васил гарванлиев – Вистина.мк

Васил Гарванлиев: Сцената на Долни Сарај ми предизвикува турбуленција 1000 пати поголема од онаа на „Евросонг“

Слаѓана Атанасова — Tue, 08 Aug 2023 06:30:28 +0000

Пејачот Васил Гарванлиев во интервију откри што има посебно во фестивалите, но и што го поврзува со песната „Јовано“. Македонскиот баритон по потекло од Струмица раскажа каде е деновиве, кои му се обврските и плановите. Васил, за многумина беше вистинско изненадување веста за твоето учество на „Охрид фест“. После толку многу сцени, вклучувајќи ја и евровизиската, 2021 година во Холандија, годинава, на 2 септември ќе те видиме на Интернационалната вечер на „Охрид фест“. Има нешто посебно во фестивалите, нели? - Да, секој фестивал, натпревар има своја магија околу целата манифестација - енергија, музика, публика, место … листата продолжува. Честа да бидам дел од 30-тото изданије на „Охрид фест“ со толку важна и позната песна испеана во мој стил ми е доволен предизвик да застанам на таа сцена. Мене пред се, Охрид ми е многу драго место (дури би го ставил во Топ 5- Без змиите во вода:)), видеозаписите од „Ѓердан„ и „ПриКазна“ се најголема потврда за мојата љубов кон Охрид а воедно и негово претставување на мојата публика. Второ, маестро Копров, иако немаме заедничка песна беше еден од ретките во Македонија кој цело време ме поддржуваше, ми се јавуваше да ми честита за песна или проект и често знаеме да одиме на кафе кога сум во Скопје. Неколку пати разговаравме да бидам дел од „Охрид фест“ но самиот распоред до сега не го дозволи тоа. Трето, пред еден месец поминав една недела во Торонто и една во Чикаго со Давор Јордановски, каде што го привршувавме мојот прв “Cross-Over” албум чија промоција ќе биде во Скопје и Струмица во средината на септември. Со многу почит и љубов кон уметноста ќе застанеш на сцената на Долни Сарај. Раскажи нешто за песната, кога и како настана, што те поврза со неа, едноставно- каква е „Јовано“? - Да, секоја сцена си има своја магија без разлика каде и да е. Евривизиската не е најголемата сцена каде што сум настапувал до сега, но признавам дека сцена како Долни Сарај на „Охрид фест“ ми предизвикува трема и внатрешна турбуленција 1000 пати поголема од таа на Евросонг. „Јовано“ ми е една од двете омилени македонски песни која со години пробувам да ја направам “моја“ и да и дадам „Васил печат“. Имавме верзија за албумот со Давор која требаше да ја снимам во Торонто и кога ручавме со мајка му, пред да одиме во студио на глас реков: „Давор мислам дека ја имаме нашата Јована, само мора да ми веруваш и да ми влезеш во глава, хаха”. Ме погледна чудно без да каже ништо и кога отидовме во студио рече - „Васил, ајде да ја пробаме таа што ја имаме”. Му пуштив верзија што јас ја почувствував како своја, работејќи еден ден сам на неа во Чикаго и во очите му видов дека разбира што и каде сакам да одиме со неа. За 20-тина минути имавме структура на нашата Јована. Што ме поврзува со неа? Моќта на надежта - таа секогаш последна умира. Самата симболика на„ Гледај нагоре, бело платно, крај вода (Вардар), мајка.“ Каде си деновиве, каде те наоѓам, кои ти се обврските, плановите и дали сѐ уште остана верен на мислата дека- светлина привлекува светлина? - Да, 100%, но имајќи на ум дека најсилните светла ги привлекуваат најгрдите бубачки, мора да знаеме како да ги ‘спржиме' за уште посилно да блеснеме. Дома ми е Чикаго заедно со мојот Џејсон и трите “ќерки”- Есми, Кристина, и Шерон. Со промена на статусот за престој конечно почнав со настапи. Една од поканите беше да запеам пред почетокот и на полувремето на познатиот Стадион Soldier Field во Чикаго за време на фудбалскиот натпревар на Chicago Fire - единствено и уникатно искуство. Можам да кажам дека само што потпишав договор и се враќам на класичната сцена во 2024 како солист на Кармина Бруана и конечно ќе остварам уште еден сон - настапот ке биде во легендарната Kennedy Center во Вашингтон САД. Најголемиот сон кој го подготвувам скоро 10-ина години ќе биде изведен премиерно во Струмица и Скопје во средина на септември: Албумот “ВАСИЛ” - мултимедијален спектакл кој е мост на три музички жанрови во еден: Балкан, оригинал поп и класика на 7 јазици со камерен оркестар, хор, танчери, светлосни/видео ефекти и наративи каде преку песна ќе ја раскажам мојата имигрантска приказна... Фото: Ристе Филипов/Мартин Трајановски

