тв сител – Вистина.мк

Елена Стојановска „го извади од папучи“ Тимчо Апостолов, па уредникот на некогаш најпознатата естрадна ревија „Екран“ „буквално“ ја „растури“ уредничката на утринската на ТВ Сител (ФОТО)

Антонио Димитриевски — Fri, 24 Nov 2023 09:08:57 +0000

„Екран“ со децении важеше не само за единствената, туку и најдобрата македонска естрадна ревија. Музика, театар, филм, ТВ, мода, хумор, забава... Се' што треба да има еден магазин за она време во кој беше престиж воопшто да се појавиш. За да добиеш насловница, треба да имаш изедено„ сто фурни леб“, да си артист или уметник од кариера со дебело портфолио, полно со „подобро минато“ и “поубава иднина“. На оние што новинарството им е професија и се во овој еснаф, најдобро знаат што значи функцијата уредник. Одговорност пред се', знаење, умеење, лидерски способности, вештина, искуство, стратегија... Она што е шефот во другите професии, тоа е уредникот во новинарскиот еснаф. Тимчо Апостолов беше еден од последните уредници на „Екран“. Некогаш водител, подоцна новинар, публицист, последните години се до крајот од „работниот мандат“ уредник на најпознатата ревија. И по пензионирањето остана остар критичар на она што го нуди еснафот во било која форма, очигледно се' до денес. Последниот пример најдобро покажува дека ништо не може „да му се поткрадне“, а тој тоа да не го забележи. Она што Тимчо најмногу деновиве „го изиритира и налути“ очигледно е утринската програма на ТВ Сител - „Ја сакам Македонија“, односно нејзината актуелна уредничка Елена Стојановска - Јанковска, овој пат во улога на ТВ водителка. Поточно нејзината утринска најава која некогашниот уредник на „Екран“ „буквално“ го „извади од папучи“, па овој уредничката на утринската „буквално“ ја „растури“... на својот Фејсбук профил! Имено, на Тимчо му пречел нејзиниот начин на изразување и сиромашната понуда на зборови во вокабуларот на водителката, која според него постојано повторувала еден ист збор - „буквално“ и по неколку пати во една иста реченица?! Апостолов ова не можел да и го прости на Елена и да го премолчи, па решил јавно да ја сподели критиката на смека на „говорните можности“ на водителката, на социјалните мрежи. Така на својот Фејсбук профил Тимчо Апостолов и „буквално“ во писмена форма и го „плеснал в лице“ на актуелната уредничка она што му пречело во нејзината утринска најава: „Денес ( четврток - 23 ноември) , водителката на утринската програма на ТВ Сител „Ја сакам Македонија“, во најава од пет реченици, пет пати го употреби зборот “БУКВАЛНО“.Тоа беше маестрална најава.....Не знам колку ученици на некој испит успешно би ја решиле задачата да состават пет реченици со зборот “БУКВАЛНО“? Ќе ја парафразирам нејзината најава ; На улиците во Скопје а посебно на тротоарите , БУКВАЛНО владеат посебни правила.Сигурно сте забележале дека троторарите БУКВАЛНО се окупирани од паркирани возила, дека минувачите БУКВАЛНО се мачат да минуваат, дека со оваа БУКВАЛНО грда глетка се соочуваме секојдневно ...За овој БУКВАЛНО голем неред ќе ве информираме во следниот прилог... Така , ние гледачите добро и БУКВАЛНО бевме информирани за овој БУКВАЛНО голем проблем во Скопје. Ама јас БУКВАЛНО се препотив кога ми дојде мислата: Како водителката ќе ја реализираше најавата, ако во тој момент не се сетеше на зборот БУКВАЛНО?“ Буквално или брутално, некогашниот уредник на „Екран“ го кажал своето... Или поточно, она што го мислел - го напишал! Како уредничката и ТВ водилката на утринската на ТВ Сител ќе ја доживее критиката, и дали ќе има реакција на истата, останува на неа!? Фото: Facebook/Timco Apostolov и Instagram/enna_inna

