урми – Вистина.мк

Зошто е добро да јадете по три урми дневно

Слаѓана Атанасова — Mon, 27 Mar 2023 13:00:01 +0000

Урмите се одличен додаток на секој оброк. Докторите откриваат дека урмите помагаат при слабеење и дека доволно е да јадете три дневно, кои ќе ви ја дадат потребната енергија, без да се наполните со нездрава храна. Лутеинот и зеаксантинот спаѓаат во групата на каротеноиди, а кај луѓето овие две супстанци ги филтрираат високоенергетските бранови должини на видливата светлина и делуваат како антиоксиданти, со што ја штитат ретината (мрежницата на окото) од можни оштетувања предизвикани од светлината. Студија објавена во 2007 година покажува дека макулата на окото има помала веројатност да се дегенерира како што луѓето стареат ако консумираат храна богата со овие супстанции. Тие содржат фосфор, а тој игра важна улога како „храна за мозокот“. Поради оваа причина, урмите се препорачуваат во исхраната на луѓето кои се занимаваат со интелектуална работа. Урмите брзо му ја даваат потребната енергија на мозокот и мускулите, бидејќи содржат природни шеќери како гликоза, сахароза и фруктоза. Урмите содржат елементарен хлор, кој се користи за заштита на забите од расипување. Зрелите урми содржат витамини А, Ц, Б1, Б2 и ниацин. Урмите се исто така добар извор на натриум, магнезиум, калциум и железо. Тие се богат извор на железо, а нивното секојдневно консумирање е одлична превенција од анемија (и терапија за оние на кои им недостига железо) – 100 грама урми содржат околу 10 проценти од препорачаната дневна вредност на железо. Природниот шеќер кој се наоѓа во урмите е совршена алтернатива на обичниот шеќер. Лесно се вари и го намалуваат чувството на глад. Доволно е да јадете урми и веќе нема да имате желба за чоколадо или некое друго слатко, а ќе уживате во неверојатно слаткиот вкус, кој не може да се спореди со вкусот на индустриските слатки. Извор: Курир.мк

Моќен плод на природата: Доволни се само 3 дневно за да ги почувствувате овие 8 промени во организмот

Слободанка Илиева — Thu, 02 Feb 2023 13:02:18 +0000

Урмите содржат неверојатни состојки – освен бакар, калиум, манган, влакна, магнезиум и витамин Б6, тие ги содржат и речиси сите витамини. Урмите го подобруваат дигестивниот систем. Доколку имате проблеми со дигестијата или постојана констипација, нутриционистите препорачуваат консумација на урми. Освен тоа, лекуваат и проблеми како хемороиди. Овој плод содржи многу магнезиум, така што може да ја ублажи болката и да помогне при отоци, но и да го намали артериското воспаление и ризикот од срцеви заболувања, како и артритис. Урмите се многу здрави за консумација во бременоста – 69 жени кои биле тестирани и кои консумирале урми за време на бременоста имале помалку болки за време на породувањето. Урмите се вистинска суперхрана која го штити организмот од кардиоваскуларни болести. Нивните здравствени придобивки се многубројни, а еве ги најважните 8: Богати се со железо Урмите се одличен извор на овој важен минерал и затоа им се препорачуваат на трудници, деца и луѓе кои патат од анемија. Спречуваат дијареја Урмите се богати со калиум, кој ја олеснува работата на цревата и го стимулира развојот на добри бактерии. Помагаат при констипација Урмите освен што спречуваат дијареја, го решаваат и проблемот со констипација. Ја чуваат витката линија Доколку сакате да спречите таложење на масни наслаги, обидете се да јадете по неколку урми секој ден на празен стомак, пишува „HealthyDefinition“. Но, внимавајте да не претерате – тие се полни со шеќер. Го регулираат холестеролот Урмите докажано го стабилизираат нивото на лошиот холестерол, така што ги чистат крвните садови и имаат моќ да спречат формирање на крвни згрутчувања. Го зајакнуваат срцето Редовното консумирање урми ја спречува појавата на атеросклероза, главната причина за срцев удар. Го регулираат крвниот притисок Доколку страдате од хипертензија, слободно можете да јадете урми бидејќи тие не содржат натриум, а изобилуваат со калиум. Исто така, 6 урми содржат речиси 80 милиграми магнезиум, што е многу важно за здрава циркулација на крвта. Спречуваат мозочен удар Благодарение на калиумот кој го содржат, урмите можат да спречат мозочен удар доколку редовно ги консумирате. извор:точка.ком.мк