Васил Гарванлиев музички заплива во – „Dangerous waterѕ“ (Лирик ВИДЕО)

Антонио Димитриевски — Tue, 14 Jun 2022 06:07:46 +0000

Васил Гарванлиев викендов го промовираше вториот сингл од албумот „Porcelain Soldier“, со наслов „Dangerous waterѕ“. Песната официјално беше промовирана на негов концерт со Детскиот хор на Чикаго. Васил е автор на музиката и текстот, додека аранжманот е на Owens Mitchell.“ Проследете како звучи и изгледа „Dangerous waterѕ“ на Васил Гарванлиев:

Откако ја „прослави“ Македонија на последната „Евровизија“, Бугарите го зедоа „под свое“: Васил Гарванлиев е автор на бугарската песна за претстојниот детски „Евросонг“

Антонио Димитриевски — Wed, 10 Nov 2021 06:57:34 +0000

На Детската Евровизија, што на 19 декември ќе се одржи во Париз, Бугарија ќе ја претставуваат Денислава Димитрова и Мартин Стојанов со песната „The Voice of Love“, чии автори се македонското трио Васил Гарванлиев, Давор Јордановски и Весна Малинова. Како што јави дописникот на МИА од Софија, официјалното претставување на песната „„The Voice of Love“ ќе се одржи в сабота во емисијата „Денот започнува со Георги Љубенов“ на БНТ 1. Денислава Димитрова и Мартин Стојанов потекнуваат од вокалното студио „Сарандев“ од Добрич. Тие имаат освоено бројни награди, а музиката е дел од нивниот живот уште од раното детство. Како дует настапуваат од 2017 година под раководство на вокалниот педагог Елена Карабелова. На 19-то издание на Детската Евровизија ќе настапат изведувачи од 19 земји.

Секој со својот сон: Панчо – ДНК ја пееше македонската химна и навиваше на стадионот во Букурешт, а Васил Гарванлиев пееше на геј парада во Бугарија (ВИДЕО)

