васил зафирчев – Вистина.мк

Марјана Станојковска и Васил Зафирчев, домаќини на Интернационалната вечер на „Охрид фест 2022“

Антонио Димитриевски — Tue, 30 Aug 2022 06:47:23 +0000

Во многуте традиции што за време на своето постоење ги создаде „Охрид-фест“, најомилена е водителската двојка на Интернационалната вечер, Марјана Станојковска и Васил Зафирчев. Тие двајцата едноставно се толку уиграни, така привлечно доминираат на сцена што се разбираат и со поглед. Плус, фантастично танцуваат и се големи љубители на музиката. „За мене е задоволство и уживање повеќе годишната соработка со „Охрид -Фест“, фестивалот кој речиси три децении континуирано ја негува македонската народна и забавна музика, ги обединува најзначајните музички имиња од регионот, гради музички мостови на пријателство, им дава одлична можност за промоција на младите а воедно ги афирмира и промовира вечните убавини на Охрид и на Македонија“ - вели Зафирчев. „Инаку, со прекрасната Марјана не врзува долгогодишно пријателство и соработка, а покрај модерацијата, не обединува и љубовта кон музиката и танцот. Се радувам што и годинава заедно со неа ќе бидеме домаќини на Интернационалната вечер на фестивалот и ќе се дружиме со изведувачите и публиката на сцената на „Долни Сарај“. „Со Васил сме супер тим“ - се надоврзува Марјана. „Ми одговара неговата енергија, неговиот сензибилитет, одлично се согласуваме. Тој е првенствено голем уметник, кој поседува извонреден талент и за сценски движења, токму затоа и кога се подготвуваме за „Охри фест“ одлучуваме да вметнеме некоја интересна танцова кореографија со која ќе ја изненадиме публиката. Да се работи со него претставува вистинска чест и задоволство. Патем, многу ја сакам музиката и се радувам на „Охрид фест“, бидејќи е единствен фестивал што гради регионални мостови на музиката и како што потенцира уметничкиот директор на Интернацоналната вечер, Горан Шарац- “Охрид- фест“, тоа е како Евровизија на Балканот. Се гледаме на 3 септември во Охрид!“

Од роденденската торта останаа само свеќичките: Актерот Васил Зафирчев славеше роденден – еве колку наполни (фото)

Христина Ѓоргиевска — Wed, 02 Mar 2022 07:53:01 +0000

Актерот Васил Зафирчев или кој публиката го познава како готвачот Марио од серијата „Преспав“ деновиве имаше убав повод за славење. Имено, Васил славеше роденден, па на неговиот профил пристигнаа честитки од неговите пријатели, следбеници. Актерот се огласи на својот „Фејсбук“ и без комплекси откри колку години наполни. Тој објави фотографија од роденденските свеќички со бројката од годините. -42 роденден. Од тортата вчера останаа само броевите. Една четворка, сосем обична. И една двојка која ѝ пркоси по својата големина, па затоа треба да стои пред, а не зад неа.Впрочем, за животот и неговата суштина, годините навистина се само бројка. Единствено важна е полнотијата со која го живееме, внатрешното чувство на исполнетост и хармонија и односот кој го имаме кон себеси. Сѐ друго е само перцепција. Најчесто погрешна.Драги пријатели, ви благодарам за убавите мисли и чувства кои ги споделивте со мене. И ви посакувам да се грижите единствено и само за суштината на вашиот живот, да ги негувате и остварувате вашите страсти, желби и замисли, да ги чувате мирот и хармонијата во вас и да сте секогаш исполнети со она што го имате сега, а ве прави среќни, напиша тој во описот на фотографијата. Под објавата се нижеа честитки, а меѓу нив од Игор Џамбазов кој напиша Снашке...до 101 и назад..., Велков Снеже - И фала ти што овие години со твоето постоење ни дозволуваш да уживаме во твојата актерска уметност. Среќен нека е... Инаку, Васил имавме прилика да го гледаме во улогата на готвачот Марио во серијата „Преспав“. Среќен роденден! фото: инстаграм/vasilzafirchev

