вечер – Вистина.мк

Денови на македонската култура во Белград: Вечер посветена на Васил Хаџиманов

Антонио Димитриевски — Tue, 23 May 2023 12:47:23 +0000

Во рамките на манифестацијата Денови на македонската култура, „Допир на Македонија“ што годинава по 13-ти пат се одржува во Белград, во организација на здружението „Македониум“ од Белград, денеска ќе се одржи вечер посветена на Васил Хаџиманов.

По тој повод ќе биде прикажан документарниот филм „Фениксот од Кавадарци“ на Мишо Нетков, а дека музиката што Васил Хаџиманов ја собирал и сочувал од заборав сè уште се изведува и на овие простори ќе покаже КУД „Васил Хаџиманов“ од Јабука со својата пејачка и фолклорна група, која годинава го одбележува големиот јубилеј 60 години постоење и ансамблот „Македониум“ од Белград.Програмата ќе биде одржана во големата сала на ПАН театарот од 19 часот. Манифестацијата Денови на македонската култура, „Допир на Македонија“ традиционално ја поддржуваат Македонскиот национален совет, Министерството за култура на Република Србија и претпријатието Алкалоид.

Откриена тајна со која е загарантирана незаборавна вечер

Слободанка Илиева — Thu, 18 Aug 2022 11:49:45 +0000

Многу е важно да му посветите време на вашиот емотивен партнер Сосема е нормално дека кога сте во врска долго време, страста да не е онаква каква што била на почетокот на врската. Сепак, постојат „финти“ со кои можете да ја зачувате таа „искра“ и да уживате во неа засекогаш. Сексуалната консултантка Настасја Милер сподели кои работи треба да ги прават сите парови кои сакаат да имаат фантастичен секс. Нејзиниот прв совет е дека секој треба да зборува за секс со својот партнер, додавајќи дека паровите кои имаат добар секс се прашуваат што сакаат, што и кога им се допаѓа. – Ова можеби на почетокот ќе ви биде непријатно ако не сте навикнати на вакви разговори, но ќе ви се исплати следниот пат кога ќе имате секси моменти – вели таа. Нејзиниот следен совет е да поминуваат квалитетно време еден со друг, а таа предлага да одвоите 20 минути дневно за гушкање. Тој додава дека ова време кое го поминувате еден со друг создава поголема интимност, што на крајот може да доведе до подобар секс на долг рок. Вели дека е многу важно во сексуалниот живот на секоја двојка да се бакнуваат страсно и секој ден да си кажуваат „те сакам“ и навистина да го мислат тоа. Нејзиниот најдобар совет е да се даде приоритет и да се закаже сексот, бидејќи таа тврди дека закажувањето секс создава акумулација на исчекување што навистина може да се исплати по хаосот во секојдневниот живот. Сепак, некои во коментарите се спротивставија на овој последен совет, тврдејќи дека кога ќе го закажете и ќе дојде време, акцијата може да се почувствува принудена, пишува „The Sun“. – Ова дефинитивно зависи од моментот и ако не сакате, дефинитивно не форсирајте. Тоа што е закажано не значи дека мора да го направите тоа, им одговорила Милер. Другите се согласија со нејзината гледна точка. – Ми се допаѓа идејата за распоред. Девојката така може да се подготви ако сака и ќе се чувствува посекси и поподготвена – гласи еден коментар. извор:попара.мк