Антонио Димитриевски — Mon, 14 Jun 2021 06:53:29 +0000

Двајца преставници на македонската естрада - два света... Ако не по сите, тогаш сигурно по многу основи. Музиката е нивниот НЗС, нивната тангента, заедничка точка, зашто и обајцата важат за познати естрадни уметници, арно ама... Владимир Блажев или Панчо оддамна, како ДЈ, член на некои групи во младоста и последниве години етаблиран, познат и признат, како една половина од ар ен би дуото „ДНК“ со кое сними дузина песни, видеоспотови, неколку албуми, исфрли грст хитови... Со еден збор, веќе остави траг и си обезбеди свое место во македонската естрадна историја која сејкојдневно се пишува. Васил Гарванлиев уште како дете блесна во на детските фестивали со хитот „Марионка“, ама по неа - исчезна, го снема... Живот надвор од земјата, влета во водите на класиката, па враќање во земјата со обиди да се наметне со малку поинаква музика, особено со „несреќните“ евровизиски настапи... Оној „несудениот“ - лани заради Ковид 19 пандемијата и овој годинешниов, кој заврши „неславно“ уште пред да почне, пред да се појави на евровизиската сцена со сите оние скандали, афери и контроверзи... кои во старт го следеа. Од „бугарштината“ и отвореното признавање на сексуалната определба, до пласманот на евровизиската опашка! Последните објави на обајцата покажуваат две различни нешта, две различни не само музички концепции, туку и животни филозофии. Имено, како што е познато Панчо со Андреј (ДНК) пред почетокот на за нас историскиот деби настап на едно големо натпреварување како што е тековното ЕУРО 2020 во фудбал со дел од колегите од македонската естрада ја создадоа навивачката химна „Македонија на Европско“. https://www.youtube.com/watch?v=xC5z_541AbA&t=1s Познатиот изведувач и ДЈ не пропушти да биде и дел од македонската навивачка експедиција, која се најде на трибините на Националната арена во Букурешт, каде Македонија дебитираше на ЕУРО во мечот со Австрија, кој за жал го загубивме, но прикажавме игра, покажавме карактер, желба, волја и сила за надигрување... И што е најважно: Испишавме историја! А, Панчо заедно со армијата македонски навивачи кои го обоија стадионот во црвено - жолта боја,, пред почетокот на мечот од трибините ја пееше македонската химна и страствено од се' срце навиваше за Македонија! Васил Гарванлиев исто така не ја пропушти можноста викендов да запее! И тоа во согласност со својата јавно искажана сексуална определба, на геј парада во Бугарија! Пред својот настап, Гарванлиев им порача на присутните дека „во музиката нема граници, нема омраза, нема политика и дека нема сексуална ориентација, но дека има љубов, енергија и дека сите сме - едно“! Белким мислеше дека сите ТИЕ се едно! Нејсе, сеедно, иако не е... На прашањето дали размислува да оствари дует со некој бугарски изведувач, Гарванлиев рекол: „Не само што мислам, туку и сонувам за дует со бугарски артист“. Гарванлиев притоа рекол дека веќе преговара со неколку изведувачи: „Можеме да започнеме со Викторија“, мислејќи на бугарската претставничка на Евровизија. „Ја почитувам бугарската музика, имате прекрасна традиција, прекрасни гласови, вие сте прекрасни... Исто така, постојат фантастични гласови во класичната музика…“ – додал нашиот годинешен евровизиски претставник. Двајца естрадни уметници, ама секој со својот сон... А соништата тотално различни! Како и определбата, музиката, постапките, настапите, појавата на дијаметрално различни локации... Кому што му е поважно, белким? https://www.youtube.com/watch?v=hsInXzP2oeY&t=22s

Евросонг 2021: „Шмркање дрога“ и летање орли во кадар, многу повеќе геј отколку хит парада, Балканот солидно пласиран, Македонија на дното? (ФОТО)

