вагина – Вистина.мк

И вагината старее: Еве како се менува во 30-те, 40-те и 50-те години од животот

Слободанка Илиева — Mon, 17 Jun 2019 13:30:27 +0000

Како сите делови на телото така и вагината се менува низ годините и доживува одредени промени. Женското тело се менува низ годините, но постои дел од телото кое старее заедно со вашата коса, кожа и мускули, а за кое не размислувате - вашата вагина. „Како и останатите делови од вашето тело така и вагината е под големо влијание на стареењето и затоа многу е важно да се грижите за неа“ - објаснува гинекологот Шери Рос, авторка на книгата „She-ology: The Definitive Guide to Women's Intimate Health“. Не само што низ годините се менува изгледот на тој дел од телото туку и начинот на кој го доживувате, но и како функционира во текот на сексот. Вагината во 30-те години Првата драматична промена се случува во пубертетот. Се зголемува влијанието на хормонот, усните се зголемуваат, растат влакната, а вагината почнува да создава и да лачи секојдневна течност. „Интимните делови од телото повторно се менуваат по раѓањето на првото дете, што на многу од жените им се случува во 30-те години. Со секое породување “мускулите на дното на карлицата се растегнуваат за детето да може да излезе надвор“ - објаснува докторка Рос. Многу од жените тогаш забележуваат дека нивната вагина е проширена, можеби чувствуват леснина во текот на сексот, но тоа се разликува од жена до жена. Не се менува само внатрешноста на вагината. „Надворешниот изглед може да биде опуштен или како да е конвексен“ - објаснува гинекологот Салена Заноти. Тоа може да се случи поради породување или поради годините. По породување жените може да чувствуваат сувост на матката, но тоа е само привремено. Вагината во 40-те и 50-те години По породување следно е предменопауза, 5-10 години пред да настапи менопаузата. Во текот на предменопаузата телото произведува помалку естроген, „Ова е вообичаено во 40-те години, но кај некои жени може да настапи подоцна. Естрогенот ја одржува влажноста во тој дел на телото и добриот проток на крвта“ - вели гинекологот Џон Топил. „Без одреден естроген вагината е потенка и помалку еластична, а може да постигне и помала влажност“ - додава д-р Заноти. „По менопаузата која просечно настанува во 51-та година, вагината и клиторисот може да се намалат, а може да се промени и нивната боја“ - вели д-р Рос и додава дека сексот тогаш може да биде проследен со болки. извор:точка.ком.мк

Дали вашата вагина е депресивна?

Слободанка Илиева — Wed, 27 Feb 2019 13:15:53 +0000

Не е тајна дека животот е многу подобар со редовни сексуални односи. Позитивните влијанија на сексот во однос на здравјето се многубројни – посилен имунитет, подобар сон, намалување на нивото на стрес… Сексот исто така е добар и за нашето срце, бидејќи се смета за физичка активност. Но, што се случува со телото и вагината кога нема секс? Новите истражувања откриле дека може да се случи вашата вагина да стане депресивна, ако долго време сте немале секс. Другото име за оваа состојба е атрофирана вагина, а може да ја предизвикаат повеќе фактори, меѓу кои еден е недостаток на секс. Мускулите на вашата вагина, како и секој друг мускул на вашето тело, патат кога не ги користите.

Сексот и оргазмот ви помагаат да ја зајакнете циркулацијата во тие мускули, што е нужно за да добиете доволна количина кислород. Вагината може да стане депресивна во секоја животна доба на жената, но најчеста е кај жените во менопауза. Симптомите се ослабени и тенки ѕидови на вашата вагина, па дури и чувство на болка или иритација иако немате никаква инфекција.

Еден од начините да се справите со овој проблем е да почнете повторно да ја „употребувате“ вашата вагина. Почнете со нежни масажи со многу лубрикант, бидејќи атрофираното ткиво е многу чувствително.

Колку подолго апстинирате од секс, толку повеќе ќе се намалува и вашата желба за секс. Објаснувањето е многу едноставно – токму затоа што немате секс, вие почнувате сè помалку и помалку да се чувствувате како сексуално битие, и затоа ја губите и желбата. Затоа и кога повторно ќе се впуштите во тие води, ќе ви биде потребно повеќе време за да го почувствувате нагонот, но и за ткивото да се опушти. Добрата вест е дека штом се вратите во акција, ќе ви се врати и вашата желба за секс!

