тв шоу – Вистина.мк

После десет години, се враќа на ТВ екраните: Жаре Бербер одново ќе крева „Галама“ (ФОТО)

Антонио Димитриевски — Tue, 30 May 2023 07:02:24 +0000

Toj трае дваесет и кусур години на естрадната сцена, што никако не е случајно… Зашто најдобрите забави изминатите години, особено во најпознатите скопски кафулиња и ноќни клубови, но и во оние ширум Македонија, не поминале без него во главна улога. Иако не снима често свои песни, круната никој не може да му ја симне, зашто тој се уште важи за „крал на ноќните свирки“ кого сите добро го познаваат. По неговото вистинско име и презиме - Жарко Богатинов, само најблиските и оние што му ги читаа документите за лична идентификација, ама по прекарот Жаре - Бербер извлечен од неговата некогашна професија нема кој не го знае. И не само по ноќните свирки и забавите кои долго се паметат кога Жаре - Бербер ќе се фати за микрофонот, туку и по тоа кога микрофонот е пред него или закачен на него во вид на „бубица“ во студиото... Секако, од времето кога покрај пејачкп-забавувачките, Жаре ги покажуваше и водителските вештини во неговото забавно-музичко ток -шоу „Кој те шиша“! Времето лета, годините минуваат, па пио речиси една деценија откако престана „да ги шиша и стриже“ пред камерите своите повеќе или помалку познати гости“, Жаре Бербер реши да се врати на ТВ екраните. Само што овој пат ќе биде уште погрлат, зашто „Берберот“ решил да крева „Галама“, како што е називот на неговото ново ТВ шоу во најава. „Ќе креваме галама со највлијателните личности од светот на музиката, филмот, спортот, па и политиката. Македонската, балканската и светската естрада ја носиме во вашите домови“ - порачува распеаниот скопски бербер , наскоро одново и познат ТВ галамџија. „Ќе вмешаме прсти во животите на познатите и пред и зад камерите, но и нескромно ќе кажеме дека ќе ги поместиме границите на естрадата во Македонија, затоа што не следиме трендови, туку ги креираме“ - нескромно порачува Жаре Бербер како и секој скопски фалбаџија, што уште предвреме крева „Галама“. Само што овој ветува дека фалбите ќе ги оствари. „Подготвени сме да ја вратиме вашата доверба и да ви обезбедиме вистинска забава, онаква каква што одамна недостасуваше вомакедонскиот ТВ етер“ - порачуваат и тој и продукцијата која стои зад проектот „Галама шоу“ кој ќе оди на „Канал 5“, па ајде да видиме кој се' од познатите што ќе седне на столицата карши водителот, ќе ја „лапне јадицата“? Кој пред кого ќе се „иску*чи“, кој кого ќе налути, насмее или „насамари“, кој кому ќе му обелодени можеби нешто што не е за пред камери!? Прашината почна да се крева, останува уште „да се крене ТВ завесата“ и со неа наголемо највуваната „Галама“, во која главниот „галамџија“ - Жаре - Бербер одново ќе биде главниот фраер што „ќе јава“ во македонскиот забавен ТВ етер. Кој ќе биде „качен на родео“, а кој на „криво магаре“... наскоро ќе ви открие Берберот - Жаре! Фото: Фејсбук принтскрин/Zare Berber/Архива

Антониа Гиговска продолжува да шокира: Пејачката во емисија без гаќички на телевизија!? (ФОТО)

