валери димовска – Вистина.мк

Несудената македонска “Гранд ѕвезда“, велешанката Валери има нешто да ви соопшти со – „Сега кога знам“ (ВИДЕО)

Антонио Димитриевски — Mon, 30 May 2022 12:29:28 +0000

ВелешанкатаВалери Димовска, која ја запознавме по учеството во ТВ шоуто „На иста адреса“, додека на пошироката јавност и стана позната по учеството во регионалто музичко талент шоу „Ѕвездите на Гранд“, продолжува да реди одлични синглови. Валери настапуваше во првиот и вториот круг и ги освои шест гласа, a за свој ментор го одбра Ѓорѓе Давид, но мораше да го напушти натпреварувањето заради тоа што се зарази од Корана вирус и не беше во можност да се појави на снимањето во определениот рок. Но тоа ниту ја спречи, ниту обесхрабри младата велешанка да продолжи со својата соло кариера чиј пат го трасира со новата песна насловена „Сега кога знам“. „Декчииии конечно! После подолго време пауза, ова е мојата нова песна на која работевме јас, Dulelud Veljanovski Dule, Zoran Zonde Stojanovski, Goran Simjanoski - видео. Се надевам дека ќе ви се допадне.... Премногу драг проект ми е ова и со огромно задоволство Ви го претставувам“ - напиша Валери на својот Фејсбук профил промовирајќи ја песната на социјалните мрежи. При тоа ги покани сите што можат да дојдат и нејзината викенд промоција: „Конечно можам да објавам датум,и да ве поканам сите на промоција за мојата нова песна 'Сега кога знам'...Повелете оваа сабота, во 20:30 часот во ShortBus“ - порача пејачката. А сите вие кои не сте ја проследиле, преслушајте ја песната и погледнете го видеото за „Сега кога знам“ на Валери:

Валери Димовска се огласи по дисквалификацијата во „Ѕвездите на Гранд“: „По третпат се заразив со корона, не можеа да ме префрлат во 4 круг“

Христина Ѓоргиевска — Tue, 08 Feb 2022 09:04:07 +0000

Македонската учесничка во „Ѕвездите на Гранд“, Валери Димовска беше дисквалификувана од музичкото шоу. Имено, како што пишуваа српските медиуми, Валери била дисквалификувана бидејќи не се појавила на снимање на музичкото шоу затоа што била болна односно позитивна на Ковид 19. По тој повод, се огласи и македонската кандидатка. Имено, во кусите приказни на „Инстаграм“ таа истакна дека третпат се заразила со коронавирус и не можеле да ја префрлат во 4 круг бидејќи тоа немало да биде фер кон другите кандидати. Таа истакна дека ќе се пријави и следната година. Валери беше под менторство на Ѓорѓе Давид. фото: инстаграм/valeryy.d

Македонската кандидатка дисквалификувана од „Ѕвездите на Гранд“ – еве која е причината

Христина Ѓоргиевска — Mon, 07 Feb 2022 11:04:42 +0000

Македонската кандидатка дисквалификувана од „Ѕвездите на Гранд“. За Валери Димовска заврши годинешното учество во регионалното музичко шоу „Ѕвездите на Гранд“ бидејќи таа не се појавила на снимањето. Валери за пораталот „Нема забрањених“ потврди дека била дисквалифукувана. -Бев болна кога се снимаше треиот круг и затоа сум дисквалификувана бидејќи не можев да се појавам на снимање. Ќе пријавам следната година, изјави Валери. Инаку, неодамна македонската кандидатка на својот „Инстаграм“ напиша дека е позитивна на корона и дека не била на снимање и дека за неа тука завршува натпреварувањето, но не кажа дека била дисквалификувана од продукцијата. -Не знам како да почнам, но еве. Пред да одам на снимање на „Ѕвездите на Гранд“, јас испаднав позитивна на корона и нормално не бев на снимање на 3иот круг. Поради тоа оваа година повеќе не настапувам, многу ми е криво што мораше да заврши на овој начин. Се надевам дека следната година ќе имам повеќе среќа. Ви благодарам на сите за поддршката која ми ја дадовте, напиша таа неодамна во кусите приказни на „Инстаграм“. Димовска беше под менторство на Ѓорѓе Давид. фото: принтскрин/инстаграм/јутуб/зведе гранда

