вакцина – Вистина.мк

Прва отштета за смрт предизвикана од вакцина против Ковид-19

Слободанка Илиева — Fri, 24 Jun 2022 12:35:27 +0000

Вики Спит од Велика Британија, чиј партнер почина по вакцинација со АстраЗенека, е првото лице што доби отштета поради смрт предизвикана од вакцинирање. Спит доби максимална отштета во износ од 120.000 фунти, околу 140.000 евра. Но, за неа тоа не е доволно и надоместокот не е соодветен, јави Би-би-си. Таа повикала брза помош на 13 мај минатата година, кога на нејзиниот партнер му се влошила здравствената состојба поради „мачни“ главоболки. Шест дена подоцна, тој починал во болница во Њукасл. Во неговата посмртница е наведено дека пациентот „починал по компликации од вакцина“. Спит, која има 38 години, тврди дека влегла во долгови откако ја снемало заработката на нејзиниот партнер. Според неа, таа требало да добие околу 180.000 фунти или близу 210.000 евра. Како што таа посочува, Зајон бил здрав, во добра физичка форма и би имал шанси да преживее, доколку лекувањето започнело порано. Таа нагласи дека по неговата смрт, црниот дроб и бубрезите на Зајон се донирани и со тоа се спасени животите на три лица. Џејмс Бел, партнер во специјализирана адвокатска канцеларија за спорови настанати поради медицинска негрижа, исто така смета дека британскиот систем за компензација не е доволно усогласен. извор:kurir.mk

По нападите на нејзините ставови за вакцина, се огласи и Рада Манојловиќ: „Имам и јазик и мозок“

Христина Ѓоргиевска — Mon, 20 Dec 2021 10:54:25 +0000

Пејачката Рада Манојловиќ предизвика вистински хаос во медиумите кога за време на пандемијата со коронавирусот која се уште трае изнесе неколку свои ставови околу вакцинирањето. Имено, за време на гостувањето во емисијата „Премиера – Викенд Специјал“ проговори за своите изјави и зошто во последно време не е често во медиумите. -Рада има и јазик и мозок. Луѓето се изненадени бидејќи имам такви ставови бидејќи во некои емисии не можам да ги кажам своите ставови, секогаш се некои естрадни теми. Немаш прилика да го кажеш својот став на пример за вонземјанците. Јас секогаш внимавам што зборувам, ме учеа дека луѓето се моја публика, но дојдовме во ситуација сите овие случувања да ни влијат на нас, па на некои работи треба да се даде коментар, изјави Рада. Пејачката истакна дека не сакала никој да навреди со своите ставови. -Секогаш зборувам во свое име, се трудам да бидам субјективна и да не дозволам некој да ме нападне, јас само го кажав своето мислење, изјави Рада и проговори за својот колега Милан Станковиќ кој има слични ставови како неа. -Милан ги снесува последиците откако е во јавниот свет. Јас молчев целата претходна година. Многу лошо се чувствувам што некој мора да ме легитимира за да влезам некаде. Јас се бунам дека бидејќи е докажано дека сите го пренесуваме вирусот. Не доживеав некоја непријатност поради своите ставови, изјави Рада. фото: ртв пинк

Рада Манојловиќ „нападна“ новинар на прашање за коронавирусот и вакцина: „Не сме во судница, не морам ништо да ти одговорам“

Христина Ѓоргиевска — Thu, 09 Dec 2021 11:08:40 +0000

На новогодишното снимање на „Гранд“ присуствуваше и Рада Манјоловиќ. Како што пишуваат медиумите, пејачката се обидела да се сокрие од новинарите, но тоа не и успеало, па морала да им го објасни нејзиниот став за короната и вакцината бидејќи на Твитер е прогласена за антиваксер. Имено, Рада се обиде да ги оправда своите ставови на Твитер, па влезе во конфликт со еден новинар. -Што напишав? Сакаш да ги вратиме моите твитови? Каде напишав дека луѓето не треба да се вакцинираат? Тоа што јас не сакам да се вакцинирам како влијае на тебе? Извини, ние не сме во судница, можам и јас тебе да ти поставувам прашања, не морам ништо да ти одговорам. Факт е дека сите го пренесуваат вирусот. Јас не сум антиваксер, само сум против ковид пропусниците бидејќи сите го пренесуваат вирусот, вели Рада. фото: TANJUG AP/MATT ROURKE, PINK.RS/alo.blic

Дали Кети Пери ја има најкреативната маска за „Ноќ на вештерките“? Пејачката се маскираше во вакцина (фото)

Христина Ѓоргиевска — Mon, 01 Nov 2021 13:34:15 +0000

„Ноќ на вештерките“ или „Halloween“ е познат како ден кога луѓето ширум светот се маскираат, а во последно време многумина се натпреваруваат кој ќе има најубава маска. Пејачката Кети Пери и актеор Орландо Блум се маскираа инспирирани од пандемијата од коронавирусот кој трае веќе две години. Имено, актерот се маскираше во доктор, а пејачката се маскираше во вакцина која го носи нејзиното име Кети Пери.