Ова не се случило цели 11 сезони: Возбудата во „Се или нешто“ до плафон- милионот две емисии по ред е кај натпреварувачот! (фото)

Слободанка Илиева — Tue, 21 Feb 2023 08:58:26 +0000

Гејм шоуто „Се или нешто“ на телевизија Сител се емитува цели 11 години или 11 сезони по ред каде поминале стотици натпреварувачи. Едни дошле кај Лила за дружење, други за да ја запознаат одблизу, трети да освојат некој денар. Надежта дека ќе го освојат милионот била најмала. Иако многумина не веруваа дека вакво нешто ќе се случи, но игрите на среќа се непредвидливи, па така милионот две емисии по ред беше во кутијата на натпреварувачот. Возбудата остануваше за крај откако ја прифаќаа понудата на банкарот. Прва беше тетка Летка која ја продаде својата кутија за 110 илјади денари и пропушти да биде милионерка, а следната емисија истото му се случи на пензионерот Бранислав кој ја продаде својата кутија на банкарот за 65 илјади денари. Шок и разочарување! Ова беа емисии каде се докажа дека навистина во „Се или нешто“ не е ништо наместено, она што е твое ќе си дојде, е сега храброста во двата случаи беше пресудна иако милионот јасно се знаеше дека е можно да биде кај нив. Понудата на банкарот беше слатка, но на крајот и разочарувачка во споредба со милионот. фото: ТВ Сител принтскрин

Презентерот на временската прогноза на ТВ Сител се пофали дека е најдобриот на сите времиња, ама брзо го „приземјиа“: Кој му го „спушти“ на Спасе – Рола… „до бола“? (ФОТО)

Антонио Димитриевски — Sat, 14 Jan 2023 08:32:30 +0000

Него го гледате речиси секоја вечер во информативните изданија на „ТВ Сител“, иако не е ниту информативец, ниту новинар... Да, порано бил и тоа естраден, во некогашниот магазин „Македонски свет“. Денес, Спасе Јовановски е познат како еден од презентерите на временската прогноза на ТВ Сител. Естрадниот свет и неговите кругови повеќе го познаваат како „помошникот“ на Лила Филиповска, момчето кое многу често и дома и на патувањата ја придружува, и и' придржува - од чантата, до наметката или чадорот, и прави друштво, и помага, и служи како рамо за плачење или потпирање... Некои безобразно тоа го нарекуваат „потрчко“ или на македонски: момок, измеќар и слично, иако блиските нему и на водителката тврдат дека Спасе со уметнички прекар „Рола до бола“ и Лила се само најдобри другари. Нејсе, кој во што сака може да верува, ама Спасе -„Рола“ е вистински шмеќер на ТВ екранот. Така барем самиот си се пофали на социјалните мрежи, споделувајќи колаж фотографии од пред екранот каде ја презентира временската прогноза и кажува какво било денес и какво ќе биде времето утре и во наредните денови. Арно ама, Спасе како да заборавил дека ниту Сител не е единствена телевизија, ниту пак тој е единствениот презентер на времето што се појавил на неа. Покрај него сега тука се уште и неговите колеги Анкица Јосифовска - Ангелковска и Љубиша Ристески, но нив Спасе по се изгледа и не ги есапи за сериозна конкуренција, па се самопрогласи за „најшмеќер“ на сите времиња. Сепак, дека и пред самопрогласениот „папа имало папа“, го потсетија некои од неговите пријател(к)и на Фејсбук. Имено, во еден од коментарите на неговото „самобендисано крунисување“, се најде некој што на „шмеќарот му го спушти“ или поточно, „го спушти на земја“. Една фотографија од легендарниот „дедо Трајко“ односно (без)временскиот, за жал сега веќе покоен презентер Трајче Андонов, го замолкна најмладиот меѓу актуелните на ТВ Сител. Покрај истата беше напишано: „Грешка си Спасе“, што беше доволно пријателката да му го... „спушти“ на Спасе - Рола... онака елегантно - „до бола“!