Васил Зафирчев: „На кастингот за „Преспав“ не бев повикан за улогата на Марио“ (видео)

Христина Ѓоргиевска — Mon, 17 May 2021 07:27:41 +0000

Актерот Васил Зафирчев или познат на публиката како Марио од „Преспав“ гостуваше во емисијата „Лазаров шоу“. Тој зборуваше за својата кариера, дека за време на пандемијата театарот во Велес успеал да реализира неколку проекти, за „Преспав“... Aктерот исто така одговараше на прашања на следбениците, па некој од фановите го праша како реагирал кога дознал дека ќе го глуми Марио, на што Зафирчев одговори: „Jaс на кастингот за „Преспав“ не бев повикан за ликот на Марио. Бев повикан за друг лик, нема да откријам кој. Но, режисерот ме замоли да прочитам монолог на еден друг лик за кој знаев дека се вика Марио, дека е Хрват и дека е готвач. Го прочитав јас тоа, со сите упаства од режисерот и на крајот ја добив таа улога“, раскажува Зафирчев. На прашањето како би реагирал доколку би требало да глуми со неговата поранешна сопруга Калиопи, тој одговори: „Супер, каква ќе ми беше. Калиопи е голем уметник и добра актерка. Ние со Калиопи соработуваме на многу проекти, и во театар и во однос на нејзината видео продукција. Ќе бев среќен во секој случај“, вели актерот. Инаку, Васил истакна дека се уште не се знае дали ќе има шеста сезона, но се надева дека ќе има. Целото интервју погледнете го во видото подолу. https://youtu.be/6MEgErNsPD8

Васил Зафирчев откри уште колку епизоди ќе гледате од петтата сезона на „Преспав“ (фото)

Слободанка Илиева — Thu, 14 Jan 2021 09:07:36 +0000

Петтата сеозна на македонскиот ситком „Преспав“ започна да се емитува на 18 декември, крајот од минатата 2020 година. Оттогаш погледнавме 17 незаборавни и урнебесни епизоди од незгодите во пансионот „Преспав“, а имавме прилика и да видиме нови улоги и актери, како што е стилистката Натали или актерката Наташа Петровиќ, но се врати и актерот Владо Јовановски.

View this post on Instagram

A post shared by Преспав (@pansionprespav)

Неделава пак, во телевизиското шоу „Магазин“ на телевизија Сител, гостуваше актерот Васил Зафирчев за кого водителката разбирливо не ги изостави прашањата за „Преспав“.

View this post on Instagram

A post shared by Vasil Zafircev (@vasilzafircev)

Меѓудругото, тој откри дека гледачите се на средината од петтата сезона, односно дека ќе имаат можност да погледнат уште толку епизоди колку досега.

View this post on Instagram

A post shared by Vasil Zafircev (@vasilzafircev)

Големиот број љубители на оваа мега успешна македонска серија веројатно ќе бидат радосни за ваквата информација од неповторливиот Марио.

