вдовица – Вистина.мк

Стана вдовица на 36 години: Гога Секулиќ го загуби сопругот по само два месеци брак и сѐ уште ги плаќа долговите од неговото лекување (фото)

Слаѓана Атанасова — Thu, 26 Oct 2023 07:53:49 +0000

Гога Секулиќ во 2013 година се омажи за Игор Рамовиќ, кој почина два месеци откако го кажаа судбоносното „да“. Имено, Игор ја загуби битката со опасна болест, па Гога на 36 години стана вдовица. - Набргу по венчавката, Игор почувствувал болки во стомакот, поради што посетил лекар, кој му дијагностицирал рак на дебелото црево. За операцијата во Германија беа неопходни 20.000 евра кои им ги дадоа на тамошните лекари, но болеста толку брзо напредуваше што буквално немаше време за операција - изјави тогаш изворот и објасни: - Гога беше покрај него во текот на целата негова болест, буквално до последен момент. Тој ѝ умрел во раце додека таа му кажувала како, кога ќе оздрави, ќе одат на меден месец. Се обиде да му даде надеж, но залудно. Секулиќ во една прилика откри какви биле нејзините последни моменти со него. - Додека го држев во раце, тој се мрдна уште малку, но лекарите ми рекоа дека неговата душа потоа го напуштила телото. Гога подоцна им откри на медиумите дека направила се за неговото закрепнување, па дури и позајмила пари од пријатели за да го плати неговото лекување. - По смртта на Игор останав сама. И денес, кога во голема мера помина годишнината од неговата смрт, ги плаќам долговите што останаа од неговото лекување. Отидовме кај најдобрите лекари во светот и се обидовме да направиме се за да го спасиме, но не успеавме. Ги презедов сите сметки од болниците. Фото: Принтскрин/Инстаграм/Гога Секулиќ

Тој е лудо вљубен во вдовицата на Шабан Шаулиќ: Им беше семеен пријател, но отсекогаш беше слаб на Гоца!

Антонио Димитриевски — Wed, 14 Sep 2022 12:03:54 +0000

Вдовицата на Шабан Шаулиќ, по ненадејната смрт на нејзиниот сопруг, живее целосно затскриено, обидувајќи се да посвети што повеќе време на семејството, децата и внуците, но еден додворувач на Гоца Шаулиќ, кој оддамна не ја крие својата љубов, сега предизвика голем интерес, па емотивниот живот на оваа дама повторно е во фокусот на јавноста. Иако нејзиното срце му припаѓа на нејзиниот сакан Шабан, многу мажи изразуваат интерес за Гоца и би сакале да бидат во нејзино друштво за да и поделат комплимент и шармираат со убав збор. Според некои српски медиуми медиуми, Гордана наводно е предмет на интерес на инспектор кој со години го познава семејството Шаулиќ. „Кога беше жив Шабан, Гоца му беше само тивок копнеж, а сега, кога помина извесно време од неговата смрт, анонимниот инспектор се обидува да ја шармира и заведе вдовицата на Шабан Шаулиќ. „И Гоца и Шабан беа многу добри со тој инспектор. Прва Гоца се радуваше што излегуваше со него секогаш кога ќе ги повика нејзе и Шабан, и двајцата го ценеа како пријател“ - вели добро информиран извор за српски „Скандал“ и додава: „Сите што бевме во тоа друштво знаевме дека е слаб на Гоца, но и самиот беше свесен дека Шабан е единствениот за неа. Меѓутоа, сега кога за жал се случи тоа што се случи, тој е решен да ја придобие, дури и фантазира дека ќе ја запроси“ - ја продолжува приказната за желбите на инспекторот анонимниот извор. Дали емотивниот живот на Гоца Шаулиќ ќе има сосема неочекуван епилог и дали оваа романса навистина има сериозен потенцијал да се обистини, ќе покаже времето пред нас. Фото: Инстаграм принтскрин/gordana__saulic

„Оваа самотија убива“: Сопругата на покојниот Шабан Шаулиќ си ја отвори душата

Слободанка Илиева — Wed, 15 Jun 2022 09:47:58 +0000

Гордана Шаулиќ, вдовицата на покојниот пејач Шабан Шаулиќ си ја отвори душата за тоа како се чувствува. - Солидно сум. Имам повеќе време за себе отколку порано. Повеќе е време со семејството, пријателите, за некои патувања, сега имам време за себе - рече вдовицата на Шабан.

