варено вино – Вистина.мк

Што се празниците без варено вино? Комбинација на зачини и вкусови која ќе ја паметите долго по зимата

Слаѓана Атанасова — Thu, 15 Dec 2022 12:25:17 +0000

Што се божиќните празници без варено вино? Незаборавната комбинација на вкусови и зачини нè тера да ја паметиме секоја голтка до крајот на годината, а овој рецепт ќе го споделувате со месеци по Божиќ. Слично на сангријата, виното оди добро со додавање на силен пијалок, па слободно додадете малку вотка, рум или ракија на варено вино – или целосно исфрлете го. Што се однесува до зачините, не прескокнувајте ѕвезден анасон, каранфилче и стапчиња цимет. Следете ги упатствата и добро загрејте се со шолја врвно варено вино! Состојки: 750 мл црвено вино (каберне совињон или мерло) 100 мл ракија 1 портокал 50 гр свежа брусница 4 каранфилче 2 ѕвезден анасон 2 стапчиња цимет 2 лажици кафеав шеќер Подготовка: Излупете го портокалот и исечете го на кришки, а брусницата исечете ја на половина. Сите состојки се мешаат во тенџере и се варат на тивок оган 15 минути со повремено мешање. Исклучете ја топлината и истурете во чаши, по желба декорирајте со овошје и послужете.

Никогаш послатко: Рецепт за варено вино кој го освои светот

Слаѓана Атанасова — Fri, 09 Dec 2022 12:43:54 +0000

Еден од начините да се згрееме во студените зимски денови е чаша варено вино. Доколку сакате слатки и топли напитоци, вино и овошје, тогаш ова за вас ќе биде вистинско уживање. Подготовката нема да ви одземе многу време, а уживањето е загарантирано. Топлите напитоци се нешто што се препорачува кога ќе дојде сезоната на вируси и настинки. Еднаш неделно подгответе добро варено вино и на добар пат сте да ја спречите борбата со течењето на носот, кашлањето и болките во грлото. Состојки: 5 дл. полусуво црно вино 2,5 дл. вода 3 лажички шеќер ½ лажиче каранфилче малку цимет неколку резанки портокал Подготовка: Две лажички шеќер се топат на тивок оган. Кога ќе пожолти се прелева со водата, зголемете ја температурата на ринглата и оставете водата да зоврие. Потоа додадете уште една лажичка шеќер, добро промешајте за сето тоа да се соедини и додадете вино. Кога ќе почне да пени тргнете го садот од ринглата, бидејќи овој напиток не треба да зоврие. Додајте цимет и каранфилче, добро измешајте и истурете во чаша од подебело стакло со рачка. Вареното вино се пие додека е топло, можете да го збогатите вкусот така што во него ќе додадете резанка од портокал. Извор: Курир.мк

Празници “во чаша”: Варено вино по рецепт на Џејми Оливер

Слободанка Илиева — Mon, 13 Jan 2020 13:35:28 +0000

За време на празниците, малку работи можат подобро да ве опуштат од домашно варено вино. Испробајте го овој супер рецепт на познатиот готвач Џејми Оливер и дозволете домот да ви замириса на вистинска зима. Потребни состојки: - 2 мандарини - 1 лимон - 1 лимета - 200 гр. шеќер - 6 каранфилчиња - 1 стапче цимет - 3 ловорови листови - 1 мускатно оревче - 1 стапче ванила - 2 шишиња црвено вино - 2 ѕвездички анис Начин на подготовка: 1. Измијте го лимонот, лиметата и мандарините, а потоа грубо излупете. 2. Ставете го шеќерот во поголемо тенџере, на средна температура, додадете ги парчињата кора од цитрусите и исцедете ги нивните сокови. 3. Потоа додадете ги каранфилчињата, стапчето цимет и ловоровите листови и изрендајте малку мускатно оревче (10 до 12 потези). Стапчето ванила пресечете го по должина, додадете го и ставете доволно вино за да го покрие шеќерот. 4. Мешајте на среден оган додека не се растопи шеќерот, а потоа зголемете ја температурата и оставете да врие околу 4-5 минути, додека не добиете смеса како густ сируп. 5. На крајот, додадете ги ѕвездичките анис и остатокот од виното и на тивок оган гответе уште 5 минути. 6. Виното служете го топло. извор:точка.ком.мкваре