Македонската кандидатка Валери Димовска ги напушти „Ѕвездите на Гранд“, а еве која е причината – „Жал ми е што заврши на ваков начин“

Христина Ѓоргиевска — Fri, 21 Jan 2022 08:37:21 +0000

Македонската кандидатка Валери Димовска (24) ги напушти „Ѕвездите на Гранд“. Имено, на својот „Инстаграм“ таа истакна дека се тестирала пред да оди на снимањето на третиот круг кој неодамна започна да се снима, па нејзиниот тест испаднал позитивен и ќе мора да остане дома. Токму и поради тоа одлучила оваа сезона да не продолжи. -Не знам како да почнам, но еве. Пред да одам на снимање на „Ѕвездите на Гранд“, јас испаднав позитивна на корона и нормално не бев на снимање на 3иот круг. Поради тоа оваа година повеќе не настапувам, многу ми е криво што мораше да заврши на овој начин. Се надевам дека следната година ќе имам повеќе среќа. Ви благодарам на сите за поддршката која ми ја дадовте, напиша таа во кусите приказни на „Инстаграм“. Инаку, Валери настапуваше во првиот и вториот круг и ги освои шест гласа, a за свој ментор го одбра Ѓорѓе Давид. [embed]https://arhiva.vistina.com.mk/zestoka-kavga-vo-dzvezdite-na-grand-bosanac-vikashe-na-veleri-dimovska-nishto-ne-se-razbirashe-a-sherifovikj-se-pojavi-so-kolachi-na-scenata-video/[/embed] Дали Валери ќе се врати во музичкото шоу или пак ќе се пријави следната година останува да видиме. фото: Инстаграм/valeryy.d

Жестока кавга во „Ѕвездите на Гранд“: Босанац викаше на Вaлери Димовска – „Ништо не се разбираше“, а Шерифовиќ се појави со крофни на сцената (видео)

Христина Ѓоргиевска — Mon, 20 Dec 2021 07:53:01 +0000

Во саботното иадание на регионалното музичко шоу „Ѕвездите на Гранд“, настапуваше и Валери Димовска од Скопје. Таа се претстави со песните „Вукови“ од Емина Јаховиќ и „Слободно ме рани“ од Едита Арадиновиќ. По двете интерпретации, Валери доби вкупно шест гласа од жирито и со тоа помина директно во третиот круг на музичкото шоу. На крајот од нејзиниот настап, жирито имаше жестока расправија за настапот на македонската кандидатка. -Јас со тешко срце дадов глас, но немам преголема желба да објаснувам. Срамота е кандидат од Бугарија појасно да пее и да зборува на српски отколку кандидат од Македонија. Ништо не се разбираше. Кој знае што пееше во овие две песни, изјави Босанац. На Марија Шерифовиќ и се допадна првата изведба, а за втората песна имаше критика. -Ти и твојот ментор мора да внимавате што правите. Цеца истакна дека ги знае песните кои ги пее Валери и дека ништо не и пречи при нејзината извадба. Вики изјави дека Марија и Босанац биле престроги за вториот круг. -Таа песна од Едита така се пее, викаше Миљковиќ, а Бекута тврдеше спротивно на тоа. -Сега ќе ја пуштам Едита да слушнам како се пее. Без врска ти е објаснувањето, одговори Босанац. -Пушти и слушни како се пее. Девојката учела од оргиналот, порача Поповиќ- Тоа е бре некултурно пеење, изјави Ана и додаде дека ни Едита не ја отпеала точно песната. -Не може да ги менуваме оригиналите. Не ги понижувајте другите луѓе, одговори Вики. Снежана Ѓуришиќ сакаше да ја прекине кавгата, па на крајот прокоментира: -Точно пееше, таков е оригиналот. Но, тоа песна не е добра, не е добра за натпреварувањето. Менторот требаше да ти смени песна, изјави пејачката, но Цеца, Вики, Поповиќ и Мили останаа на ставот дека вакви песни треба да има во „Ѕвездите на Гранд“. Меѓутоа, додека жирито се расправаше, во студиото се слушна гласот на Марија Шерифовиќ која се појави со „принцес крофни“. -Побразајте луѓе. Ручек е. Вечера. Ајде, изјави Марија па ги почести колегите и кандидатката со крофни. Валери помина во следниот круг, а како ќе се претстави останува да видиме. Нејзиниот настап може да го погледнете во видеото подолу на 1:07:32. фото Муња/ Лука/Ели/принтскрин јутуб/звезде гранда

