туризам – Вистина.мк

Во најевтиниот град за одмор во Европа пивото чини помалку од 2 евра, а музеите се бесплатни

Слободанка Илиева — Tue, 22 Nov 2022 12:57:33 +0000

Оваа европска дестинација не е сместена во студени, пасивни подрачја, не е ниту во нашето соседство, но затоа вреди да се посети. И, не само поради убавината и богатото културно наследство, туку и поради тоа што од неа ќе се вратите со полни џебови.

View this post on Instagram

A post shared by Ayumi 旅するように人生を (@ayuuumi__b)

Гранада е најевтината „сити брејк“ дестинација во Европа. Се наоѓа јужно од Шпанија и претставува една од навистина најпристапните дестинации за патниците. Врз основа на истражување кое го спровела страницата „Омнио“, Гранада се нашла на врвот на листата за патници со ограничен буџет. Цената е значаен фактор за поголем дел од потенцијалните туристи. Страницата „Омнио“ рангирала 100 најпопуларни дестинации за патување во Белгија, Германија, Франција, Италија, Холандија, Австрија, Швајцарија и Шпанија.

View this post on Instagram

A post shared by rute isabel (@ru7e.i54b3l)

Градовите биле рангирани врз основа на бројот на бесплатни атракции, пристапност на локален превоз, цена на храна и пијалаци. Гранада има многу бесплатни активности, поточно 112. Тоа вклучува и посета на 10 бесплатни музеи. Обиколувањето на градот во просек чини 6 евра, а пивото во поголем дел од баровите не е поскапо од 2 евра, наведува „Euronews“.

View this post on Instagram

A post shared by La Esquinita de Triana (@laesquinita_detriana)

Освен тоа, Гранада има 1011 бесплатни Wi-Fi точки и 143 јавни фонтани. Редовната автобуска карта е една од најевтините во Европа и изнесува 1,40 евра. Тврдината Алхамбра е главната точка во Гранада. Спектакуларната тврдина е неверојатно изградена како ѕидана цитадела, а потоа станала луксузна резиденција на Насридскиот емир.

View this post on Instagram

A post shared by Noemi | Travel | UK (@noemi_laviajera)

Бисерот на Андалузија Уште една од најважните историски атракции во Гранада е катедралата, импозантната градежна структура со готски, ренесансни и барокни елементи на архитектура чие градење траело повеќе од 180 години. Гранада неодамна била поврзана со поголем дел градови во Шпанија со нов и брз воз. Патниците можат да тргнат од Мадрид и да стигнат во овој андалузиски град за три часа или четири часа од Севилја. извор:точка.ком.мк

Запознајте го едно од најубавите места во прекрасната Италија – го нарекуваат „село на лудите луѓе“

Слаѓана Атанасова — Mon, 10 Oct 2022 10:13:45 +0000

Кориналдо уште во 2007 година било прогласено за најубаво село во Италија, а воопшто се смета и за едно од најдобро сочуваните места во средновековен дух. Тешко е да го изберете најубавото италијанско село или пак да смислите патување „road trip“ кое вклучува сè што сакате да видите. Сепак, доколку одите на север од Италија, убаво е да размислите за посета на Кориналдо. Таму се мешаат историјата, архитектурата и виното, како и во остатокот од Италија, но и некои посебни традиции и атракции. Кориналдо е сместен во провинцијата Анкона на источното крајбрежје од Италија, а препознатливо е по своите масивни ѕидини од 14-ти век. Ѕидините таму се долги до 912 метри и сместени се во најимпресивниот регион Марче.

View this post on Instagram

A post shared by Corinaldo Turismo (@corinaldoturismo)

Можеби помалку ќе ве разочара податокот дека ѕидините кои ќе ги видите по доаѓањето пред Кориналдо не се оригинални. Оние вистинските настрадале во 14-ти век, а папата Урбан V набрзо потоа издал дозвола за нивна реконструкција. Денешните ѕидини сепак не се ништо помалку импресивни и величествени – содржат сè од средновековните елементи... Уште во 2007 година ова село е прогласено за најубаво во Италија, а воопшто се смета и за едно од најубавите зачувани места во таков дух.