View this post on Instagram

A post shared by Gordana Šaulić (@gordana__saulic)

-Децата одамна не се тука, сега во мојот живот владее една поинаква осаменост. Не е како кога сакате да имате малку мир поради децата... Оваа осаменост малку убива. Не се навикнав на ситуацијата, колку и да поминаа години. Мислам дека никогаш нема – заклучи Гоца за „Блиц“ фото:принтскрин ало.рс

Вдовицата на покојниот Балашевиќ одново ги разбесне неговите обожаватели: Оливера ги избриша сите заеднички слики со Ѓоле од Инстаграм (ФОТО)

Антонио Димитриевски — Tue, 14 Dec 2021 12:45:17 +0000

Оливера Балашевиќ веќе речиси една година не престанува да ги изненадува бројните обожаватели на нејзиниот покоен сопруг Ѓоле. Имено, сите оние кои цврсто веруваа во идиличната љубовна приказна што ја живееја Оливерa и Ѓоле, сега се целосно збунети од одлуките што ги носи Оља. Одлуката на Оливера Балашевиќ да ги забрани сите емисии посветени на нејзиниот сопруг на „Јутјуб“ беше само почеток, а потоа почнаа да следат и други неочекувани постапки. Оља повторно ги изненади фановите, кога на корицата на својата книга покрај презимето Балашевиќ го додаде и моминското презиме Савиќ. Иако ја објаснила таа одлука, со тоа што романот и го посветила на мајка си, која го носела и презимето Савиќ, не успеала да го смири хаосот што го предизвикала, а потоа следел уште поголем шок. Имено, сега вдовицата на Ѓорѓе Балашевиќ одлучила да ги избрише сите заеднички фотографии со Ѓоле од својот профил на „Инстаграм“. Фановите на Ѓоле Балашевиќ тоа неволно го прифатија, а имаше и такви кои во оваа постапка го гледаа нејзиниот начин како да ја преброди загубата. Што се крие зад одлуката која ја шокираше јавноста, ќе покаже времето или Оливера повторно ќе даде некое свое „лево“ јавно објаснување, како што секогаш правела досега!? Фото: Марина Лопичиќ/Инстаграм принтскрин/olivera.balasevic

Вдовицата на Коби Брајант се огласи со емотивно писмо на една година по смртта на ѕвездата и нивната ќерка (фото)

Слободанка Илиева — Wed, 27 Jan 2021 08:06:55 +0000

Наврши една година од трагичната смрт на славниот кошаркар Коби Брајант и неговата ќерка Џијана, а на својот Инстаграм профил по повод првата годишнина се огласи вдовицата на Коби, Ванеса Брајант. Ванеса објави емотивно писмо од најдобрата другара на Џијана, Обри Калахан која на посебен начин се простила од неа. „Денеска го примив ова прекрасно писмо од една од најдобрите другарки на Џијана, Обри. Те сакам, Обз (како што те нарекуваше мојата Џиџи). Ти благодарам премногу за прекрасните спомени кои ги сподели со мене за мојата Џиџи и што ми дозволи тоа да го споделам со сите на мојот Инстаграм“, напишала Ванеса. „Мојата Џиџи беше неверојатна и ти благодарам на ова прекрасно писмо. Таа толку многу те сакаше. И мене многу ми недостасува моето бебе и мојот Коб-Коб. Никогаш нема да сфатам како можеше оваа трагедија да им се случи на толку убави, драги и неверојатни личности. Сè уште не делува реално. Коб, добра работа завршивме. Џиџи, мама секогаш ќе биде горда на тебе. Ве сакам.“ Обри, меѓу останатото, во писмото го напишала следното:

View this post on Instagram

A post shared by Vanessa Bryant 🦋 (@vanessabryant)

„Драга г-ѓа Брајант, Мојот ум постојано размислува за Вашата прекрасна ќерка. Нејзината насмевка и став ме тераат да бидам подобра. Веројатно сте го слушнале тоа, но ако некогаш станам мајка, се надевам дека мојата ќерка ќе биде иста како што беше Вашата. Таа знаеше кога имав лош ден и знаеше како да го подобри. Беше великодушна и секогаш ми нудеше грицки кога ќе ги заборавев моите. Оставаше белешки во мојот дневник. Беше неверојатна“.

View this post on Instagram

A post shared by Vanessa Bryant 🦋 (@vanessabryant)

„Во име на сите кои ја запознаа, можам да кажам дека нѝ го промени животот. Нејзините едноставни постапки нè направија подобри луѓе и верувам дека резултатите од тоа никогаш нема да престанат да се покажуваат“, заклучила Обри.

Сопругата на покојниот Шабан Шаулиќ се сели и ја продава вилата на Дедиње

Слободанка Илиева — Wed, 23 Dec 2020 09:06:29 +0000

Според српскитемедиуми, семејството Шаулиќ решило да ја продаде луксузната семејна вила на Дедиње, каде што живееле во последните години. Одлуката за продажба на семејната куќа ја донесе Гоца Шаулиќ, вдовицата на легендарниот Шабан Шаулиќ, пред неколку месеци, а во тоа ја поддржаа нејзините ќерки Санела и Илда и синот Михајло, пишува „Ало“. - Кога почина Шабан, сè што го сочинуваше нивниот семеен дом исчезна. Додека беше жив, тој самиот сметаше дека куќата е непотребно голема, но тие немаа срце да ја продадат. Сепак, сè се смени кога Шабан почина. По загубата на сопругот, Гоца страдаше во таа куќа бидејќи сè ја потсетува на Шабан. Поради сето тоа, пред неколку месеци заедно заклучија дека продажбата е најдобра опција - вели изворот на споменатиот портал и открива дека луксузната вила на семејството Шаулиќ се проценува на над еден милион евра.

View this post on Instagram

A post shared by Saban Saulic (@sabanofficial)

- Покрај тоа што се обидоа да ги залечат нивните емотивни рани, финансиите играат важна улога во целата приказна. Надоместоците за вакви недвижнини не се мали, без оглед на тоа што не им претставува проблем на Илда, Санела и Михајло да плаќаат се што е потребно. Покрај тоа, нивната вила се проценува на околу еден милион евра, имајќи предвид дека е изградена според европските стандарди и се наоѓа на една од најлуксузните локации во Белград - вели изворот и посочува дека планот на Гоца е да се пресели во еден од неколкуте станови кои ги имаат, а парите се инвестираат во профитабилни бизниси што ќе ги наследат нејзините деца и внуци. - Гоца отсекогаш располагала со финансиите, иако Шабан беше тој што заработуваше пари. Таа секогаш знаеше како да ракува со пари, да штеди и да инвестира каде што требаше. Никој не треба да биде изненаден што и покрај богатството што го имаат, таа размислува за понатамошни чекори и за иднината на внуците. Кога стави сè на вагата, сфати дека нема смисла да се живее во вила чија продажба може да направи работа на која ќе живеат нејзините деца и внуци со децении што доаѓаат. Фактот дека тие имаат свои работни места и дека се вешти луѓе не го менува мислењето на Гоца дека тие мора да имаат дополнителна поддршка за да живеат во изобилство како што се навикнати. Има неколку опции во мојата глава, а една од нив е инвестирање во изградба на станбени и деловни објекти, но сè уште не е познато што ќе одлучи. На почетокот на следната година, поточно во март, Гоца планира да ја објави продажбта на вилата, така што попрецизно ќе се знае кои се следните чекори на семејството Шаулиќ - заклучува изворот.

