василка – Вистина.мк

Се ожени шеф Марк од „Брза кујна“: Со зурли и тапани и бакшиш на чело, семејна свадбена веселба на Камник ( ФОТО+ВИДЕО)

Антонио Димитриевски — Mon, 21 Jun 2021 08:31:03 +0000

Готвачкото ТВ шоу „брза кујна“ за кратко време стана едно од најпопуларните телевизиски емисии од ваков формат. Натпреварувачите секојдневно се менуваат, водителките повремено, ама главните ѕвезди останаа исти: Шеф Никола и шеф Марк! Двајцата врвни готвачи и забавувачи се неизоставен дел врз чија кулинарска умешност, вештина и знаење, ама и смисол за хумор и забава се темели шоуто, па затоа без било кој од нив нема ни добра храна, ни добра забава! И додека шеф Никола Мишковски пред две години ова време вплови во брачните води правејќи едноставна забава за најблиските, за шеф Марк де Јонг сите „знаеја“ дека е во брак“ со неговата македонска избраничка Василка Димовска... Арно ама, работите стоеле малку поинаку! Имено, иако има возрасни деца - син и ќерка кои живеат во Белгија, популарниот готвач и неговата понежна половина всушност само живееле заедно во вонбрачна заедница...Или како што кај нас народски се вели, во „див брак“! Токму затоа, шеф Марк и неговата Василка, викендов, 20 јуни 20221 година, решија и официјално да стапат во брак... Да ја озаконат својата врска, која всушност беше еден вид брак, кој само не беше официјализиран на хартија! Ковид протоколите за свадби иако попуштија, сепак шеф Марк и Василка се решија за „скромна“ семејна свадбена веселба со најблиските роднини и пријатели, која ја одржаа на едно од најелитните скопски гастромномско-вински локалитети, Камник. А свадба не е свадба без младоженец и невеста, па затоа младоженците се потрудија да не го „пропуштат моментот“: Тој во свечен костум со китка на реверот, таа во бела невестинска венчаница со бидермаерот в рака... Младоженците пред матичарот се заколнаа на вечна љубов, па првите секунди од ветувањето и официјалниот брак, како што е редот, ги зачинија со сочен свадбен бакнеж! Гостите малубројни, ама сепак весели, а музиката - традиционална, изворна, македонска... Зурли и тапани им свиреа на младите! Шеф Марк можеби не ги научил до крај чекорите на орото, ама затоа добро ги научил македонските адети, па качен на тапанот, ниту тој, ниту сватовите не ги испратија со празни раце свирачите. Илјадарки и евра бакшиш се делеа, а Бога ми и лепеа на чело на музичарите, чии звуци на нивните иснструменти му ја разубавија свадбената веселба на познатиот готвач и неговата невеста! На свадбата покрај останатите гости биле присутни и децата на шеф Марк, ќерката и синот Микел ( Мики) кој сподели и видео од свадбата на татко му! Се' на се', ако во „Брза кујна“ за подготовка на врвен специјалитет на шеф Марк му се потребни едвај 20 минути, одлуката за брак по македонски рецепт, очигледно ја “крчкаше“ подолго време! Како и да е, нека им е со среќа брачниот живот... и официјално! Фото и видео: Фејсбук принтскрин/Fancy Flower Boutique/Mickael De Jongh

Јоце Панов низ новата песна „Кога те нема“ призна дека ова му се најтажните и најтешки празници досега! (ВИДЕО)

Антонио Димитриевски — Mon, 08 Jan 2018 08:05:40 +0000

„Ова ми се најтажните, најтешки празници досега“, вели Јоце Панов , кој за Бадник и Божиќ ја промовираше својата најнова песна, „Кога те нема“, посветена на неговата покојна мајка Василка, која почина минатата година, па пејачот го дочека за прв пат Божиќ без неа.

Песната „Кога те нема“ решил да ја промовира токму сега, зашто сакал да го задржи споменот на мајка си, а тоа што го чувствува за неа, и емоциите што ги имал додека ја пишувал да ги подели со публиката.

„Секогаш моите нови песни ги објавувам со големо задоволство, ама оваа песна ја објавувам со голема тага, но во исто време и гордост за мојата најмила мајка. Сите ние во текот на животот губиме некого кој многу ни значи. Се надевам дека песнава ќе допре до сите вас“, вели Панов.

Песната е работена со: Блаже Темелков (музикаи текст заедно со Јоце ), Дарко Тасев ( аранжман) и сите гитарски делници, Сара Пројковска ( придружни вокали), Дарио Јанковиќ (видео) - „Генерал филм“ видеопродукција и Љупчо Павловски (микс и мастеринг) во музичкото студио „Анастасија“. „Им благодарам што имаа огромно срце и ми ја подарија оваа песна и нивниот труд како дар. Ви благодарам добри луѓе“, рече Јоце, канејќи Ве да го погледнете видеото и преслушате песната. https://www.youtube.com/watch?time_continue=36&v=mS5EN69REW8

Знаете дека Марк е одличен шеф во кујна, но погледнете каков романтичар е со сопругата јавно!

Слободанка Илиева — Wed, 22 Nov 2017 09:56:23 +0000

Шеф Марк де Јонг поради својот шарм, талент во кујната и духовитост пред камера, е омилен кај многу дами од различни генерации, но тој освен што е вистински џенталмен со нив, уште поголем романтичар е со својата сопруга Василка. Тој вели дека и готви дома и на својата сакана, но таа сепак е главна во кујна.

Често знае да ја поздрави и пред камери, да ја пофали и поласка. Освен тоа г-ѓа Василка не ретко е со својот харизматичен сопруг на разни гастрономски настани и саеми, каде го поггржува и му прави друштво, а пак тој знае да и возврати со страст од љубовта врска како да се на почетокот.

Имено, деновиве Марк ја однесе својата Василка до Охридско езеро, а таму како вистински романтичар ја фати за рака и се прошетаа како вљубена двојка на која секој би се воодушевил.

Сигурно и вие сте помисиле колку е убаво и емотивно кога не само младите двојки, туку и оние во брак знаат да ја негуваат врската и бракот токму на ваков начин.