вас – Вистина.мк

Зошто треба да се откажете од оној кој се откажал од вас?

Христина Ѓоргиевска — Tue, 25 Jan 2022 14:30:47 +0000

Љубовта е моќна сила, која може да нè лансира меѓу ѕвездите, да нè направи најсреќните суштества на планетата, но и да нè тресне силно на земјата, покажувајќи ни дека животот не е романтична бајка. Љубовните врски често завршуваат кога една личност ќе одлучи да ги пресече конците и да ги насочи емоциите во друг правец. За жал, ние неретко се држиме за оние со кои сме поминале многу време и не сакаме да ги пуштиме да си одат од нашите животи, иако сè околу нас ни вели дека тие не ја заслужуваат нашата љубов. Не сакаме да ги уништиме спомените, да ги заборавиме ноќите поминати заедно, да ги избришеме илјадниците пати кога сме изговарале „Те сакам„ со душа чиста како солза…Не сакаме да бидеме нечие минато. Да, можеме да се обидеме да ја вратиме личноста која раскинала со нас или да пробаме да ги поправиме расипаните односи, но секогаш треба да имаме на ум дека распаднатите врски се како скршено стакло – подобро е да ги оставиме скршени одошто да се повредиме обидувајќи се да ги поправиме. Па, зошто треба ВЕДНАШ да се откажете од оној кој веќе се откажал од вас? Сами сте во борбата за спас на врската, а „за танго се потребни двајца“. Врската е двонасочна улица. Во неа двете страни треба да вложуваат љубов, време и енергија, да даваат знаејќи дека ќе го добијат истото за возврат. Доколку напорите доаѓаат само од едната страна, врската е осудена на пропаст. Тој веќе тргнал по нов пат. Велат: „Ако сакаш некого, ослободи го. Ако се врати, твој е, ако не, тогаш никогаш и не бил“. Доколку гледате дека личноста која најмногу од сè посакувате да биде покрај вас, не ни погледнува назад да ве побара, тогаш знајте дека таа веќе избрала друг пат. Вие треба да го направите истото. Ќе покажете дека сте силни. Откажувањето неретко се смета за негативна особина. Но, кога е во прашање љубовта, работите се менуваат. Откажувањето од врска која била раскината од едната страна значи дека сте биле доволно силни да кажете „НЕ“ на страдањето, на солзите и на деновите поминати меѓу четири ѕида прашувајќи се каде сте погрешиле. извор: убавина и здравје

Што кажува изборот на партнер за нас? Не сме случајно токму со нив во емотивна врска

Христина Ѓоргиевска — Tue, 18 Jan 2022 13:15:59 +0000

Кога влегуваме во емотивна врска со некого, на изборот на партнерот влијаат многу фактори, за кои најчесто не сме свесни. Претпочитаме да кажеме дека не знаеме зошто се заљубивме во таа личност и ја избравме да прошетаме заедно низ животот или да биде во наша близина барем некое време. Психологијата вели дека никогаш не се заљубуваме случајно, дека партнерите ги избираме главно несвесно, но дека нашиот избор кажува многу за нас. Често се случува да избереме за партнери луѓе кои се сосема различни од нас, или слични на нас, за да не може да се прифати никакво правило во љубовта – како на пример дека „спротивните се привлекуваат“ . Нашиот избор на партнер зависи од нашата личност, но и од развојниот момент на нашата свест. Не случајно се заљубуваме во висока или ниска личност или некој кој е многу емотивен, а не некој кој е резервиран. Психолозите велат дека почесто несвесно избираме луѓе чиј изглед има нешто заедничко со нашиот. Нашата љубов кон партнерот често се заснова на самољубие – ако мислите дека сте привлечни, ќе барате партнер кој изгледа привлечно. Рамнотежата помеѓу емотивното и рационалното Според експертите за врски, со изборот на партнер се трудиме да воспоставиме рамнотежа помеѓу емотивното и рационалното, па затоа избираме партнери со кои се надополнуваме. Како резултат на овој избор, се појавува совршен пар – едната личност може да биде мирна, додека другата го задржува пламенот во врската. Ако имате стабилна и здрава врска, вашиот партнер е секогаш некој што треба двапати да размисли пред да донесе одлука, тогаш веројатно сте прилично емотивна личност. Не е невообичаено да се видат високи мажи со ниски девојки, додека високите девојки со ниски момци се поретки. Понекогаш таквата разлика може да изгледа сосема необично, но навистина не е изненадувачки, бидејќи високата жена изгледа побезбедно и поуспешно. Значи, ако избереме низок партнер, несвесно велиме дека сакаме да се грижиме за него, но ако избереме висока личност, сакаме да бидеме опкружени со внимание. Таткото на психоанализата, Зигмунд Фројд, тврдеше дека секогаш избираме партнер кој изгледа или има карактерни црти како еден од нашите родители, кој во повеќето случаи е од спротивниот пол. Иако, понекогаш тоа може да биде избор според доминантниот родител. Современите научници исто така открија дека изгледот на партнерот е често сличен на изгледот на нашите родители од времето веднаш по нашето раѓање. Според класичната теорија на личноста, сите ние имаме внатрешен возрасен, дете и родители, а една од овие особини секогаш има предност пред другите. Децата се поуморни и наивни, родителите премногу се грижат и затоа овие два типа на личности добро се согласуваат. Значи, ако вашиот партнер се однесува како дете, веројатно сакате да го едуцирате и да го научите на нешто, па веројатно вие сте личноста која е позрела во врската. Извор: попара.мк