извор:кафепауза.мк

Луна го преиспита братучедот: „Адаме, имаше ли секс…Оваа рака ти мириса на вагина“?! (ВИДЕО)

Антонио Димитриевски — Thu, 25 Oct 2018 10:05:32 +0000

Луна Ѓогани разговараше со нејзиниот братучед Адам Ѓогани, прашувајќи го дали имал секс во „Задруга 2“?. Блогерката беше упорна да дознае за интимата на братучедот, што дури и му ги зеде рацете па му ги мирисаше.

„Дали си имал секс? Кажи ми... Адаме? дај да ти ги видам рацете. Оваа рака ти мириса на вагина“ - му вели Луна, откако му ја помириса едната рака. Како реагираше Адам, погледнете во снимката под текстот. https://www.youtube.com/watch?v=l-iDlntAuzM

Во Полска направено првото пиво од вагина на светот

Слободанка Илиева — Fri, 03 Aug 2018 10:52:52 +0000

Полјаците го направија првото вагинално пиво на светот. Пивото предизвика различни реакции, а за него слушна целиот свет. Потоа се појави информација дека за изработката се користени добри бактерии од вагините на диви и згодни полски манекенки. -Косистејќи висока технологија од микробиологија, изолираме, истражуваме и подготвуваме млечна кислеина од бактерија од вагините на уникатни жени, се наведува во објаснувањето на произведувачите.

A post shared by @pure.boar on Jul 29, 2018 at 12:37am PDT

Социјалните мрежи се преполни со реакции за вагиналното пиво, а многумина се прашуваат дали жените чии бактерии се користени се тестирани на полови болести. Едно шише од вагиналното пиво чини 45 куни, а мнгумина сметаа дека ова пиво ќе го пробаат само еднаш.

Не постои „нормална“ вагина

Ивана Стојанова — Wed, 04 Jul 2018 15:23:44 +0000

Не постои „нормална“ вагина е заклучокот до кој се дошло во најголемата студија направена досега на тема „Вагина и нејзините димензии“. Швајцарските истражувачи мереле внатршени и надворешни делови, клиторис, вагинален отвор и перинеум на 659 жени на возраст од 15 до 84 години. Но, бидејќи имало многу варијации во секоја категоија, истажувачите заклучиле: Не постои „нормална“ вагина. Ако треба да кажат некоја просечна величина, во тој просек нема да бидат вклучени повеќето од жените. Истражувањето на кантоналната болница во Луцерн утврдило дека просечна длабочина на внатрешниот дел е 43 милиметри, но длабочината се движи од пет до 100 милиметри. Просечната длабочина на надроврешниот дел изнесувала 80 милиметри, но со истражувањето се измерени од 12 до 180 милиметри. Просечната широчина на клиторисот била пет милиметри, но таа се движи од еден милиметар до 22 милиметри. Се заклучува дека нема стандарди, што се однесува до димензиите на вагините.

Не можете да се решите од кандидата – еве зошто немате раат од неа

Горан Силјановски — Mon, 11 Jun 2018 12:52:46 +0000

Еден од најчестите гинеколошки проблеми со кој се соочуваат жените се габичните вагинални инфекции. Се смета дека околу 75% од женската популација во одреден период од животот ќе се соочи со ова заболување. Станува збор за инфекција на вагината и вулвата, која е предизвикана од габи. Најчестиот причинител е Candida albicans (во повеќе од 90% од случаите).

ЗОШТО СЕ ЈАВУВА И КОИ СЕ РИЗИК ФАКТОРИ?

