туристи – Вистина.мк

Туристите го обожуваат: Храна, чинии, мост, телефонска говорница – на овој остров сè е во знакот на виолетовата боја

Христина Ѓоргиевска — Mon, 10 Jan 2022 12:57:34 +0000

За да ги привлечат туристите да го истражат овој дел од светот, жителите на островот Банвол одлучиле сè да исфарбаат во виолетова боја, а исто така насадиле и такви цвеќиња. А, дека во тоа успеале говори фактот што само минатата година овој остров го посетиле 100.000 туристи. На островот на југозападното крајбрежје на Јужна Кореја преовладуваат јоргованите и лавандата кои на природниот пејзаж му даваат прекрасна нијанса на виолетова боја.

View this post on Instagram

A post shared by 세지닝💐 (@choi___sejin)

Сега овој остров е познат како „виолетов остров“, а таму има околу 400 згради чии кровови исто така се во пастелно виолетова боја, стари телефонски говорници и голем мост кој го поврзува островот со соседниот остров Бакџи во истата нијанса на боја. Овој проект бил осмислен во 2015 година кога јужнокорејската покраина Јеоланам сакала таквата островска дестинација да стане атрактивна за туристите.

View this post on Instagram

A post shared by The Purple Store ® (@thepurplestore)

За да ја поттикнат идејата, владата исто така помогнала во садењето цвеќиња, додавајќи 30.000 стери од Нова Англија, диво цвеќе во одговарачката нијанса на боја, како и бескрајни полиња со лаванда. Изградени биле и ресторани, кафулиња и донесени интересни велосипеди за островот да биде погоден за туристите, но и функционален особено во текот на пандемијата на коронавирусот.

View this post on Instagram

A post shared by travelgram_korea (@travelgram_korea)

Дека сè е во функција на виолетовата боја говори и фактот што рестораните служат виолетов ориз и тоа во чинии со иста боја.

View this post on Instagram

A post shared by App in the Air (@appintheair)

View this post on Instagram

A post shared by The Purple Store ® (@thepurplestore)

View this post on Instagram

A post shared by Asia Pop 2.0 (@asiapop2.0)

View this post on Instagram

A post shared by Gilson (@gilsonfagundes_)

View this post on Instagram

A post shared by Melanie Lopez (@melssel7)

извор: точка.мк

Туристите во Тајланд задолжителниот карантин може да го минат на јахта

Слободанка Илиева — Wed, 10 Mar 2021 12:45:15 +0000

За туристите во Тајланд, задолжителен е двонеделен карантин, но сега, тие може тие две недели да ги минат на јахта. Владата се надева дека оваа нова иницијатива ќе донесе приходи од туризмот со јахти, кој вообичаено носи 58 милиони долари приход. Овој потег е обид да „заживее“ туризмот во Тајланд, што претрпе тежок удар поради пандемијата на коронавирусот. Во јануари, земјата објави шема што им овозможува на туристите да го минат карантинот на терени за голф, па и јахтите се дел од таа стратегија. Програмата ќе им овозможи на туристите со негативни тестови, задолжителниот карантин да го минат на крстосувачки брод во тајландските води. Пријавувањето започна, а се очекува да се пријават вкупно околу 100 јахти за пробниот период. Туристите притоа ќе мора да носат и паметна нараквица која ќе ги следи нивната температура, крвен притисок и местоположбата. По забраната за странски туристи во март минатата година, Тајланд постепено почна да ги отвора своите граници во октомври. Минатата недела, Министерството за туризам предложи план за карантин на популарни туристички места, вклучително и одморалишта на плажа. Овој план ќе почне да се спроведува во април и мај во туристичките места Пукет, Краби и Чијанг Маи. МИА

Каде најлошо се јаде? 8 земји во кои туристите најмногу се жалат на храната

Христина Ѓоргиевска — Wed, 10 Feb 2021 13:39:19 +0000

Дестинациите како Грција, Италија или балканските земји се омилени на листата на оние кои ги откриваат странските земји преку вкусот и мирисот на националните кујни – исто како и Турција, Тајланд… Но, што е со оние дестинации каде чиниите и чашите не се толку популарни? Патниците од целиот свет трагаат по дестинации на кои ќе ги искусат најдобрите национални кујни. Тајланд, Грција, Турција и Италија се најбарани, додека Велика Британија, Холандија и Монголија не се на списокот на посакувани. Кога пријателите се враќаат од патување и нѝ ги прераскажуваат гурманските искуства, тие можат лесно да нè „заразат“ да ги следиме нивните стапки и да се „фрлиме“ на хедонистички туризам. Во некои земји, традиционалната кујна е во сенка на културните, историски и природни обележја. Велика Британија е позната по својата репутација на домашна кујна без вкус, но на мета на критики на туристичките форуми се нашле и Јамајка, Кенија како и Финска.