Не е убаво да јадете многу навечер, но не легнувајте гладни – еве зошто

Слободанка Илиева — Fri, 28 May 2021 12:20:53 +0000

Иако честопати читаме совети за да не јадеме пред спиење, постојат исклучоци и тоа е кога сте гладни. Во овој случај, не се препорачува да прескокнете оброк, бидејќи чувството на глад може да ве држи будни долго време или да ви го наруши спиењето, па затоа експертите предупредуваат дека не треба да легнувате гладни. Ако можете да се организирате за да обезбедите 7 до 9 часа ноќен сон, тоа е одлична работа, особено ако сте презаситени со обврски. Добриот сон е клучен за враќање на енергијата, што ќе му овозможи на телото да се справи со голема количина на стрес. Но, чувството на глад може да ви го одвлече вниманието од брзото „патување“ во земјата на соништата навечер и спиењето без будење, а недостатокот на сон или периодично слабиот квалитет на сонот само доведува до уште поголем стрес. Промени во расположението Недостатокот на сон може да има негативно влијание врз вашето расположение или, најверојатно, ќе се чувствувате нервозни следниот ден. Но, може да влијае и на фактот дека на вашето тело му недостасуваат јаглехидрати, кои се многу важни во производството на хормонот на среќата – серотонин. Ова може да биде проблем особено ако страдате од анксиозно растројство или клиничка депресија, но одењето во кревет без вечерен оброк никогаш не е паметна одлука. Акумулирање нови килограми Ако мислите дека прескокнувањето вечера ќе доведе до губење на вишок килограми, размислете уште еднаш. Имено, експертите велат дека така само може да добиете нови килограми. Како прво, недостаток на енергија за телото да може да функционира ноќе може да доведе до забавување на метаболизмот, а забавениот метаболизам го забавува слабеењето. Повторно, недостатокот на сон нѐ прави нервозни и незаситни, што доведува до прејадување и – зголемување на телесната тежина. Бидете сигурни дека јадете здрава вечера пред да одите во кревет. Но, ова треба да се направи најмалку два до три часа пред спиење, за да се избегнат проблеми. Имено, доцна вечера може да предизвика металоиди, рефлукс и други проблеми со варењето на храната. извор:курир.мк

Ако се будите да уринирате неколку пати во текот на ноќта, кажете му го тоа на вашиот лекар – може да биде алармантно

Слободанка Илиева — Thu, 08 Apr 2021 13:38:16 +0000

Постојат многу причини зошто би можеле да бидете будни навечер, а една од нив е празнење на мочниот меур. И додека мокрењето среде ноќ е далеку од невообичаено, тоа може да биде показател дека нешто не е во ред ако се случува премногу често. Експертите советуваат дека треба да разговарате со вашиот лекар ако се разбудите неколку пати во текот на ноќта и одите во тоалет. Сомневање за ноктурија Во средна возраст, се очекува едно будење во текот на ноќта поради потреба за мокрење, но ако бројот на повици за мокрење е почест, треба да му кажете на вашиот општ лекар. Имено, постојат голем број на болести кои можат да предизвикаат ноктурија, и тие се базираат на една од трите главни категории – нарушувања на централниот нервен систем, како што се тумори на мозокот и апнеја при спиење; кардиоваскуларни нарушувања, вклучувајќи срцева слабост и сериозни проширени вени; и нарушувања на мускулите на мочниот меур, како што се дијабетес, рак на мочниот меур или зголемена простата. Повеќе бенигни причини Ноктуријата, исто така, може да биде знак на инфекција на уринарниот тракт или инфекција на мочниот меур, според Healthline. Но, дури и овие инфекции можат да имаат сериозни последици ако не се лекуваат. Д-р Дирбејл Колинс, доктор по медицина на Универзитетската болница Корк, исто така предупредува дека одредени лекови, како што се диуретици и мускулни релаксанти, можат да предизвикаат ноктурија како несакан ефект. – За да ја дијагностицира причината, вашиот лекар ќе ја прегледа вашата медицинска историја, вклучувајќи список на лекови што ги користите, и ќе побара да водите дневник за течности. Исто така, може да ве испрати на анализа на крв и урина, скенирање на мочниот меур или цистоскопија – вели Колинс. Будењето навечер може да влијае на вашето тело без оглед на причината Дури и ако основната причина не е сериозна, ноктуријата сепак може негативно да влијае на вашето тело, вели Ангела Фишман, специјалист за ноктурија. извор:курир.мк

