твоето лице звучи познато – Вистина.мк

Нејзиното лице ви звучи познато: Даниел Кајмакоски во прегратки на познатата српската пејачка Едита Арадиновиќ (фото)

Христина Ѓоргиевска — Mon, 21 Jun 2021 07:00:25 +0000

Пејачот Даниел Кајмакоски веќе некое време живее и работи во Србија. Имено, по разводот од неговата сопруга, моделот Кристина Димитриевска, Даниел се пресели во соседството. Пред да започне короната, тој настапуваше по регионот, а учествуваше и во „Твоето лице звучи познато“ каде што ја однесе победата. Во истото шоу тој се стекна со пријатели, со кои се дружи и ден денес, а една од нив е и пејачката Едита Арадиновиќ. Имено, за време на ТЛЗП, Даниел и Едита одвреме – невреме знаеја да објават заедничко селфи и да си порачаат дека се сакаат, а изгледа тоа пријателство продолжи и по завршувањето на шоуто. Мали сигнали: Даниел Кајмакоски и порача на оваа српска пејачка дека ја сака, а сега имаше средба со истата! – Вистина.мк (vistina.com.mk) Имено, Кајмакоски во кусите приказни на „Инстаграм“ објави фотографија со Едита на која се прегрнати, а во описот напиша: „Случајно да налетате на една од вашите омилени човечки сушества, навистина е благослов“. Исто така пејачот обелодени дека подготвува нова песна која ќе излезе наскоро. Колку за потсетување, Арадиновиќ неодамна се најде во центарот на вниманието кога на социјалните мрежи ненамерно објави фотографија на која е потполно гола. Уште една пејачка како од мајка родена „случајно“ осамна на Инстаграм: Едита Арадиновиќ гола под тушот (ФОТО) – Вистина.мк (vistina.com.mk) Кајмакоски, пред некое време беше главна тема во медиумите кога се пишуваше дека му се слошило и заврши во болница, а наводно тој ја обвинил неговата поранешна сопруга дека му ставила нешто во кафето при нивната средба. Дали Кајмакоски и Едита се сретнале случајно или не, или можеби подготвуваат нешто заедно, останува да видиме.

Мали сигнали: Даниел Кајмакоски и порача на оваа српска пејачка дека ја сака, а сега имаше средба со истата!

Христина Ѓоргиевска — Tue, 20 Oct 2020 07:35:32 +0000

Даниел Кајмакоски по разводот со Кристина Димитриевска живее во соседна Србија каде што работи на професионалниот живот, а кога станува збор за љубовно поле тука не открива премногу детали. Кајмакоски претходната година учествуваше во регионалното музичко шоу „Твоето лице звучи познато“ каде што ја и однесе победата. Меѓутоа, една непријатна ситуација предизвика рекација и Даниел се најде во сите регионални медиуми. Имено, тогаш додека тој во Бекстејџ се подготвуваше за имитацијата на Тејлор Свифт и ги покажувал лакираните нокти, фоторепортерите го фотографирале додека ги држи рацете во форма на „двоглав орел“ или симбол на „Голема Албанија“. Пејачот тогаш се огласи и истакна дека немал никаква намера туку тоа била сосем случајна поза додека ги покажувал ноктите. Ова предизвика реакција кај медиумите, но и неговите колеги кои повеќето го поддржаа. Меѓу нив и српската пејачка Едита Арадиновиќ која тогаш исто така беше дел од ТЛЗП и му порача на Кајмакоски дека го сака. https://arhiva.vistina.com.mk/radio-mileva/po-skandalot-vo-tlzp-poznatata-srpska-pejachka-mu-se-zalepi-na-kajmakoski-vazno-e-deka-se-sakame-foto/ Меѓутоа, деновиве Даниел повторно се најде во студио и тоа на РТС (националната телевизија во Србија) каде што учествуваше во шоуто „Луда ноќ“. https://arhiva.vistina.com.mk/radio-mileva/luda-nokj-daniel-kajmakoski-se-najde-vo-drushtvo-na-devojkite-od-hurikejn-a-eve-koj-e-povodot/ Кајмакоски на својот „Инстаграм“ објави фотографии од атмосферата и селфи со некои од учесниците.