Финска

„Финската храна е една од најздодевните и најмалку креативните, но е здрава. За време на Финските олимписки игри во 1952 година, било спроведено истражување помеѓу спортистите; тие сметале дека финската кујна е најлоша”, вели Срихарша Кучиманчи од Индија.

Холандија

Едвин ван Давенхорст од Холандија вели: „Бидејќи сум Холанѓанец, знам што е невкусна храна на која ѝ фали креативност. Нашите јадења најдобро се опишуваат како хранливи и лесни за подготовка. Еден од примерите е стампот, зеленчук со компири варен во истото тенџере, па испасиран и послужен со парче месо и сос“.

Никарагва

„Во Никарагва, вегетаријанците јадат ориз и грав со пржени банани. Ја сакам таа комбинација и ја јадев во Костарика, но во Никарагва ова јадење е скоро секогаш студено, суво и без зачини. И ананасот ме разочара, секогаш е незрел и кисел, додека во Костарика е незамисливо сочен“, тврди Германката Амели Ландфиш.

Монголија

„Мојот глас за најлоша кујна оди кај Монголија. Нема зеленчук, нема зачини – само месо и тестенини. Казахстанската кујна е слична, но бидејќи е земја полна со други националности, можете да јадете фини корејски, грузиски, руски или кинески јадења“, вели Стивен Херманс кој живее во Казахстан.

Јамајка

„Јамајка има потполно безлична храна – сè е без вкус освен печеното пилешко месо. За појадок, тие јадат варени банани, варен компир, варени јајца и повеќе варена храна. За ручек, тоа е ориз со грашок без зачини. Не знам како го прават тоа?! “, се прашува Брајан Колинс од Америка.

Англија

Џеф Пеларин од Канада вели дека Англија многу се обидува да се ослободи од лошата репутација, но сепак уживаат во ужасните сендвичи со јајца од „Marks & Spencer“. „Моето најтажно искуство беше кога го прашавме локалното население за најдоброто место за риба и помфрит во Лондон. После половина час пребарување, добивме убави парчиња свежа риба… без никаков вкус”, вели тој.

Непал

„Надвор од туристичките ресторани во Катманду, храната во Непал е прилично лоша. Врз основа на моето (скромно) туристичко искуство, се чини дека Непалците живеат од две работи, повеќе или помалку тестенини и дал бата. Тестенините се во ред, а дал бат е сличен на индискиот ориз со леќа, освен што е поводлест и зачините се помалку интересни. Колку подалеку сте од градот, толку потешко ќе пронајдете месо со зеленчук“, објаснува Аника Шауер од Америка.

Кенија

„Кениската кујна е вкусна, но брзо станува здодевна. На секој чекор има невкусна касава, што е и очекувано бидејќи се служи како евтин извор на калории. Покрај тоа, сè се готви живо и тоа долго време – сè додека последната капка живот не излезе од зеленчукот и другите намирници“, вели Бен Сантхаус од Велика Британија. извор: точка.мк

Можеби ќе се изненадите, но поради ова правило во Египет на туристите им се заканува казна затвор

Христина Ѓоргиевска — Tue, 18 Feb 2020 13:00:19 +0000

Туристот Тони Камокио (51) од Велика Британија завршил во затвор поради наводно “сексуално вознемирување“ на работник кој работел како обезбедување на меѓународниот аеродром во Хургада. Откако бил сместен во затвор, неговото семејство се огласило во медиумите и тврдело дека Тони едноставо само го потапкал работникот по грбот за да му се заблагодари, а главниот проблем е тоа што сето тоа се случило во текот на сигурносната проверка. Неговата сопруга Џоан и синот Ремо заминале за Египет за да ги замолат локалните власти да го ослободат од затвор, но за жал не успеале во таа намера. Британски „The Sun“ напишале дека ова е само уште еден од случаите во кои туристите од Европа се апсени во земјите на Блискиот исток поради непристојно однесување и поради тоа не можеле да се вратат назад во нивната татковина. Египет има подолг список за обичаи и закони кои туристите мора да ги почитуваат во текот на нивниот престој таму, вклучувајќи ги нормите за нивно облекување, разменување нежност во јавност, консумирање алкохол, фотографирање, искажување политички ставови како и сексуална активност. извор: точка.мк

Ајкула ги преплаши туристите во близина на Валона (видео)

