тв – Вистина.мк

Во премиерното издание на шоуто „Галама“ за Жаре – Бербер беше прво појавување на ТВ по пауза од десет години, за Ферус Мустафов за жал… последно! (ВИДЕО)

Антонио Димитриевски — Tue, 06 Jun 2023 08:27:40 +0000

Во саботата на 3-ти јуни започна новото телевизиски шоу на Канал 5 телевизија, „Галама шоу“ во продукција на „Бекстејџ медиа“, онакво какво што одамна недостасуваше бар кога се нашите телевизии во прашање. Пејачот и шоумен Жаре Бербер по десет години се врати на екраните со новиот телевизиски забавно-музички проект „Галама шоу“. И како што Жаре вети пред почетокот: „Ќе креваме галама со највлијателните личности од светот на музиката, филмот, спортот, па и политиката. Македонската, балканската и светската естрада ја носиме во вашите домови.Ќе вмешаме прсти во животите на познатите пред и зад камерите, но и нескромно ќе кажеме дека ќе ги поместиме границите на естрадата во Македонија, затоа што не следиме трендови, туку ги креираме. Подготвени сме да ја вратиме вашата доверба и да ви обезбедиме вистинска забава, онаква каква што одамна недостасуваше” - така и со случи во првата епозода. Во неа гости беа Панки од дуото „Куку Леле“, фолк ѕвездата Елена Велевска, мисицата, модел и пејачка Кристина Димитри и најпознатиот македонски кларинетист и саксофонист и крал на ромската музика, Ферус Мустафов, кој не напушти на 72-годишна возраст и ова му беше последно телевизиско појавување.

View this post on Instagram

A post shared by Галама шоу by Zare Berber (@galamashow)

Насмеан, расположен, се присети на некои анегдоти, и потсети на тоа дека токму тој е музичарот од Македонија кој го земал најголемиот бакшиш на сите времиња. Ве потсетуваме зошто покојниот Ферус беше најдобар во она што речиси целиот живот го правеше.

View this post on Instagram

A post shared by Галама шоу by Zare Berber (@galamashow)

Прво се криеа, а сега се огласи и новата девојка на Огњен Амиџиќ: Мина првин се јави со селфи од емисија, а потоа и со фотографија од станот на водителот (ФОТО)

Антонио Димитриевски — Wed, 12 Apr 2023 09:39:37 +0000

Водителот Огњен Амиџиќ по разводот со манекенката Данијела Димитровска ја освои 20 години помладата колешка Мина Наумовиќ. Двајцата го криеја фактот дека се во врска од август минатата година, два месеци откако водителот се разведе. Огњен ја потврди врската со Мина, додека таа до сега не се огласила. Меѓутоа, во „Амиџи шоу“ сите внимаваа на нивната врска и вешто ги криеја емоциите. Но овој пат, среде емисија Мина се огласи на својот Инстаграм каде објави фотографија од студиото на Огњен. Наумовиќ објави селфи, на кое напиша „Љубов“, стави срце и го означи профилот на шоуто Амиџи. Мина која е многу активна на Инстаграм, подоцна меѓу нејзините објави сподели и фотографија токму од станот на Огњен.

Имено, Огњен решил малку да го реновира станот, па купил огромен телевизор, а за се му помогнала новата девојка. Таа го фотографирала картонот од пакувањето на огромниот ТВ приемник, а во описот на фотографијата напиша: „Не купувајте телевизор поголем од ѕидот бидејќи не може да го се собере на ѕид“.

Да потсетиме, Огњен и Мина ги запознале заеднички пријатели, а по неговиот развод почнале поинтензивно да се дружат. Многу брзо сфатиле дека меѓу нив има искри, па влегле во врска, а малку подоцна тој и понудил работа во своето шоу, што таа со ентузијазам ја прифатила бидејќи во тој период никаде не работела. Фото: Инстаграм принтскрин/callmenaumi

Сузана Гавазова во комбинација од црна кожа и провидна тантела, а под неа… „Има(т) или нема(т)“ долна облека? (ФОТО)

Антонио Димитриевски — Sat, 11 Mar 2023 08:54:01 +0000

Оддамна е познато дека естрадата е пакет од повеќе работи. Покрај песната и видеото, имиџот, однесувањето, облекувањето, шминката, фризурата... ја комплетираат визурата за една ѕвезда, без оглед од кој жанр таа била. Тоа добро го знаат естрадните фаци, осбено оние од понежниот пол, па не пропуштаат секојдневно и во секоја прилика, да покажат каква „слика и прилика“ се не само по песните и хитовите, видеата и спотовите, туку и при нивната појава на телевизиските шоуа и емисии или споделувањето фотографии клипови на социјалните мрежи. Сузана Гавазова оддамна добро ја научила естрадната лекција, па целиот споменат пакет го практикува „најдобро на свет“, што знае и умее. Покрај песната фолкерката секогаш средена од глава до петици, од глуждови до веѓи речиси во секоја прилика. Особено кога се телевизиските настапи и гостувања во прашање, фолкеркерка секогаш стокмена се на неа „да крцка“!

