На 24-ти август во Куманово: “Тумба Фест” по 11-ти пат

Антонио Димитриевски — Sat, 22 Jul 2023 08:27:44 +0000

На 24-ти август, во Куманово ќе се одржи 11-то издание на Фестивалот на новосоздадена шегобијна песна “Тумба Фест”. Организаторите откриваат дека годинава фестивалот ќе се одржи на отворено, односно, на плоштадот во центарот на градот каде пред кумановчани, а и пред присутната публика ќе се промовираат нови 21 шегобијна песна. Ќе се пејат песни на кумановски дијалект, битолски, прилепски, струмички, кривопаланечки… и многу други дијалекти ширум Македонија. Освен изведувачи од македонската музичка сцена, организаторот најавува и музички гости од Србија, Бугарија, Швајцарија и Шведска. Генерален спонзор на овогодинешното фестивалско издание е Општина Куманово, аМакедонската телевизија ќе го снима и ова фестивалско издание.

Ирена Петрова – Лола дава се’ од себе, за да биде – „Недостижна за тебе“ (ВИДЕО)

Антонио Димитриевски — Fri, 11 Nov 2022 07:16:06 +0000

Атрактивната македонска фолк пејачка Ирена Петрова Лола недамна снимаше видеозапис за нејзината авторска песна „Недостижна за тебе“. Песната за прв пат русокосата ја отпеја на фестивалот „Тумба фест“ во Куманово, фестивал на новосоздадена македонска шегобијна песна, традиционална меѓународна манифестација, која на широко е прифатена од голем број на автори и изведувачи на народна музика. Фестивал на кој се пее на Кумановскиот дијалект, но и на други дијалекти. Текстот на песната на Лола го напишал Орце Зафировски, додека музика и аражманот ги потпишува Цане Петров. Спотот е снимен на неколку локации во Охрид, но дел од видеото е снимено и во Австралија. Него го изработи ИН продукција ,а својата премиера истиот ја имаше на сателитската ИНТВ. Како тоа звучи и изгледа кога Ирена Петрова - Лола дава се' од себе, за да биде - „Недостижна за тебе“, проследете од видеото во продолжение (КЛИКНИ ТУКА):

тумба фест – Вистина.мк

На 24-ти август во Куманово: “Тумба Фест” по 11-ти пат

Ирена Петрова – Лола дава се’ од себе, за да биде – „Недостижна за тебе“ (ВИДЕО)