Антонио Димитриевски — Tue, 25 May 2021 08:49:28 +0000

Тестот за дрога на пејачот Дамиано Давид на италијанска рок-група „Мансекин“, која победи на Евросонг 2021 е НЕГАТИВЕН , соопштија од Европската радиодифузна унија - ЕБУ . „Вознемирени сме што неточните шпекулации кои создадоа лажни вести го засенија духот и постигнувањата на изборот и имаа нефер влијание врз групата“. Не се користела дрога во Зелената соба и го сметаме случајот за затворен. Уште еднаш им честитаме на ‘Мансекин’и им посакуваме огромен успех“ - стои во соопштението на ЕБУ. Фото: Профимедиа Обвинувањата за дрогирање во зелената соба за време на финалето во саботата се појавија откако на еден кадар од ТВ-преносот гледачите забележаа дека како Давид да шмрка кокаин од под масата, иако дрогата никаде не се гледа. На кадарот се гледа како Давид се наведнува кон масата, а за тоа тој рече дека се наведнал оти еден од членовите на бендот ненамерно скршил чаша крај неговите нозе, покрај кои имало стакла! https://www.youtube.com/watch?v=wRLN34s2l7Y&t=1s Во секој случај и годинешната Евровизија беше на работ на скандал, кој сепак не се случил, или се случил но ЕБУ направи се' за да го „заташка“, иако „допингот“ во музиката колку јавно и да е забранет и „нелегален“, дури и да го имало, никако не може да влијае на песната и пласманот!? Зашто во уметноста и во музиката не е како во спортот, а креативноста и уметничкиот порив не се прашање на мускули, сила и кондиција!? Како и да е, ова не беше единствената контроверза што можеше да се види во ТВ преносот. На финалната вечер на која Швајцарија заврши на трето место, нивниот евровизиски претставник со еден непримерен и провокативен гест привлече исто така огромно внимание. Претставникот на Швајцарија на годинешниот натпревар за песна на Евровизија, Гјон Тирс освои најмногу гласови од стручното жири со што по завршувањето на гласањето на сите жирија на земјите учеснички беше во значително водство, добивајќи најмногу 12-ки. Така, во еден момент откако и стручното жири на Албанија му даде 12 поени, 22-годишниот претставник на Швајцарија ги поздрави Албанците, на начин со кој најмногу ги навреди Србите, но и дел останатите балкански земји, учеснички на Евросонг, меѓу кои и Македонија. Имено, младиот Швајцарец покажа двоглав орел со рацете, а неговиот потег брзо предизвика реакции на социјалните мрежи. „Скандал на Евровизија“, „Скандалозен потег на младиот Швајцарец“ беа само дел од коментарите за неговиот непримерен гест. Но, очигледно ништо не е случајно, зашто неговото полно име Гјон Мухаремај и тој има албанско потекло. Неговиот татко е од Косово, а неговата мајка е од Албанија. Гјон во конечниот пласман се пласираше на третото место со песната „Tour L’ Univers“. Се на се', годинешниот Евросонг 2021 музички не донесе ништо ново. Одново доминираа старите вредности кои и понатаму се покажа дека се по вкусот на публиката: стариот добар рок ен рол, кој не е мртов, што покажа и изборот на победничката песна на Италија или традиционалната француска шансона отпеана во стилот на легендарната Едит Пјаф, која ја донесе вицешампионот Франција. Останатото во рамките на веќе слушнатите поп и ар ен би ноти на поголем дел од останатите земји учеснички и нивните изведувачи, со по некој етно-фолк мотив кај некои поединци. Генерално, могу повеќе обид за визуелна атракција, сценски перформанс, шокантни костими и однесување, отколку понуда на музички квлалитет. Полека но сигурно, станува евидентно дека ЛГБТ заедницата, вклучувајќи го годинава и нашиот преставник, Евросонг го сфаќа како поле за самопромоција на себе, сопствената определба и своето лоби, па Евровизија од година на година, многу повеќе заличува на геј отколку на хит парада, како што тоа беше некогаш! Секако за пофалба е беспрекорната организација и напорите на домаќинот и ЕБУ во услови на екот на корона пандемијата се' да функционира беспрекорно, а визуелно да направат шоу кое ги помести досегашните граници, благодарение на искуството, умеењето, знаењето, но и рапидно брзиот напредок на технологијата. Од Балканот сите наши соседи освен нас, се пласираа во финалето. И Албанија, Грција, Бугарија, Србија, сите освен ние! И не само тоа, туку имаа и многу забележителни и впечатливи настапи и песни, а Грција (10), Бугарија (11) и Србија (15) се пласираа меѓу првите 15 од вкупно 26 земји во финалето или од севкупно 39 земји учеснички на годинешната Евровизија. Македонија со Васил Гарванлиев во конечниот пласман заврши на поразителното 35-то место! https://arhiva.vistina.com.mk/megafon/poznato-e-na-koe-mesto-bila-makedonija-vo-polufinaleto-na-evrovizija/ Очигледно, таму горе на сцената не доволно да се пофалиш чии корени имаш, дали си геј или стрејт, дали си сограѓанин или соселанин со премиерот на твојата држава или личен пријател со неговата сопруга?! Таму треба пред се' добра песна и осмислен настап! Се' друго, како што видовме е апсолутно неважно... Па дури и контрапродуктивно! Фото: Јутјуб/ Фејсбук и Инстаграм принтскрин

