го уживаме албумот "Нова ера" Специјален гостин ќе биде еден од најдобрите гитаристи во државата и пошироко - Дамјан Пејчиноски! Велес, се гледаме!“ - порача музичкиот уметник во својата покана до јавноста.

По седум години пауза со настап во Македонија: Калиопи направи спектакуларен концерт во театарот во Велес (ФОТО)

Антонио Димитриевски — Mon, 28 Nov 2022 07:33:42 +0000

Македонската дива, поп-ѕвездата Калиопи Букле во саботата, 26 ноември 2022 одржа голем спектакуларен концерт на големата сцена на Народниот театар „Јордан Хаџи Константинов-Џинот” во Велес на нивна покана, како и на нејзиниот поранешен сопруг актерот Васил Зафирчев, кој е и уметнички директор на велешкиот театар. Претходниот концерт во Македонија Калиопи го одржа пред седум години во Битола. На саботниот концерт во Велес, Калиопи настапи со најголемите свои хитови: „На пат за Македонија”, „Обои ме”,„Црно и бело”,„Не плачи” , „Најмила” „Дали ме сакаш”. Таа концертот го заврши со една од најпознатите свои песни „Роѓени (Бато)”.

View this post on Instagram

A post shared by Kaliopi (@kaliopi_official)

На концертот отпеа и своја преработка на познатата песна „Македонско девојче” а за првпат на концертот ја изведе песната „Тешко ми е тешко” и за сите изведби кои беа со многу емоции доби силни аплаузи и овации во преполната сала. На концертот освен од Велес, публика имаше и од Скопје, Битола, Куманово, Охрид, Кичево, Крушево, како и гости од Србија, Бугарија, Албанија, Хрватска, Шведска, Англија, Австралија и други земји. Во изјавата за медиумите Калиопи информира дека многумина од публиката кои биле на вакви нејзини концерти по концетот во Велес и потврдиле дека досега не доживеале вакви емоции како на овој концерт. „Овој концерт ме разбуди од мојата заспаност дома, бидејќи дома секогаш за мене е место каде што ќе одморам после големите концерти и патешествија, надвор од Македонија. Едноставно кога ќе се вратев дома едноставно тоа ми беше лулка за одмор“ - истакна Калиопи. Посочи дека прв кој успеал да ја разбуди од тој сон е токму Велешкиот театар „Јордан Хаџи Константинов-Џинот”, кој и пратил покана да го направи овој концерт. -Многу сум им благодарна и среќна сум што го направив концертот. Можеби ова е почеток на нешто ново што веќе се случува, но на еден поинаков начин, со еден поинаков жар, поинаков репертоар поинаков концерт со мојот бенд кој ме следи секаде каде настапувам. И знаете како возбудата е најголема кога се свири пред домашната публика, потенцира Калиопи. Таа информира дека на концертот имало гости од многу земји, од Србија, Хрватска, Бугарија, Албанија… -Фасцинантно е што што после концертот, ги видов кога ме чекаа и дојдоа да ме поздрават.При тоа ми кажаа дека биле на многу концерти надвор, но ваква атмосфера и емоции како овде вечерва немало, потенцира Калиопи. Таа потсети дека изминатите две години за жал пандемијата на сите ни одзеде драгоцени две години во кои не можевме ништо да направиме, бидејќи бевме одвоени од музиката и од други нешта во животот, од слободата на движење, а и од начинот на кој сме ги правеле претходно. Во разговор за МИА и констатацијата дека повторно има самостоен концерт во Велес по цели 17 години и на прашање каде тогаш беше Калиопи, а каде е сега, таа одговори дека смета дека секогаш е на истото место во Велес, бидејќи срцето и е секогаш тука. -Јас овој град многу го чувствувам, многу го сакам и многу сум поврзана со него.Токму заради тоа многу ми значи што првиот концерт после долго време во Македонија се случува токму во Велес во Народниот театар, каде вечерва имаше многу силни чувства и емоции. И навистина сум многу преблагодарна, што можев да го доживеам сето ова, рече Калиопи. На прашање на што моментално работи, таа за МИА истакна дека работи на нови песни со Ромео Грил, а кои публиката наскоро ќе има можност и да ги слушне. Фото: Инстаграм принтскрин/kaliopi_official Извор: МИА