View this post on Instagram

A post shared by Daniel Kajmakoski (@daniel_kajmakoski) on Oct 14, 2020 at 3:49am PDT

На една објава, Едита му искоментира: Поздрав до двајца „лепотани“ и додаде симболчиња со срциња. Но, ни нашиот пејач не остана должен, па и порача дека ја сака. Набргу по овие два коментари, двајцата пејачи оставарија средба, а тој момент го забележаа со својот мобилен телефон. Поточно, Арадиновиќ во кусите приказни на „Инстаграм“ неколку минути пред полноќ сподели фотографија со Даниел, а во описот напиша: „Реунион“ односно средба. Дали Даниел и Едита се сретнале поради некоја музичка соработка, или можеби го освежиле пријателството од ТЛЗП или пак има нешто друго....останува да видиме.

View this post on Instagram

Ladies and Gents this is the moment you've waited for.. @editaaradinovic #thequeen #tlzp5 #allstars

A post shared by Daniel Kajmakoski (@daniel_kajmakoski) on Sep 25, 2019 at 9:18am PDT

Дачиќ се фати за микрофонот и направи хаос во „ТЛЗП“, Кајмакоски: „Не знаев дека е толку едноставен и интересен“

Христина Ѓоргиевска — Sun, 22 Dec 2019 09:38:33 +0000

Ивана Петерс и Даниел Кајмакоски ја однесоа победата во петатта сезона на „Твоето лице звучи познато“, а чекот од 23 000 евра го доделија на двегодишното момче Урош Матошевиќ на кого му неопходна помош за лекување. Исто така, целиот приход од гласовите ќе биде дониран во хуманитарни цели. Во финалето на „ТЛЗП“, Дубравка Мијатовиќ не беше дел од жирито поради оправдани причини, а заедно со Урош и Душан, во жирито седеа Харис Ѓиновиќ и министерот за надворешни работи Ивица Дачиќ. „Знам дека со Ивана феноменално си ја завршивме работата. Драго ми е што му помогнавме на дете чија помош му е потребна. Сакам да ги пофалам и останатите кандидати. Би ја пофалил малата Богдановиќ, која секој пат беше прекрасна, како и Жељко Шашиќ кој е одличен вокал, господин и има добра душа. Тој посебно ме изненади во оваа сезона, со еден збор – господин“ вели Даниел за курир.рс Во ревијалниот дел Ивица се фати за микфоронот и на сите им ги покажа своите вокални способности. Токму за Даниел, најголемо изненадување беше и Ивица. „Посебно ме изненади министерот Дачиќ. Јас не ја следев неговата работа, но не знаев дека е толку талентиран и дека пее толку добро. Направи хаос во студиото. Доказ дека е голем човек е тоа што по завршувањето на сите ни честиташе и разговараше со нас. Не можам да верувам дека е толку интересен и скроман. Меѓутоа, голема благодарност до Харис Ѓиновиќ. Кога ми ја честиташе победата, тој разговараше со мене. Беше најстручен во жирито, а неговите совети и комплименти ми значат многу бидејќи тој е стручен за музиката“ вели Кајмакоски. За потсетување, ова е втора победа на Даниел во шоуто „Твоето лице звучи познато“.

Даниел Кајмакоски со улогата на Сем Смит ја однесе победата во полуфиналето на „Твоето лице звучи познато“