Физиолошки, голем број на микроорганизми на чело со Lactobacillus ја сочинуваат нормалната вагинална микрофлора. Овие микроорганизми одржуваат ниво на pH на вагината од 3,8 до 4,2, со што се оневозможува развој на патогени микроорганизми. Доколку се наруши нормалниот баланс на вагиналната микрофлора, може да настане инфекција на вагината (вагинитис). Ако при нарушувањето на балансот на микрофлората, бројот на габи абнормално се зголеми, настанува габичен вагинитис (инфекција на вагината предизвикана од габи). Најголемите ризик фактори за појава на габична вагинална инфекција (ГВИ) се:

Долготрајна употреба на антибиотици. Долготрајната употреба на антибиотици може да доведе до нарушување на балансот на микрофлората во вагината и намалување на нивото на Lactobacillus, а со тоа да се зголеми ризикот за појава на ГВИ.
Дијабетес. Се смета дека кај луѓето кои страдаат од дијабетес, а не примаат соодветна терапија, поради покаченото ниво на шеќер во крвта, може да се јави габична инфекција.
Зголемување на нивото на естрогени. Дел од истражувањата потврдуваат дека има зголемена инциденца на ГВИ кај жени кои имаат покачено ниво на естрогени (при бременост, употреба на орални контрацептиви итн.).
Нарушен имунитет. Намалениот имунитет исто така овозможува развој на габични инфекции. Особено зголемен ризик имаат заболените од ХИВ и луѓето со малигни болести кои примаат соодветна терапија.
Сексуална активност со честа промена на партнери. Преносот на габична инфекција меѓу сексуалните партнери е возможна. Затоа, се советува практикување на заштитен сексуален однос.
Употреба на средства кои може да го нарушат балансот на вагиналната микрофлора. Несоодветни гелови за интимна нега, употреба на интраутерини контрацептивни средства и несоодветни лубриканти може да го нарушат вагиналниот баланс.

КОИ СЕ СИМПТОМИТЕ И ЗНАЦИТЕ?

При габична инфекција на вагината, клиничката слика може да вклучува:

Густ, беличест вагинален исцедок;
Чешање на вагината;
Печење на вагината;
Црвенило и оток на вулвата;
Печење при уринирање;
Болка при сексуален однос.

Габичната инфекција може да се појави и кај мажи. Во таков случај, симптоматологијата вклучува:

Чешање на главата на пенисот;
Печење на главата на пенисот;
Црвенило и иритација на главата на пенисот;
Печење при уринирање.

Доколку забележите некој од овие симптоми и знаци, консултирајте се со вашиот лекар.

ДИЈАГНОЗА

Клиничката слика на габичната вагинална инфекција е слична со други генитални болести, па затоа е потребно покрај физикалниот преглед, да се направат дополнителни испитувања. Најчесто се зема примерок од вагиналниот секрет кој се гледа под микроскоп, со цел да се утврди дали постои абнормален број на кандида. Засадувањето на култура не секогаш може да даде дефинитивна дијагноза, бидејќи кандидата е и нормален жител во човековиот организам и може да се добијат лажни резултати.

ЛЕКУВАЊЕ

Постојат повеќе тераписки опции за лекување на габична вагинална инфекција. Може да се користи локална или орална терапија, специфична за лекување на инфекции кои се предизвикани од габи (антимикотични средства). Еден од најефикасните орални препарати за борба против ова заболување е Fluconazole, a од локалните препарати најчесто се употребуваат Clotrimasole, Terconazole, Miconazole, Nystatin и др. Внимание! Оралните медикаменти може да предизвикаат низа несакани ефекти како гадење, повраќање, абдоминална болка, главоболка и др.

ШТО АКО ЛЕКУВАЊЕТО НЕ Е УСПЕШНО?

Во одредени случаи и покрај соодветно препишаната терапија, симптомите и знаците сè уште се присутни. Доколку по 7-14 дена ги имате истите проблеми и покрај тоа што ги следевте советите на вашиот гинеколог, тоа најчесто е знак дека лекувањето не е успешно. Постојат повеќе причини за ваквиот исход. Во голем број од случаите, тоа се должи на несоодветно поставена дијагноза и наместо за габична, може да станува збор за бактериска вагиноза, која предизвикува слична симптоматологија.

ШТО АКО ГАБИЧНАТА ИНФЕКЦИЈА ЧЕСТО СЕ ПОВТОРУВА?

Доколку кај жената габичната вагинална инфекција се повтори 4 или повеќе пати во рок од една година, станува збор за рекурентна инфекција. Во тој случај, потребни се дополнителни испитувања, затоа што рекурентната инфекција може да биде резултат на намален имунитет или да биде знак за присуство на некое друго заболување. При повторување на ГВИ, најчесто се советува пролонгиран третман со орални или локални медикаменти, или нивна комбинација. Најдобар лек е превенцијата.