Антонио Димитриевски — Fri, 28 Oct 2022 08:14:52 +0000

Љубовната „афера“ околу раскинувањето, наводната прељуба и изневерувањето на бившото момче на Антониа Гиговска се' уште не стивнала, па и понатаму јавноста ја интригира, а пејачката истата таа јавност продолжува да ја шокира. Овој пат со нешто што е налик на пејачките од соседството кои сме навикнале да ги гледаме во такво издание, како Јелена Карлеуша, Дара - Бубамара или Тијана - Жена од султана, на пример, кои со својата голотија редовно креваат тензија, држејќи ги сексапилот и возбудата постојано пуштени на најјако! До душа, овде не се работи за толку експлицитна голотија, ама сепак доволна за да ја заскокотка љубопитноста, разгори машката фантазија, да ја поттикне „волшебната игра на сите сетила“, пумпајќи го еротскиот набој до крај! Имено, Антониа Гиговска неретко е гостин во медиумите, па така овој пат отишла да гостува во познатото ТВ шоу на Жарко Димитриовски насловено „Еден на еден“! Новата сезона е тука, а во неа Антониа решила да се претстави во најдобро можно светло, а можеби и да објасни некои работи заради кои последниве денови не се симнува од насловните страници на грст медиуми, особено на домашните портали! Но за да биде се' само обична - не, русокосата убавица решила малку даја помести „дозволената граница“, па аутфитот што го одбрала за кај Жаре - „1 на 1“ во емисија, е налик на оној на погоре споменатите естрадни „секс бомби“ од српската сцена! Кој знае, можеби така и треба, за да добиеш на цена? Имено, Антониа својата телесна убавина ја сместила во интересна модна комбинација: Горе - бел дуксер со долги ракави, долу - високи бели чорапи речиси до коленици, качена на зелени високи потпетици, а некаде помеѓу - латекс розово мини фустанче, со шлиц отстрана по целата должина, исшниран со пинк конци. Убаво, модерно, елегантно, ама и ултрапровокативно и интригантно. Зашто кога пејачката отстрана ќе ја фати кадарот на камерата, јасно се гледа намерата дека Антониа Гиговска на снимање дошла без долна облека? Или барем така на прв поглед изгледа! Но ако подобро ја загледате, ќе видите дека пејачката во емисија е без гаќички на телевизија!? Дали на вакво фустанче не одат и не се носат, зашто преку шлицот ќе се познаваат или Антониа во својата креација крие некаква друга магија, па долната облека не се гледа... Знае само пејачката? Како и да е, едно е сигурно: Нејзиниот настап и појавувањето во споменатото ТВ шоу ќе биде повеќе од возбудливо! Фото: Инстаграм принтскрин/antoniagigovskaa

Дилета Леота се испружи колку што е долга и широка во шоу емисија: Познатата спортска новинарка се лизна, падна и покажа што носи под мини фустанчето (ВИДЕО)

Антонио Димитриевски — Fri, 30 Sep 2022 11:02:45 +0000

Најпопуларната спортска новинарка во Италија, атрактивната Дилета Леота повторно се најде во центарот на вниманието на италијанската јавност. Сексапилната Дилета со години е заштитен знак на телевизијата DAZN и често ја гледаме на терените во Серија А. Откако се појави на ТВ екраните, таа воодушеви многумина со својот изглед и убавина, а за само неколку месеци од непозната водителка стана една од најпопуларните новинарки во светот на спортот. Дури 8,6 милиони луѓе ја следат Дилета на Инстаграм, што е доволен показател колку таа навистина е популарна. По летната пауза, Дилета се врати на ТВ екраните на телевизијата ДАЗН, а пред неколку дена беше и гостинка во една од забавните шоу емисии, каде поради неверојатна ситуација повторно се најде во фокусот на вниманието на јавноста. Имено, во забавното шоу, една нејзина колешка решила да се пошегува со неа, па договорила Дилети да ја полеат со некаква прехрамбена желатин материја во емисијата, што на крајот и им успеало, а тоа навистина ја шокираше популарната новинарка. Дилета стана и се обиде да му возврати на водителот со дел од желатинот. Но, убавицата се лизна на лизгавиот под во студиото и се испружи колку што е долга и широка, што одново уште повеќе ги насмеало сите како во студиото, така и ТВ гледачите. За среќа Дилета остана неповредена... Не барем посериозно иако паѓањето беше болно! На крајот дури и самата се изнасмеа, свесна дека шоуто оди во живо и цела Италија го гледа нејзиниот пех. На некои им беше смешно, ама на многумина и возбудливо, зашто подот лизгав, а фустанчето кусо, па откако се спружи, русокосата убавица покажа што носи под мини фустанчето. Погледнете како тоа изгледаше, откако снимката стана атракција на социјалните мрежи.

