Александра од ТВ Алфа на оригинален начин и го честиташе роденденот на сестра и Елена од ТВ Телма: „Само јас знам како е да ја имаш најдобрата сестра…“ (ФОТО) (ФОТО)

Антонио Димитриевски — Wed, 13 Jul 2022 08:00:23 +0000

Тие се раритет во македонскиот ТВ етер... Две сестри кои се појавуваат на различни македонски телевизии со национална фреквенција. Обете згодни, стројни, шармантни… на прв поглед слични, а сепак различни. Едната русокоса, другата црнка. Александра Овчарска е дел од екипата која ја работи магазинската програма на ТВ Алфа, а Елена Манојловски пак, е презентерка на временската прогноза на ТВ Телма. Иако двете со семејни обврски, Елена оддамна реализирана како сопруга и мајка, Александра однеодамна со веренички прстен на раката, сестрите се и исклучително блиски меѓу себе, па често се заедно и се дружат! Затоа русокосата Александра од ТВ Алфа, реши на посебен, себесвојствен и мошне оригинален начин да и го честита јубилејниот 40-ти роденден на сестра и' Елена од ТВ Телма. Помалата сестра направила избор од најубавите заеднички семејни фотографии од детството, па една по една ги прикачила на јажето за сушење алишта со дрвени штипки, како своевиден времеплов. Враќајќи се назад во времето, на паташествието низ заедничките спомени, под секоја фотографија Александра напишала неколку реда за она што го чувствува кон својата повозрасна сестра. Навраќајќи се на најзначајните и најубави мигови од нивното детство и заедничко растење, секоја слика носи своја порака, за тоа колку помалата и е благодарна на постарата сестра за се$ што направила за неа, на што се$ ја научила, и покажала, ја израдувала, ја утешила... И го трасирала патот кон неизвесната иднина низ кој самата таа прва се пробивила. Дузина спомени, измешани со грст емоции, бескрајно многу љубов и само една роденденска порака... Оригинална, најубава и најсилна на свет. Но, да тргнеме по ред: „Денеска и е роденден на сестра ми“ - ја започнала својата фото сторија во вид на роденденски пораки и честитки Александра... „Само јас знам како е да ја имаш најдобрата сестра на свет, затоа што те имам тебе“... „Овде за да ме покажеш, си се сокрила ти“... „Не постои поголема поддршка од твоето те сакам“... „Ме научи дека поделеното чоколадо е послатко“... „Ме научи дека љубовта е неисцрпна“... „Ми покажа дека многу работи можам сама“... „секогаш ќе бидеш моето второ „Јас“... Добро, понекогаш и прво...“ „Се родив со веќе најдобар пријател и не морав да го барам“... „Ми покажа дека секоја болка се ублажува со здрав разум и силно срце“... „Ти си мојата згодница сестрица“... „Која ме научи како да ги толкувам туѓите, но и свои грешки“... „Среќен роденден“ - ја завршува својата фото сторија во вид на роденденска честитка до саканата сестра, ТВ водителката. Иако на дамите не им се бројат годините, постарата сестра, презентерката на временската прогноза на ТВ Телма сама ги откри заблагодарувајќи се на честитката. Кога е веќе така, и од нас ... Среќна 40-ка! Или како што самата славеничка порачала: „Немам 40... Имам триес-десет!“

Весна Бејби распали жестоко: „Никогаш нема да бидете добри ТВ водители“!

Христина Ѓоргиевска — Tue, 05 Jun 2018 06:51:12 +0000

Новинарството и ТВ водителството се едни од постресните професии кои бараат вложување и постојано надоградување на самите себе и како личности и како професионалци. Во денешно време, кога владее експанзијата на медиумите, новинарството и секој втор може да се занимава со оваа професија, а се поретко може да се најде вистински професионалец. Во Македонија, на прсти може да се избројат ТВ водителите кои одлично си ја вршат својата работа. Весна Бејби Петрушевска, најпознатата македонска актерка без влакна на јазикот удри по ТВ водителите. На својот Фејсбук профил, таа сподели статус во кој потенцираше дека не треба да се препуштаат на спонтаноста туку да си ја завршат задачата.

Никогаш нема да бидете добри телевизиски водители ако не читате, не се подготвувате за вашиот гостин, кога немате чувство за одговорност дека телевизијата е силен медиум и имате драгоцено време.Уличарскиот дијалог со ниет “леле колку сме спонтани”не врви.Седнете и завршете си ја домашната задача!, напиша Бејби на ФБ.

А нејзините пријатели веднаш и дадоа поддршка и коментираа дека е во право. фото: Фејсбук Top of Form

тв лица – Вистина.мк

Александра од ТВ Алфа на оригинален начин и го честиташе роденденот на сестра и Елена од ТВ Телма: „Само јас знам како е да ја имаш најдобрата сестра…“ (ФОТО) (ФОТО)

Весна Бејби распали жестоко: „Никогаш нема да бидете добри ТВ водители“!