View this post on Instagram

A post shared by Corinaldo Turismo (@corinaldoturismo)

Логично, местото станало многу популарно меѓу посетителите, особено меѓу љубителите на вино кои ја ценат понудата која ја има Кориналдо, а особено ќе го ценат домашното вино Вердикио. Одличен повод за посета на Кориналдо е Ноќта на вештерките која таму се слави со стил секоја година. Неделата воочи Ноќта на вештерките селото се претвора во хорор престолнина исполнета со бројни работилници и активности. Прославата на украсените улици завршува со Мис вештица, но ова сè уште е нормално кога ќе го споредите со Фестивалот на лудаци. Имено, прекарот на ова место е „село на лудите луѓе“. Во тоа име секоја пролет се организира луд фестивал во текот на кој имате можност да освоите „пасош на лудак“.

View this post on Instagram

A post shared by Corinaldo Turismo (@corinaldoturismo)

Потребно е да затрчате кон бунарот којшто се наоѓа на скалите, да врескате и да се вратите на почеток од скалите. Некој од селските лудаци потоа ќе би го подари локалниот пасош.

View this post on Instagram

A post shared by Corinaldo Turismo (@corinaldoturismo)

Извор:Точка.мк

Европски дестинации кои вреди да ги посетите во текот на зимата

Наташа Тасевска — Mon, 03 Dec 2018 14:15:04 +0000

Периодот на зимските месеци е време кога многумина од нас прават пауза од патување и разгледување на интересни дестинации. Меѓутоа, постојат многумина кои најчесто новогодишните празници и нивните слободни денови ги трошат на кратки патувања во некои од европските метрополи. За Европа и многу од нејзините градови, овој период е познат како време кога бројот на туристите се намалува (не земајќи ги во предвид новогодишните празници). Ако сте меѓу оние кои не сакаат да патуваат во текот на зимата, тука се и некои интересни предлози, но и причините зошто овие европски дестинации се погодни за патување во текот на зимата. Амстердам - рај на лизгалиштата преку зимата За сите оние туристи кои не се плашат од ладното, Амстердам може да биде одличен избор. Добра идеја е да започнете да шетате низ централните улици на градот или да патувате со брод до некои од каналите. Во текот на декември и јануари, сите оние кои ќе се одлучат за посета на овој холандски град ќе можат да присуствуваат на величествените ефекти и сцени на Фестивалот на светлината, организирани секоја година во ова време. Во градот има многу лизгалишта, па можете да изберете дали повеќе ви одговара да поминете дневен, попладневен или вечерен час на лед. ICE Amsterdаm е идеално место за уживање во холандскиот зимски шарм и забава. Без разлика дали ќе пробате лизгалки или само ќе ја гледате лудоста на оние што се забавуваат на мразот, изборот е на вас, но она што е гарантирано е добра атмосфера. Љубителите на музеите секогаш можат да го поминат времето во посета на Холандскиот национален музеј, Музејот на дијаманти и така натаму. И после тоа, можете да се загреете во еден од автентичните, т.н. „кафеави“ кафулиња и пабови во градот, именувани по внатрешноста, изработени од темно дрво. Топлина која на секого му е потребна по освежувачка прошетка по зимските улици во Амстердам. Сицилија - блага клима за возбудлив одмор И покрај тоа што нема да биде доволно топло за плажа, Сицилија може да понуди блага температура (околу 10 степени), што е идеално за долги прошетки, истражување на градот, острови, историја, култура или можеби само забава, надвор од главната туристичка сезона во текот на летото. Ова е одлично време да се обидете да планирате рута од античкиот град Таормина до Кастелмо, од каде можете да уживате во прекрасен поглед на морето, подножјето на Етна и замокот Сарацен. Исто така, ова време е идеално да поминете еден ден шетајќи низ тесните, калдрмани улици на стариот град Сиракуза, кој во текот на летната сезона може да бидат претесни за масите на туристите кои се обидуваат да се пробијат и да видат дел од богатата историја. Ова место, сепак, е многу попријатно и потивко во текот на јануари и февруари, кога тоа не е главна