Слободанка Илиева — Mon, 05 Aug 2019 12:00:32 +0000

Туристите на плажата кај Дерми во Албанија, биле изненадени кога во непосредна близина забалежале ајкула. Кога им се доближила, тие биле во морето. Месноста Дерми се наоѓа на 42 километри јужно од градот Валона. Туристите тука вчера имаа ретка можност да видат ајкула, многу блиску до плажата, додека дел од нив биле во водата, јавуваат албанските медиуми. Откако бил вклучен алармот од чуварите на плажата, сите излегле од водата. Некои го снимиле тоа со своите мобилни телефони. https://www.youtube.com/watch?time_continue=1&v=8XzSfdwId2Q Ова е првпат туристите на таква близина да забележат ајкула, иако во мрежите на албанските рибари последниве две години уловени се над десет ајкули, сите на поголема оддалеченост од морскиот брег. Тежината на уловените ајкули се движи од 100 до 400 килограми. извор:магазин.мк

Вака навистина изгледа Карлеуша: Српски туристи крадешкум ја фотографирале на одмор! (ФОТО)

Антонио Димитриевски — Sat, 06 Jul 2019 09:21:25 +0000

Јелена Карлеуша изгледа фантастично, со беспрекор на шминка, совршено извајано тело, витка линија, затегнат задник и плочки на стомакот... Но, по се изгледа, само на нејзиниот Инстаграм профил!

Сосема друга приказна е кога ќе ја сретнете пејачката на улица, кога нема филтри и фотошоп. Тогаш Јелена изгледа сосема просечно. Српски туристи, кои неодамна летувале на истото место со Карлеуша, се убедиле во оваа констатација, така што имале можност да ја видат, но и крадешкум да ја фотографираат.

Карлеуша го возела малиот електромобил до плажата, каде еден минувач ја усликал, а на таа фотографија, во преден план се гледа нејзината прекумерна тежина, стомакот што се прелива и не толку совршениот задник!

Оваа фотографија наскоро стана хит на социјалните мрежи, па „скандал дамата“ ја „распнаа“ поради тоа што во изминатите неколку дена објавуваше десетици нејзини фотографии на кои таа изгледа беспрекорно.

View this post on Instagram

A post shared by JELENA KARLEUŠA (@karleusastar) on Jul 5, 2019 at 12:51pm PDT

На сето ова, пред неколку дена, Карлеуша го објави своето „безобразно видео“ во ултра мини-бикини пред огледалото во хотелската соба, покрај кој напишала коментар, во кој ги напаѓа медиумите за омаловажување, дека лажно ја обвинуваат за обработка на фотографиите во Фотошоп.

Во овие земји домаќините се најљубезни кон туристите

Слободанка Илиева — Mon, 24 Jun 2019 13:15:21 +0000

Србија е меѓу првите 10 земји кои биле најгостопримливи домаќини во 2018. година, според извештајот на сајтот Booking. Врз основа на оценките на туристите, освен Србија, на листата се најдоа и Австрија, Чешка, Полска, Нов Зеланд, Тајван, Романија, Унгарија, Ирска и Грција. Исто така постои и листа на најпопуларните дестинации каде што се Goreme (Турција), Slunj (Хрватска), Eluanbi (Тајван), Niagara (Канада), Tekapo Lake (Нов Зеланд), Bendigo (Австралија), Newport (САД), Nozava Onsen(Јапонија), Fernando de Noronha (Бразил) и El Kalten (Аргентина). Кои се вашите искуства? Каде сте најљубезно пречекани? извор:попара.мк