На Валентин Николовски постојано некој „му дише во врат“: Уредникот и водител на дневникот на ТВ Сител има „проблем што сака да го има“ (ФОТО)

Антонио Димитриевски — Thu, 10 Nov 2022 12:15:29 +0000

Валентин Николовски, новинар, водител и уредник на ТВ дневникот на ТВ Сител е ТВ лице кое сите добро го познаваат. И од ТВ екраните, а многумина и приватно, зашто Тино, како што сите го викаат е „душа од човек“. Постојано расположен и кога не и подготвен за дружба. Спонтан, комуникативен, речиси секогаш расположен, неретко хуморен и забавен, Тино е и другар и колега каков што секој би посакал. Можеби затоа ТВ водителот има и проблем, кој до душа, е проблем што Тино сака да го има... А проблемот е во тоа што на Валентин Николовски постојано некој „му дише во врат“! Нееее... ако некој помисли дека тоа е главниот уредник на телевизијата, уредникот на Информативната редакција или не дај Боже, газдата на ТВ Сител, дебело сте се излажале. Добро, можеби понекогаш има вистина во нешто и од ова, но оној кој постојано „му дише во врат“ не е лик од телевизијата. Иако, телевизија не да сака, туку обожава да гледа. Ама не и сам... Имено, Валентин Николовски дома има преубав мал пес. Домашен миленик без кого денот не може да се замисли, а Бога ми и вечерта. Без него и да сака не може да гледа филм. Особено не сам, иако само „поедини филмски жанрови“ се за гледање сам, ама нејсе... Тино секогаш има придружба за домашно кино! И не е само тоа... Новинарот и водител на вестите на ТВ Сител кучето го чини повеќе од себе си, зашто за да се биде подготвен за зима покај крзното треба и кучешка гардероба да се има. Шишањето и разубавувањето заедно со храната е програма плус. Или во превод - екстра трошок, ама ако...! На сето тоа, уште секоја вечер на Валентин Николовски неговото куче „му дише во врат“. Човекот и јавно се пожали, а на многумина им се дожали што кутриот Тино не само што не може сам да гледа филм, туку не може ни „да влезе во филмот“ кога светлата ќе се угаснат... Зашто неговиот најверен четвороножен „пријател до гроба“ „му дише во врат“ и во спалната соба! Што значи дека Валентин Николовски дефинитивно има проблем... Само што ова е „проблем“ што навистина „сака да го има“! Фото: Фејсбук принтскрин/Valentin Tino Nikoloski

Антониа Гиговска пати од несоница, Спасе – Рола тргна да и го реши проблемот, па и презентерот на временската прогноза на „Сител“ заврши буден! (ВИДЕО)