Христина Ѓоргиевска — Mon, 16 Dec 2019 08:14:49 +0000

Македонскиот пејач Даниел Кајмакоски во полуфиналето на „Твоето лице звучи“ познато ја имаше задачата да се најде во улога на Сем Смит. „Мојот настап во полуфиналето е еден од најтешките бидејќи станува збор за голем пејач и емотивна балада“ изјави Кајмакоски. Со интерпретацијата на „Lay me down“, Кајмакоски успеа да ја разнежи публиката во студиото, но и публиката пред ТВ екраните. Жирито имаше пофални зборови за македонскиот пејач и ја пофалија неговата изведба. „Многу тешка песна. Господине уметник, чиста 10“ изјави Маринко кој беше гост член во жирито. „Сем Смит има 27 години и доби многу награди, доби Оскар за најоргинална музичка песна, и потоа ќе дојдеш ти, ќе го отпееш тоа, како за Холивуд“ изјави Урош. И останатите членови имаа позитивни коментари за Кајмакоски истакнувајќи дека неговиот настап изгледал нежно. Даниел во улогата на Сем Смит ја однесе победата во полуфиналето на „ТЛЗП“, а парите од победа ги додели на Никола од Скопје. По тој повод на својот „Фејсбук“ се огласи и Даниел кој им се заблагодари на оние кои гласале за него. „ Верував во себе и во својот настап, но не ни помислив дека ќе победам во полуфиналето, затоа што сите настапи беа фантастични! Ова ми беше голем предизвик, Сем Смит е врвен пејач, а Lay Me Down тешка, емотивна балада. Им благодарам на гледачите кои гласаа за мене ❤❤❤ на жирито и на моите колеги! Најважно е што мојата победа барем малку ќе помогне во лекувањето на Никола Михаиловски (19) од Скопје. Паричната помош од 1000 евра од емисијата ,,Твоето лице звучи познато" ја наменивме за Никола, се надевам дека неговата младост ќе го победи канцерот. За потсетување, Даниел исто така победи во четвртата сезона на „Твоето лице звучи познато“, а во петата учестуваат кандидати што биле од претходните сезони. Дали Даниел можеби повторно ќе однесе победата, останува да видиме. Во продолжение погледнете го неговиот настап.

Во претходната сезона со Рамштајн ја запали сцената, а сега Кајмакоски повторно ќе биде во негова кожа

Христина Ѓоргиевска — Fri, 06 Dec 2019 07:36:09 +0000

Во петатта сезона на забавно музичкото шоу „Твоето лице звучи познато“ имаме прилика да ги гледаме кандидатите од претходните сезони кои имаат задача да се најдат во улога на некоја позната ѕвезда. Меѓу учесниците е и Даниел Кајмакоски кој во досегашните емисии се најде во улога на Петар Грашо, Лејди Гага, Адам Левин, Тејлор Свифт и други. Досега тој добивише позитивни коментари за неговите имитации, но во претходната сезона со улогата на фронтменот на Рамштајн и песната „Бензин“ буквално ја „запали“ сцената. Тој тогаш успеа да го воодушеви жирито, а пејачката Лепа Брена имаше само пофални зборови за Македонецот. Јас станав фан на Даниел и Рамштајн, што значи одам на концерт. Ова се тешки актерски улоги, ова е шок за мене и сакам да го пофалам Даниел и целата продукција, кореографијата и палењето, мене трепките ми се запалија. Малку е ако кажам дека тој е вонсериски и одличен пејач. Толку добро го одглуми целиот настап, толку беше импресивен што реков - овој ќе не запали и навистина успеа во тоа со комплетниот перформанс“ изјави тогаш Лепа Брена. Деновиве Кајмакоси повторно се подготвува да ја повтори оваа сцена за која се зборува и денес. Имено, во најновата емисија тој повторно ќе се најде во кожата на Рамштајн, а како се тоа ќе изгледа ќе имаме прилика да видиме во недела на Сител телевизија. Веруваме дека и овојпат Кајмакоски ќе го покаже својот талент и дека уште еднаш ќе ја „запали“ сцената.

Калиопи ќе биде дел од „Твоето лице звучи познато“ (фото)

Христина Ѓоргиевска — Fri, 25 Oct 2019 07:09:54 +0000

Во новата, односно петта сезона на регионално музичко на „Твоето звучи познато“ учествуваат учесници од претходните сезони кои веќе биле дел од музичкото шоу. Така, во новата сезона учествува и македонскиот пејач Даниел Кајмакоски кој победи во последната сезона на „ТЛЗП“. Даниел во претходните неколку емисии се покажа како добро се снајде во своите улоги и ги исполни своите задачи, а во следната емисија ќе има задача да ја имитира Лејди Гага. Меѓутоа, освен Даниел во „ТЛЗП“ ќе се најде и македонската пејачка Калиопи Букле, но не во улога на имитатор туку во улога на член на жирито. Имено, таа на своите социјални мрежи сподели фотографија од студиото каде се снима шоуто и заедно со Урош Ѓуриќ и Душан Лагиќ и таа ќе ги оценува кандидатие. Освен, Калиопи како дел од жирито ќе биде и хрватската пејачка Северина, која на својот „Инстаграм“ сподели фотографија со колегите, а во описот напиша „Ние не сме анѓели 4“. За потсетување, ова не е првпат Калиопи да биде дел од музичкото шоу, и претходните години исто така беше дел од жирито. Инаку, македонската пејачка неодамна ја заврши својата турнеја по Босна и Херцеговина, а наскоро и продолжува со својата турнеја и во Србија.