Џејн Фонда скандалозно призна: Ја пензионирав вагината!

Горан Силјановски — Fri, 11 May 2018 10:56:23 +0000

Џејн Фонда има 80 години, а иако многумина ја опсипуваат со убави комплименти, таа со искрено признание ги остави сите без текст. Глумицата која се прослави со многубројни филмски остварувања во Холивуд, минатата година ја прекина својата врска со музичкиот продуцент Ричард Пери, а претходно три пати стапила во брачните води.

Таа во изминатите години зборува дека редовно има сексуални односи дури и во години кои е сега, но одлучи да го извести светот дека на тоа му дошло крајот.

“Повеќе не стапувам во врска, иако бев до пред неколку години. Сега имам 80 години. Работата долу ја затворив”! - искрено изјави глумицата.

Непријатни прашања поврзани со вашата вагина

Антонио Димитриевски — Mon, 26 Feb 2018 12:54:44 +0000

Среќната жена мора да биде здрава. Меѓутоа, од време на време може да се појават и некои проблеми. Дознајте ги одговорите на неколку непријатни прашања.

Понекогаш вашата вагина ужасно ве чеша? Дали е тоа нормално?

Вагиналното чешање не е нормална појава. Причината за тоа може да инфекција или дерматитис, но и иритација од синтетички материјали. Затоа задолжително користете памучна долна облека, а ако проблемот се јавува и понатаму, посетете го својот лекар.

При сексот со своето ново момче вашите срамни усни се болни, црвени и отечени? Дали сте можеби алергични?

Овие симптоми можат да бидат предизвикани од габична инфекцијаcandidom albicansили инфекција од вирусотherpes simplex.Ако сте ги ислкучиле инфекциите како причина за проблемот, причина може да биде и алергиска реакција, но не на гениталиите на момчето, туку на латекс, лубриканти или на неговата ејакулација, иако тоа е многу ретка појава. Обидете се да користите кондоми без латекс, а на тој начин ќе го спречите и контактот со неговата сперма. Но, причина за вашите проблеми може да биде честиот и врел секс.

Откако ќе доживеете оргазам, вашиот клиторис е болен на допир? Зошто?

Клиторисот има најголема густина на нервни влакна од целото тело. По оргазмот, тој набрекнува бидејќи е полн со крв, а тоа го прави исклучително чувствителен така што директниот допир може да биде многу непријатен. Болката ќе исчезне штом крвта се повлече од тој дел.

Дали оперативно реконструираниот химен го прави сексот подобар? Зошто некои жени ја сакаат таа постапка?

Хименот пука за време на сексуалниот однос, при вежбање или при користење тампони, при што остануваат само неговите остатоци. Кај некои религии и култури потребно е да се има недопрен химен, па затоа реконструкцијата во тие случаи може да придонесе за психолошко олеснување, но тоа во никој случај не го подобрува сексот. Извор: Актуелно24

Четири вида вагинален мирис – што значат тие?

Слободанка Илиева — Mon, 26 Feb 2018 10:00:13 +0000

“New York Times” објави студија која што е посветена на жените и на нивниот полов орган потточно станува збор за мирисот на вагината. Додека мажите се грижат само за големината на пенисот, жените мора да се грижат и за мирисот на нивната вагина – стои во студијата објавена во New York Times.

