улога – Вистина.мк

Во „Преспав“ јавноста дозна која е Исаура, а на снимањето филмот за Џеј – „Недела“, Емра Куртишова дозна дека е бремена, но и дека татко и нема да го дочека раѓањето на нејзината ќерка Лена (ВИДЕО)

Антонио Димитриевски — Wed, 07 Feb 2024 07:33:33 +0000

Иако за љубителите на театарската уметност и претходно не беше анонимна, особено за помладата публика како професионален актер во „Театарот за деца и младинци“ во Скопје, пошироката јавност сепак ја запозна дури по емитувањето на третата сезона на популарната македонска серија „Преспав“, кога се појави во ликот на собарката Исаура, која му стана голема љубов на рецепционерот Талат. Актерката Емра Куртишова со оваа улога преку ноќ ја освои публиката, па како еден од познатите и популарни ликови во „Преспав“ стана етаблирана актерска ТВ ѕвезда за која јавноста и медиумите почнаа се повеќе да се интересираат и почесто да ја третираат. Порталите на своите насловници, ТВ емисиите како гостинка во нивните најнови изданија, Јутјуб просторот и подкастерите исто така неретко ја седнуваат пред камерите... Исклучок не направи ниту најстариот и најгледаниот естраден ТВ магазин кај нас, „Бекстејџ“ кој во интервју пред камерата ја седна актерката за која се повеќе гласно се зборува. Особено по уште едно маестрално остварување, овој пат регионално и на големото платно, откако одлично ја одигра улогата на мајката на починатата естрадна ѕвезда Џеј Рамадановски, во неговиот автобиографски филм „Недеља“, чија премиера се прикажува и во Македонија. Како што по некое непишано правило убавите случки се случуват случајно, така и Емра станала дел од актерската екипа на филмот за животот на Џеј. Како ја добила улогата, дали знаела воопшто нешто за животот на пејачот претходно, кој и помогнал во снимањето на пробното домашно кастинг видео, како течел процесот на градењето на улогата... За свадбата, бременоста, загубата на таткото непосредно по стапувањето во брак, за поврзаноста со него и последните денови и мигови пред тој да замине од овој свет, за болката кога додека била бремена сфатила дека татко и нема да го дочека раѓањето на нејзината ќерка... И за уште некои непознати нешта за неа, македонската актерка Емра Куртишова „ја отвори душата“ пред камерата на „естрадниот ТВ магазин од зад сцената“. Погледнете го видеото во продолжение...

Карлеуша ќе се проба како актерка во српска серија каде доби улога

Слободанка Илиева — Fri, 05 Jan 2024 11:54:33 +0000

Јелена Карлеуша и Лазар Ристовски веќе некое време се во одлични односи. Кога сите ја нападнаа поп-дивата, почнувајќи од медиумите, преку јавноста, па дури и неговите колеги актери, актерот застана на нејзина страна, а многупати пред тоа зборуваше со пофалби за неа. - Случајна средба и пријатен разговор со жена, вистинска суперѕвезда. Со дама која има отворен ум и остар јазик. Таа и Басара му се потребни на секое општество бидејќи тие се огледало што не лаже и не разубавува. А во исто време се и многу смешни - изјави драмскиот уметник и режисер, кој најверојатно подготвува нова серија, а во неа нема да се појави никој друг туку Карлеуша.

View this post on Instagram

A post shared by Jelena Karleuša (@karleusastar)

Според Курир.рс Јелена добила епизодна улога, а се било договорено пред неколку месеци. Не се познати сите детали, но како што стојат работите во моментов, снимањето најверојатно ќе започне напролет. Станува збор за сериозна продукција, која ќе им парира на светската, а преносот се очекува кон крајот на оваа или почетокот на следната година.

View this post on Instagram

A post shared by Lazar Ristovski (@lazar.ristovski)

Јелена пред неколку дена го означи актерот под видео на својот Инстаграм, а таа му го кажа следното потврдувајќи ги донекаде наводите: - Новогодишните пораки повеќе не се она што беа! П.С.: Драг Лазаре, ти имаш ваков лик за пријател и не сме го потпишале договорот за најгледаниот филм на сите времиња - напиша таа додека тој немаше коментар за ова. Не се сомневаме дека Јелена Карлеуша и Лазар Ристовски ќе направат нешто поразлично и квалитетно доколку навистина соработуваат. фото:Instagram printscreen/ karleusastar/ lazar.ristovski

Празничен поздрав без шминка за добро утро: Јелена од Драчево задолжително е скоцкана, а онаа од реалноста е чиста спротивност (фото)

Слободанка Илиева — Mon, 01 Jan 2024 07:55:44 +0000

Од неодамна започна емитувањето на долгоочекуваната седма сезона на популарната македонска серија „Преспав“. Незгодните комични ситуации се во секоја сцена, а меѓусебните односи меѓу преспавци сериозно нарушени. Рецепционарката Јелена од Драчево се’ уште не го нашла својот принц на бел коњ, Тони и Марио се скарани, Ула и Коста пред развод...

