Водителката на емисијата „Балканска улица“, Весна Дедиќ ги откри деталите за разводот: „Лошиот брак е воз од кој треба наврема да скокнеш, па макар ги скршил обете раце и нозе“

Антонио Димитриевски — Wed, 03 Nov 2021 11:36:19 +0000

Водителката на популарната ТВ емисија „Балканска улица“, Весна Дедиќ, пред неколку години се разведе од поранешниот сопруг Срѓан со кој ја има ќерката Ленка. Таа неколку пати отворено проговори за разводот, а истакна дека тој период и бил многу тежок. Сега признала дека нивната врска не функционирала како што таа сакала, поради што веднаш решила да пресече и да стави крај. „Тврдам дека нема ниту жена, ниту маж кој се развел во афект, лесно откажувајќи се од заедницата. Се разведов кога сфатив дека ќерка ми нема грижлив татко, ниту пак јас имам маж кој ме сака. Не би навлегувала во детали за нашата врска. Јас одамна изјавив дека лошиот брак е воз во движење од кој треба навреме да се скокне, дури и да ги скрши двете раце и двете нозе. Моите колкови се' уште се малку изместени поради тој скок, но оваа станица каде што сум е секако подобра од онаа на која што би ја стигнала ако останев во лош брак“. Весна истакнува дека разводот никогаш не е толку тежок како напорните и болни ноќи додека не сфатите дека ќе треба да донесете одлука за цената што ќе ја плати детето: - Им се восхитувам и им завидувам на паровите кои продолжија заедно да се грижат за детето, емотивно и финансиски, дури и по разводот. Немам толку среќа. Морав да обезбедам покрив над главата, основна егзистенција, но и да ја понесам одговорноста за одлуките важни за воспитувањето на ќерка ми. Тоа ми беше најтешко, тоа прашање дали сум добра мајка која мора да биде и татко. Тешко е да се биде самохрана мајка во Србија бидејќи српските плати на повеќето образовани жени не ги задоволуваат потребите за изнајмување стан, храна, комуналии, а да не зборуваме за облека, одмори, патувања...“ - изјави Весна. Фото: Инстаграм принтскрин/dedicvesna

Весна Дедиќ откри дека никогаш веќе нема да ја покани Калиопи во својата емисија „Балканска улица“: „Таа доцнеше, а мене ми се закани со отказ… тоа никогаш нема да и го заборавам“

Христина Ѓоргиевска — Thu, 04 Mar 2021 10:25:57 +0000

Весна Дедиќ, познатата српска ТВ водителка и автор на популарната емисија „Улица Балканска“ која по долги години на РТС однеодамна се емитува на српската ТВ Нова која се гледа и во Македонија, раскажа интересна приказна. Имено, таа изјави дека повеќе никогаш нема да ја покани нашата пејачка Калиопи во својата емисија, бидејќи, како што тврди, не сакала да ја испочитува. „Никогаш веќе нема да и се јавам. Ми се јавија од македонската телевизија или нејзиниот менаџер беше, не се сеќавам точно, да ми кажат како би сакале таа да ми биде гостинка. Реков да, прекрасна жена, навистина ја ценам, ги сакам нејзините песни. Беше закажано интервјуто во 14 часот и јас подготвена ја чекам со тимот. Таа доцнеше, дојде два и пол часот продуцентите велат дека се слушнале доаѓа, и дека само што ја поминала патарината. Јас реков супер, ќе почекаме, нека дојде сега. На што таа одговори дека не сака веднаш да дојде, туку дека најпрвин сака да оди во хотелот да се нашминка, да се облече, а дека ние сме должни да ја чекаме“ - вели Весна и додава: „Ја повикав и и' реков: „Слушајте Калиопи, тука се собрани сите, камермани, сниматели, тонци, светломајстори кои имаат свое работно време и кои работат за плата. Ова интервју ви значи многу во вашата кариера. И да дадете интервју на РТС во Балканска улица еден час, тоа треба да ви биде чест. Не дозволувам никој да го малтретира мојот тим поради твојата шминка. Вие сте доволно големо име за да можете да се појавите пред камера со малку маскара и пудра“. Таа рече дека не доаѓа во предвид и дека сега ќе му се јави на тогашниот директор да му каже да ме отпушти, односно да ми даде отказ доколку не сакам да ја чекам. Јас и реков, слободно јави се. Таа не се појави на снимањето, јас не сакав да чекам неколку часа. Никогаш нема тоа да и го заборавам“ - заклучила водителката за „Свет“, пренесува српски „Блиц“. Дали овој настан има и друга страна, односно дали Калиопи ќе сака да ја раскаже и својата верзија на случката, останува да видиме, во отворената покана од нашиот портал Вистина.ком.мк каде секогаш има простор за двете страни на приказната! Фото: Инстаграм принтскрин/Јутјуб

улица балканска – Вистина.мк