View this post on Instagram

A post shared by Suzana (@suzanagavazova)

Впрочем така беше и овој пат кога Сузето замина на снимање на познатото телевизиско фолк шоу „Има(т) - нема(т)“. А, кога атрактивната струмичанка ќе се дотера, постојано нешто ве тера одново и одново да ја гледате. Сегната во црна кожена комбинација со длабоко отворено деколте и црна провидна тантела, Гавазова буквално ги лепи машките погледи за себе. Фолк ѕвездата толку предизвикувачки изгледа, што буквално доминира додека провоцира со она што како телесен раскош природата ја надарила. Разбирливо, во гро план и на „влажните погледи“ и на објективот на камерата бујната предница на пејачката, која речиси се прелива од деколтето на фолкерката, на која доплнителна доза на возбуда и дава она што ѕирка малку подолу, под под големите гради на фустанчето отстрана - црната провидна тантела. Истата онаа која го краси од обете страни и кусото мини фустанче, кое со секој чекор на сексапилната фолкерка по сцената, ја зголемува љубопитноста, наметнувајќи ја дилемата: Сузана Гавазова во комбинацијата од црна кожа и провидна тантела, а под неа... „Има(т) или нема(т)“ долна облека? Од приложеното многумина би се заколнале дека НЕ(мат) е вистинскиот одговор, додека оние подобрите познавачи на женската мода или поискусните познавачи на женкото тело, веднаш ќе речат дека Гавазова се облекла навистина смело, но сепак... Она што секој љубопитен на прв поглед го остава зинат, всушност го крие одговорот: Гавазова на себе долна облека - ИМА(т)! Фиктивно само така изгледа, дека нема(т), а фактички, пејачката сепак носи(т)... гаќички! Фото: Инстаграм принтскрин/suzanagavazova

Малечкиот од фотографијата денес е голема ѕвезда: Жените по него „сечат вени“, а на естрадата за прв пат се појави кога имаше само 13 години (ВИДЕО)

Антонио Димитриевски — Tue, 16 Aug 2022 11:54:59 +0000

Малечкиот од фотографијата денес е голема ѕвезда. Жените по него „сечат вени“. А на естрадата за прв пат се појави кога имаше само 13 години. Ако не го препознавте, во прашање е Џенан Лончаревиќ - еден од најпопуларните пејачи и во Србија и во регионот. Роден е во 1975 година во Пријепоље, а на телевизија за првпат ќе се појави во емисијата „Музички тобоган“, кога со гитарата во рака ја отсвири и отпеа песната „Таго, несреќно“ од Црвена Јабука.

@muzickivremeplov_ Dženan Lončarević (1988) 🎤🧑🏼‍💼 - Tugo, nesrećo (Crvena Jabuka) #dzenanloncarevic #tugonesreco #muzickivremeplov_ #muzika #secanje #muzikazadusu #dzenanloncarevic❤️❤️ #muzikazasvavremena #uspomene #crvenajabuka #dzenan #dzenan_loncarevic ♬ original sound - Muzickivremeplov_

Основно и средно училиште завршил во Пријепоље, кога започнал неговиот интерес за музика. На фестивалот Ферас 05 со песната „Да си ту“ ќе влезе во суперфиналето и ќе ја освои наградата за најдобар дебитант. Репутацијата на пејач ја стекнал свирејќи во Пријепоље, Нови Пазар, Ужице, Сјеница, пред да се појави во Белград во 2006 година. Три пати учествуваше на фестивалот во Будва, а при првото учество ја доби наградата за „Медитерански звук“ за песната „Ти амо, Ангела“. Својот прв албум насловен „Никоме ни реч“ го издаде во 2007 година, привлекувајќи големо внимание кон себе. Во својата досегашна кариера има издадено пет студиски албуми и десетици синглови. Многумина го сметаат за еден од најдобрите изведувачи на српската јавна сцена, додека тој останува доследен на својот музички стил.