Антонио Димитриевски — Wed, 26 Oct 2022 07:24:35 +0000

Антониа Гиговска последниве недели е во фокусот на вниманието на јавноста и тоа не заради песните и музиката, туку заради сето она што и се случува на приватен план. А кога температурата се крева околу тебе и тебе ти станува жешко, па пејачката за да не „прокува“, реши лефтерно да се облече како да сме среде јули или август, а не на прагот на ноември. „Инаку секогаш го грешам времето, така што лето ми е денес... Барем така се чувствувам“ - споделила Гиговска додека се возела во својот автомобил, слушајќи една позната песна од српската турбо естрада во чии стихови и нашата пејачка веројатно се пронашла себе си и моменталната состојаба заради која тема број еден и во чаршијата и во естрадните кругови и во медиумите: „Што уште треба да се случи“? И се случи... Времето е рака на срце, прилично сончево и топло за доцна есен, ама на Антониа веројатно и било повеќе од „жешко“ и заради сите споменати нешта. Несоница, инсомнија, што ли да е, ама пејачката никако да заспие, па јавно се пожали: „Не иде сон, еј...“! Арно ама како речиси за се' има лек така и за „оваа нејзина болка“ лекот го имаше оној кој нема проблем со времето, зашто тој е тој што го предвидува или поточно прогнозира и презентира. Спасе - Рола Јовановски, презентерот на временската прогноза на „Сител“, познат уште и како близок пријател на Лила Филиповска, а отсега галиба и на Антониа Гиговска. Токму тој беше човекот што тргна на пејачката да и го реши проблемот, па „временскиот понуди временско решение“ како да ја фати сон: Со пуштање на музика со звуците на дождот! Не Сара Мејс со „Врне, врне“, туку со саунд од вистински капки дожд наместо приспивна песна, обидувајќи се да и „открие нови хоризонти на пејачката“! Арно ама, како секој лек на секого не делува и секоја магија секого не фаќа, така и оваа на Спасе -Рола, наместо да ја заспијат уште повеќе ја расонија Антониа! Дали после крахот на љубовта и долгата врска, „грижата на совест“ и толкава што сон не ја фаќа, или едноставно зарадаи природата на работата се навлече на тоа да биде „ноќна птица“, знае само таа самата. Ама затоа „откривачот на нови хоризонти“ не знаеше дека наместо да и го реши проблемот на пејачката и тој ќе стане дел од него. Па наместо во пижами и презентерот на временската на “Сител“ влета во панталони и јакна и појде на ноќно возење да и прави друштво на Антониа во ноќната обиколка на градот ... Правдајќи се со зборовите: „Ме собра од спиење, џумбус да париме“! Така ти е тоа обично кога сакаш да делиш совети за несоница и да се правиш умен, наместо во мирен и спокоен сон и ти ќе завршиш буден... И тоа со Антониа до сабајле и ти како дел од нејзиното гајле!

Од овој викенд: „Подобро здравје“… за сите на ТВ Сител

Антонио Димитриевски — Fri, 07 Oct 2022 10:41:40 +0000

На фреквенција на националната телевизија Сител стартува новиот телевизиски и интернет проект „Подобро... Здравје“! Овој телевизиски формат, кој ќе се емитува секој викенд, во сабота и недела од 15.15 часот има за цел да промовира здрави навики и концепт на здрав живот, исклучиво преку докажани и реномирани доктори, врвни специјалисти и еминентни професори од нашата земја и странство...

Кога е во прашање нашето здравје нема компромис... наместо непроверени и чудотворни лекови од интернет, каде што се нуди се и сешто и се лечи буквално се, во овој проект на гледачите им нудиме проверена и сигурна информација, преку соработка со докажани и меѓународно признати експерти. Подобро... Здравје има за цел на гледачите да им понуди научна перспектива, искуства но и алтернативни признати пристапи – вели Александар Блажевски автор и водител на емисијата.

Емисијата ќе се емитува од големо студио по сите светски стандардни за овој тип на проекти и често ќе има јавувања во живо од различни балкански и европски центри. Во неа според концептот, ќе говорат и пациенти, за нивните искуства, проблеми и решенија...

Сосема нешто ново кога станува збор за емисиите за здравје кај нас и пристапот на овие многу важни теми. Кратко јасно и со факти. Тоа е мотото! Паралелно го развиваме и моделот на интернет преку порталот mk кој наскоро ќе им овозможи и директна комуникација на пациентот со посакуваниот доктор, кој не можат да го закажат во клиниката или преку Мој Термин, а ќе можат да се најдат и информации за кои нема доволно простор во самата емисија... – додава Блажевски.

Тв проектот Подобро.. Здравје е во продукција на Бекстејџ Медија и Телевизија Сител на него ќе работи екипа од дваесетина телевизиски и уште толку медицински лица, кои секоја сабота и недела од 15.15 ќе се обидат да ги детектираат најгорливите проблеми во нашиот здравствен систем...