Васил Зафирчев за Калиопи: „Таа ми е една од најблиските личности во животот“

Христина Ѓоргиевска — Wed, 11 Mar 2020 08:14:56 +0000

Не е тајна дека поранешните сопружници, пејачката Калиопи и актерот Васил Зафирчев одлично функционираат и по разводот, а тоа досега неколкупати јавно го докажеле и покажале. Па, така неодамна Калиопи јавно му го честиташе роденденот на својот екс сопруг. https://arhiva.vistina.com.mk/radio-mileva/moj-drag-i-sakan-kaliopi-javno-mu-go-chestitashe-rodendenot-na-eks-soprugot-akterot-vasil-zafirchev-foto/ Меѓутоа, сега актерот во интервју за „Женски магазин“ откри како изгледа неговиот однос со пејачката и како изгледаат нивните дружења. „Со Калиопи отсекогаш сме биле пред сè добри пријатели. И секогаш не врзувал искрен однос и меѓусебно почитување. Таа ми е една од најблиските во животот. Се гледаме онолку колку што ни дозволуваат професионалните ангажмани, отсуства и патувања. Но секогаш се радуваме на можноста за заедничка средба или дружење, на кои покрај разговорот, уживаме во готвењето и убавата храна“ вели Зафирчев. Поранешниот сопруг на пејачката откри што научил од Калиопи како личност и која карактеристика најмногу ја цени кај пејачката. „Научив дека животот е вечна сегашност. Едно големо овде и едно, долго, долго сега. Токму затоа со неа сме секогаш сега и овде еден за друг. Искреноста, талентот и алтруизмот ме фасцинираат кај неа“ вели Васил за „Женски магазин“. Инаку, до неодамна Васил имавме прилика да го гледаме во улогата на Марио во серијата „Преспав“, а моментално игра во драмите „Тоалет за дами“, „Кралските копилиња“, „Црвенкапа“, „Одам на лов“.

„Мој драг и сакан“: Калиопи јавно му го честиташе роденденот на екс-сопругот, актерот Васил Зафирчев (фото)

Слободанка Илиева — Mon, 02 Mar 2020 08:03:04 +0000

Не е тајна дека поранешните сопружници, пејачката Калиопи и актерот Васил Зафирчев одлично функционираат како пријатели и по разводот, а тоа досега неколкупати јавно го докажеле и покажале. Таков беше случајот и сега, а поводот беше роденденот на Васил кој се случи изминатиот викенд. Шармантнниот Завирчев роденденот го прослави во ресторан во мало одбрано друштво, а меѓу присутните беше и Калиопи. Освен тоа, таа и преку социјалните мрежи му упати јавна роденденска честитка во која му напиша: -Биди секогаш среќен мој драг и сакан Зафирчев! – пишува Калиопи во честитката, а истата ја сподели и тој на својот профил. Инаку, Васил зачекори во петтата деценија од животот, односно наполни 40 години. -Драги мои, ви благодарам од срце на убавите честитки по повод мојот 40-ти роденден. Возвраќам со најискрена желба за ваша секогаш среќна сегашност, оти животот е вечна сегашност. Едно големо овде и едно долго, долго сега. Затоа секогаш бидете овде и сега за вас и за оние кои ги сакате и кои ви значат, напиша во описот на фотографијата на која пред себе има роденденска торта.

Дали го препознавате, ова е најпопуларниот македонски ТВ готвач: Кој уште се плаши од волкот лош? (ФОТО)

Антонио Димитриевски — Tue, 25 Feb 2020 08:35:42 +0000

Приказната за „Црвенкапа“ сите ја знаеме. Заедно со онаа за „Снежана и 7-те џуџиња“ е веројатно првата која сме ја научиле уште пред да проодиме или прозбориме. Епа, ако не сте знаеле, вака изгледа страшниот волк од најпозната детска приказна на светот. Ама оној од нашата, театарска верзија. Инаку, волкот на сите им е познат. И не само по тоа што ја изеде бабата, туку познат како врвен актер по професија, понекогаш водител, по потреба и пејач, бивш сопруг на поп дивата Калиопи, но по се' изгледа најпознат откако стана најпопуларниот ТВ готвач во Македонија. Ама кој уште се плаши од волкот лош, кога неговата улога ја игра некој што е предобар... И како актер и како личност. Ако волкот не го препознавте, Марио од „Преспав“ сите го знаете... Целата телевизиска публика. Онаа пак театарската, со порафиниран вкус, Васил Зафирчев го познава и по брилијантните актерски остварувања во улогите на различни ликови кои ги толкува во претставите на велешкиот театар Јордан Хаџи - Константинов - „Џинот“. Човек со илјада лица, лице за илјада лика, подготвено за илјада трансформации... Од визуелни, до карактерни. Од Фреди Меркјури или Борат, зависи на кого повеќе вака ви личи, преку готвачот Марио од „Преспав“, до волкот лош од „Црвенкапа“... Ама кој уште се плаши од волкот лош, кога е толку добар... Во остварувањето на улогите, се разбира!