View this post on Instagram

A post shared by Saban Saulic (@sabanofficial)

Како што е наведено понатаму, Шаулиќ ја купиле луксузна вила на Дедиње во 2014 година, но се вселиле во неа откако ја реновирале. Како што беше напишано во тоа време, Гоца и Шабан вложија околу еден милион евра во набавка и реновирање на вилата.

Вдовицата на Рајко Дујмиќ тврди: „Нови фосили“ го измамија мојот Рајко“

Христина Ѓоргиевска — Fri, 21 Aug 2020 08:58:36 +0000

Снежана Дујмиќ, вдовицата на Рајко Дујмиќ кој почина пред две недели како последица од тешка сообраќајна несреќа, објави соопштение во кое наведува дека се прекинува судскиот спор меѓу нејзиниот сопруг и останатите членови на групата „Нови фосили“. Таа во соопштението објаснува зошто починатиот Дујмиќ ги тужел Сања Долежал, Владимир Кочиш Зек и Маринко Колнаг. „Вие не можете повеќе со мене, јас не можам повеќе со вас. Продолжете да настапувате под името „Нови фосили“ под услов да добивам четвртина од настапите и концертите – тоа беше единствен услов на Рајко кој Сања, Владимир и Маринко не го прифатија. Повеќе од 5 години траеше судскиот процес. Пред година ипол, се сретнаа Сања, Владимир и Маринко со Стева Цвикиќ на кој му ветија дека на Рајко ќе му даваат 500 евра по настап, но тој договор никогаш не го испочитуваа“, напиша Снежана на својот „Фејсбук“ откако дозна дека судскиот процес е прекинат поради смртта на Рајко. Спорот околу тоа кој има право да настапува под името „Нови Фосили“ започна кога Дујмиќ бил исклучен од групата во 2014 година, а другите членови продолжиле да настапуваат под тоа име. Еден од последните настапи им бил во февруари годинава.

Исповед на вдовицата од Шабан Шаулиќ: Гоца откри како изгледала нивната последна средба

Христина Ѓоргиевска — Fri, 21 Feb 2020 09:46:42 +0000

По една година од смртта на Шабан Шаулиќ, Гордана Шаулиќ првпат проговори и откри како изгледала годината без човекот со кој помина повеќе од 40 години. Во што пронаоаѓате утеха и мир? „Не пронајдов утеха и сигурна сум дека никогаш нема д аја пронајдам. Премногу тага, болка и недостигање. Голема е празнината по неговото заминување за да нешто ја исполни. Повеќе од 4 децении мојот живот се вртеше околку Шабан. Ние бевме партнери во се, од бракот, преку воспитувањето на децата, па се до работата, концертите, песните. И тогаш, едно утро се тоа исчезна. Не знам како да опишам, тоа е шок, тоа чувство на празнина, тага и немоќ. Како некој да ви го земе целиот воздух и да ве остави да се обидете да живеете без него. Навистина имав чувство дека од почеток морам да учам да дишам, да одам, да зборувам. Во тие моменти мора да ставите одбранбен механизам за да преживеете. И јас одбрав да верувам дека тој не си замина. За мене тој е на пат и еден ден ќе се врати. Токму тоа и поддршката од семејството ми дадоа сила да станувам секое утро и да чекам кога повторно ќе се сретнеме“ вели Гоца. Шаулиќ раскажа како и изгледал нивната последна средба. „Станав пред него, го разбудив и тој дојде во дневната соба, појадуваше, пиеше кафе и читаше весници. За тоа време јас проверив дали се спакувал, му подготвив облека што да облече, го потсетив да ги земе лековите и цигарите. Седевме и разговараме за плановите за следниот период. Се беше како порано. Се бакнавме, го испратив и последна слика на која се сеќавам е како го става качкетот и излегува на капијата“ раскажува сопругата на пејачот. На прашањето како би реагирала доколку се сретне Асин Левент, човекот кој ја предизвика сообраќајната несреќа, Шаулиќ вели: „Целото семејство ќе биде присутно на првото рочиште, така да сигурно ќе се сретнеме. Искрено, колку и да мислите дека сте подготвени и знаете што да очекувате, некогаш може да погрешите. Не знам како ќе се чувствувам кога првпат ќе се сретнеме. Знам дека директно нема да му се обратам, ќе го зачувам своето достоинство“ вели Гордана. За потсетување, Шабан почина во февруари претходната година во сообраќајна несреќа кога се враќаше од Германија.