Стартува новата 6-та сезона на “Мое село со Томче” на ТВ Сител

Антонио Димитриевски — Wed, 05 Oct 2022 11:51:40 +0000

Години наназад на националната Телевизија Сител во рамки на утринската програма „Ја сакам Македонија”, во вторник и четврток, ја емитува и добро познатата репортажа „Мое село со Томче” која што главна и основна цел е промоција, презентација и запознавање со македонските села и сите оние помали и поинтересни места во нашата држава кои заслужуваат да бидат претставени и видени од македонската јавност и публика. По неколку месечна пауза, како впрочем и сите другите телевизиски проекти, така и овој стартува со почетокот на месец октомври и тоа со нови села, нови авантури и доживувања, нови селски средини и запознавања со се она што изобилува и е дел од нашата мила и прекрасна Македонија. Денес, 05. октомври 2022 г. во емисијата “Магазин” гостин беше токму уредникот и водител Томче Јосимовски. Тој меѓудругото раскажа за тоа како се одвива едно снимање, колку време е потребно истото да се реализира и секако низ што се поминува екипата за време на снимањето на репортажата. „Кога започнав, започнав со многу елан и ентузијазам да го работам ова. Кога се подготвуваме да работиме, односно, да снимаме една репортажа се снима многу повеќе материјал отколку што реално се емитува во самата репортажа. Мора да се одбере она што е најинтересно од селото, и се започнува со снимање во раните утрински часови. Многумина знаат да ме прашат: 'Кога одиме на снимање, кога ќе снимаме, ќе дојдеме, како ќе биде, ќе биде половина саат-саат…?' Не, тоа може вака делува два пати по 30-на минути на телевизиските екрани кога се емитува, меѓутоа, кога станува збор да се собере материјал да се направи одлична репортажа, мора да отидеме на терен цел еден ден да бидеме со луѓето од село затоа потоа и таква ни е комуникацијата со луѓето и сме блискисо нив. Јас со поголемиот дел од луѓето со кои се имам сретнато ја продолжувам комуникација и после снимањето, се слушаме, како сме, што правиме… Едноставно, на некој начин стекнуваме блискост во тој ден додека сме таму со нив, цел ден го поминуваме заедно”- изјави Томче во емисијата “Магазин” и додаде: “До сега колку што јас имам искалкулирано и истражувано, во петте сезони што поминаа во 'Мое село со Томче' сме поминале околу 220-230 села кои што се комплетно снимени и емитувани во програма. А во новата 6-та сезона, мислам дека ќе стасаме до 270 села до крајот на оваа сезона. Генерално во Македонија има околу 500 до 600 села каде што може да се отиде и да се направи прекрасна репортажа. Тоа значи дека во наредните сигурно уште 6-7 години нема да можеме да ги испоприкажеме сите села и да го испрезентираме сето она што го има во Македонија како убавини и како труд, затоа што не знаете во одредени моменти во одредени ситуации доаѓаме до луѓе кои што се со голем елан и желба да си го презентираат селото, да покажат што има, да ги кажат сите детали што ги има, а ние не можеме се во моментот да евидентираме и да опфатиме и го одбираме само она што е поинтересно”.

Почина легендарниот македонски ТВ снимател Ѓоко Поповски: Гањо ја спушти камерата

