ване марковски – Вистина.мк

Водителот Ване Маркоски е новото заштитно лице на бутикот PHARD

Антонио Димитриевски — Tue, 14 May 2019 13:09:53 +0000

Водителот Ване Маркоски е новото заштитно лице на бутикот PHARD, веќе омиленото модно место во градот, а каде можат да се најдат најпознатите италијански брендови - PHARD и ZU+ELEMENTS! Маркоски ќе ги носи парчињата од машката колекција, односно ZU+ELEMENTS, колекција наменета за сите урбани фраери кои не се откажуваат од младешкиот изглед.

Откријте што ни носи новата ZU+ELEMENTS колекција и кои се ’must have’ парчињата за перфектен изглед. Ване веќе ги најде своите омилени модели! Кога е во прашање овој машки бренд интересно е дека секоја сезона носи нови бои, модели...

А овој пат акцент е ставен на деталите. Она што е во центарот на вниманието, особено кога станува збор за маичките, е ’крстот’ како печат на сезоната.

Семејна фотографија од 90-ите: „Еда грдо, шо си лично“ – погодете кој познат македонски ТВ водител е најмалиот и најубавиот на сликата? (ФОТО)

Антонио Димитриевски — Thu, 18 Apr 2019 07:13:31 +0000

Сите ние чуваме стари семејни фотографии, а всушност, тие ни ги чуваат спомените од најраната возраст, најубавите години, ни ги чуваат спомените од детството. На нив најчесто се потсетуваме кога случајно пребарувајќи по ормарите, фиоките, дребулиите низ домот ќе налетаме на старите фото албуми или купчето фотографии спакувани во плик или кесичка. Понекогаш и намерно посегнуваме по нив... Тогаш кога сме осамени, кога ни е тешко, или ќе се сетиме на некој важен датум на радост, како нечиј роденден, празник, слава, дипломска... или тажен датум на нечие заминување! Тогаш навираат емоциите, па прошетката по спомените низ старите фотографии не потсетува на сето она што некогаш сме биле, а веќе не сме, на она што било, а веќе не е или го нема... А, сепак е тука само малку поинакво, во друга форма, облик, со поинаков изглед... Сеедно, старите фотографии се секако чувари на спомените од богатата ризница на нашето минато!

Токму една ваква, стара семејна фотографија деновиве сподели и тој... Тогаш млади, неговите родители заедно со своите деца, од кои едното е и тој... Денес познатиот македонски радио и ТВ водител, чија последна работна дестинација е „Канал 5“. „90-ите. Кој сум јас?“ - напиша во вид на прашање водителот покрај фотографијата. Ако се' уште не го препознавте, еве ние ќе ви откриеме: тој е најмалиот и најубавиот на фотографијата! Денес е зрела личност, свој човек, кој покрај професијата е голем љубител природата, поборник на здравиот живот и секако борец за правата на животните кои исто така бескрајно ги обожува - Ване Марковски!

Времето неизмерно лета, луѓето се менуваат, но некои нешта остануваат вечни. Така Ване, покрај семејната фотографија од детството, деновиве постираше уште една, на која некои кои се неупатени ќе речат: „Еј, Ване облекол фустан“!?

А, всушност водителот е променет во традиционална македонска народна носија од Мијачкиот крај. И не случајно... Тој по потекло е токму од тој крај, поточно од Гостивар, па како потеклото и корените никогаш не се забораваат, ниту бришат, Марковски реши да си ги освежи сеќавањата на своето потекло, а фотографијата е направена на најавтентичната можна локација: под манастирот Свети Јован Бигорски, во етно ресторанот, познатата „Куќа на Мијаците“! Водителот со гордост ја носи традиционална македонска мијачка носија, која рака на срце, убаво му прилега... А воедно без збор да изусти и да им одговори на прашањето на сите оние кои го прашаа: „Мијак ли си мајке“? Е, Мијак! „Еда грдо, шо си лично“!