lo scherzo rifilato alla divina Diletta Leotta #scherziaparte 😮💗💞😊🤣 pic.twitter.com/lKcgtiyuiT
— DeaChannelTV (@dea_channel) September 26, 2022

Познатата кантри пејачка настапи „пиштол гола“ во новата сезона на ТВ шоуто „Saturday Night Live“ (ФОТО+ВИДЕО)

Антонио Димитриевски — Fri, 15 Oct 2021 11:44:04 +0000

Шоуто „Saturday Night Live“ ја започна својата 47-ма сезона со – голотија. Во емисијата гостувала 33-годишната пејачка Кејси Масгрејвс која пеела на сцената додека на себе носела само пар каубојски чизми. Целосно гола, таа ја извела песната „Justified“ од својот нов албум, а интимните делови ги покрила со гитара. Ова е првиот разголен момент во историјата на оваа забавна емисија. По провокативниот настап, Кејси уште еднаш се вратила на сцената за да ја изведе песната „Camera Roll“, но тогаш се појавила целосно облечена, во фармерки и фланелна кошула. Масгрејвс на Твитер, осврнувајќи се на својот настап, споделила фотографија од познатата сцена од филмот „Forrest Gump“ во која Џени настапува гола, прекриена единствено со гитара. Кејси Масгрејвс е кантри пејачка, добитничка на повеќе Греми награди помеѓу кои и онаа за албум на годината и најдобра кантри песна. Таа ја започнала својата кариера на 18-годишна возраст, заработувала така што снимала демо снимки, а нејзината мајка ја водела на локални музички фестивали. Нејзината професионална кариера започнала во 2008 година додека живеела во Остин, кога нејзиниот талент го открил продуцентот Монт Робисон. Четири години подоцна го издала дебитантскиот сингл „Merry Go ‘Round“ кој постигна голем успех, а веќе на 56-то доделување на Греми наградите, пејачката беше номинирана во 4 категории покрај Тејлор Свифт и Лорде.

View this post on Instagram

A post shared by K A C E Y (@spaceykacey)

Фото: Инстаграм принтскрин/spaceykacey

Вака Даниел Кајмакоски глуми дека сака во – „Глумим да волим“ (ВИДЕО)

Антонио Димитриевски — Wed, 30 Jun 2021 08:40:20 +0000

Даниел Кајмакоски е повторно актуелен… Само што сега пејачот „Глуми дека сака“! Или поточно, така пее! „Зошто ме предаде ти, кажи ми, можеш ли барем на крајот да не ме лажеш, можеш ли…? Овој ѕид го дели мојот свет на два, во еден дел, ти, во другиот јас… Јас глумам дека сакам после тебе, зашто се плашам во срцето да го стопам мразот, јас лажам дека сакам, се лажам себе, кога друга со допир ќе ме разбуди од сонот, јас секогаш бегам“… Вака некако отприлика одат стиховите кога Даниел Кајмакоски пее за тоа дека „Глуми дека сака“ (Глумим да волим), во најновата песна испена на српски јазик, која набргу по враќањето во Белград ја сними во студиото на „Скај мјузик“ за потребите на ТВ шоуто „Студио“, продуцирано од истата продукциска куќа, кое оди секоја сабота на првиот канал на националната РТС 1. Музиката ја напишал самиот, во текстот „како создаден за него“ преточен во стихови од маестралниот македонски лиричар Огнен Неделковски и извесна Данијела Илиќ, многумина на прва го препознаа она што Даниел Кајмаковски го доживува во себе по разводот со екс сопругата Кристина Димитриевска? Дали стиховите се „чиста случајност“ која се поклопила со реалноста, или наменски пишувани по негови кажувања како парче од неговата животна биографија, останува или авторот или самиот изведувач да се произјаснат. Судејќи по тоа дека Даниел Кајмакоски „тешко и ретко отвора душа“, останува една друга дилема: Дали пејачот е навистина толку многу погоден од разводот или „секое зло за добро е“, па „вешто ја користи“ таа ситуација за „ревитализација“ на својата кариера!? Одговорот во првата следна прилика за интервју со Кајмакоски, кој „Глуми дека сака“… ама засега, само во песна, која звучи вака:

Забавно-музичкото ТВ шоу “Опуштено” одново на ТВ Алфа

Антонио Димитриевски — Mon, 01 Mar 2021 13:33:44 +0000

На националната ТВ „Алфа“ одново стартува забавно-музичкото ТВ шоу “Опуштено”, кое што своевремено се емитуваше на неколку различни телевизии, како поранешната А1, Сител, МРТ1. Емисијата беше една од најгледаните, посебно кај помладата публика. За разлика од тогаш кога „Опуштено” беше препознатлива по водителите Тони Михајловски и Део, после пет години пауза во новата сезона гостите ќе ги пречекува и публиката ќе ја забавува само Тони со музичка поддршка на сајзеристот Славиша Кибровски и пејачката Нина Јанева. Со поинаков концепт, оваа позната и популарна емисија гледачите ќе можат да ја гледаат на Телевизија Алфа секој петок со почеток од 22 часот и 30 минути.

“Имат- Немат„ ново музичко шоу на ТВ Алфа

Антонио Димитриевски — Mon, 01 Mar 2021 13:21:55 +0000

Македонска музика, хумор, забава се нешта кои недостасуваат на Македонските ТВ канали. “Ин продукција” го реализира новото телевизиско шоу кое наскоро ќе започне со емитување на тв Алфа. Станува збор за музичко шоу во кое учество ќе земат најголемите македонски ѕвезди, Елена Велевска, Сузана Гавазова, Анета Мицевска, Стојне Николова… Телевизиска меана во која домаќин е Жанко – З’ш, кој воедно е задолжен и за хуморот во емисијата. Веќе се снимени четири епизоди, по протокол за состојбата во која моментално се наоѓаме. Емисијата освен на “Алфа” ќе се емитува и на сателитската “Ин Тв” и “Фолк клуб”. https://www.youtube.com/watch?v=RYrxuZxoriE&feature=emb_logo

Сека Алексиќ менува професија: Пејачката го батали пеењето, влегува во водителски води (ФОТО)

Антонио Димитриевски — Mon, 01 Mar 2021 11:16:37 +0000

Сека Алексиќ станува ТВ водителка?! Пејачката работи напорно на своето телевизиско шоу, кое ќе се занимава со кулинарство, односно готвење. Како што се дознава, емисијата ќе се вика „Мајка и снашка“. Сека е целосно посветена на новиот проект. „Ден и ноќ работи на сценариото со свите соработници, дури и ја дизајнира и сценографијата. Во шоуто, жените ќе се натпреваруваат со мајките на нивните сопрузи во подготвувањето храна. Сека Алексиќ ќе го води ова шоу рамо до рамо со познатиот готвач Радомир Раша Влачиќ“ - ја започнува приказната извор близок до пејачката. Тој додава дека Сека не сакала веднаш да ја прифати оваа работа. „Долго време размислуваше дали ова е вистинскиот потег за неа, но бидејќи во моментов нема настапи поради коронавирусот и има вишок време, таа реши да ја прифати поканата. Нејзина најголема поддршка е сопругот Вељко, кој е воодушевен од нејзините готвачки можности и умешноста со која ги подготвува кулинарските специјалитети“.

„Луда ноќ“: Даниел Кајмакоски се најде во друштво на девојките од „Хурикејн“, а еве кој е поводот….