View this post on Instagram

A post shared by Jelena Jovanova (@jelenajovanovaperic)

Онаа која е редовно напната и нервозна е Јелена која ја чека и верува дека нејзината вистинска прилика ќе се случи брзо. Ако за на рецепција не остава ништо да случајноста, секогаш скоцкана и средена од глава до петици, во реалноста Јелена од Штип, но со Хрватска адреса е реализирана сопруга и мајка и е тотално спротивна од улогата на Јелена од „Преспав“. За Јелена Јованова природнто е она издание што повеќе го преферира, особено кога е слободна и нема снимања. Па така, овој пат актерката прати еден поздрав за добро утро на своите следбеници на Инстаграм. Празнично џемперче, ноншалантно пуштена коса и насмевка како најубавиот аксесоар за убав почеток на денот. Па и што треба повеќе? Каква енергија праќаш, таква и привлеккуваш. Јелена од Драчево или Јелена Јованова иста, ама така разлилна со една главна нишка меѓу двете- уникатноста! фото: Instagram printscreen/ jelenajovanovaperic/ jelena_dracevo

Старлетата распиша јавен конкурс: Леа бара глумец што ќе игра со неа во нејзиниот филм… за возрасни (ФОТО)

Антонио Димитриевски — Thu, 28 Dec 2023 12:29:24 +0000

Контроверзната старлета и Only fans ѕвезда, Леона Леа Келер преку социјалните мрежи сподели скокотлива објава. Имено, Леа обзнани со повик дека бара заинтересиран маж за да сними „филм“ со неа, кој ќе биде објавен на нејзиниот профил на оваа платформа. Инаку, Леа Келер со години е една од најпопуларните девојки во регионот, која се одликува со својот провокативен изглед и со уште попровокативното однесување. Дали ќе успее во намерата останува да видиме. За каков филмски жанр се работи можете само да претпоставите, а многу покјано ќе ви стане доколку го погледнете нејзиниот Инстаграм профил. Какви се времињата и и колкаво количество на „сексуално загрозени“ на метар квадратен има во регионот, повеќе од јасно е дека на расната старлета бргу ќе и се оствари планот. Дури конкуренцијата ќе биде толку голема, што ќе може како лубеници да ги бира... И тоа по величина, се разбира! Фото: Фејсбук/

Во исчекување на 7-та сезона на „Преспав“ осамнаа нови снимки, а во нив урнебесен спој на Марјана како Росана заедно со Ула, Марио и инспектор Томе (видео)

Слободанка Илиева — Fri, 01 Dec 2023 10:27:19 +0000

Актерска екипа на популатниот македонски ситком „Преспав“ неодамна најави дека работеше на снимањата од седмата сезона. Емитувањето треба да започне овој месец декември, а веќе е најавено и препознатливото новогодишно издание. Верната публика е во исчекување на датум со најава, а сега на Инстаграм профилот на Преспав осамнаа видео снимки најверојатно од новите епизоди. За загревање на старт имаме разбирливо ултра смешни сценарија од кои во сите ја има ТВ водителката Марјана Станојковска која се вика Росана и работи за ТВ Ресенко и серијалот „Луѓето на Преспа“. Таа доаѓа во посета на „Преспав“ и со прашања на публиката ги интервјуира Марио, Ула и виш инспектор Томе. Секој си зборува за своето, Марио за македоската кујна, инспекторот за мито во пансионот, а Ула за љубовта со Коки.

View this post on Instagram

A post shared by Преспав (@pansionprespav)

Урнебесни, оригинални, неповторливи... Совршено загревање за она кои допрва ќе имаме моженост да го гледаме и да се смееме до солзи.