Антонио Димитриевски — Fri, 21 May 2021 13:27:27 +0000

Почина Ѓоко Поповски - Гањо, еден од легендите зад камерата на ТВ Скопје, подоцна Македонска телевизија и ТВ Сител. Познатиот ТВ снимател, доајенот на професијата, снимателот на кого му се поклонува цела снимателска фела и човек почитуван и ценет од целата светска јавност, со голем број на награди и признанија. Ѓорѓи Поповски –Гањо е сведок на неколку војни и природни катастрофи, земјотреси низ светот. Со неговиот објектив документирал многу потресни моменти и човечки судбини, вклучувајќи ги оние од Скопскиот земјотрес на 26 јули 1963 година, чии фотографии ќе го обиколат светот. Погребот на Гањо ќе биде извршен утре (сабота, 22 мај, 2021 година), во 13:30 - 14:00 часот, на градските гробишта во Бутел. Можеби опишувајќи го на најсликовит начин за последен пат од него се прости колегата Сашо Мацаноски - Трендо, кој со него соработуваше во ТВ Сител. Почина нашиот пријател, нашиот Кит Ричардс поради кој се надевавме дека можеби сепак постои некој исклучок од она дозлабога упорно правило дека секоја приказна има свој тхе енд. Ѓоко Поповски, Гањо, легендарен снимател и неповторлив фраер, од оние какви што одамна не се произведуваат. Путец (постариот) викаше дека ако Елвис Присли останеше жив, ќе изгледаше и ќе живееше како Гањо. Стварно и најстварно, без делата на Ѓоко Поповски не може да се реконструира ни дел од видео приказната за Скопје и Македонија, уште кога ги направи првите снимки од скопскиот земјотрес во 1963 година па наваму. Просто, тоа е така. Веројатно наоколу ќе се најде некоја негова педантна работна биографија, но дури и најдеталната не може да ја долови страста, инстинктот, љубовта и неуморниот порив кои го тераа да биде секаде кајшто ќе намириса нешто вредно да се улови со камера. Тоа беше така и кога со децении беше дел од телевизиски редакции и документарни екипи, а и долго откако се пензионираше ама петлето за снимање уште му играше како на ентузијаст почетник.

Гањо никогаш не се наигра и тоа го држеше помлад од сите кои беа и далеку помлади од него. Кога го снимате Тито на брод и маршалот за момент ја остава пијачката на маса за да запали пура, што би ви паднало на памет? На Гањо му дошло да проба виски баш од таа чаша. Што да не? Ај да речеш еднаш, ама нашиов трзнал и по втор пат, само што тогаш некој од обезбедувањето дискретно му дал до знаење дека ако уште еднаш ја пипне таа чаша, со пливање ќе се враќа назад. Многумина од неговите најдобри пајташи одамна ги нема. Скендер Кули, Бакли, Диме Циго, Гела... сите тие се одјавија за последнo на шпицата на таа неповторлива епоха да се испише името на нивниот Гањо, човекот кој знаеше ведро и бескрајно да се ребри и со нив и со себе. За покоен Скендер знаеше да каже дека е толку стар што како дете го има засадено чинарот во Охрид. За веднаш потоа да додаде: - Јас знам, пошто го имам снимано тоа. Не трпеше фолиранти меѓу репортерите. Таквите знаеше да ги трча наоколу, залажувајќи ги дека ќе уловат „ексклузивна“ изјава, колку да им ја вади душата додека трчајќи му ги носат каблите. А тој имаше кондиција за сè; и за работа, и за семејство, и за седнување со пријатели во Чамо, скопскиот боемски Мечкин камен во кој се случуваа некои од најурнебесните скопски ситуации и муабети. Се засакавме од прва, некаде во 1995 година, во Сител. Од првото снимање на лозја за Свети Трифун (кога еден кутар домаќин, наместо симболично да скрои една лоза, го искрои речиси цело лозје, оти стариов го убедуваше дека нешто фалело на претходната снимка), па заедничко играње козарачко во некоја охридска дискотека, па до снимките кои ми ги носеше (а не беа дневни настани) за да ги спастрам со некој текст и да ги пуштиме на вести. Ако познавам легенда, тогаш тоа беше Гањо. Ѓоко Поповски беше сопруг на неговата сакана Зага, и татко на Јасминка и Влатко за кои најтопло се грижеше. Искрено сочувство до нив и до поширокото семејство, од Скопје до Словенија. На Оги од Чамо (Оги ви е најдобриот кафански плејмејкер во Скопје), Гањо знаеше да му каже: „Стави по една пијачка, АКО поминуваш од овде“. А седеше онаму кај што мораше да се помине. Сега е ред тој да стави по една. Сега барем знаеме дека не АКО, туку дека СИГУРНО ќе поминеме. Ќе фалиш стари. Нема веќе такви младичи ко тебе. твој, Трендо https://www.youtube.com/watch?v=1fqmRMf6d1s&t=48s