View this post on Instagram

A post shared by KATY PERRY (@katyperry)

Како ви се допаѓа ова издание на пејачката? фото: Профимедиа

На концерт само вакцинирани со две дози во полупразна сала

Антонио Димитриевски — Thu, 14 Oct 2021 12:34:35 +0000

На предлог на Комисијата за заразни болести, Владата донесе заклучок за измена на Протоколот за организирање настани во затворен простор во театри, кина, филхармонија и други објекти, со што максималната исполнетост на салата се зголемува на 50% проценти од капацитетот на салата наместо досегашните 30% исполнетост. Дополнително се воведува условот посетителите да бидат вакцинирани со две дози со вакцина против Ковид-19, a останува обврската на организаторот да ги спроведува и контролира сите останати препорачани превентивни мерки за спречување ширење на вирусот и да организира редарска служба за контрола на мерките.

Коки Јанков од некогашното дуо „Дуле и Коки“ покажа што значи да си гладен, а да не си вакциниран: „Коските ги остави“ во кафеана, а сега во неа не може ни да руча! (ФОТО)

Антонио Димитриевски — Fri, 20 Aug 2021 06:31:19 +0000

Новите рестриктивни Ковид мерки на Владата и Комисијата за заразни болести не само што се „ќорец во празно“ кој не дава никакви ефекти, зашто ем се небулозни, нехумани, селективни, понижувачки... ем тотално задоцнети. Или што би рекол народот: „После свадба, џабе тапани“. Луѓето не само што се соочуваат со стотици глупави парадокси и прашања на кои никој нема одговор, туку понекогаш доаѓа до непријатни, а понекокогаш и до комични ситуации. Коки Јанков, македонскиот музичар, естраден уметник, некогашен член на мегапопуларното дуо „Дуле и Коки“, сега член и основач на бендот „Тајфата“, деновиве се соочи или поточно се најде токму во една таква комична ситуација, која всушност не е нималку таква, зашто е само мал показател, одраз на апсурдот кој ни го наметнаа и во кој сме приморани да живееме. Имено, музичарот бил гладен, арно ама кога сакал да седне во кафеана да руча - го вратиле! Коки не бил вакциниран, а нема ниту прележано Ковид -19, па по ниту еден основ по новите правила и протоколи нема право да седне во ниту еден локал! Видел не видел, виолинистот замолил да му спакуваат нешто од менито за да го понесе со себе, ама да се враќа дома за да јаде очигледно немал време, па видел- не видел, сакал-нејќел, Коки морал да се снаоѓа. И тоа на првата клупа во паркот откаршија, која му послужила као трпеза за неговиот оброк. За да биде парадоксот уште поголем, како и иронијата на судбината, Коки целиот свој живот, целата кариера ја мина во кафеана, свирејќи и со својот покоен другар и компањон Дуле и сега со „Тајфата“, но и со многу други колеги - естрадни уметници во разни локали ширум Македонија, а и самиот беше газда и држеше неколку скопски кафеани... за сега во кафеана да не може ни да припириса! „Коските ги остави“ во кафеана, а сега во неа не може ни да руча, па кутриот својата „вакцинална гастрономија“ ја опиша сликовито, разочарано споделувајќи фотографија на социјалните мрежи како обедува на клупа, покрај која напишал: „После 30 години во кафеана, на клупа пред Драмски...Па јас ли сум виновен што немам прележано, немам ни антитела... Те, така“ - напишал Коки опишувајќи го својот пример како дел од парадоксот на денешното наше живеење, наметнат од неразумното и неспособно владеење на Заев, Филипче, Караџовски... и целата „килава“ влада! Фото: Инстаграм и Фејсбук принтскрин/kokijankov

Кристина Димитриевска прво се гушкаше со Саша Ковачевиќ во Охрид, а потоа побрза да се боцне… (ФОТО)