Христина Ѓоргиевска — Thu, 15 Oct 2020 07:24:52 +0000

Македонскиот пејач Даниел Кајмакоски по разводот од неговата сопруга, македонската мисица Кристина Димитриевска се пресели да живее во соседна Србија. Пејачот таму работи на својата музичка кариера, па пред да започне короната редовно настапуваше во регионот. Исто така, Кајмакоски победи во регионалното забавно – хуманитарно шоу „Твоето лице звучи познато“ каде што имаше задача да се најде во улога на разни негови колеги. https://arhiva.vistina.com.mk/megafon/daniel-kajmakoski-po-vtorpat-pobedi-vo-finaleto-na-tlzp-video/ Меѓутоа, деновиве повторно се најде во едно забавно шоу. Имено, периодов започна снимањата на 4та сезона на „Луда ноќ“ која се емитува на РТС телевизија. Токму по тој повод, пејачот се најде во студио на националната српска телевизија, но и во друштво на неговите колеги, колешки, популарни уметници.... Даниел на социјалните мрежи сподели дел од атмосферата, па се пофали во какво друштво се наоѓа. Во најновата објава на „Инстаграм“ тој сподели фотографија со девојките од „Хурикејн“, а во описот додека дека тие во емисијата биле дел од неговиот тим. „А мојот тим „Хурикејн“. Гледајте ја 4та сезона на Луда забавна ноќ“, напиша тој.

View this post on Instagram

A post shared by Daniel Kajmakoski (@daniel_kajmakoski) on Oct 14, 2020 at 4:02am PDT

Инаку, „Луда ноќ“, е забавна емисија во која пејачите пејат во живо придружени од орекстарот наречен „Луда ноќ“. Познатите личности се поделени во два тима, а се натпреваруваат низ песна и игра. Како Даниел Кајмакоски и неговиот тим ќе се претстави во ова забавна програма останува да следиме...

Дали вечерва големото бугарско ТВ шоу „Како две капки вода“ ќе заврши со скандал, зашто Гери-Никол ја местат да победи? (ФОТО)

Антонио Димитриевски — Mon, 28 May 2018 10:45:09 +0000

Бугарското ТВ шоу за имитатори „Како две капки вода“, го тресе скандал пред самата завршница. Како ќе заврши реалното шоу, веќе им е познато на сите учесници и луѓето од тимот, соопшти бугарска HotArena. Се верува дека големата награда ќе ја однесе пејачката Гери-Никол и тоа воопшто не изненадува. Победникот ќе биде официјално објавен вечерва, на 28 мај - понеделник, кога е последното издание на „Капките“.

Во финалето одат варненката, фолк пејачот Константин, поп пејачот славист и актерот од хумористичната ТВ серија „Столичани в повече“ - Иван Јуруков. И за нив и за членовите на тимот и за поранешните учесници е јасно дека Гери ќе биде победничката.

Константин е потенцијален фаворит, со што тој по втор пат би ја освоил награта во еден риалити формат ("ВИП Брадр") и тоа е доброо оправдување зошто да не биде победник и овој пат. Славист и Иван се само „мачкање на очите“, Слачев исто така веќе освоил прво место ( "Х фактор"), додека болната амбиција на газлестата пејачка, засилена со парите на тато, гази сè по ред и освен на музички листи и на хип - хоп наградите, не земала награда на едно телевизиско шоу.

На почетокот на "Капките" Гери тргна доста несигурно и по ништо не делуваше дека е талентирана пејачка, која заработува од занаетот со пеењето. Малиот број поени што и ги дале и гледачите и жирито ги покажаа нејзините слаби можности за победа во шоуто.

Изморена и со повредено его од острите критики и навреди на Фанки, Гери-Никол и нејзините врски наеднаш поминаа во надмоќ во нејзина полза. Во средината на шото, односот кон неа беше преку ноќ радикално променет. Интересен е фактот дека помеѓу ѕвездата од Варна и Златка Рајкова имало пријателство кое се распаднало токму за време на телевизиското шоу.

Дури и големата Софи Маринова исто така остана во сенка на 19-годишната девојка, но не поради недостаток на талент ... туку заради недостаток на власт.

Сега сите знаат дека е извсно оти Гери-Николе ја има договорено победата која официјално ќе биде прогласена вечерва, понеделник, 28 мај 2018, со што шоуто „Како две капки вода“ ќе заврши! https://www.youtube.com/watch?v=8S8bHhXjqVw Извор:Новини.бг