Познато е на кое место била Македонија во полуфиналето на Евровизија

Христина Ѓоргиевска — Sun, 23 May 2021 12:20:35 +0000

Европската радиодифузна унија ги објави резултатите од гласањето во полуфиналните вечери на Евровизија, која се одржа во Ротердам, Холандија. Македонскиот преставник, Васил Гарванлиев, кој настапи на првата полуфинална вечер со песната “Here I stand”, и не се пласираше во финалето, бил претпоследен со 23 гласа. Само една држава имала полоши резултати од нас. Најмногу, 8 поени, Македонија добила од Словенија преку телевоутинг. извор: курир.мк

Евровизиско ехо: „Ураганки“ и Дарко Димитров „оддуваа“ се’ живо од сцената, сите наши соседи се пласираа во финале, Норвежаните го „масакрираа“ Васила, а Тамара носталгично се потсети на својот настап (ФОТО)

Антонио Димитриевски — Fri, 21 May 2021 07:27:07 +0000

Евровизија и годинешните евровизиски настапи деновиве актуелни и во етерот и во медиумите и меѓу народот, на социјалните мрежи... Логично, во недостаток на естрада и естардни збиднувања заради корона паузата, Евросонг 2021 и она што таму се случува на и зад сцената, доминира во фокусот на јавноста. Сношти, 20 мај 2021, се одржа втората полуфинална вечер каде дефинитивно ѕвезди на вечерта беа српските претставнички, женското вокално трио „Хурикејн“. Трите секс бомби „оддуваа“ се' живо од сцената, доминирајќи со својот атрактивен, разигран и бомбастичен настап во кои покажаа како треба да звучи и изгледа еден целосен евровизиски пакет, па дури и повеќе од тоа. Имаа настап на нивото на светските ѕвезди налик на една Бијонсе или Џеј Ло, на пример. Модерна, брза песна, хит кој на прво слушање влегува в уво, одлична кореографија и танчерски способности, доволно добро вокално потковани три секс бомби кои уриваат се пред себе со својот настап, атрактивен изглед, сексапил со кој зрачат меѓу соодветно избраната гардероба и светлосните и визуелни ефекти на сцената. Едноставно „Хурикејн“ се покажаа во најдобро светло или поточно во духот на своето име - музички ураган од прва категорија, кој ништо не не може да го сопре. Домашна задача за многумина, вистинска евровизиска лекција од која треба да се учи, како сето тоа треба да изгледа и звучи! Гордоста наша е вткаена во нивниот рецепт за успех е преку учеството на нашиот композитор, продуцент и аранжер Дарко Димитров, како еден од авторите кој го пакуваше ова евровизиско музичко парче правејќи го и аранжманот за српската евровизиска песна „Локо локо“. Дарко заедно со „Ураганките“ беше и во бекстејџот односно во „собата за воздишки и исчекувања“ и видливо ја сподели радоста со нив, откако тие се пласираа во евровизиското финале. https://www.youtube.com/watch?v=khnpL7HqN5I Покрај претставничките на Србија, од второто полуфинале забележителни настапи имаа и се пласираа за големото финале уште и останатите наши соседи: Албанија, Бугарија и Грција... Сите освен ние! Преостанатите места од второто полуфинале за финалната вечер уште ги надополнија: Финска, Швајцарија, Сан Марино, Исланд, Португалија и Молдавија. И додека ние се правиме „на удрени“ тврдејќи дека сите биле едногласно оти Васил Гарванлиев заслужил финале, Европа „под мустаќи“ зајадливо ни се потсмева... Не нам, туку на истиот тој Васил „кој ете, само што не влезе во финале, а каква само песна и настап имаше“!!? Е какви де? Еве што мислат за него и неговата песна Норвежаните на пример, во својата евровизиска емисија. Не е за коментар, ама не е ни за премолчување. Погледнете го видеото и уверете се каков „масакар“ направија од струмичанецот со бугарски корења! https://www.youtube.com/watch?v=_u2RYxNw3zg И додека се' уште трае годинешнава Евровизија, од која ние годинава „со свиткана опашка“ си се вративме дома, нашата најуспешна претставничка до сега Тамара Тодевска на својот Фејсбук носталгично се присети на блескавите мигови од нејзиниот настап тој ден, во 2019 година, кога буквално загосподари и гордо ја освои евровизиската сцена со нејзината „Proud“ . Успех на кој и таа и сите ние бевме горди и и ги простивме сите претходни „гафови и гревови“... зашто тоа максимално го заслужи! Да, во право е кога покрај фотографија од евровизискиот настап напишала: „Каков момент беше ова“!? Дефинитивно, момент за кој се живее! Фото: Инстаграми Фејсбук принскрин/Tamara Brana Velkova/darkodimitrov

