вегани – Вистина.мк

Снеже Велков не пропушта да вежба и делници и празници, ама знаете ли што прави пред цвеќарници и расадници? (ФОТО)

Антонио Димитриевски — Mon, 04 Dec 2023 08:05:44 +0000

И да врне и да вее и бура да коси... И лете и зиме и делници и празници на Снеже Велков денот не и почнува без утрински вежби. Тоа е барем оддамна познато. И кога професионално се занимаваше само со пилатес и сега кога тоа го прави само за себе, за рекреативни цели. Во здраво тело - здрав дух, ама за тоа да биде така, потребна е и здрава исхрана. Познато е оддамна дека Снеже е „скарана со месото“ и сето останато што потекнува од животинско поекло, па исхраната и се сведува исклучиво на плодови и билки. Да си веган не е лесно, особено не кога ќе дојдеш во ситуација да паднеш во искушение. Впрочем, така е со сите нас, кога ќе поминеме пред излог на слаткарница, сендвичара, кафеана... Па дури и не само кога е во прашања само храната, што најдобро знаат жените кога ќе поминат пред излог на продавница за чевли или некој ексклузивен бутик. За подобро да ги појасни нештата, Снеже Велков се пошегува на своја сметка, откако некој се обидел претходно да се пошегува на нејзина. „Дали и веганите се оближуваат пред цвеќарница како јас пред ќебапчилница“? - шеговито прашал некој на социјалните мрежи. Водителката на „Нешто конкретно“ се нашла погодена или се препознала себе си во прашањето, па решила да му ја дополни и „збогати“ мислата на шегобијецот: „И пред расадници, исто“ - додала Велков, збогатувајќи ја шегата со емотикони кои „плачат од смеење“. Наравоучение: Не и купувајте букети на водителката... Заради “цветниот апетит“. Евентуално може... некој кактус! Фото: Инстаграм/velkovsneze

Снеже Велков ги праша следбениците која жена е „понезгодна“, но не се задоволи од одговорот па праша која е „позгодна“? (ФОТО)

Слаѓана Атанасова — Wed, 02 Nov 2022 11:41:36 +0000

Снеже Велков по повод Светскиот ден на луѓето кои не консумираат производи од животинско потекло им го честиташе „Денот на веганите“ кој пред 28 години, поточно 1994 година, за прв пат почна да се слави. Веганството е голема промена на животниот стил што не е за секого. Додека нашата ТВ водителка и пилатес инструкторка Снеже лесно се придржува до тоа некои веруваат дека оваа диета не носи придобивки. Сепак, оние кои се придржуваат до овој начин на исхрана тврдат дека имаат повеќе енергија, подобро спијат и дека веганството позитивно влијае на нивното ментално здравје. Некои решиле да станат вегани поради љубовта кон животните, а има и такви кои не сакаат месо или поради здравствени причини немаат месо во исхраната, па Снеже со мудри мисли напиша дека ги подржува и едните и другите: „Оти од очи не се чита што јадеме.. Оти не има секакви И месојадни и вегани и вегетаријанци и тие што млеко не пијат има такви и што риба не јадат мнозинството не јадат боранија ниту грашок а знам такви што не јадат патлиџан.Има и од тие кои не јадат сирење едни пак не сакаат жолчка од јајце, а познавам и такви што леќа не можат да смислат.И знаете што? Меѓу сите погорни има супер луѓе, а има и луѓе што се хранат со квалитетна храна, ама освен тоа,немаат ништо друго квалитетно во себе… Има едни па само брза храна јадат, ама исто толку брзо се подготвени да ти помогнат или излезат во пресрет. Има едни што ќебапи јадат и на кромид подзамирисуваат, ама па најдобри вицови и шеги кажуваат. А едни пак, само чисто месо јадат и само органски производи консумираат ама лажираат, провоцираат, завидуваат и сопнуваат.. За тоа не сакам поделби не сакам предрасуди наметнувања или потенцирања… Важно е што јадеш. Важно е како јадеш. Важно е колку јадеш. Важно е кога јадеш. Ама уште поважно e да не се јадеш себе си и да не му ја јадеш душичката на некој друг. А најважно од сè не е тоа што внесуваш, туку што од уста изнесуваш. Оти може мед секој ден да јадеш, ама од уста отров да плукаш“. Откако водителката се фотографираше со сукалото во раце, Снеже покажа дека не е само домаќинка во кујната, туку пред некој ден таа се претстави и како вешт(а) хаусмајстор(ка) со бормашината. Впрочем, што и да фати в раце, од сукало до бургија, Снеже Велков е „вешта жена“, која спроведе анкета кај нејзините следбеници, па ги праша: „Kоја жена е понезгодна“? За што подоцна се изненади, се покаја и разочара…. „Бормашината ништо, сукалото си е сукало!“ Впрочем, отсекогаш кај жените - домаќинки така и било! Затоа спроведе втора анкета, но сега го преформулира прашањето, како ако не во: „Која жена е позгодна“? Останува да видиме дали втората анкета ќе даде нови резултати или жената е згодна само со сукалото, а бормашината...? Препуштете му ја на посилниот пол во фамилијата... Или на комшијата?! Во зависност од тоа, кој подобро умее да „буши“!? Фото: Принтскрин/Инстаграм/Снеже Велков