View this post on Instagram

A post shared by Преспав (@pansionprespav)

Дотогаш нека ви тргне на убаво со интервјуата на Марјана ала Росама, Ула,Томе и Марио:

View this post on Instagram

A post shared by Преспав (@pansionprespav)

фото+видео: Instagram printscreen/ pansionprespav

Многу наскоро започнува новата сезона на „Преспав“, а еве која позната водителка ќе добие шанса да се покаже како актерка (фото)

Слободанка Илиева — Tue, 07 Nov 2023 08:04:56 +0000

Неодамна започнаа снимањето на седмата долго очекувана сезона на најгледаната македонска серија „Преспав“. Актерската екипа, Тијана Дапчевиќ, Игор Ангелов, Горан Стојановски, Игор Стојчевски, Васил Зафирчев, Јелена Јованова, Дритон Вејсели, Игор Џамбазов, Адриан Азири, повторно се собра на сет и започнаа со снимања на новите епизоди кои во декември ќе започнат да се емитуваат на МРТВ. Оваа убава информација наедамна за армијата верни гледачи ја сподели Игор Џамбазов или брат Миле во поткастот кај Лазаров каде кажа: -Преспав ќе биде хаос. Не знаат што да му прават, а оваа сезона ќе биде ексклузивен ресорт. Ула ќе биде главна, Марио и Тони се во кавга, Исаура е трудна од Талат. Преспав повторно се обидува да стане светски хотел, а не може да се помири со судбината дека е еден обичен пансион, откри Игор. Ако вели дека ќе биде хаос, значи сигурно треба да се очекуваат урнебесни епизоди кои ќе не насмеат до солзи. Меѓутоа, освен актуелните актери, во една од епизодите во серијата ќе се појави и една наша македонска водителка, веќе искусна пред камерите на „Преспав“ и тоа по третпат. Имено, станува збор за Марјана Станојковска, која очигледно им се допадна на режисерите, па решија да и ја задржат улогата на репортерка што ја имаше од претходните сезони. Таа во кусите приказни на „Инстаграм“ објави фотографија од студиото за време на снимање, облечена во секси црвен фустан, подготвена со сценариото од најави во рацете. Водителката снимаше и дел од атмосферата и делумно покажа како изгледа пансионот во седмата сезона. Освен Марјана која ќе се појави третпат во „Преспав“, од претходните сезони можевме да ги видиме со мини улоги и Лила Филиповска, Тамара Тодевска, Сара Мејс и Катарина Ивановска.

Игор Џамбазов на шест години: Преслатко русокосо момче кое ќе ве потсети на седумдесеттите (фото)

Слаѓана Атанасова — Thu, 19 Oct 2023 06:59:52 +0000

Македонскиот шоумен Игор Џамбазов важи за еден од ретките личности од Македонија кој уште од мали нозе и е познат на јавноста, а малкумина се сеќаваат на неговата улога во неговиот прв филм од седумдесеттите. Имено, на социјалната мрежа Инстаграм, Игор репостираше видео од него на шестгодишна возраст, каде можеме да го видиме неговиот ран талент од старата видео снимка. - Игор Џамбазов на 6 години во неговиот прв филм "Македонскиот дел од пеколот" (1971). Филмот е прогласен за најдобар филм во тогашна Југославија во 1971 година - стои во описот кој сите ги потсети на едно друго далечно, а сепак за многумина, незаборавно време.

View this post on Instagram

A post shared by цитирано (@citirano.mk)

Ова видео на социјалната мрежа Инстаграм со малото русокосо детенце , привлече многу големо внимание, а коментарите не престанаа да се нижат, особено од генерациите кои растеле во тој период, а сега им се чини како тоа да било вчера. „Преслатко детенце“, „Голем талент“, „Ваков човек не се раѓа повеќе“, „Прекрасна изведба“, а некои се пошегуваа дека тогаш дури бил и подобар од она што е денес. „Игор си е Игор - невиден талент, убавец (повеќе тогаш, отколку сега)...Се разбира се шегувам...“ - низ смеа му пишуваа воодушевените следбеници кои не останаа рамнодушни откако ја погледнаа снимката и се потсетија на филмот од старите добри времиња. А Игор им најави дека наскоро во „стори“ ќе има и линк за гледање на филмот „Македонскиот дел од пеколот“ во кој покрај Џамбазов во улогите се појавуваат, Коле Ангеловски, Петре Прличков, Петар Арсовски, Дарко Дамески… Фото: Принтскрин/Инстаграм/Игор Џамбазов

Нејзината желба за малку ќе се исполнеше: Едита Арадиновиќ ја пропушти можноста да стане актерка, а еве зошто (фото)

