уникатна – Вистина.мк

Срце од ајвар: Ноне доби најнеобична роденденска честитка од најсаканата личност! (ФОТО)

Антонио Димитриевски — Tue, 28 Sep 2021 06:37:23 +0000

Роденден е денот што го чекаме цела година... Само што некои го чекаат дома, некои но бекој локал, кафеана, кафетерија, клуб, дискотека, игротека... Зависи од возраста, желбите. замислите и можностите. Но, има некои што роденденот ќе го дочекаат далеку од дома, а сепак опкружеени со најблиските, најмилите, најдрагите личности во мислите... Некогаш ним роденденот на далечина им го честитавме со писма и телеграми, денес за среќа сето тоа оди многу побргу или за миг, преку современите можности на денешната технологија, интернетот и социјалните мрежи. Роденден славиме сите, секако и познатите личности, или барем оние кои некогаш тоа биле... А денес се токму далеку од дома, живеат и работат некаде таму по белиот свет, како што е случајот со некогашната македонска поп ѕвезда, пејачката Нона Неделковска или само Ноне. Токму денес, 28 септември на македонската „џепна венера“ и е роденден. Сто пати сме рекле дека на дамите не им се бројат годините, особено не на Ноне, зашто според нејзиниот младешки „бејби фејс“ изглед, ако не и ги знаете и да сакате не можете да и ги изброите. „Најшетаната велешанка“ во моментов повторно не е дома... Крстари преку седум мориња и океани, работејќи веќе со години на прекуокеанските крузери. Но тоа не значи дека роденденот не го слави...Или пак случајно најблиските и пријателите и го заборавиле. Напротив, уште од рано изутрина на нејзиниот Фејсбук почнаа да пристигаат роденденски честитки во вид на бројни пораки... Со најубави „желби рој“, емотикини на љубов, среќа и радост..., со по понекоја фотографија! Нај печатлива, но и науникатни, најкреативна и веројатно најмногу полна со љубов роденденската честитка од мама Мимоза! Цвеќе, бомбони, балони, емотикони, чоколади, пијалак... сето тоа веќе сме го виделе безброј пати во роденденските честитки и е очекувано да се сподели покрај убавите зорови. Но, она што мајка и на Ноне и го „спакува“ како фотографија со роденденска честитка, навистина ретко се гледа. Или поточно - се гледа за прв пат и затоа е ем оригинално, ем уникатно, ем „златно“! Две недели претходно ќерката и го честиташе роденденот на мајката, а сега мама и возврати на себесвојствен начин: Две срценца од тазе подготвено ајварче, со свеќички што горат во нив, два пати по три парченца сирење, едно варено јајце и чаша свежо цеден овошен сок. Сето тоа прекрасно гарнирано со свежи цветчиња и сервирано во чинија на масата како роденденска појадок честитка за својата ќерка. Да се стопиш од среќа, а и прсти да излижеш... Секако во првата прилика кога „форевер јанг“ Нона ќе се врати дома. Роденденот нека и е среќен, најсреќен... честитка и од редакцијата на Вистина.ком.мк! Фото: Инстаграм принтскрин/nona.nedelkovska

Тијана прва и го честиташе роденденот на сестра и Тамара со заедничка желба (ФОТО)

Антонио Димитриевски — Mon, 01 Jun 2020 06:58:53 +0000

И малите деца знаат дека роденден е денот што го чекаме, цела година... До душа, најмногу кога сме деца, но и возрасните подеднакво му се радуваат на денот кога се родени, една година позрели, повозрасни, поискусни... А токму денес , 1-ви јуни е денот кога пред не е важно колку години, зашто на дамите не им се бројат годините е родена, нашата пејачка Тамара Тодевска. Откако пред неколку дена одново стана актуелна во јавноста (иако рака на срце, никогаш и не престанала да биде) со новата песна „Слобода“, Тамара денес одново има повод за славење. А кога се слави роденден, правилата се јасни: едната страна чести и прима честитки, а другите честитаат и подаруваат... Не е важно кој што: Од убави зборови и желби, преку ситни и покрупни подароци, до емоции. Кој што и колку има, а и колкаво и колку широко срце поседува. Фото: Инстаграм принтскрин/Мартин Трајановски И бидејќи „крвта не е вода“, кој прв побрза со роденденските честитки, ако не таа - нејзината сестра Тијана. Познато е дека сестрите не само што се крвно, туку и многу емотивно се поврзани, особено, откако Тамара влезе во брачните води и се реализираше како мајка, па оттогаш секогаш кога е тоа можно, физички се заедно, но и кога се разделени, се чини дека се во мислите неразделни. Затоа постарата побрза и јавно, преку социјалните мрежи прва да и го честита роденденот на својата помала дадичка. Подарокот можеби ќе стигне подоцна, и веројатно ќе биде единствен како и честитката, ама затоа желбата на Тијана уникатна и... заедничка: „Љубов моја прва, среќен нека ти е роденденот, да си здрава, среќна и насмеана цел живот, и пак да бидеме слаби како на оваа слика... Те сакаааааам“ - напишала Тијана во роденденската порака до Тамара, покрај заедничката фотографија, веројатно од пред неколку години, кога Тијана ја претставуваше Република Македонија на „Евровизија“, а Тамара беше придружен вокал на сестра и. Очигледно, посткарантинската „слобода“ покрај тоа што Тамара ја дочека со нова песна, сестрите од изолација по се' изгледа излегле и со по некој килограм повеќе. Како и да е, пораката - една, желбите - рој... Нека им се остварат и на обете, а роденденот...? Среќен нека е и од нас! Фото: Инстаграм принтскрин

И Елена Велевска прати поздрав од плажа и доби бумеранг од комплименти: „Фантастична, магична, стра(х)отна, уникатна, неверојатна…“ (ФОТО)

Антонио Димитриевски — Tue, 31 Jul 2018 07:50:57 +0000

Македонската фолк ѕвезда Елена Велевска замина на неколку дена заслужен одмор. Морето е вистинскиот избор, а јужниот сосед беше вистинската дестинација за пејачката. Малку Паралија, малку Литохоро, Елена ужуваше во одморо(т)... На плажа, на лежалка, на шанк или крај базен, таа различно го трошеше времето секој нов ден.

А кога Елена ќе се појавеше во бикини, ги мултиплицираше летните жештини... Со тело на риба и чекор на мачка, македонската пејачка ги засени и Гркинките и странкињите на една од најпознатите плажи, „Ле Мун“, каде навистина има што да се види зашто таму доаѓа одбран свет.

Згодна, раскошна секси, со заносни облини, Велевска му ги сервираша сите свои телесни атрибути на фотообјективот, кој вредно го бележеше секој нејзин потег, секое нејзино движење, секоја нова поза...

А, постираните фотографии кои преку нејзините профили осамнаа на социјалните мрежи, нејзините обожаватели и следбеници ги опсипаа со редица комплименти, па ја пофалија Елена во сите сегменти!

Од срциња и епитети од типот: „Па, Боже мој, каква е оваа убавина... Македонија е прекрасна земја“, преку: „Фантастична“, „Магична“, „Убавица“, „Прекрасна дама“...

...До оние испратени од нашиот источен сосед - Бугарија, каде нашата фолкерка очигледно станува се' попопуларна: „Страхотна, Уникална, Невероятна, Прекрасна,Чудесна и сексапилна, Секси красавицата, Жена танцьорка... Моят любим певицата Елена Велевска, Секси бебе...“

На езеро, на море, крај базен, на суво или во вода, Елена Велевска е дефинитивно риба и пол во секоја пригода!