Јавно – музички, естрадни и ТВ ѕвезди, по дома – жени домаќинки: Овие познати Македонки вапцаа јајца рано наутро за Велики Четврток (ФОТО)

Антонио Димитриевски — Thu, 21 Apr 2022 08:01:44 +0000

Велики Четврток или Величетврток како што се вика меѓу народот е прvиот ден од почетокот на празнувањето на Велигденските празници, а главен обичај што се изведува со посебно внимание на овој ден е вапцувањето на велигденските јајца. Јајцата ги вапцува домаќинката рано наутро пред да изгрее сонцето, зашто се верувало дека ако тоа се направело подоцна јајцата ќе се расипат. Вака велат обичаите и традицијата, а истите постојат како дел од верата, духовното и културно наследство на еден народ, конечно дел од неговото битие и идентитет. Затоа нив ги почитуваат сите верници... Од обичните луѓе до познатите личности... Та биле тие ТВ, музички, естрадни... ѕвезди во јавниот живот, но по дома се жени - домажинки. Токму затоа овие познати Македонки, како што налага традицијата и обичајот, вапцаа јајца уште рано наутро за Велики Четврток. На дамите не им се бројата годините , особено не на оние - познатитем но сепак ќе започнеме со „најискусните“... во домаќинлукот, секако! - Македонската по дива Калиопи Букле е несомнено една под нив. Нашата „Најмила“, знае колку е важно да се испочитува традицијата, па затоа и годинава не омана и пропупшти да го направи она што на Велики четврток се прави. Иако вообичаено е на овој ден да се бојадисуваат само три јајца и тоа во црвена боја, вредната Опи вапала полна чинија јајца и оа во неколку бои... Епа, нека е за многу години, како пто порачала самата Калиопи! - Најдолговечната македонска ТВ водителка Лила Филиповска оддамна покажала дека не е ништо помалку добра домаќинка! Знае како со банкарот и натпреварувачите во „Се' или нешто“, ама знае и како се почитуваат обичаите, па уште рано наутро пред собцето да изгрее, ги засукала ракавите и вапцала три црвени јајца. за неа, синот филип и за Рагнар... мачорот!? Важно е да се испочитува традицијата! - Уште една позната македонска ТВ водителка живее во духот на верата, обичаите и традицијата. Милена Антовска како тазе мајка по втор пат, истите ги испочитува, па и таа станала рано за да ги вапца јајцата. Првото го споделила меѓу велигденските украси кои допрва треба да ја разубават велигденската трпеза. Единстевно остана нејасно дали до крај го испочитувала обичајот по вапцувањето на јајцата, рано пред изгрејсонце, домаќинката да го земе првото јајце и на децата, уште додека се в постела, да им мине три пати по лицето зборувајќи: „Црвено бело дебело“ или: „Црвено бело здраво и живо“, што значи да се крупни како јајцето, но и црвени во образите, што е знак за здравје и напредок. Но, како и да е... Нека е за многу години! -На уште една македонска ТВ водителка празничното станување рано не и падна тешко, зашто Снеже Велков тоа ионака го прави секојдневно, за да вози велосипед по скопските улици и патеки. Пилатес инструкторката и ТВ водителка оддамна покажала дека колку што е добра зад камерата, толку ја бива и во кујната, па затоа не изненади со тоа што и таа ја испочитувала традицијата и направила „нешто конкретно“ - вапцање на првите велигденски црвени јајца... За Велики Четврток! - Пејачката Елена Петреска по потекло е од Прилеп, град во кој многу се почитуваат и религијата и обичаите и традицијата... без оглед на тоа што оддамна прилепската ја заменила со скопска адреса на живеење, она што е во гените не го заборавила, па и таа како мајка и сопруга, но прд се као жена-домаќинка уште рано пред зори, за велики Четврток си ја завршила работата. Трите црвено-вапцани јајца пред иконата и времето на нивното бојадисување... 04:43 рано посабајле, пред изгрејсонце! Секако, ова не се единствените ТВ или музичко-естрадни дами кои за Велики Четврток ја почитуваат велигденската традиција на вапцање на првите црвени велигденски јајца... нрекои други пак можеби н јајца не вапцаа, ама се сетија да го одбележат денот. Како мисицата и пејачка, тетовката Кристина Димитриевска на пример, која споделила потсетник дека денес е Велики Четврток... Или топ моделот, гевгеличанката Александра Накова, која јајца не вапцала, барем јавно не покажа, но затоа својот бутик за женска гардероба во Гевгелија го накитила со украси во вид на велигденски јајца наредени на велигденското дрвце. Како и да е, нека е за многу години Велики Четврток! Фото: Инстаграм принсткрин