Слаѓана Атанасова — Tue, 17 Oct 2023 06:56:09 +0000

Едита Арадиновиќ повеќе од една деценија повеќе или помалку успешно се занимава со музика. Имала различни планови, но секогаш кога сакала да ги реализира нешто ја спречувало, па првиот албум го објавила дури по 13 години поминати на естрадата. Во меѓувреме имаше неколку успешни синглови и неколку дуети, но освен тоа сакаше да се испроба и на некои други работи за кои сонуваше уште од детството. Еднa од нив била да игра на филмското платно и таа за малку ќе го направеше и тоа. Како што дознаваме од извор близок до пејачката, Едита добила улога во филм кој се уште се снима и може да биде многу успешен со оглед на тоа дека се работи за голем проект од кој се очекува многу. И веќе се беше договорено и подготвено, но во последен момент беше исфрлена од проектот. Точната причина за ваквата одлука на продукцијата е, како што дознаваме, големиот скандал кој се случи пред неколку месеци, кога во јавноста беше објавено видео на кое се гледа тепачка помеѓу Едита и нејзината сестра Индира Инди Арадиновиќ. За тоа со денови се пишуваше во медиумите и на социјалните мрежи, се разбира во нулогаегативен контекст. Затоа продуцентите решија да ја откажат соработката со Едита, бидејќи не им одговара во нивниот проект да има личност која имала ваков скандал во блиското минато. На Едит ова и било многу тешко и со денови не се чувствувала добро, а често и плачела. Дека и денес и е тешко бидејќи остана без филмска улога, може да се заклучи од нејзините изјави во кои истакнува како тепачката со сестра и ги уништила плановите. Фото: Принтскрин/Пинк Тв

Принцот Хари за минатото на својата сопруга и нејзината улога во „Suits“: „По експлицитните сцени на Меган ми требаше терапија“

Слободанка Илиева — Fri, 29 Sep 2023 09:03:03 +0000

Улогата на Меган Маркл во серијата „Suits“ повторно се коментира, откако серијата од пред неколку месеци е достапна и на „Netflix“. Голема бура предизвика нејзин поранешен колега, партнер од серијата, Патрик Адамс, којшто неодамна објави досега невидени фотографии од ова остварување. Станува збор за експлицитни фотографии. Тој се извинил што го направил тоа, а принцот Хари пред тоа ја коментирал оваа актерска задача на неговата сопруга. „Згрешив што го пребарував и ги гледав нејзините љубовни сцени на интернет. Особено меѓу неа и нејзиниот колега во канцеларија. Ми беше потребна терапија со електричен шок за да ги исфрлам тие слики од главата. Таквите работи не треба да ги гледам“, наведува во своите мемоари „Spare“ принцот Хари кои беа објавени на почетокот на годинава. Хари во споменатата книга навел дека британското кралско семејство се мешало во снимањето на таа серија, што Меган тешко го поднела затоа што „ја сакала таа серија“, односно го сакала ликот којшто го толкувала, колегите актери и целата постава – ја сакала Канада. Експлицитните сцени се дел од актерската професија и актерите за жал поради тоа се изложени дури и на критики и разни погрешни и површни коментари. А, објавување фотографии без дозвола на оној којшто е на нив е прилично навредливо и непристојно, што го признал и Патрик Адамс, а за неговото извинување пишува и „Daily Mail“. Меган Маркл глумела во серијата „Suits“ со години, а потоа се откажала од улогата, но и актерството поради врската со Хари. Токму сцените од таа ТВ приказна се користеле против неа кога се дознало за романсата на Меган и Хари, односно за нивната венчавка, со цел да се наруши нејзината репутација. фото: Profimedia

Сузана Турунџиева не е бајачка, но за Атиџе изработи амајлија против уроци, а по она што го откри Игор Џамбазов навистина ќе и треба (фото)

Слободанка Илиева — Thu, 14 Sep 2023 07:54:41 +0000

Атиџе Муратова е жената која според Сузана Турунџиева ги поседува сите одлики што го красат човекот. Откако се запознаа нивното пријателство стои на високо ниво, едноставно го негуваат и попстојано една за друга взаемно си прават убаво на душата. Сузана во една прилика од своите објави на социјалните мрежи за Атиџе кажа: Сакам скапоцени луѓе... Со скапоцен карактер... Со чист образ... Со добро срце... Со ЗБОР кој го одржуваат... стои во објавата. Турунџиева периодов почна да собира каменчиња и да ги слика со интересни мотиви, а крајното дело изгледа декоративно и уникатно. Еден таков подарок изработи за својата драга пријателка Атиџе, а станува збор за амајлија која ќе ја штити од лоши погледи и луѓе. Во коментарите од приложената фотографија каде се седнати една до друга се појави коментар од нашиот познат шоумен Игор Џамбазов кој откри дека Атиџе повторно ќе ја гледаме на филм. -Да ја пофалам Атиџе. Денес, на снимањето на нашиот прв заеднички филм, беше брилијантна...поздрав и до Сузето, напиша Игор, а Турунџиева секако запзната со тоа му дополни дека Атиџе и кажала дека на снимањето Игор многу ја расположил. Амајлијата ја доби во вистинско време, а веќе искусната медената хероина останува да почекаме за да ја видиме во некое поинакво светло пред филмската камера. фото:Инстаграм принтскрин