Д-р Ванеса Калинг изјавила дека секоја жена има природен мирис. Според нејзиното искуство многу жени мирисот на здрава вагина ќе го опишат како мирис на мошус. Сепак има некои мириси на вагината кои што доколку ги почувствувате тоа значи дека треба да преземете некои мерки. Мирис на риба Доколку чувствувате мирис на риба, можно е да имате Бактериска вагиноза која што се лечи исклучиво со антибиотици, а Д-р Ванеса Калинг за ова изјавува: – Постојат различни видови на бактерии кои се создаваат во вагината. Таквите бактерии се нормална појава и ја оддржуваат вагината здава. Бактериската вагиноза настанува поради нарушен баланс на различните бактерии. Понекогаш бактериската вагиноза нема симптоми, а понекогаш предизвикува симптоми како што се густ исцедок или пак мирис на риба. Мирис на пиво Доколку чувствувате мирис на пиво кој што доаѓа од Вашаа вагина, дефинитивно станува збор за габична инфекција која најчесто се лечи со помош на масти против габички (канестен, антифунгал, нистатин). – Габични инфекции се должат на прекумерниот раст на кандида. Повеќето луѓе имаат габи во устата и цревата. Здравите жени имаат габи во вагината, но понекогаш бројот се зголемува и предизвикува инфекција. – изјавува Д-р Калинг. Мирис на кисело Доколку почувствувате мирис на кисело од Вашата вагина тогаш најверојатно станува збор за Трихомонијаза, која што се лечи со помош на антибиотици. – Трихомонијазата е една од најчестите причини за вагинитис, а причината за инфекција е протозои Trichomonas vaginalis – микроскопски видлив единствен организам кој се пренесува при сексуални односи. – изјавува Д-р Келинг. Мирис на скапано месо Доколку почувствувате мирис на скапано месо од Вашата вагина тогаш најверојатно станува збор за заборавен тампон или делови од распадната улошка. Штом осетите ваков мирис Д-р Келинг препорачува веднаш да посетите гинеколог. – Доколку дојде до ова, а се случува често мирисот на вагината ќе биде јак и ќе се чувствува. Можна е понатамошна терапија поради појава на сепса. извор:скопје24

8 знаци кои покажуваат дека вашата вагина не е здрава

Слободанка Илиева — Fri, 16 Feb 2018 11:00:52 +0000

Кога станува збор за женските полови органи, жените треба да знаат дека тоа е важен дел од телото кој заслужува посебно внимание, како и редовна и правилна хигиена. Сепак, и покрај добрата грижа, и кај вагината можат да се појават некои заболувања. Овие симптоми ќе ви помогнат да откриете дали нешто не е во ред со вашиот полов орган.

1. Сувост или иритација

Оваа појава е честа, особено ако сте во предменопауза. Менопаузата ги предизвикува овие симптоми, а може да дојде и до потење како и болни сексуални односи. Во секој случај, најдобро е да побарате совет од лекар, бидејќи менопаузата може да ги маскира симптомите кои се резултат од нешто сосем друго.

2. Непријатен мирис

Здравата вагина има специфичен мирис, па како да знаете дали е здрава или не? Непријатниот мирис кој потсетува на риба, особено во комбинација со проѕирен секрет може да биде знак за бактериска вагиноза. Таа настанува како резултат на размножувањето на бактериите и нарушена рН вредност на вагината. Ова е честа појава и лесно се лечи со антибиотици. Покрај тоа, силниот непријатен мирис во комбинација со зелен секрет може да биде знак на полово пренослива болест, па најдобро е да посетите лекар.

3. Необичен секрет

Ако ви се појави жолт или бел секрет, можно е да станува збор за габична инфекција. Причината може да биде терапија со антибиотици, нарушување на рН вредноста, долна облека со лош квалитет, агресивни средства за туширање, како и нездрава храна, особено ако има премногу шеќери. Спречувањето на оваа појава е многу едноставно – пијте многу вода и јогурт.

4. Печење за време на уринирање

Овој симптом може да биде знак за инфекција на уринарниот тракт, но причината може да биде и секс. Обично се лечи со антибиотици, но важно е да посетите и лекар.

5. Отежнато ставање тампони

Болниот секс често е психолошки проблем, но во ретки случаи станува збор за проблем со хименот. Ова е вродено генетско пореметување во кое има додатно ткиво околу отворот на вагината кое го отежнува продирањето и предизвикува болка.

6. Болни пликови

Најчесто станува збор за херпес, но ако забележите нешто вакво веднаш посетете го вашиот гинеколог.

7. Крварење вон менструалниот циклус

Ова крварење може да биде знак на хормонска нерамнотежа. Најчесто е предизвикана од контрацепциски средства или стрес, а може да биде знак и за рана бременост. Крварењето за време на секс може да укажува на рак на грлото на матката, па веднаш посетете го вашиот гинеколог.

8. Постојани вагинални инфекции

Ако често добивате габични, бактериски или уринарни инфекции, веројатно треба да ѝ обрнете повеќе внимание и нега на вашата вагина. Можеби не сте во здрава врска, можеби вашиот партнер има друг па ви пренесува инфекции. Разгледајте ги сите фактори и обидете се да се храните поздраво и да се ослободите од стресот. извор:кафепауза.мк