туристичка точка, и кога ќе може да прошетате на мир и да видите што ве интересира. Доколку се одлучите за Сицилија или слични места, каде што главната сезона е во текот на летото, бидете свесни и подготвени за некои продавници и ресторани кои нема да работат, особено оние на брегот, поради дождливите и поладните денови. Во тој случај, би било добра идеја да се префрлите во Ferrovia Circumetnea, мал и ефтин воз што кружи околу подножјето на планината Етна, со своите бројни постојки во малите градови, на кои може да видите многу убави погледи на околината. Кипар - необичен, но вистински избор Овој остров / држава е познат по своите 340 сончеви денови во годината и благи зими, со температури помеѓу 10 и 15 степени. Тоа е одличен избор за секој кој сака да го замени зимскиот минус со неколку дена во плус, а голем избор на активности го прави добар избор за посета надвор од сезоната. Некои студии покажуваат дека бројот на туристи од мај до септември е 5-6 пати повисок отколку во другите месеци. Постојат хотели кои се затворени во јануари и февруари, но има и интересни погодности и понуди за оние кои остануваат отворени и во текот на зимата. Во секој случај, периодот надвор од наведената сезона е погоден за станарите да го истражуваат островот и да ги посетат интересни локации, како што се остатоците од грчко-римскиот град Коурон, градот Пафос, чијашто површина е под заштита на УНЕСКО и многу повеќе. Барселона - голем град полн со атракции Патниците кои се во потрага по голем европски град, со еден тон атракции, и забавни и културни, но без мрачното и сиво небо како во Лондон, треба да одат во Барселона. Времето е поладно во ова време од годината, но јасното небо и сончевите денови ја прават Барселона еден од најатрактивните европски градови во текот на зимските месеци. Далеку од фактот дека ќе се сретнете со празни улици во Барселона, без народ и галама, но имајте на ум дека толпата е сигурно помалку отколку во текот на сезоната. Не пропуштајте традиционални каталонски сувенири на патот помеѓу ремек-делата на Гауди, како што се Саграда Фамилија и Геелче парк, од каде што ќе уживате во прекрасен поглед на градот и морето. Исто така, галериите и музеите се многу помалку преполно, така што многу места се подостапни за патувања и посети. Исланд - дестинација на која што не би се сетиле Прегрнете ги снегот и студот на Исланд, бидејќи зимата е сезона која носи единствени искуства кои не се достапни во било кое друго време од годината. Пред се, на зимските месеци се време кога најголема шанса е да се види поларната светлина во текот на ведрите и темни ноќи. Покрај тоа, водата која тече низ глечерските пештери се замрзнува и создава т.н. кристален камен. Овие величествени тури низ пештерите на мраз се неопходни. Цените на летови и хотели (особено на источниот брег) може значително да се намали со намалувањето на туризмот, од декември до февруари. Ако се случи да се најдете таму во текот на новогодишната ноќ, не пропуштајте го огнометот во Рејкјавик, главниот град на оваа држава.

Ѓоко Танески објави фотографија од факултет: Македонскиот пејач се пофали со новиот успех

Христина Ѓоргиевска — Wed, 25 Jul 2018 07:02:34 +0000

Образованието е важна алатка за успех во сопствениот живот и еден важно оружје за подобар успех. Многу од регионалните јавни личности имаат успешна музичка кариера која ќе остане запишана во историјата, но не можат да се пофалат со некое образование. Додека пак други имаат и музичка кариера, а може да се пофалат со факултет, а некои дури и со два. Македонскиот пејач Ѓоко Таневски покрај тоа што има убава музичка кариера, тој посветува време и на напредувањето на полето на образованието. Така, Ѓоко на својот Фејсбук се пофали дека ги бранел тезите за обработка на магистарскиот труд. Пред четиричлена комисија Ѓоко ги бранеше тезите на Факултетот за туризам и менаџмент. Пејачот објави на Фејсбук објави неколку фотографии од просторијата каде штого бранел магистарскиот труд, а честитки доби од неговите пријатели.

фото: Фејсбук