Видео: Јутјуб

Хрватска „експлодираше“ од незадоволство по неуспехот на Евросонг 2021, премиерот Пленковиќ сепак и честиташе на нивната претставничка Албина, а Заев остана „нем“ кон Васил Гарванлиев?

Антонио Димитриевски — Wed, 19 May 2021 09:37:29 +0000

Хрватската јавност експлодираше по неуспехот да нивната земја да се пласира во финалето на годинешниот Евросонг 2021. Хрватите го споделија своето незадоволство на социјалните мрежи по евровизискиот настап на нивната претставничка Албина, сметајќи дека тоа е неправда. Дури и поддршката од премиерот Пленковиќ не и помогна да се пласира во финалето. Претставничката на Хрватска, Албина Гржиќ (22) од Сплит не се пласираше во финалето на Евровизија, а Хрватите своето незадоволство најмногу го споделија на Твитер. „Укинете го изборот за песна на Евровизија“, “Ова е неправда“, „Молам, Хрватска не помина?“, „Судии лопови“, „Евросонг, дали ушите се уште ви се во карантин?Ќ ... - се смао дел од твитовите. После настапот, Албина беше поддржана од премиерот Андреј Пленковиќ кој и покрај се' и честиташе за настапот.

Velika podrška i čestitka našoj Albini na sjajnom nastupu na #Eurovision! https://t.co/2PgULsynhE
— Andrej Plenković (@AndrejPlenkovic) May 18, 2021

Премиерот на „нашата земја“ Зоран Заев сношти тоа не го стори со Васил Гарванлиев. Не барем јавно. Ниту пак официјално. Па дури ни по струмичка линија. Или можеби тоа „задоволство“ сепак и го препушти на својата сопруга Зорица?

Македонија повторно неславно го заврши настапот на „Евросонг 2021“: Васил Гарванлиев не влезе во финалето! (ВИДЕО)