Кој и на што му е љубоморен на водителот: Еве со кого спие Ване Марковски!? (ФОТО)

Антонио Димитриевски — Thu, 25 Oct 2018 07:31:34 +0000

Ване Марковски е познат како голем љубителл на природата, заговорник на здравата исхрана, фитнесот и здравиот живот, но она што можеби не сте го знаеле за радио и ТВ водителот е дека е исто така и голем љубител на животните.

Особено домашните миленичиња му се слабост, па затоа Ване кој живее сам во својот нов дом во скопските Џеваир облакодери, реши друштво да му прави едно кученце. Имено, според информациите, Ване истото го спасил од улица, каде што кутриот пес бил оставен во очајно лоша состојба.

Откако го прибрал, го нахранил и однел на ветеринар за да го излечи, по успешната операција на спасување и рехабилитација, покрај креветот, сега неговиот Буби му е најверниот четвороножен пријател на водителот.

Патем, љубимецот на Ване сега живее удобен живот и во секоја прилика е покрај својот месија, кој му подари втор живот - многу подобар и посигурен околку оној скитничкиот од улица.

Само што сега наместо песот, Ване има проблем. Бидејќи Буби не се дели од него ни кога Ване ќе си легне, откако се прочу дека заедно спијат, поединци почнаа да се однесуваат како во песната на групата „Пеперминт“ која вели: „Љубоморен сум на твоето куче“!

Кои се тие, само Ване знае... Знаат и тие, ама ако! Се додека како кучето на Ване нигде нема друго - не барем за него, ним им останува само љубомората од сознанието: со кого тоа спие водителот!?

Ние - колку да Ве потсетиме на приказната од песната, во која самите тие си се препознаваат! https://www.youtube.com/watch?v=BOifAWBBmY0

Анастасија Деа Богданоска беше на аудиција: Ќе пропее или само ќе ги води „Ѕведите на Гранд“? (ФОТО)

Антонио Димитриевски — Fri, 08 Jun 2018 08:14:15 +0000

Деновиве во Скопје се одржува аудицијата за нови таленти на едни од најгледаните регионални музички шоуа како што се „Ѕвездите на Гранд“ и „Никогаш не е доцна“. Стотици млади за првото и возрасни за второто шоу се пријавуваат со желба да добијат шанса да си ја пробаат среќата. Помалку или повеќе талентирани, некои познати, некои тотални анонимуси, откриени и неоткриени таленти чекаат пред вратите на националната телевизија која ги пренесува овие регионални музички натпреварувања. Првиот човек на „Гранд продукција“ - Саша Поповиќ дојде специјално во Скопје, а во жирито за селекција на новите ѕвезди и млади и повозрасни беа Анета - Молика, Ален Хасановиќ, Ленче Кукиќ, Ристе Ристески...

Арно ама, „меѓу сите идни ѕвезди“ и две сегашни ТВ ѕвезди... Две добропознати лица, кои се појавија на аудицијата. Водителот Ване Марковски, кој таму беше по службена должност, како човек кој веќе имал продфесионално искуство со ваквите проекти и таа... новопечената ТВ водителка Анастасија Деа Богданоска, која таму се појави приватно.

Нејзиното ТВ искуство е мало, а ма затоа изгледа желбата голема... Дали и самата да пропее или само да ѕирне како тоа изгледа кога „нема втора шанса за прв впечаток“ пред музичките авторитети кога ќе ти дојдат твоите „пет минути“? Или можеби итрата Деа дојде да „купи“ некоја финта од колегата Марковски за тоа како се води естрадна емисија?

Што и да е причината за ненадејната посета на аудицијата, Деа секако ќе знае од неа да извлече полза. Водителка или пејачка? Кој да знае... Конечно и самата на социјалните мрежи се прашува: „Што е она што е неминливо, во она што е минливо?“ Одговорот можеби е: желбата... Впрочем, никогаш не е доцна, нели?!