Почина Петар Станоевски, новинар во „Вечер“, музичар и рок гитарист

Антонио Димитриевски — Wed, 20 Jan 2021 09:07:02 +0000

На 19 јануари, 2021 година, вторник, почина колегата долгогодишен новинар во редакцијата на дневниот весник „Вечер“ и музичар, рок и блуз гитарист, Петар Становски. Станоевски беше и еден од организторите на манифестацијата вечерово лицена годината, односно „ТВ лице на годината“ која со години се одржуваше избирајќи ги најпопуларните лица од шоубизнисот, естрадата, културата, спортот, уметноста, филмот, театарот, телевизијата... Петар или Перо - „Пешак“ како што го знаеја во скопските музички кругови, беше и одличен музичар, извонреден гитарист кому рок ен ролот и блузот му беа и во крвта и во прстите. Од неколкуте групи кои самиот ги оформи или во нив членуваше, најмногу ќе остане запаметен по дуото „Ловци на бисери“ во кое покрај него беше уште и клавијатуристот и музички продуцент, Бранко Попчевски. Меѓу бројните збогувања на социјалните мрежи со Петар Станоевски на пријателите, македонските музичари и музички работници, колегите - новинари..., неговата некогашна колешка од редакцијата на „Вечер“, новинарката Марија Таушанска - Анастасовска, во својот проштален статус на Фејсбук напиша: „Не напушти и Петар Станоевски, новинар , гитарист, композитор...Со години бевме колеги во нашиот „Вечер“, делевме и добро и лошо. Ми помогна многу во еден тежок период од мојот живот, нема да го заборавам никогаш тоа. Заедно го подготвувавме последниот избор на Вечерово ТВ лице на годината во 2006 г., за кој и сега се зборува. Патувај кон светлината Перо, ќе остане музиката на бендот „Ловци на бисери“, во кој членуваше со Бранко Попчевски, многу настапи, дружби, спомени...“! Редакцијата на нашиот портал Вистина.ком.мк искажува последен поздрав на Перо, со кој некои од нас лично се познаваа и соработуваа, со изрази на длабоко и искрено сочувство до семејството.

Колку е сексот за една вечер добар за менталното здравје?

Христина Ѓоргиевска — Thu, 28 Mar 2019 13:45:28 +0000

Сексот во врска го подобрува здравјето на кардиоваскуларниот систем, ја намалува депресијата и го подобрува имунитетот. Но, дали важи истото и кога станува збор за секс за една вечер? Истражувањата често ги поврзуваат повремените сексуални односи со грижа на совест, ниска самодоверба и психички немир, особено кај жените. Додека мажите жалат за сексот што го пропуштиле, жените често жалат за сексот за една вечер. Ова го потврдува истражување направено на оваа тема во Канада. Мажите најчесто жалат од физички причини, на пример затоа што нивниот партнер не е доволно привлечен. Жените изразиле жалење бидејќи подоцна се покајале и се обвинувале себе си затоа што се согласиле на секс за една вечер. Истражувањата имаат различни дефиниции за секс за една вечер, од секс со личност која ја познавате помалку од 24 часа до пријател со привилегии. Некои од овие истражувања покажале дека и мажите и жените се чувствуваат депресивно, осамено и искористено по овие средби, а други покажале дека овој чин предизвикува повеќе позитивни отколку негативни емоции. Психолозите тврдат дека сексот за една вечер може да ја подобри општата состојба зголемувајќи ги самодовербата, сексуалното задоволство и чувството дека сте сакани. Мажите и жените различно го доживуваат сексот за една вечер, но крајниот заклучок е да не се впуштате во ова доколку сакате повторно да ја видите истата личност..

Ова ќе го памети долго време: Влатко Лозановски доживеа посебна вечер во Штип (видео)

Христина Ѓоргиевска — Wed, 28 Nov 2018 08:02:35 +0000

Пејачите уживаат во дружењата со публиката, а секој настап, концерт или било какво појавување пред публиката се мотивација да бидат подобри и повторно да се вратат на истото место каде биле одлично пречекани. Македонскиот пејач Влатко Лозановски каде и да се појави секогаш е добредојден, а публиката ги пее неговите песни од прв до последен стих. Последната негова нова песна „Надеж“ веднаш ја освои публиката, а за кратко време достигна околу 410 000 прегледи на „Јутуб“ што е солидно за Македонија. https://www.youtube.com/watch?v=SP8aOFYMJZ0 Во неговите песни многумина може да се пронајдат, да ги посветат, да се радуваат или тагуваат, но и да доживеат некој момент кој ќе го паметат долго време. Викендов, Лозано имаше настап во една дискотека во Штип, а таа вечер ќе ја памети уште долго време. Имено, тој беше сведок на запросување на неговиот концерт. На настапот момче ја побара својата девојка за сопруга, а Лозано ја отпеја песната „Жена како ти“: Лозано на својот „Инстаграм“ го сподели овој момент кој може да го погледнете во видеото подолу.

View this post on Instagram

Ви благодарам Штип и @nightclubclique што вчерашната вечер ја направивте посебна за мене и за сите присутни Love Ya ?❤ #Запросување ??#ЖенаКакоТи #ZenaKakoTi #PositiveVibes

A post shared by LOZANO (@vlatkolozanoski) on Nov 25, 2018 at 7:39am PST