Дали вашиот партнер глуми дека е заљубен во вас: Овие 3 знаци покажуваат дека сте во врска која нема иднина!

Христина Ѓоргиевска — Wed, 10 Nov 2021 14:15:11 +0000

Како треба некој да се позиционира во такви врски и дали воопшто треба да остане во нив? Ова прашање им пречи на многу луѓе, кои не се сигурни во верноста и љубовта на партнерот. Сепак, постојат некои знаци кои можат да ви откријат дали вашата врска има иднина. Дознајте повеќе за трите такви знаци во следните редови…

Вашиот партнер ви објавува љубов на социјалните мрежи, а во реалноста односот со вас му е ладен

Објавувањето заеднички фотографии на Инстаграм не мора да ја покажува посветеноста на вашиот партнер кон вас, туку неговата несигурност и потребата да се покаже пред другите луѓе во најдобро светло. Ако ги пропуштите овие знаци на внимание кога сте сами со вашиот партнер, а тој ви ги нуди само преку Интернет или кога сте во друштво на пријатели, треба да се запрашате дали се во вашата врска е розово како што мислевте досега.

Не правите долгорочни планови

Во случај единствениот заеднички план што го правите со партнерот да е поврзан со вашиот следен одмор или одење во ресторан, тоа е знак дека тој не размислува многу за иднината со вас и ја гледа вашата романса како нешто што ќе заврши порано или подоцна. Можеби не е соодветно да разговарате за бракот и семејството веднаш по влегувањето во врска со нова личност, но ако и по неколку години откривање на оваа тема тие се уште не се на масата, вашата врска веројатно нема иднина.

Вашиот партнер премногу често се навраќа на поранешните љубови

Многу луѓе не можат да прежалат за крајот на нивните претходни романси, но тоа не значи дека е добро да зборувате за истото нон-стоп со вашиот сегашен партнер. Тие само сигнализираат дека не го преболеле својот поранешен партнер, што открива дека не се 100% посветени на личноста со која моментално се во врска. Нема смисла да го молите вашиот партнер повеќе да не зборува за неговата стара љубов, бидејќи самиот факт дека треба да зборува за тоа покажува дека тој сe уште не е подготвен да се поврзе со вас. извор: Курир.мк

Ако партнерот ги прави овие 5 работи, тоа значи дека повеќе не е заинтеренсиран за вас!