Антонио Димитриевски — Tue, 17 Aug 2021 08:15:03 +0000

Македонската мисица и модел Кристина Димитриевска летото најмногу го минуваше во Охрид. Крај езерската шир на македонскиот бисер, малку на плажа, малку на глисер, убавицата ги впиваше сончевите зраци бегајќи од пеколните жештини, уживајќи во магијата на летото и неговите волшебни можности. Преку ден најчесто со своето синче, плод на љубовта од кусиот брак со пејачот Даниел Кајмакоски, од кого Кристина речиси и не се двоеше... Но штом денот помине и сонцето почнува да заоѓа, децата мораат да одат порано на спиење. А, тогаш „се буди ѕверот“ во убавицата, која очигледно не пропшушташе ноќите да си ги посвети само себе си, во „луда“ забава. Охрид и ова, впрочем како и секое лето изобилува(ше) со настани, журки, свирки, концерти... па на Кристина не и било тешко да има разновиден ноќен живот одбирајќи го за неа најдоброто од ноќната понуда. Но, она што очигледно по ниту една цена не го пропуштила, па и самата го овековечила со фотографии на својот Инстаграм профил, е концертот на српската поп ѕвезда Саша Ковечевиќ во Охрид. Кристина и Саша се „стари пријатели“, па затоа мисицата не остави на ништо на случајноста и побрза да го исконтактира, да го најде и да се види со пејачот кој им е слабост на илјадници млади девојки, иако очигледно тој преферира нешто друго... Насмеана од уво до уво: Екс-сопругата на Даниел Кајмакоски во прегратка на Саша Ковачевиќ (фото) – Вистина.мк (vistina.com.mk) Поточно, нему му се „слабост“ разведените млади жени, што го докажува со својата неколкугодишна врска со неговата актуелна девојка Зорана Тасовац, некогашна српска мисица и бивша сопруга на актуелното момче на Цеца, со кого таа има и дете. Кристина очигледно ги исполнува сите „критериуми“ на пејачот, иако никој не може да потврди дека меѓу нив има нешто повеќе од само обично пријателство и другарска дружба... Барем јавно, е така! Жив доказ, споделените фотографии! А кога сме кај фотографиите како доказ, македонската мисица по одморот и дружбата со поп ѕвездата се врати дома и побрза да се вакцинира... Што си е сигурно - сигурно...! Вакцинацијата едни ја протежираат со сите сили, други ја одбиваат и негираат, ама Кристина сепак сметала дека вакцината штити, па реши да ја прими... Во Скопје или родното Тетово, прва или втора доза и од кој производител - не обзнани, ама затоа побрза да се боцне... За секој случај! Фото: Инстаграм и Фејсбук принтскрин/kristina.dimitry

Македонската фолк пејачка по примента прва доза вакцина одново позитивна: На Сани Гроздановска и се слошило, па завршила во болница? (ФОТО)

Антонио Димитриевски — Tue, 17 Aug 2021 06:44:01 +0000

Македонската фолк пејачката Сања Сани Гроздановска еднаш беше позитивна на Ковид - 19 и го прележа во домашни услови. Заради природата на работата Сани решила сепак да се вакцинира, но еден ден откако ја примила првата доза на вакцината, не се чувствувала добро. Се посомневала во симптомите и веќе наредниот ден заминала да се тестира, а тестот покажал дека пејачката е повторно позитивна на коронавитусот. Откако во текот на вчерашниот ден уште повеќе и се влошила здравстената состојаба, Сани завршила во болница на една од Ковид клиниките во Скопје, што го потврди и фолк порталот Естрада +. Во меѓувреме, во текот на вечерните часови самата фолкерка се огласи на социјалните мрежи со свој статус, во кој им се заблагодари на сите коиу биле загрижени, и оние кои се грижат за нејзиното здравје, па напиша дека сега се чувствува многу подобро и дека очекува брзо да биде се' во ред со неа. Но, за чудо, веќе утрината статусот со пораката на Сани мистериозно исчезна од социјалните мрежи?! Дали на „сторито“ му истече рокот или статусот некој го повлече и избриша...? Она што остана се двете тазе фотографијата на нејзините Инстаграм приказни, од кои на едната Сани е фотографирана без шминка и делува помалку исцрпено и уморно, а на другата самата им се заблагодарува на другарките кои ја изненадиле со овошен сок и голема чоколада... Онакви какви што се носат кога некого одите да посетите. Во болница или дома, се' уште не разбравме, но како и да е, на македонската естрадна ѕвезда и посакуваме што побргу оздравување и закрепнување и наскоро повторно да ја видиме онаму каде што и е местото - на сцената... Додека се' уште повторно со идните „нови мерки“, се' не испозатворат! Фото: Инстаграм принтскрин/sani.grozdanovskasanja