Го прашаа Васил Зафирчев кога ќе излезе 5-тата сезона на „Преспав“ – еве што одговори

Христина Ѓоргиевска — Tue, 11 Feb 2020 08:26:15 +0000

Кон средината на јануари заврши 4-тата сезона на македонската серија „Преспав“, а уште на самиот крај гледачите и фановите почнаа да прашуваа кога ќе има петта сезона. Ликовите со своите каратеристики успеа на интересен начин да ги пренесат случувањата во пансионот „Преспав“, а со тоа да го задржат вниманието на публиката. Eден од актерите беше Васил Зафирчев кој ја имаше улогата на Марио. Тој е јогист, будист, вегетаријанец, хомосексуалец и главен готвач во Пансионот „Преспав“. Васил во интервју за точка.ком.мк откри што има заедничко со Марио. „Се трудам повеќе Марио да го откривам и пронаоѓам во типови на луѓе и ситуации од секојдневието. Тоа му дава верност на ликот во комуникацијата со публиката. Во суштина нè врзуваат малку заеднички работи. Ми се допаѓа што е вегетаријанец и јогист, исто како и јас“ вели Васил. Марио откри дека најмногу на снимањата се смеел со инспектор Томе. Меѓутоа, на прашањето кога ќе излезе 5-тата сезона на „Преспав“, Васил одговори: „ Се надевам до крајот на годината“ одговори Васил за точка.ком.мк За потсетување, 4-тата сезона на „Преспав“ заврши со епизодата „Лецитација“ во која што, пансионот пропадна поради неплатениот кредит на Миле, па се случи лицитација на која присутните наддавачи, а и гледачите се шокираа од спасителот кој понуди милион евра да го купи пансионот. Спасителот кој дојде на коњ со полна торба пари, беше ни повеќе ни помалку, туку актерот Владо Јовановски кој во втората сезона беше заменет со Игор Џамбазов како Миле Бузалевски. Дали ќе има 5тата сезона и кога ќе започнат снимањата останува да видиме. https://arhiva.vistina.com.mk/radio-mileva/na-prespav-mu-dojde-krajot-a-eve-go-i-nivniot-odgovor-na-baranjeto-za-5-ta-sezona/

Васил Зафирчев: „Како дете ги оставав новогодишните чорапчиња под елка надевајќи се дека следното утро во нив ќе го најдам она што сум си го посакал“