Антонио Димитриевски — Wed, 19 May 2021 07:30:51 +0000

Вчеравечер, вторник, 18 мај 2021 се одржа првата полуфинална вечер од 65. издание на изборот за Песна на Евровизијата - Евросонг 2021, на која беа одбрани првите 10 финалисти. Македонија, која годинава ја претставуваше Васил Гарванлиев со песната „Here I Stand„ одново неславно го заврши настапот на Евросонг 2021, зашто Васил не успеа да влезе во финалето! Стравувањата дека и овој пат сме „тенки“ во настапот, зачинети со бројните контроверзи уште од самиот старт на изборот на наш претставник и песна, се обистинија. Ниту целата (не)намерна галама и прашина со „бугарштината“ која се крена околу Гарванлиев пред заминувањето во Ротердам, ниту неговото отворено признание дека е геј, случајно или намерно темпирано да биде соопштено непосредно пред почетокот на првото полуфинале, ниту несомнените вокални квалитети на пејачот, не помогнаа. Кога ќе застанеш таму горе на сцената „баш ги заболе“ дали си Македонец, Бугарин или Еским, геј определбата и не е некој адут, зашто како што можевме да видиме и препознаеме, Евровизија од хит парада, се' повеќе личи на „геј парада“. А, кога сме кај пеењето, солидно пејат сите, иако очигледно само вокалните предиспозиции ниту оддалеку не се довелен адут за пласман. Недостасува нешто друго, ама што е тоа, што е рецепт за успех? Одговорот веројатно прецизно не може да се каже во еден или два збора, но едно е сигурно: Недостасува таканаречен „пакет“ од сосмислен сценски настап, кореографија, шокантен костим, солиден вокал, „нереални“ визуелни ефекти, агресивна себе промоција, успешно лобирање... но пред се', нај, нај, најважно е да се има добра, вистинска песна! Таа е базата, основата, темелот на која треба да се ѕида остатокот од „куќата на еврозвизискиот успех“. Без неа - нема ништо... Едвај само учество со едно појавување, колку да се рече дека и ние сме биле таму присутни. Или што би рекле даночните обврзници, бадијала, беспотребно фрлени пари! Токму песната „Here I Stand“ која Васил Гарванлиев годинава ја отпеа, наместо најсилен беше најслабиот наш адут. Не дека е лоша, ама што би се рекло народски - не за секого, не е за народ, за на Евровизија. Недоречена, развлечена балада која повеќе наликува на музичка подлога за некоја филмска тема од од анимираните бајки на Дизни, отколку на евровизиско музичко парче спакувано во три минути. Освен вокалната изведба, настапот премногу статичен, без придружба на сцената, без впечатлива кореографија, со некаква визуелна порака од светлосни ефекти, која ама баш со ништо не отскокнуваше од останатите изведувачи и се стопи губејќи се во морето од изведби. Кога на сето тоа ќе се придодадат и веројатно отсекогаш нашите најслаби точки, политичките закулисни игри и лобирањето, станува јасно зашто одново останавме „со прстот в уста“... Само на учество, заради учество... Или европска музичка промоција на новото „North“ име, можеби? На крајот, само една земја ќе го понесе трофејот, ќе рече некој, но сите останати заедно одново на еден начин ја соеднија Европа по ужасната корона пандемија. Ако е тоа утехата, во ред - бевме и ние таму како дел од тоа соединивање со Европа, кое никако вистински во релниот живот да дојде и по 30 и кусур години независност и сите наши напори. Кој како и за кого гласал вечерва и на втората полуфунална вечер ќе се знае дури по завршување на финалето. Практиката на Евросонг за да не се знае кои се фаворитите од полуфиналињата, што би можело евентуално да влијае врз резултатот во финалето. Секојдневните ПЦР тестови придонесоа атмосверата во салата иако далеку полна, да изгледа како во најдобрите времиња. Патем, заради мерки на безбедност по личното здравје на учесниите строго им било забрането да се дружат меѓу себе. Не, барем јавно! Инаку, на првата полуфинална вечер свое место во финалето обезбедија Норвешка, Израел, Русија, Азербеџан, Малта, Литванија, Кипар, Шведска, Белгија и Украина. Второто полуфинале ќе се одржи на 20 мај во кое ќе учествуваат 17 земји: Сан Марино, Естонија, Чешка, Грчка, Австрија, Полска, Молдавија, Исланд, Србија, Грузија, Албанија, Португалија, Бугарија, Финска, Латвија, Швајцарија и Данска, плус „големите сили“ Франција, Шпанија и Велика Британија кои само ќе гласаат во ова второ полуфинале. https://www.youtube.com/watch?v=WRcSHPb_Qwc Фото: Јутјуб принтскрин/ Eurovision song contest official page Видео: Јутјуб