Тој го откри Владо Георгиев: Беше голема ѕвезда, го најдоа мртов во неговиот стан, пред чија врата и денес стои неговиот спакуван куфер по кој никој не дошол! (ФОТО+ВИДЕО)

Антонио Димитриевски — Sat, 19 Mar 2022 08:40:31 +0000

Целиот регион се потресе кога слушна дека тој починал! Сè уште многумина ги пеат неговите хитови, а тој се беше на прагот да стане најголема ѕвезда, но наеднаш се' тргна наопаку. Пејачот Роѓа Раичевиќ беше голема музичка ѕвезда во 1990-тите. Тој почина пред нешто повеќе од 20 години, а неговата смрт се' уште е обвиткана со велот на мистерија. Имено, Роѓа починал на 7 октомври 2001 година, на 45-годишна возраст, во својот стан во Белград. Иако тоа никогаш официјално не било потврдено, се зборувало дека починал од предозирање со кокаин. Приказната која кружи со години, а е поврзана со смртта на пејачот, е дека станарите од зградата во која почина Роѓа велат дека неговиот куфер и денес стои на четврти кат, по кој никој не дошол, а не го ни допрел го или го отворил. „Тој куфер стои таму со години. Велат дека е на покојниот Роѓа. Сè уште никој не дошол по него, а ние не го допираме“ - изјави во една прилика за медиумите сосед на покојниот пејач. Роѓа Раичевиќ за кратко време стана ѕвезда низ целиот Балкан. Во 1997 година го издава својот втор албум на кој се вклучени хитовите „Во земја би пропаднал од срам“, „Заљубен сум во тебе“, како и песната „Драга“ која ја сними со тогашниот сè уште непознат музичар Владо Георгиев. На социјалните мрежи сега се појави и видео од нивното заедничко, но и прво појавување на Владо Георгиев телевизија. Тогаш мегапопуларниот пејач Роѓа Раичевиќ за прв пат ја носи идната ѕвезда на телевизија. Неговото име е Владо Георгиев“ - се вели во описот видеото. Снимката која многумина наежи е направена, како што пишува, во декември 1996 година, а на неа пеат Владо и Роѓа во дует со клавирска пратња.

@spicy_history #vladogeorgijev #domacamuzika #balkan #balkanmusic #rodjaraicevic #muzika #beograd #srbija #crnagora #hercegnovi ♬ original sound - Pripovedač / Storyteller

Џамбазов и Бејби заедно се враќаат на телевизија во новото еколошко шоу „Агенда 21“

Антонио Димитриевски — Thu, 11 Nov 2021 13:05:24 +0000

Весна Петрушевска и Игор Џамбазов се враќаат во улога на водители, овој пат заедно, во нова емисија – еколошкото шоу Агенда 21, во продукција на КМК. Емисијата ветува добра забава, факти и повик за акција за ублажување на климатските промени, глобалното затоплување и деструктивноста кон природата од страна на човекот. Сигурна сум дека шоуто Агенда 21 ќе го задржи вниманието на гледачите, преку важни теми за животната средина. Интересен е фактот што направивме емисија која е налик на таканаречена “домашна седенка“ со поширокиот круг на семејството во која дискутираме, едуцираме, дебатираме и се забавуваме. Во светот но и дома сме сведоци на пожари, поплави и изумирање на безброј животински диви видови, така што во никој случај не треба да ги игнорираме овие предупредувања кои ги имаме, за да не биде предоцна за целото општество, вели Весна Петрушевска. Агенда 21 ќе ги едуцира гледачите за моменталната состојба со животната средина во земјава, што всушност сите заедно можеме да направиме за да се грижиме за природата, бидејќи климатските промени се реалност и за тоа треба да се преземат сериозни чекори, како индивидуално така и од страна на институциите и компаниите. Крајно време беше некој да се позанимава на оваа тема. Мојата убава татковина, извор на бесконечно прекрасни пејсажи доживеав младите да ја викаат Македонија-депонија што ми покажа дека нешто навистина сме згрешиле во нашето битисување, изјави Џамбазов. ТВ проектот го подготвувавме две години и бевме свесни за тежината кој ja носи. Откако започнавме да снимаме во градовите и селата, воочивме дека грижата за животната средина ни е на ниско ниво. Навистина е загрижувачки да гледате депонии големи колку цели села, а истите тие се “комшии“ на нашите урбани и рурални општини. За жал сето тоа ние како граѓани го “консумираме“преку воздухот и почвата. Треба да преземеме акција уште денеска. Од 20-ти ноември секоја сабота во 20 часот следете не на телевизија Телма, потенцираше Виолета Дамевска Ѓоргиева, продуцент на проектот. Во Агенда 21 освен познатите актери кои се и водители Петрушевска и Џамбазов, ги придружуваат нивни млади актери – колеги како Кристијан Ѓоргиев, Анастасија Митровска и Јована Миладинова, со кои е вистински предизвик да дебатираат и разменат мислења.