Венко Филипче на ТВ Сител конкретно не одговори на ниту едно прашање: Министер за молк и манипулации! (ВИДЕО)

Антонио Димитриевски — Mon, 02 Nov 2020 08:31:15 +0000

Вчеравечер, 1-ви ноември 2020, министерот за здравство Венко Филипче беше гостин во централното издание на вестите на ТВ Сител. Ама така и се однесувше... Како да е гостин кој дошоол кај комшиката на кафе. И додека ни се случува најголемата катастрофа, коронавирусот секојдневно коси двоцифрен број човечки животи, бројот на зболени стана и четирицифрен, болниците се пребукирани, лекарите и здравствените работници уморни и исцрпени на измакот на силите, здравството на колена... ама Владата и нејзиниот ресорен министер „ни мачкаат очи“ дека се' е под контрола, дека се си тече по вообичаениот ред, никој не е вратен, никој не е одбиен... Само вие носете маски и држете дистанца... Ако можете и од самите себе. А, всушност тие се на дистанца и од народот и што е најстрашно, најмногу од здравиот разум. Протоколи, мерки, препораки, забрани... и пак ништо. Бројот на позитивни секојдневно вртоглаво расте. Забранија музики, редуцираа работа на локали, затворија граници - џабе... Не ќе да било до тоа! Тогаш до што е министере? Што тоа е труло во вашите таканаречени протоколи? Маски и на капење и на спиење ставаме, ама очигледно не помагаат. Се отуѓивме едни од други, заборавивме да се однесуваме, социјално да општиме, да се гушкаме, радуваме... И пак ништо! Катаден се повеќе умираме. Во секој поглед! А власта и политичката и здравствената и понатаму експериментира по принципот: отвори-затвори! Во меѓувреме се повеќе тонеме. И здравствено и економски!

И кога ќе го прашете Филипче каде оди работава, зошто е вака, дали треба можеби поинаку, што не функционира, зарем не треба нешто да се промени... Одговорот е еден ист. Како расипана плоча, која постојано прескокнува и го повторува истото. Едната иста фраза: „Ситуацијата е под контрола“! А ниту е, ниту пак контролорите „се под контрола“. Напротив, без компас, без визија, без агенда, без сопствен протокол кога, каде, како што, колку, до каде...? Стихијно, од денес за утре, и така во круг! Затоа Венко Филипче на вчерашното интервју во вестите на ТВ Сител зборуваше половина час, а ништо не кажа. Не даде ниту еден конкретен одговор на дузина јасни и конкретни прашања. Или невешто го избегнуваше одговорот кој го нема или вешто вртеше како „киша око Крагујевца“ што би рекле северните соседи или се вртеше како „п*деж во гаќи“ - што рекол нашиот народ, едвај чекајќи што побргу да стане од жешкото столче. А новинарите не го прашаа како се лечи корона, туку му ги поставија елементарните прашање, оние што сите нас секојдневно не загрижуваат, секираат, оптоваруваат, плашат? Она што се слаби страни на системот кој не функционира, кој чкрипи и е тотално зарѓан, кој се распаѓа по сите основи... А со него и нашето здравје, нечии животи, цели семејства... Систем кој го плаќаме од наши пари, а за возврат добиваме едно големо ништо! Па одново за свои „екстра пари“ трчаме да спасиме жива глава! И веќе на сите им станува јасно дека нешто е „труло и болно“ во системот и оние кои го водат. Јасно му е и на народот и на новинарите, на сите... И на оние кои во март и април на Филипче му аплаудираа по балкони и тераси и на оние кои Филипче, Заев и системот ги сметаат за „опозициони“ новинари, платени да им прават опструкции и уриваат, но и на оние, таканаречените „режимски“ новинари, кои ги плаќаат да ги бранат... Ама што да бранат кога нешто ниту е за бранење, ниту може да се одбрани, бидејќи нивната одбрана значи сопствено самоубиство! И не само во професијата, зашто цената се плаќа со здравјето, со животот... Можеби најдобра илустрација се два поста споделени од новинари од „два различни табора“ на социјалната мрежа Фејсбук, кои станаа вирален хит. Првиот на новинарката на А1он.мк, Мери Јордановска. Петнаесеттина круцијални прашања од неа до министерот Филипче и само еден ступиден одговор од неговиот ПР.

