ванила – Вистина.мк

Може ли да се расипе екстрактот од ванила?

Слободанка Илиева — Thu, 08 Feb 2024 12:45:21 +0000

еден во лабораторија наместо вистински зрна ванила. Но, имитацијата на екстракт од ванила не трае толку долго како чистиот екстракт од ванила. Можете да очекувате дека вкусот ќе остане до една година по истекот на рокот. После тоа, најдобро е да инвестирате во ново шише пред следната употреба. Како да чувате екстракт од ванила Како и со многу други намирници и состојки, изложеноста на екстремни температури и светлина може да предизвика распаѓање на екстрактот од ванила.Треба да барате темен шкаф подалеку од апарати што произведуваат топлина како што се шпорети и машини за миење садови. Светлината исто така не е пријател на вашиот екстракт, како што можете да си замислите, имајќи предвид дека екстрактот од ванила обично доаѓа во темни шишиња. Затоа не заборавајте да го чувате на темно место за да ја минимизирате изложеноста на светлина. фото:Profimedia извор:курир.мк

Меко тесто полнето со павлака кое мириса на ванила

Слободанка Илиева — Tue, 04 May 2021 13:21:25 +0000

Појадокот во Италија честопати вклучува капучино и слатки, меки колачи кои обично варираат во зависност од регионот, а во Рим ќе наидете на неверојатно маритоцо. Ова слатко пециво полнето со слатка павлака што мириса на ванила се подготвуваше со децении во Италија, а неговото име потекнува од италијанскиот збор за сопруг. Маритоцо традиционално им било давано на девојките од млади момчиња, а внатре се криел прстен или друг подарок. Дури и ако не можете да патувате, тоа не значи дека не можете сами да ги направите – и да уживате во утринското кафе. Состојки за maritozzo: 540 гр брашно 60 гр путер 250 мл млеко 120 гр мед 2 јајца, собна температура 1 лажичка сол 1 лажичка инстант сув квасец 1 лажичка цимет Ситно рендана кора од 1 лимон јајце изматено со 1 лажичка млеко 500 мл шлаг 140 гр шеќер во прав 2 лажички паста од вамила или арома Подготовка: Одделете 1/6 чаша брашно од вкупната количина и изматете го со половина чаша вода во тенџерето додека не стане мазно. Загревајте на средна топлина и мешајте додека не се згусне и зарумени, околу 5 минути или загрејте до 65 ° С. Тргнете го од оган и ставете ги путерот, млекото, медот, јајцата и солта и мешајте додека путерот не се стопи. Ставете го остатокот од брашното, квасецот, циметот и ренданата кора од лимон во садот со електричен миксер со кука за тесто и измешајте. Додадете ја смесата со брашно во вареното тесто и месете додека не стане еластична. Додадете малку повеќе брашно ако е потребно; тестото треба да биде еластично и растегливо за да не пукне и да се гледа низ него. Обликувајте го во топка и оставете го да се зголеми тројно на топло место (45 минути до час и половина) Загрејте ја рерната на 180 ° С. Месете го тестото повторно. Поставете плех со хартија за печење. Лесно исчистете ги рацете и подлогата. Поделете го тестото на два дела, сролајте го во колбаси, а потоа исечете го на шест дела. Обликувајте топчиња и доколку е потребно, подмачкајте ги дланките за да не се залепи тестото. За да ги направите топчињата рамномерни, можете да ги измерите така што секоја да биде подеднакво тешка (околу 90 гр.). Ако забележите пукнатини на тестото, превртете ги топчињата на работната плоча за да ги израмните. Оставете го пецивото на топло место 45 минути. Премачкајте ги со изматено јајце и печете 20-23 минути. Оставете да се излади целосно на решетката. Потоа пресечете ги на половина со назабен нож, но не до крај – оставете ги краевите да останат поврзани. Изматете ја павлаката со шеќер и ванила во шлаг додека не стане густа и мека. Ставете во торба за шлаг и пополнете ги печивата непосредно пред сервирањето. извор:попара.мк

Антониа Гиговска и Панчо имаат летен хит со мирис на – „Ванила“ (ВИДЕО)

Антонио Димитриевски — Thu, 12 Jul 2018 11:26:03 +0000

Ова лето меѓудругото ќе носи и мирис на „Ванила“, зачинет со бранови љубов, како најава за нов, музички летен хит. Антониа Гиговска има нова песна токму со тој наслов - „Ванила“, за која е снимен и видеозапис кој на песната само и додава нота на шаренокликост и разиграност, доволни за да го збогатат и засилат впечатокот.