Сексапилната водителка на „Ѕвездите на Гранд“ пред да се појави на ТВ, се појавувала на филм: Малкумина знаат дека Сања Кужет била глумица?! (ФОТО)

Антонио Димитриевски — Thu, 15 Jul 2021 11:51:29 +0000

Водителката Сања Кужет со години плени на сцената „Ѕвездите на Гранд“, а само малкумина знаат со што се занимавала пред да застане пред ТВ камерите. Имено, сексапилната водителка пред да се појави на телевизија се појавила на филм, обидувајќи се да направи кариера како актерка. На само 23 години, Сања глумела во популарниот хорор филм „Сатанскиот воин“ во 2006 година, играјќи го ликот на Сенка. Година подоцна, во 2007 -та, таа исто така глуми во тинејџерскиот филм „Доба на невиност“, а нејзиниот лик во овој филм исто така се викаше Сенка. Но, од актерската кариера на Сања остана само „бледа сенка“, но затоа пак кога еднаш застана пред ТВ камерите на сцената на „Гранд продукција“, никогаш веќе никој не ја симна... И нема, со гаранција! фото:Инстаграм принтскрин/sanja_kuzet

Водителката Јована Јеремиќ сите ги изненади откако објави дека си дава отказ од „ТВ Хепи“: „Не сум јас ничија швалерка…“ (ФОТО)

Антонио Димитриевски — Fri, 28 May 2021 09:06:44 +0000

Веста дека водителката Јована Јеремиќ поднела оставка на телевизијата „Хепи“ одекна како бомба, а таа самата ја објави информацијата и ја објасни целата ситуација пред медиумите. „Сакам да се посветам на моето дете кое беше запоставено за сметка на високиот шер на телевизијата „ Хепи “. Сега морам да и посветам повеќе време“, започна таа, а потоа продолжи: „Поминав 10 години на ТВ 'Хепи', за ова време дотуркав на шер 20, што е очигледно, но за сметка на тоа што страдаше мојот приватен живот“, продолжи водителката. Јована истакна дека нема проблеми на телевизијата „Хепи“ и не дала заради тоа отказ и дека таа ќе продолжи да негува коректен однос со првиот човек на телевизијата, Миломир Мариќ. „Немав проблем со никого, едноставно ова беше моја одлука. Јас го гледам Мариќ како татковска фигура и тоа ќе остане така“. Многумина исто така се интересираа дали можат гледачите да ја очекуваат на некоја друга фреквенција, а бидејќи веќе се шпекулираше за нејзино преминување на одредени телевизии, Јована откри нешто повеќе за тоа: „Не би зборувала за никакви премини, знам да работам, па за некој како мене, нема зима. Јас сум жена што прави програма, формира медиуми, создава приказни... Некој за кого секогаш ќе има работа. не бев ставена тука, на ова место, затоа што сум нечија швалерка“ - објасни таа. „Во иднина, мој приоритет ќе биде работашто е во согласност со моето дете и мојот сопруг. Јас веќе не сум девојче, не може да се очекува да влечам“ - додаде таа. Јована исто така истакна дека нејзиниот сопруг Воислав ја поддржува во секоја животна одлука, што беше случај и сега. „Мојот сопруг ме поддржува во сè и секоја одлука, па и во оваа е така“- резимираше Јеремиќ.