Оваа Македонка беше единствена која ги освои сите гласови во последната емисија на „Ѕвездите на Гранд“ – Валери „растури“ во музичкото шоу, а еве кој ќе и биде ментор

Христина Ѓоргиевска — Mon, 15 Nov 2021 08:00:11 +0000

Во последната емисија на регионалното музичко шоу „Ѕвездите на Гранд“ настапуваше и 24 годишната Валери Димовска од Скопје. Валери за првиот круг на натпреварувањето се претстави со песните „Хајде она ништа“ од Тијана Богиќевиќ и „Волим те“ од Анастасија Ражнатовиќ. Македонката ги освои сите шест гласа од жирито, односно таа беше и единствена во емисијата која доби вкупно шест гласа. Според новите правила, кандидатот кога ќе добие вкупно шест гласа тој има право да го бира својот ментор. -Бидејќи имаш шест гласа, не може никој да се повлече, ти ќе си го бираш својот ментор. Јас знам кого ќе одбереш и еве ќе забележам“, изјави Поповиќ. -За свој ментор го бирам Ѓорѓе Давид, изјави Валери и со овој го изненади Саша Поповиќ кој беше убеден дека македонската кандидатка ќе ја одбере Марија Шерифовиќ. Од друга страна, Вики Миљковиќ беше убедена дека Валери ќе ја одбере Цеца Ражантовиќ бидејќи скопјанката пееше песна од нејзината ќерка Анастасија. Како Ѓорѓе Давид ќе ја подготви македонската кандидатка и како ќе се претстави во следниот круг останува да видиме. Инаку, оваа година во „Ѕвездите на Гранд“ во првите неколку круга настапуваат кандидати кои досега немаат учествено во регионалното музичко шоу и се првпат на сцената на Гранд. Настапот на Валери може да го погледнете во видеото подолу на 4:11 фото: З.Муња/Лука/Ели/гранд онлајн/принтскрин/јутуб/звезде гранда

Тој би дал се’ само Валери да каже „Вози ме“ (видео)

Слободанка Илиева — Mon, 16 Dec 2019 12:52:31 +0000

Поп пејачката Валери Димовска, 2019 година ја испраќа со нова песна насловена „Вози ме“ комплетирана и со видео приказна. Младата пејачка како и за претходната песна, така и за најновата работеше со Темелко Андреев со кого заедно ги создадоа музиката и текстот, додека аранжманот, миксот и мастерот се само на Анреев. -Возиме е песна на која исто како и во претходните проекти работевме јас и мојот продуцент Темелко Андреев. Оваа песна се издвојува од другите, решивме да ја направиме малку поразлична од предходните,и тоа навистина ни успеа. Снимањето на сцените траеше една ноќ. Јас, но и целиот тим кој стои позади мене сме задоволни од создадениот материјал кој го снимаше Горан Симјаноски Преслушајте ја „Вози ме“:

На Валери Димовска и недостасуваш – „Само ти“ (ВИДЕО)

Антонио Димитриевски — Tue, 26 Feb 2019 10:15:38 +0000

Велешанката Валери Димовска, која на пошироката јавност и стана позната по учеството во ТВ шоуто „На иста адреса“ продолжува да реди одлични синглови. По последниото нејзино соло остварување „Дозволи ми“и видеото за него кои се појавија кон крајот на минатата година, еве го и најновиот во низата, кое го носи насловот „Само ти“!

Талентираната пејачка се потпишува и како авторка на музиката и стиховите, заедно со колегата Темелко Андреев, кој воедно се погрижил и за аранжманот, миксот и мастерингот на песната која е снимена и продуцирана во „Sidechain Production“.