Карлеуша во нова војна, овоја пат со српската актерка Слобода Миќаловиќ: „Само што сакав да изедам една моја Луј Витон чанта…“ (ФОТО)

Антонио Димитриевски — Thu, 29 Sep 2022 11:27:44 +0000

Јелена Карлеуша е позната по тоас што нема „влакна на јазикот“, па често јавно ги коментира изјавите на одредени личности од сите сфери на општественото живеење. Иако досега нејзините колеги и некои политичари досега беа кај неа на тапет, таа сега ја прокоментира изјавата на актерката Слобода Миќаловиќ на нејзините Инстаграм приказни. Имено, Слобода во едно од своите интервјуа истакнала дека со скапа гардероба и пари не може да се купи искрена насмевка, а потоа ги допре и веганите кои носат кожни чанти. „Сакам добар накит, сакам добар часовник, но можам да живеам без него. Мислам дека мојот карактер и таа стабилност доаѓа одвнатре, а не од она што си го ставаме однадвор. Или некој коментира: „Јас не јадам месо, веган сум“, а потоа носи Луј Витон чанта, која дефинитивно не е од зелка. Не разбирам?!“ – изјавила актерката. Ваквиот став очигледно ја допрел и не и се допаднал на Карлеуша, па таа во свој стил експресно и одговори на Слобода. „Сакав да изедам една од моите чанти 'Луј Витон', но оваа многу паметна жена ми објасни дека таа не е од зелка. А јас јадам само зелка“ – напишала пејачката. Останува да видиме дали актерката ќе реагира на оваа закачка на белградската „мала од скандала“, но не се сомневаме дека доколку се случи, контраодговорот на Јелена ќе биде многу подолг и поубиствен. Фото: Инстаграм принтскрин/sloboda_micalovic_boba/karleusastar

Лекарите ги предупредуваат веганите дека сериозно го ризикуваат своето здравје

Слободанка Илиева — Fri, 27 Dec 2019 13:16:30 +0000

Недостигот на витамини кои се наоѓаат во млекото може да ги оштети нервите. Веганската исхрана е во главно здрава, со низок холестерол и штити од срцеви болести, но нејзините следбеници мора да земаат додатоци од витаминот Б12 или ризикуваат состојба која предизвикува трајно тресење на рацете и нозете, велат експертите. Повеќето луѓе добиваат витамин Б12 од млекото, но супстиуентите на база на билки немаат доволно високо ниво за да ги заштитат луѓето од периферна невропатија, што е неповратно. "Постои опасност младите вегани, кои не примаат Б12, да добијат сериозна невропатија. Нивото во билното млеко треба да биде повисоко од тоа што е моментално. Ако е три пати повисоко, нема да постои проблем", велат тие. Интернетот тврди дека на веганите не им е потребен дополнителен Б12, што не е засновано на докази, рекол Том Сандерс, професор по исхрана и диететика од King's колеџот во Лондон. "Загрижен сум што многу луѓе мислат дека тоа е мит", рекол Сандерс. Џаините во Индија јадат веганска диета, но, рекол тој, "сите Џаини кои ги познавам примаат инекции Б12". Истражувањата покажале дека нивото на Б12 во веганите е третина од тоа што е потребно. Другите аспекти на веганската исхрана се здрави, но, рекол Сандерс, "Б12 е единствената работа за која се грижиме". Посебно се грижи за децата. Во еден случај, бебе кое го доела мајката со недостиг на Б12 добила невропатија. Веганската исхрана богата со овошје и зеленчук веројатно е здрава, но веганите и натаму можат да претеруваат со колачиња, чипс и пиво, рекле научниците. Засега нема докази дека веганите живеат подолго. "Не постојат значајни разлики во вкупната смртност на веганите и оние кои јадат месо", рекол Сандерс. извор:точка.ком.мк