Mарија Kилибарда му поласка на Даниел Кајмакоски: „Секогаш си божанствен, јас сум пристрасна кога си ти во прашање“ (видео)

Христина Ѓоргиевска — Mon, 21 Oct 2019 07:16:25 +0000

Во последната емисија на забавно – хуманитарното шоу „Твоето лице звучи познато“, Даниел Кајмакоски имаше задача да го имитира хрватскиот пејач Петар Грашо со песната „Ако те питају“. Пред почетокот на неговиот настап, водителката на „ТЛЗП“, го праша Даниел дали знае дека оваа песна се свири за свадбен танц. „Ова е единствена песна од Грашо што ја знам. Не знаев дека се свири, добро што ми кажа, да ја научам“ вели Кајмакоски. „Зарем пак???“ праша Марија иницирајќи дали Кајмакоски повторно планира да се жени. „Не, не, но ако треба некаде да ја пеам“ се пошегува Даниел. Даниел со брада и облечен во стилот на Грашо, на сцената на „ТЛЗП“ се обиде најдобро што може да го имитира својот колега од Хрватска. По завршувањето на неговата изведба, Марија му поласка на нашиот пејач како никогаш досега: „Мене секогаш си ми божанствен, јас сум пристрасна кога си ти во прашње, но сум и објективна“ изјави Марија. И жирито имаше убави и пофални зборови за Кајмакоски. „Даниел, навистина убаво пее, тоа не е спорно. Колку е комплицирана задача за еден пејач од Македонија, кој има потполно спротивни фигури во пеењето, потполно спротивни навики и страст и музикалност. Мене ми беше пријатно да те слушам, но мене ми е најважно што верно се обиде да ја донесеш неговата боја бидејќи многу е похрабро да влезеш во имитацијата отколку да браниш од имтитацијата.Мене ми беше пријатно, затоа и победи во една сезона, затоа што си фантастичан“ изјави Душан Алегиќ. „Твојата имитација од сите беше најтешка. Грашо пее многу грубо и високо. На моменти ми звучеше како Тони Цетински, на моменти како Оливер, но ти успеа низ настапот да го донесеш Грашо“ вели Урош Ѓуриќ. За потсетување, Даниел претходниот период се најде во центарот на медиумите бидејќи додека позирал со лакирани нокти ги ставил рацете во положба на двоглав орел, симбол на „голема Албанија“, поради што наиде на негативни коментари. По тој повод тој се огласи и истакна дека тоа не било намерно, ниту дека знаел дека тоа е симбол на „Голема Албанија“ и дека немал никаква намера. Имитацијата на Даниел како Петар Грашо може да ја погледнете во видеото подолу. https://www.youtube.com/watch?v=ZJD1Vp210gA

Марија Килибарда: „Никогаш никој не ме праша зошто сум ослабена?“

Христина Ѓоргиевска — Mon, 14 Oct 2019 09:12:07 +0000

Водителката на популарното шоу „Твоето лице звучи познато“, Марија Килибарда тврди дека доколку би требало да се маскира сака да се најде во улога на некој познат рапер со светла коса кој нема никаква сличност со неа. Таа вели дека сака да се забавува и да ги померува границите на професионален план, а и по 19 години искуство вели дека најголем комплимент е кога некој и вели дека пренесува позитивна енергија. „„Горда сум на тоа што останав доследна на себе. Сите мора да се прилагодуваме и да останеме доследни на времето во кое се наоѓаме, но ако си автентичен и свој од почетокот, тогаш си успеал да се прилагодиш на времето, а тоа значи дека си успеал и дека траеш“ вели водителката. Таа откри кое прашање не и го поставиле колегите, а сакала да биде прашана. „Никогаш никој не ме праша: „Добро Маро, зошто толку си ослабена?“ Можеби затоа што немале основа да го постават тоа прашање. Ова се шегувам на своите килограми кои стално варираат, па дури и по десет килограми“ вели Марија. Инаку, Марија може да ја гледаме како водителка и петтата сезона на „ТЛЗП“.