Христина Ѓоргиевска — Tue, 22 Jun 2021 13:30:29 +0000

Ако штотуку сте се запознале со партнерот, а вашиот инстинкт ви кажува дека нешто не е во ред, не игнорирајте го. Обидете се да ги забележите предупредувачките знаци што покажуваат дека тој можеби не е добар за вас. Или уште полошо, знаците што може да укажуваат на психичка злоупотреба или на токсичен однос. Овие 7 знаци ќе ви откријат дали сте во токсична врска. 1. Никогаш не бил во сериозна врска Иако некои момци сакаат опуштени врски или секс без обврски, не е баш пожелно тој никогаш да не бил во врска. Можеби звучи одлично на почетокот, но немојте прерано да се радувате. Ако вие сте неговата прва вистинска девојка, тогаш тој веројатно нема да знае што е и што не е прифатливо во врската. За работите да бидат полоши, тој можеби не е ни подготвен целосно да ви се посвети. 2. Не ви се допаѓаат неговите пријатели Пријателите на вашето момче можат да ви кажат многу за него и да ви остават впечаток како тој се гледа себеси. На пример, ако се дружи со еден куп сексисти, можеби ќе се смета себеси за многу подобар од вас. Ако го поминува своето време со интелектуалци, можеби постојано ќе споделува еден куп мудрости. Иако не треба да судите за партнерот само според тоа какви се неговите пријатели, важно е да забележите дали се лоши или не. Од друга страна, ако нема блиски пријатели, тоа би можело да значи дека тој не е многу друштвен или пријателски расположен. Можеби никој не се дружи со него затоа што тој е лош или можеби му недостасуваат социјални вештини. Во секој случај, бидете внимателни. 3. Тој е секогаш ѕвезда Ако вашето ново момче е главниот комичар во друштвото, можеби нема да ви се допадне тоа што ќе го прочитате. Ако тој секогаш може да ве насмее, има 1000 пријатели на Фејсбук и никогаш не одбива да излезе со пријателите, можеби ќе имате проблеми со него. Таквиот животен стил не е добар за стабилна врска. Не само што ќе треба да се грижите што прави во пијана состојба, туку ваквите мажи сакаат внимание и обично се опкружени со еден куп жени. Ако сте љубоморни, врската со таков маж само ќе ве измачува. 4. Не ги почитува другите Излегувате на вечера и тој е груб кон келнерот, некој ќе го изнервира додека вози и вие од неговата уста ги слушате најгрдите коментари што можете да ги замислите. Ако тој не ги почитува другите, можеби еден ден и кон вас ќе се однесува на истиот начин. Да излегувате со некој што има недостаток на почит и љубезност не е многу добра идеја. Честопати може да ви биде непријатно кога сте заедно во јавност. 5. Тој е неодговорен Кога првпат го запознавте тој беше вработен, но сега кога сте заедно, откривате дека тој бил невработен со месеци. Ако тој не е одговорен, вие ќе треба да се однесувате како да сте негова мајка. Излегувањето со некој што не поседува мотивација и одговорност може да биде фрустрирачко, а големи се шансите дека неговиот незаинтересиран став ќе влијае на вашата врска. Ако не можете да сметате на него кога ќе ви затреба, можеби ќе бидете разочарани. извор: попара.мк

Вашата омилена секс поза говори многу за вас – Што е тоа?

Христина Ѓоргиевска — Thu, 16 May 2019 12:30:07 +0000

Сигурни сме дека секс позите ги бирате според тоа која најлесно ве води до оргазам, но на потсвесно ниво вашата омилена секс поза кажува по нешто за вашиот карактер. Дали сте личност способна за мултитаскинг или сакате да работите скриени во сенка? Некои ја сакаат класичната мисионерска поза, додека други уживаа во авантуристичката стоечка. Сигурни сме дека секс позите ги бирате според тоа која најлесно ве води до оргазам, но на потсвесно ниво вашата омилена секс поза кажува по нешто за вашиот карактер. Која од овие пози е вашиот фаворит? Мисионерска Вие сакате работи кои не бараат премногу вложување на труд. Убаво ви е кога сè е на свое место и се чувствувате комфорно кога не сте во центарот на вниманието. Кучешка Вие функционирате со мислата дека можете да сторите сè во животот. Верувате во себе и цврсто газите кон своите цели. Сакате моќ и ве маѓепсува успехот. Странична Вие сакате да ги завршувате работите добро, но без многу труд. Не се вложувате вртоглаво, туку секогаш во животот ги дозирате работите. Сакате интимност, но не комплетна. 69 Вие сте способни за мултитаскинг. Во животот не настапувате себично и сакате да дадете најмалку толку кога што ви е пружено. Знаете како да се забавувате и сè сфаќате како игра. Каубојска Вие немате проблем кога се улогите во животот во прашање и сте навистина флексибилни. Важно ви е да имате добри резултати без разлика дали ќе доминирате или ќе играте од заднина притоа. Стоечка Вие сте авантуристички настроени и секогаш подготвени за користење на максимумот од секоја ситуација. Сакате возбуда и понекогаш делувате брзоплето, без да размислите за последиците. извор: слободенпечат.мк