„Ова ми фалеше цел живот“: Велешанецот Валентин со изведба на песна од Синатра го купи жирито во „Никогаш не е доцна“ уште на старт (видео)

Слободанка Илиева — Tue, 15 Nov 2022 09:17:24 +0000

Во регионалното музичко шоу „Никогаш не е доцна“ сме виделе доста учесници од Македонија, па дури имаме и победници, а во новата и актуелна сезона Македонците повторно го импресионираат жирито и публиката. По настаот на велешанецот Горан Мишев, сега на сцената се претстави уште еден негов сограѓанин, 53 годишниот Валентин Миланов. Тој во своето претставување кажа дека сакал да направи нешто за себе или да ја спои коцката која му недостасувала во животот. Валентин никогаш професионално не и дал шанса на музиката иако бил член на разни музички состави. Моментално работи на набавка, а исто така одгледува бадеми и прави сушени домати. Сака различни музички жанрови, а во „Никогаш не е доцна“ се претстави со хитот од Френк Синатра „Њујорк, Њујорк“. Негова поддршка до Жика Јакшиќ беа 16 годишениот син Ангел и близок пријател. По насапот доби ласкави коментари од жирито кои му кажаа дека ги купил на прва со бојата на гласот и изборот на така тешка тема, а секако посакаа и да го слушнат следниот негов избор. Претставувањето и настапот на Валентин Миланов можете да го погледнете од видеото на 51: 10. фото:Јутјуб/Никогаш не е доцна/ принтскрин

По долга пауза: Калиопи најавува прв солистички концерт во Македонија

Антонио Димитриевски — Fri, 07 Oct 2022 12:00:37 +0000

Македонската поп-дива Калиопи по подолга пауза ќе одржи солистички концерт во Македонија. По многубројните концерти во регионот, а на покана од Народниот театар „Јордан Хаџи Константинов – Џинот“ од Велес, Калиопи подготвува вистинско музичко доживување за македонската публика.

Концертот ќе се одржи на 26-ти ноември 2022 година, на големата сцена „Петре Прличко“, со почеток во 20.00 часот. Влезниците се во продажба на билетарницата на театарот.

Последниот солистички концерт на Калиопи во земјава беше во 2015 година во Хераклеа – Битола. Во меѓувреме настапуваше на неколку општински манифестации а најчесто настапува низ регионот.

Потврдени изведувачите на „Питијада 2022“ во Велес

Антонио Димитриевски — Mon, 19 Sep 2022 12:46:48 +0000

По три години пауза оваа година ќе се одржи велешкиот фестивал на питата и виното. Во 2019-та манифестацијата се откажа откако Велес го зафатија силни пожари, па средствата беа пренамените за пошумување и набавка на нова опрема за пожарникарите. А 2020 и 2021 година беа пандемиски па и тогаш не се одржа оваа позната манифестација. Така оваа година „Питијада“ ќе се одржи од 7-ми до 9-ти октомври пред „Панини“.

На тридневаната програма има музика за сечиј вкус. Така најголемите имиња на фолк сцената во Македонија доаѓаат во Велес! Миле Кузмановски, Наум Петрески и Зуица Лазова, Сузана Спасовска + Академци ќе настапат на „Питијада.

Освен фолк естрадата, тука ќе бидат „The Hounds“, „ДНК“, „Фолтин“ и „Љубојна“ + „Brass fantasy“.

За најмладата публика ќе бидат омилените ликови од „Дајте музика“ и „5+ бенд“ кои доаѓаат во Велес со свој концерт!