Џенифер Анистон не се дружи со луѓето кои не се вакцинирани: „Со причина се ослободив од некои пријатели“

Христина Ѓоргиевска — Thu, 05 Aug 2021 10:08:02 +0000

Џенифер Анистон во ново интервју за „InStyle “, признава дека ги прекинала односите со неколку луѓе од нејзиното опкружување поради нивниот став околу Ковид 19 и вакцините. – Само што изгубив неколку луѓе во мојата неделна рутина, кои одбиле или не откриваат (дали се вакцинирани или не), и тоа беше жално… Сметам дека е ваша морална и професионална обврска да кажете, бидејќи не се тестираме сите секој ден. Незгодно е затоа што секој има право на свое мислење – но многу мислења не се засноваат на ништо, освен страв или пропаганда, вели Анистон.

View this post on Instagram

A post shared by Jennifer Aniston (@jenniferaniston)

„Затоа со причина се ослободив од неколку пријатели“, додава Џенифер. Инаку, од самиот почеток на пандемијата, Џенифер се залагаше за држење на дистанца и носење на маски. фото: EPA/Andrew Cowie

Игор Џамбазов се вакцинираше со ваксајна, маде ин Чајна: „Илина, Илина… Илина Арсова, нешто чудно ми се случува?“ (ФОТО)

Антонио Димитриевски — Thu, 22 Jul 2021 07:31:42 +0000

Вакцинација за секоја генерација; Вакцина за сите за безбедно и безгрижно да ви минат дните, Не шегувај се - вакцинирај се; Со здравјето не играј играчки, вакцинирај се и не кажувај гачки; Што се фолираш, што не се вакцинираш; Кој не примил вакцина, затворен ќе седи дома цела зима... И вака можеме да редиме до бескрај. Не, не е реклама, ниту кампања, ама апели, повици и препораки за вакцинирање, секојдневно слушаме и гледаме. И од медиумите и од политичарите и од лекарите и од СЗО... Вкцинацијата - чаре за спас на нацијата од опакиот вирус...!? Веројатно засега друго решение и нема! И речиси сите или поголемиот дел од населението тргна да се вакцинира, се разбира уште само доволно вакцини за сите да има. А, „Каде сите Турци, таму и гол Асан“ - вели една стара поговорка, па меѓу сите обични луѓе се вакцинираат и оние познатите... А меѓу нив и тој - Игор Џамбазов! Ем возраста му е „критична“, ем здравјето уште оддамна „начнато“, па како превентива за не дај Боже, Џамбазов реши да прими вакцина и да се заштити колку што може. Иако живее прилично изолирано, сепак се движи и дружи со многу луѓе, па што си е сигурно-сигурно, да не биде после „погубно“. Затоа Џамбаз отиде да се вакцинира... Со онаа вакцина што во моментот најмногу ја има - кинеската! Арно ама, другиот ден откако се вакцинираше почна да забележуваа дека „поинаку се чувствува“, па ја повика својата сакана да и се пожали и запраша: „Илина, Илина Арсова, нешто чудно ми се случува?“ Како доказ, Џамбазов сподели фотографија со „искосени очи“ затегнати од женски прсти ( погодете чии) и со нам познатата шапка од трска на глава... Се разбира сето ова само како шега, која Џамбазов ја сподели само колку „да се пофали“ дека и тој примил ваксајна... И тоа „Маде ин Чајна“!

View this post on Instagram

A post shared by Игор Џамбазов (@igordzambazov)

Арно ама, коментарите под неговата објава: „Откако ја примив кинеската ваксајна, нешто чудно ми се случува“... предизвикаа вистинска поплава од шеговити „јадачки и закачки“ во вид на коментари на сметка на шоуменот. -„Ти си супер Игор, мајка ми пак веќе цел месец запнала да студира на Кембриџ на своите 82 години. Таа со АстраЗенека се вакцинираше...“; -„Пази Емилија ( мачката на Игор - н.з.) да не ја изедеш“ -„Среќа што нема африканска вакцина“ -И јас се вакцинирав со Синовак, па затоа изгледа чудно ме гледаат кучињава во последно време“ -Да, па нормално....ти се случува Илина!“ - се само некои од коментарите под фотографијата од кои може да се заклучи само едно: Дека овој последниов, најмногу „држи вода“! Реакција има... Ама не ќе да е од аплицираната кинеска вакцина. Оваа „вакцина“ друго име има - Илина!!! Фото: Инстаграм принтскрин/igordzambazov