„Ванила“ е музичка ар ен би, поп-денс тема која звучи свежо, модерно и светски, а неа одново ја потпишува братско-сестринската авторска двојка Лазар ( музика, аранжман, продукција) и Магдалена Ена Цветковски (стихови), чиј коавтор на текстот е Панчо (ДНК), кој е и специјален гостин во песната и видеото за „Ванила“.

Зад видеото пак, стои потписот на режисерот Даниел Јовески, што е дополнителна гаранција за успех на проектот, во кој уште покрај Антониа и Панчо се појавуваат и девојките од танчарската група Beatrix Crew.

Се' на се', „Ванила“ претендира да го обележи ова лето, кое дали по истата песна ќе се памти, не зависи само од песната и видеото, туку во многу нешта и од самата пејачка, а и од тоа како ќе биде изменаџиран целиот проект.

И медиумски и на терен - по клубовите, дискотеките, летните базени, плоштадите, летните фестивали... Секаде онаму, каде што се бара добра музика, за добра забава на младите.

Вака изгледа и звучи летната „Ванила“ на Антониа и Панчо: https://www.youtube.com/watch?v=NjaNLcXPu2s

Освежете се: Наједноставниот рецепт за ледено кафе со вкус на ванила

Моника Манасиевска — Fri, 22 Jun 2018 15:45:29 +0000

Потребни состојки:

30 милилитри свежо подготвено еспресо, оладено
120 милилитри млеко
2 кафени лажички ванила во прав
Ледени коцки

Начина на подготовка:

Најпрво, сомелете ги ледените коцки во блендер. Матете додека не допиете ситни кристали. Потоа додајте ги сите останати состојки и повторно матете околу 30 секунди или додека не добиете хомогена смеса.

Лоши вести за сите љубители на сладоледот од ванила

Ивана Стојанова — Mon, 14 May 2018 11:54:42 +0000

Цените на ванилата минатите две години значително скокнаа, па таа слатка состојка која е дел од многу производи, вклучувајќи го и сладоледот, моментално чини повеќе од среброто, објави Би-Би-Си. За килограм ванила сега треба да издвоите околу 600 американски долари, што е повеќе од килограм сребро, забележува Би-Би-Си. Големиот дел од ванилата, повеќе од 75 проценти, се одгледува на тропскиот остров Мадагаскар, на југоисточниот брег на Африка. -Главната причина за високата цена е циклонот кој минатиот март го погоди Мадагаскар и уништи многу плантажи. А и покрај надежите дека растот на цената ќе запре, тој и понатаму се држи на високо ниво затоа што побарувачката е доста голема, вели Јулијан Гејл, аналитичар на пазарот на суровини во компанијата ИЕГ Ву. Гејл вели дека станува збор за зачин кој тешко се одгледува, па поради тоа таа е вториот најскап зачин после шафранот. Освен во сладоледот ванилата е популарна и во разни слатки производи, алкохолни пијалоци, како и во козметиката на парфеми. Природниот екстракт од ванила е силен ликер со смеѓа боја и интензивен мирис. Производителите на храна исто така купуваат прав од ванила кој се добива од мелење махун, претходно употребен за добивање екстракт. Неговата исто така скокнала за три пати. Синтетската арома наречена ванилин шеќер се добива од дрво, а понекогаш и од нафта, а се очекува дека сега може да биде користена во многу индустрии, кои ќе се обидат да ги избегнат значително растечките трошоци, пишува Би-Би-Си. Барем еден британски произведувач на сладоледи, поради високата цена престанал да нуди ванила. Џули Фишер, која пред седум години ја отворила слаткарницата Руби Виолет, за Би-Би-Си кажала дека ванилата во догледно време ќе ја исфрли од менито во своите лондонски локали, затоа што не може да си дозволи средства колку што би чинела ванилата.