Една секое утро на празен стомак го забрзува метаболизмот и го топи салото

Слободанка Илиева — Mon, 21 Nov 2022 12:47:41 +0000

Природниот шеќер кој се наоѓа во урмите е совршена алтернатива за обичниот шеќер. Лесно се варат и го намалуваат чувството на глад, а по својот состав се вистинска природна мултивитаминска „таблета“ која можат да ја консумираат и деца и возрасни. Од анемија преку висок крвен притисок, холестерол па сè до рак – речиси и да нема болест која не може да се лекува со урми, а многу експерти советуваат дека треба редовно да ги консумирате. Анемичните пациенти треба да јадат што повеќе урми, бидејќи тие се одличен извор на магнезиум. Урмите содржат и калиум, кој е корисен за ублажување на дијарејата. Освен тоа, овој плод помага во побрзо обновување на цревната флора, а со редовната консумација ќе им олесните на цревата да создаваат добри бактерии. Консумирањето урми 4 недели пред породувањето може да ги олесни породилните болки кај мајките и да го намали крварењето. Жените кои пред породувањето јаделе урми, се породиле полесно и побрзо за разлика од оние жени кои не го јаделе ова овошје. Поради високиот процент на хранливи материи, урмите предизвикуваат чувство на ситост и го олеснуваат слабеењето. Ако јадете урми на празен стомак, тие ќе ја регулираат работата на цревата и ќе му го обезбедат потребниот шеќер на организмот. Лицата со слабо срце можат да го користат ова неверојатно овошје – потопете ги урмите заедно со семките во вода, а наутро отстранете ги семките, сомелете ги во блендер заедно со водата и консумирајте неколку пати дневно за зајакнување на срцето. Исто така, урмите имаат способност да го намалат нивото на лошиот холестерол во телото. извор:точка.ком.мк

Игор Џамбазов со викенд „мени“ препорака : Место урда, урми јади… (ВИДЕО)

Антонио Димитриевски — Sat, 01 Feb 2020 09:35:17 +0000

Македонскиот актер, водител, музичар, писател, шоумен... или подобро речено „се' живо во едно“ - Игор Џамбазов сфати дека начинот на исхрана е важна компонента во животот! Особено во поедини денови... Како ден пред викенд, да речеме! Овошјето спаѓа во здрава храна, па затоа Џамбаз реши длабоко да им го препорача на поединци од нацијата... Чисто како замена за дериватите на млекото и некои млечни производи кои содржат многу маснотии, како урда, на пример. Затоа маестро Џамбазов им препорача: „Место урда, урми јади...“! „Урмата е најздравото овошје на светот. Ја викаат уште и пустински леб или овошје на боговите“ - вели во објаснувањето на својата викенд мени препорака шоуменот и потенцира: „Се јаде само во петок. Мојата животна теза стана...“ - раскажува Џамбазов. Која му е тезата? Погледнете во видеоклипот, со дополнителна препорака: „Ако е малку само во петок, викенд менито може да прерасне и во неделно. Понеделник, вторник и четврток - може, а урмите на менито никако не одат во среда, сабота и недела! Зошто? Веројатно за да има логика... мени (пре)пораката! Впрочем, погледнете го клипот и веднаш се' ќе ви биде појасно што сакал маестро Џамбазов да каже:

View this post on Instagram

Урми...

A post shared by Игор Џамбазов (@igordzambazov) on Jan 30, 2020 at 11:03pm PST

Зошто треба да јадете урми на празен стомак ?

Михаела Христова — Mon, 02 Dec 2019 13:45:38 +0000

Урмите уште се нарекуваат здрави колачи кои растат на дрво. Тие претставуваат слатко овошје кое по изгледот се слични на маслинките (имаат плод и семка). Растат собрани во гроздови, на палми, лесно се берат, чуваат и транспортираат и се многу важен дел од животот и историјата на Арапските Земји. Со тек на време, од Арабија се пренесени во Египет, Азија и Европа. Урмите имаат широк спектар на здравствени и нутритивни вредности кои претставуваат најздраво овошје на светот. Одличен извор на растителни влакна кои му се неопходни на телото за добро работење на цревата. Природниот шеќер што го содржат е совршена алтернатива за обичниот шеќер. Лесно сварливи, го намалуваат чувството на глад, а освен со јаглехидрати изобилуваат и со витамин Б6, витамин А, фолна киселина и минерали(железо, магнезиум, бакар, калциум).

Хранливите материи најдобро би се искористиле доколку изедете неколку урми на гладен стомак.

Одлични се за подобрување наослабена крвна слика, бидејќи содржат многу железо.
Содржат лутеин и зеаксантин, кои уште се нарекуваат “витамини за очи”, неопходни за добро здравје на очите.
Бидејќи содржат калиум поволно делуваат придијареа, покачен крвен притисок и превентивно против мозочен удар. Исто како што спречуваат дијареа, така можат да делуваат за побрзо варење на храната.
Неколку урми потопени во вода, преку ноќ, пуштаат сок, кој делува лаксативно и ги стимулирамрзливите црева.
Содржат фосфор, кој има важна улога како храна за мозокот.Од таа причина урмите се препорачуваат во исхраната на оние кои се бават со интелектуална работа.
Имаат способност да го намалат и лошиот холестерол.
Урмите го зајакнуваат телото и зголемуваат нивото на енергија, па ја зголемуваат и сексуалната издржливост.
Содржат и флуор, значаен минерал неопходен во борбата против кариес кој спречува крварење на непцата.

Идеални се за оние кои постат, но и оние кои се на диета, затоа што го зголемуваат чувството на ситост. Но не претерувајте со јадењето, бидејќи сепак се висококалорично овошје.

Чоколадирани урми со таан

Моника Пејоска — Fri, 27 Oct 2017 10:02:47 +0000

Одлична комбинација, која мора да ја пробате, а се подготвува многу брзо и едноставно. Состојки:

неколку урми
по потреба таан
100 гр чоколадо
3 лажици масло

Доколку урмите се со семка се засекуваат по должина од едната страна, се вади семката, се полнат со таан, се затвораат и се прелеваат со чоколадо (растопено на пареа, со 3 лажици масло). Се чека да се стегне чоколадото, па уште еднаш се прелеваат за да се добие подебел слој на чоколадо. Извор: Моирецепти.мк