Вториот на новинарот и водител на ТВ дневникот на ТВ АЛФА, колегата Лазар Темелков, кој целиот циркуз и неговите главни актери драмски го опишал во својот споделен статус насловен: „Борецот против круната“:

„Се редеа аплаузи во првиот чин на трагикомедија, која како " зараза" се ширеше меѓу публиката. Пристојно одиграната улога на "главниот глумец" не остана ненаградена. Публиката "животно" заинтересирана да го види "среќниот крај" во борбата со "круната", немо го гледаше пелтечењето на "главниот актер", кое се засилуваше во секој следен чин, предизвикано од "експоненцијалниот" раст на нови и нови "статисти" на сцената. Престанаа овациите од "балконите" . Пристрасните критичари утредента излегоа со наслови во медиумите: "Публиката не знаеше да ги препознае импровизациите на актерот". Токму спротивното! Ликот од приказнава се' уште е на сцената. Трагикомедијата опстојува со однапред поделени билети на се помалубројните вљубеници во работата на изветвениот актер“. < Зарем после сето ова, не станува многу појасно зошто Венко Филипче седеше како нем... Зборуваше, а подобро да молчеше. Одговараше на прашањата, на кои во неговиот одговор, всушност нема одговор. Небаре е министер за молк и манипулации! Од шупливо во празно, сведувајќи ја целата приказна на „матичните лекари“ кои се претворени во „оператори на задравствен кол центар“, принудени да лечат преку телефон... Додека „линијата со реалноста“ и на министерот и комплетната власт, очигледно е во прекин... на неодредено. Прекин кој трае, додека трагикомедијата опстојува... За жал по цена на нашето здравје, нечии животи! https://www.youtube.com/watch?v=7KWJV1CaYKU&feature=youtu.be

Ново дневно забавно шоу на ТВ Сител

Антонио Димитриевски — Thu, 29 Oct 2020 11:46:43 +0000

Наскоро на Сител започнува забавното шоу „Магазин“. Водителките Јана Серафимова и Јелена Богојевиќ ќе ве одведат во светот на познатите, но и не толку познатите. Ќе ви покажеме како живеат славните? Од прва рака ќе видите што е она што најмногу ги плаши, а на што најчесто се радуваат. Ќе стиснат заби и ќе одговараат на прашања што до сега никој не им ги поставил. Ќе си ја отворат душата и искрено ќе говорат за нивните неуспеси и грешки. Кога се засрамиле, а на што се смееле до солзи. Во Магазин Сања Димитровска и Александар Динев ќе разговараат со медицински лица, кои ќе не посоветуваат како до подобро здравје, животен стил, но и кои се здравите навики кои треба да ни станат пракса. Интересни животни приказни од цела Македонија, анкети и игри со граѓаните на улица, незгодни прашања и забавни одговори поткрепени со пригодни награди, но и директни јавувања во студио. 50 минути возбуда,совети, забава и смеа. Плус забавни игри и прашања од фановите за гостите во студиото. Отворено, искрено и без предрасуди – Магазин – Наскоро на Сител. https://www.youtube.com/watch?v=VjGgMsKDiS0&feature=emb_logo