Европски дестинации кои вреди да ги посетите во текот на зимата

Наташа Тасевска — Mon, 03 Dec 2018 14:15:04 +0000

Периодот на зимските месеци е време кога многумина од нас прават пауза од патување и разгледување на интересни дестинации. Меѓутоа, постојат многумина кои најчесто новогодишните празници и нивните слободни денови ги трошат на кратки патувања во некои од европските метрополи. За Европа и многу од нејзините градови, овој период е познат како време кога бројот на туристите се намалува (не земајќи ги во предвид новогодишните празници). Ако сте меѓу оние кои не сакаат да патуваат во текот на зимата, тука се и некои интересни предлози, но и причините зошто овие европски дестинации се погодни за патување во текот на зимата. Амстердам - рај на лизгалиштата преку зимата За сите оние туристи кои не се плашат од ладното, Амстердам може да биде одличен избор. Добра идеја е да започнете да шетате низ централните улици на градот или да патувате со брод до некои од каналите. Во текот на декември и јануари, сите оние кои ќе се одлучат за посета на овој холандски град ќе можат да присуствуваат на величествените ефекти и сцени на Фестивалот на светлината, организирани секоја година во ова време. Во градот има многу лизгалишта, па можете да изберете дали повеќе ви одговара да поминете дневен, попладневен или вечерен час на лед. ICE Amsterdаm е идеално место за уживање во холандскиот зимски шарм и забава. Без разлика дали ќе пробате лизгалки или само ќе ја гледате лудоста на оние што се забавуваат на мразот, изборот е на вас, но она што е гарантирано е добра атмосфера. Љубителите на музеите секогаш можат да го поминат времето во посета на Холандскиот национален музеј, Музејот на дијаманти и така натаму. И после тоа, можете да се загреете во еден од автентичните, т.н. „кафеави“ кафулиња и пабови во градот, именувани по внатрешноста, изработени од темно дрво. Топлина која на секого му е потребна по освежувачка прошетка по зимските улици во Амстердам. Сицилија - блага клима за возбудлив одмор И покрај тоа што нема да биде доволно топло за плажа, Сицилија може да понуди блага температура (околу 10 степени), што е идеално за долги прошетки, истражување на градот, острови, историја, култура или можеби само забава, надвор од главната туристичка сезона во текот на летото. Ова е одлично време да се обидете да планирате рута од античкиот град Таормина до Кастелмо, од каде можете да уживате во прекрасен поглед на морето, подножјето на Етна и замокот Сарацен. Исто така, ова време е идеално да поминете еден ден шетајќи низ тесните, калдрмани улици на стариот град Сиракуза, кој во текот на летната сезона може да бидат претесни за масите на туристите кои се обидуваат да се пробијат и да видат дел од богатата историја. Ова место, сепак, е многу попријатно и потивко во текот на јануари и февруари, кога тоа не е главна туристичка точка, и кога ќе може да прошетате на мир и да видите што ве интересира. Доколку се одлучите за Сицилија или слични места, каде што главната сезона е во текот на летото, бидете свесни и подготвени за некои продавници и ресторани кои нема да работат, особено оние на брегот, поради дождливите и поладните денови. Во тој случај, би било добра идеја да се префрлите во Ferrovia Circumetnea, мал и ефтин воз што кружи околу подножјето на планината Етна, со своите бројни постојки во малите градови, на кои може да видите многу убави погледи на околината. Кипар - необичен, но вистински избор Овој остров / држава е познат по своите 340 сончеви денови во годината и благи зими, со температури помеѓу 10 и 15 степени. Тоа е одличен избор за секој кој сака да го замени зимскиот минус со неколку дена во плус, а голем избор на активности го прави добар избор за посета надвор од сезоната. Некои студии покажуваат дека бројот на туристи од мај до септември е 5-6 пати повисок отколку во другите месеци. Постојат хотели кои се затворени во јануари и февруари, но има и интересни погодности и понуди за оние кои остануваат отворени и во текот на зимата. Во секој случај, периодот надвор од наведената сезона е погоден за станарите да го истражуваат островот и да ги посетат интересни локации, како што се остатоците од грчко-римскиот град Коурон, градот Пафос, чијашто површина е под заштита на УНЕСКО и многу повеќе. Барселона - голем град полн со атракции Патниците кои се во потрага по голем европски град, со еден тон атракции, и забавни и културни, но без мрачното и сиво небо како во Лондон, треба да одат во Барселона. Времето е поладно во ова време од годината, но јасното небо и сончевите денови ја прават Барселона еден од најатрактивните европски градови во текот на зимските месеци. Далеку од фактот дека ќе се сретнете со празни улици во Барселона, без народ и галама, но имајте на ум дека толпата е сигурно помалку отколку во текот на сезоната. Не пропуштајте традиционални каталонски сувенири на патот помеѓу ремек-делата на Гауди, како што се Саграда Фамилија и Геелче парк, од каде што ќе уживате во прекрасен поглед на градот и морето. Исто така, галериите и музеите се многу помалку преполно, така што многу места се подостапни за патувања и посети. Исланд - дестинација на која што не би се сетиле Прегрнете ги снегот и студот на Исланд, бидејќи зимата е сезона која носи единствени искуства кои не се достапни во било кое друго време од годината. Пред се, на зимските месеци се време кога најголема шанса е да се види поларната светлина во текот на ведрите и темни ноќи. Покрај тоа, водата која тече низ глечерските пештери се замрзнува и создава т.н. кристален камен. Овие величествени тури низ пештерите на мраз се неопходни. Цените на летови и хотели (особено на источниот брег) може значително да се намали со намалувањето на туризмот, од декември до февруари. Ако се случи да се најдете таму во текот на новогодишната ноќ, не пропуштајте го огнометот во Рејкјавик, главниот град на оваа држава.