За визуелниот дел овој пат се погрижил Горан Симјаноски, а зад видеото продукциски стои „Фабрика продукција“.

Пејачката периодов е актуелна и со одличната соработка со колегите од братското дуо „Сирилик“, гостувајќи во нивниот нов сингл „Доволни“ кој наиде на мошне позитивни реакции кај публиката, а се надеваме дека така ќе биде прифатена и „Само ти“.

Како изгледа и звучи најновото од Валери дознајте во продолжение. https://www.youtube.com/watch?time_continue=167&v=m8lMnjQpbWg

„Сирилик“ и Валери во еден глас: Ние сме си „Доволни“ (ВИДЕО)

Антонио Димитриевски — Wed, 13 Feb 2019 11:52:55 +0000

„Сирилик“ важат за едни од најнадежните нови имиња на домашната сцена. Македонското електро-дуо деновиве издаде нова песна и видео за истата насловена како „Доволно“.

Тимот кој соработуваше на претходните проекти ( “Feel Like”,“Right here”) и овој пат ги здружил силите, талентот и музичките потенцијали па прилепскопто дуо, остана трио, односно квартет на уметници кои ја создадоа и новата песна, овој пат наместо на Англиски, отпеана на Македонски јазик.

Дина Јашари заедно со братското дуо соствено од Бојан и Андреј (“Сирилик“) ја компонирала музиката за „Доволни“, а самата и ги напишала и стиховоите за песната, зад чиј микс и мастеринг стои Иван Јованов - „Ивајо“, додека вокалните делници овој пат и се доверени на младиот вокал, велешанката Валери Димовска, на јавноста позната по учеството во ТВ шоуто „На иста адреса“!

Наместо на Зоран Зонде Стојановски како во претходниот спот, режијата овој пат му е доверена на Христијан Конески, македонски иселеник кој живее и работи во Сиднеј, Австралија, каде што на различни локации од улиците на овој мегалополис е и снимено видеото за песната во 4К техника.

Во него како артисти - модели се појавуваат Кристина и Алекс Лобанови.

Како сето тоа звучи и изгледа, проследете во продолжение: https://www.youtube.com/watch?v=FxkZpuqx8fQ

Валери се враќа соло со – „Дозволи ми“ (ВИДЕО)

Антонио Димитриевски — Mon, 26 Nov 2018 12:42:01 +0000

Валери Димовска и стана попозната на домашната јавност откако во 2016 година ја испеа одличната балада „Не ти давам“, зад која стоеја и Елена Ристевска како текстописец, Дарко Димитров кој ја потпиша музиката, а ги направи и продукцијата и аранжманот и Раде Врчаковски - Врчак кој стоеше зад мастерингот.

Во почетокот на месец јуни годинава, Валери ја видовме во едно друго, сосема поинакво светло, како вокал на скопскиот алтернативен рок-бенд „Саунд еџ“ (Sound Edge), кој тие денови го претстави својот нов сингл и видеото за него насловено „Знај“, како пилот сингл за нивниот втор албум.

Неполни 6 месеци подоцна, валери одново се враќа на естрадната сцена, овој пат со нешто сосема трето. Таа деновиве ја објави својата нова песна „Дозволи ми“. Музиката е нејзино авторско дело, а текстот е напишан во соработка со Темелко Андреев кој ги потпишува и аранажманот , а стои и зад миксот и мастерингот на темата, како и голем дел од продукцијата на видеозаписот на истата.

Имено, тој го уредил и продуцирал спотот, заедно со Валери го напишале сценариото за приказната во која покрај пејачката се појавува Мирослав Христовски, а се потпишува и како режисер на истото зад чије снимање и продукција стои Sidechain Production.

Инаку „Дозволи ми“ музички е уште една балада, овој пат во ар-ен-би стил низ која се испреплетуваат и џез елементи со модерен призвук и современа продукција.

Дали Валери во својата петта песна во кариерата конечно ќе се најде себе си во талкањето низ музичките правци и стилови останува да видиме во иднина.

Дотогаш проследете ја песната и видеото за неа: https://www.youtube.com/watch?time_continue=1&v=kqW4i9sxYc0 .