Прва исповед на Гордана Шаулиќ: „Не знам да живеам без мојот Шабан“

Христина Ѓоргиевска — Mon, 10 Feb 2020 11:44:18 +0000

Кралот на народната музика, Шабан Шаулиќ почина пред една година во тешка сообраќајна несреќа во Германија. Неговото семејство и неговите пријатели се уште не може да прифатат дека го нема познатиот пејач. За „Информер.рс“, Шаулиќ открива како и поминала едната година без Шабан. „Зад мене е година со болка и тага, еден вистински кошмар. Не знам да живеам без мојот Шабан. Не знам. Тој е мојот живот“ вели Гоца. Гоца проговори за човекот со кој беше 43 години во брак и открива што најмногу и недостига. „Шабан и јас растевме заедно, живееме под ист покрив. Се чувствувам како некој да ми го украде. За мене и моите деца тој се уште е тука. Единствено кога така размислувам можам да продолжам понатаму“ вели сопругата на Шабан и продолжува: „За мене тој е на некој далечен пат, на некој настап ширум светот. Некогаш патуваше без мене, а некогаш знаев да му се придружам. Знам дека еден ден ќе му се придружам без оглед на тоа каде се наоѓа“. Таа потенцираше дека времето не ја лечи болката. „Лажат кога велат дека „времето лекува се“. Тоа најдобро го знаат оние кои изгубиле некој најмил. Продолжуваш со животот, се будиш, спиеш и така секој ден, но болката во срцето не престанува“ вели Гоца. Таа открива во кои моменти и е најтешко: „Секој час, ден, недела, месец....Најмногу ми е тешко на важните датуми кога сите бевме заедно. Тешко ми е кога ги славиме родендените на нашите деца и внуци, а го нема мојот Шабан. Посебно ми недостига на нашата годишнина од бракот и на неговиот роденден. На Нова година ми беше многу тешко. Меѓутоа, иако физички не е тука, знам дека е присутен. Го чуваме во срцето и душата и додека сме живи ќе го чуваме споменот на него. Тој го заслужи тоа бидејќи освен тоа што беше голем уметник беше и голем човек“ вели сопругата на починатиот пејач. Гоца истакна дека се уште нема сила да ги гледа емисиите во кои гостуваше Шабан, ниту пак да ги слуша неговите песни.

Пустош во вилата на Шаулиќ: Вдовицата од Шабан се замина од семејниот дом на Дедиње (фото)

Христина Ѓоргиевска — Tue, 21 Jan 2020 11:07:58 +0000

Следниот месец се полни една година од смртта на Шабан Шаулиќ кој почина во сообраќајна несреќа во Германија. Неговата сопруга, вдовицата Гордана Шаулиќ се уште тешко ја поднесува смртта на легендарниот пејач, а по речиси една година од неговото заминување одлучила да ги спакува куферите и да си замине од вилата во која живееле. Како што пишува ало.рс, наводно Гордана одлучила да го издава својот дом на Дедиње. „Гоца и Шабан најчесто беа сами, децата доаѓа, но секој од нив си има посебни куќи и станови. Кога почина Шабан, на Гоца и беше многу тешко да живее сама во таа преголема куќа. Поради тоа одлучи да си замине, да побара помал и нов дом“ вели изворот и додава дека ќуката веќе се издава, но се уште никој не се вселил во неа. Вратите се заклучени, тивко е и мирно, ролетните се спуштени, а од капијата е трнат и објавениот некролог кој со месеци стоеше таму. Инаку, вилата се наоѓа во елитна населба и зафаќа 600 квадрати, а за нејзино реновирање потрошени се околу милион евра.