Неговото лице ви звучи ли познато? Даниел Кајмакоски со лакирани нокти во улогата на светската ѕвезда – поради една објава се огласи и продукцијата

Христина Ѓоргиевска — Tue, 08 Oct 2019 07:19:34 +0000

Новата сезона на „Твоето лице звучи познато – алл старс“ започна неодамна, а во неа ќе учествуваат учесници од претходните сезони кои веќе биле дел од музичкото шоу. Меѓу учесниците оваа година е и победникот на последната сезона, Даниел Кајмакоски. Даниел во претходната сезона одлично се снајде во улогата на Бруно Марс, Тина Тарнер, Мајкл Џексон. Во првата емисија тој имаше задача да го имитира Хју Џекмен од насловна песна на филмот „The Greatest showmen“, а за следната емисија му се падна Тејлор Свифт. https://arhiva.vistina.com.mk/radio-mileva/daniel-kajmakoski-so-odlichna-imitacija-vo-prvata-emisija-na-tlzp-poglednete-go-negoviot-nastap/ Овој петок ќе има многу интересни имитации, а екипата на српксиот портал курир.рс влезе во бекстејџ и откри како кандидатите се подготвуваат. Како што пишува порталот, македонскиот учесник, Даниел бил многу расположен на снимањето, па цело време бил насмеан и се забавувал. За да влезе потполно во улогата на Тејлор Свифт тој ги налакирал ноктите, а додека ги сушел ги прекрстил рацете како швајцарскиот фудбалер Џердан Шаќири кој со таква гестикулација го прослави погодокот против Србија. По ова случка, се огласи и продукцијата која истакна дека со ваквата гестикулација македонксиот пејач не сакал да пренесе порака. „Даниел за време на подготовката на Тејлор Свифт пред фоторепортерите ги покажуваше своите налакирани нокти во разни пози, а токму тоа е објавено надвор од контекст. Даниел немаше никаква намера освен да се трансформира во жена,како ни асоцијација на некој симбил“ пишува во соопштението на продукцијата. Исто така, Кајмакоски на својот „Инстаграм“ сподели фотографија од пробата во улогата на Тејлор Свифт. За потсетување, оваа сезона нема нови учесници како претходно туку веќе добро познати учесници од претходната сезона како што се: Ана Кокиќ, Ивана Петерс, Кеба, Ненад Пагонис, Едита Арадановиќ, Жељко Шашиќ.... и други. Како ќе снајде Кајмакоски во улога на Тејлор останува да ја гледаме емисијата во петок на Прва српска телевизија или во недела на Сител.

Во последната сезона беше одличен имитатор, а сега ексклузивно за Вистина пред „ТЛЗП 5“, Кајмакоски откри дали има некоја посебна желба за имитација

Христина Ѓоргиевска — Tue, 24 Sep 2019 08:00:27 +0000

Македонскиот пејач Даниел Кајмакоски во последната сезона на „Твоето лице звучи познато“ имавме прилика да го гледаме во разни имитации со кои воодушеви пред публиката, но и ја однесе победата на музичко – хуманитарното шоу. Даниел имавме прилика да го видиме во улога на Тина Тарнер, Принц, Бруно Марс, Мајкл Џексон и во улога на многу други светски ѕвезди. https://www.youtube.com/watch?v=bdVZJrW9qnE Во самото финале тој се најде во улога на Швеѓанецот Монс Селмерлев кој го освои првото место на Евровизија во 2015-та. По три години, оваа година повторно започнува „Твоето лице познато – all stars“ во кое ќе учествуваат учесници од претходните сезони, а меѓу нив и Даниел. Иако Кајмакоски претходниот пат одлично се снајде во улогата на имитатор и се соочи со предизвиците, сега екслузивно за вистина.ком.мк откри дали има има посебна желба да се најде во улога на некоја омилена ѕвезда. „Предизвици секогаш ќе има и треба да ги има во животот, со нив растеме и се надминуваме себе си. Суштината беше тоа да се прифатат тие предизвици колку и да се тешки, затоа немам некоја посебна желба која имитација да ми се падне. Повеќе се препуштам на искусната екипа на “ТЛЗП“ бидејќи најинтересни се секогаш најтешките имитации“ ни изјави Кајмакоски. Пејачот во кратките приказни на „Инстаграм“ сподели фотографија од снимањето на „ТЛЗП 5“, но не откри многу детали кого ќе имитира. Како ќе се снајде Кајмакоски останува да го следиме шоуто кое започнува на 4 октомври на Прва српска телевизија.