Почина легендарниот македонски ТВ снимател Ѓоко Поповски: Гањо ја спушти камерата

Антонио Димитриевски — Fri, 21 May 2021 13:27:27 +0000

Почина Ѓоко Поповски - Гањо, еден од легендите зад камерата на ТВ Скопје, подоцна Македонска телевизија и ТВ Сител. Познатиот ТВ снимател, доајенот на професијата, снимателот на кого му се поклонува цела снимателска фела и човек почитуван и ценет од целата светска јавност, со голем број на награди и признанија. Ѓорѓи Поповски –Гањо е сведок на неколку војни и природни катастрофи, земјотреси низ светот. Со неговиот објектив документирал многу потресни моменти и човечки судбини, вклучувајќи ги оние од Скопскиот земјотрес на 26 јули 1963 година, чии фотографии ќе го обиколат светот. Погребот на Гањо ќе биде извршен утре (сабота, 22 мај, 2021 година), во 13:30 - 14:00 часот, на градските гробишта во Бутел. Можеби опишувајќи го на најсликовит начин за последен пат од него се прости колегата Сашо Мацаноски - Трендо, кој со него соработуваше во ТВ Сител. Почина нашиот пријател, нашиот Кит Ричардс поради кој се надевавме дека можеби сепак постои некој исклучок од она дозлабога упорно правило дека секоја приказна има свој тхе енд. Ѓоко Поповски, Гањо, легендарен снимател и неповторлив фраер, од оние какви што одамна не се произведуваат. Путец (постариот) викаше дека ако Елвис Присли останеше жив, ќе изгледаше и ќе живееше како Гањо. Стварно и најстварно, без делата на Ѓоко Поповски не може да се реконструира ни дел од видео приказната за Скопје и Македонија, уште кога ги направи првите снимки од скопскиот земјотрес во 1963 година па наваму. Просто, тоа е така. Веројатно наоколу ќе се најде некоја негова педантна работна биографија, но дури и најдеталната не може да ја долови страста, инстинктот, љубовта и неуморниот порив кои го тераа да биде секаде кајшто ќе намириса нешто вредно да се улови со камера. Тоа беше така и кога со децении беше дел од телевизиски редакции и документарни екипи, а и долго откако се пензионираше ама петлето за снимање уште му играше како на ентузијаст почетник.

Гањо никогаш не се наигра и тоа го држеше помлад од сите кои беа и далеку помлади од него. Кога го снимате Тито на брод и маршалот за момент ја остава пијачката на маса за да запали пура, што би ви паднало на памет? На Гањо му дошло да проба виски баш од таа чаша. Што да не? Ај да речеш еднаш, ама нашиов трзнал и по втор пат, само што тогаш некој од обезбедувањето дискретно му дал до знаење дека ако уште еднаш ја пипне таа чаша, со пливање ќе се враќа назад. Многумина од неговите најдобри пајташи одамна ги нема. Скендер Кули, Бакли, Диме Циго, Гела... сите тие се одјавија за последнo на шпицата на таа неповторлива епоха да се испише името на нивниот Гањо, човекот кој знаеше ведро и бескрајно да се ребри и со нив и со себе. За покоен Скендер знаеше да каже дека е толку стар што како дете го има засадено чинарот во Охрид. За веднаш потоа да додаде: - Јас знам, пошто го имам снимано тоа. Не трпеше фолиранти меѓу репортерите. Таквите знаеше да ги трча наоколу, залажувајќи ги дека ќе уловат „ексклузивна“ изјава, колку да им ја вади душата додека трчајќи му ги носат каблите. А тој имаше кондиција за сè; и за работа, и за семејство, и за седнување со пријатели во Чамо, скопскиот боемски Мечкин камен во кој се случуваа некои од најурнебесните скопски ситуации и муабети. Се засакавме од прва, некаде во 1995 година, во Сител. Од првото снимање на лозја за Свети Трифун (кога еден кутар домаќин, наместо симболично да скрои една лоза, го искрои речиси цело лозје, оти стариов го убедуваше дека нешто фалело на претходната снимка), па заедничко играње козарачко во некоја охридска дискотека, па до снимките кои ми ги носеше (а не беа дневни настани) за да ги спастрам со некој текст и да ги пуштиме на вести. Ако познавам легенда, тогаш тоа беше Гањо. Ѓоко Поповски беше сопруг на неговата сакана Зага, и татко на Јасминка и Влатко за кои најтопло се грижеше. Искрено сочувство до нив и до поширокото семејство, од Скопје до Словенија. На Оги од Чамо (Оги ви е најдобриот кафански плејмејкер во Скопје), Гањо знаеше да му каже: „Стави по една пијачка, АКО поминуваш од овде“. А седеше онаму кај што мораше да се помине. Сега е ред тој да стави по една. Сега барем знаеме дека не АКО, туку дека СИГУРНО ќе поминеме. Ќе фалиш стари. Нема веќе такви младичи ко тебе. твој, Трендо https://www.youtube.com/watch?v=1fqmRMf6d1s&t=48s