Васил Гарванлиев самиот комплетно ја „закашка“ работата, а сега одново иритира, „плаче“ по Европа, напаѓа и обвинува за наводен „организиран напад“ врз него: Демек, го фатиле Васила, го… насила?!“

Антонио Димитриевски — Fri, 16 Apr 2021 07:49:38 +0000

Годинешниот македонски преставник на „Избор на песна за Евровизија“ никако да „исплива“ од морето скандали во кое сам се нурна. Заглавен во калта од недоветни изјави и гестови, се' подлабоко тонеше, а сега сакајќи да прета во „живиот песок“ во кој самиот си скокна, му се заканува опасност до крај да потне и да се „удави“! Имено, Гарванлиев во интервју за „eurovisionworld.com“ „плачејќи и кукајќи“ врз својата несреќна судбина обвини дека бил цел на наводен „организиран криминален напад“, поради тоа што има бугарски пасош! „Ова беше организиран криминал- напад против мене, врз кој немав контрола. Работите беа извадени од контекст и беа презентирани лажни информации кои завршија со многу негативен одговор со сајбер малтретирање и јавно линчување. Не посакувам такво нешто никому, но гледајќи ја светлината во мракот, многу сум благодарен затоа што на мојата песна и ’даде уште подлабоко значење и уште поголема желба да бидам уште поуспешна“ - вели Македонецот со бугарски корени и бугарска патна исправа. Неговата изјава да не e трагична, би било смешна... Вака, трагикомичните изјави на струмичанецот кој самиот ги исполитизира и својот случај и музиката, не се ништо друго туку смешен обид да се извади од нешто, во што беспотребно си се вплетка без никој да го „тепа по уши“. Патем, за истото сега одново ја иритира јавноста со ваквите недокажани изјави, „плаче“ по Европа, напаѓа и обвинува за наводен „организиран напад“ врз него?! Тврди дека ова го направило посилен како човечко суштество и како уметник и му дало поголема одговорност: „Да бидам глас за безгласните, особено за уметниците ширум светот, кои немаат уметничка слобода да бидат свои“ - додава Гарванлиев. А, се запрашал, имаа ли македонаските уметници слобода и право да бидат во трката за избор на песна и изведувач од страна на националниот сервис, која патем сите го плаќаме, или само тој „од Струмица црпнат“ беше предодреден па без право на натпревар на останатите, нему му беше овозможено да биде и годинава преставникот на земјата на која ниту името не скаше да и го изговори, велејќи дека живее таму некаде, „од другата страна на границата“? А, при тоа „протежираше“ бугарско знаме во видеото, „мафташе“ со бугарски пасош, се фалеше со бугарските корени, на раката носи симболи во боите не на македонското, туку на бугарското знаме, „леташе орли“ на фотографиите при евровизиското дружење со претставничката на Албанија, Јонида Малиќи, го доведе МРТ во „незавидна“ ситуација да размислува и да си ја преиспитува одлуката за неговиот избор, па да мораа „да замижат“ и „да го вадат од калта“... Многу извесно, заради себе или заради „некој над нив“, а никако заради него самиот и неговите непромислени „будалаштини“, со кои одново продолжува да ја иритира нацијата во изјавите и интервјуата по Европа! И после имало „организиран криминален напад“ врз него!!? Демек... „Го фатиле Васила, го... (знате веќе што), на сила“?! А всушност ТОЈ беспотребно „не силува“ сите нас!