Христина Ѓоргиевска — Tue, 24 Dec 2019 09:06:39 +0000

Остануваат уште неколку дена до крајот на 2019 и почетокот на 2020 година, а сите се радуваат на Новогодишните и Божиќните празници бидејќи тогаш се собираат семејството и пријателите. Актерот Васил Зафирчев кој имаме прилика да го гледаме во улогата на Марио во „Преспав“ во интервју за музика24 откри како се подготвува за престојните празници. „Новогодишните и Божиќните празници секогаш ме асоцираат на детството, топлината и хармонијата во домот, заедничките мигови споделени со семејството и најблиските, но и добрите и хумани дела за оние на кои тоа им е најпотребно. Ја сакам празничната атмосфера и украсувањето на домот, но никогаш не чувствувам преголема возбуда или еуфорија. Со оглед на секогаш интензивните професионални ангажмани на крајот од годината, го претпочитам одморот и можноста за релаксација за време на празниците“. Васил откри дека како дете верувал во приклазните за Дедо Мраз. „Само како дете верував во приказната за неговото постоење и со нетрпение го очекував негово доаѓање. Сега како возрасни, суштината и значењето на неговиот лик и порака треба да ја практикуваме самите, секогаш настојувајќи токму ние да бидеме нечив Дедо Мраз, кој ќе ги подготвува убавите изненадувања за другите и ќе ги исполнува желбите на оние кои ги сакаме и кои ни значат“ раскажува Васил. Бидејќи за Новогодишните празници традиција и обичај е да си купуиваме подароци за најмилите, новогодишни пакетчиња, Васил откри дека тој како дете ги ставал новогодишните чорапчиња под елка со надеж дека следното утро ќе најде подарок. „Како многу мал да, со голема возбуда и радост ги оставав новогодишните чорапчиња под елката, силно надевајќи се дека следното утро во нив ќе го најдам она што сум си го посакал. Во најраните години од детството мојот Дедо Мраз тоа го правеше тивко, нечујно и невидливо за мене. Подоцна почна и вистински да се појавува на вратата од мојот дом, точно на полноќ, лично предавајќи ми го најпосакуваниот подарок. Голем дел од тие подароци и ден денес ги чувам со внимание и секогаш ме потсетуваат на таа невидена детска радост за време на празниците“, вели за музика24. Васил објаснува дека за Нова година сака да патува, а доколку не е во можност, тогаш сака да биде во домашна атмосфера. „Не сум љубител на големите и луди забави за дочекот на Новата година. Повеќе ја сакама топлата, едноставна и опуштена празнична атмосфера на домот, со секогаш одбрано друштво со кое делам исти погледи на светот и исти животни значења и суштини. Првиот ден по дочекот со задоволство го следам новогодишниот виенски концерт, а за време на празниците уживам во читањето и филмската програма“, вели актерот. Зафирчев откри дека Новата година ќе дочека дома во кругот на семејството „После интензивната работа и многуте ангажмани, за дочекот на Новата година конечно дома. Со себеси, со моите родители, шицуто Беба, фамилијата, најблиските пријатели и сите оние ми значат живот. А во следните денови по дочекот, можно е и патување во некој спа центар или на некое планинско одморалиште“ вели Васил. Зафирчев истакна дека 2019 година ќе ја памети по серијата „Преспав“, новите претстави во театар, многу изведби, но и по неколкуте освоени награди, а на приватен план ќе ја памети по хармонијата со самиот себе, нови животни пријатели, но и по тажната страна на животот, односно по загубата на блиски пријатели и колеги.

Вечерва започнува „Преспав“, а Марио во новата сезона порачува: „Да водиме љубов, а не војна“

Христина Ѓоргиевска — Wed, 18 Dec 2019 09:17:18 +0000

Вечерва започнува четвртата сезона на серијата „Преспав“ која ќе се емитува на првиот канал на МРТВ. Со продуцирање на новите 20 епизоди од четвртата сезона, „Преспав“ ќе одбележи јубилеј – 100 епизоди од најуспешната ТВ серија во македонскиот медиумски простор Германката Ула, Коста, рецепционерот Талат, Јелена Јованова, инспектор Томе, Миле... повторно ќе ве смеат. Васил Зафирчев кој ја играше улогата на Марио, Во интервју за точка.мк, откри дали ќе се промени неговиот лик во серијата. - Карактерно секако не, а стилски препознатливо иако со одредени варијации. И во оваа сезона Марио останува да биде вешт манипулатор, и во кујната и во пансионот, со многу комични ситуации но и повремени драма квин моменти. Како готвач веќе напреднал, па промовира свое мени кое е фузија на азиска и балканска кујна. А во визуелниот идентитет на ликот доминираат специјално дизајнираните готвачки униформи, шарените престилки, марамите, еклектичниот накит, драматичната шминка и лакираните нокти во секогаш различни бои. Марио вели дека преку својот лик треба да пренесе пораката: „Да водиме љубов, а не војна“. Васил откри дека 2019 година ќе ја памети по бескрајната љубов и внимание кои ги добива од најмладата публика и по фантастичната 4- та сезона на серијата. Зафирчев откри дека новата година ќе ја дочека дома.