трт пат – Вистина.мк

Овојпат не е шега ниту реклама веста дека Сани Гроздановска по трет пат ќе биде невеста: Фолкерката оди на “треќа-среќа“ – доби веренички прстен и кажа – ДА!

Антонио Димитриевски — Mon, 10 Oct 2022 09:38:38 +0000

Атрактивната македонска фолкерка Сања Сани Гроздановска, нема повеќе да го носи презимето Гроздановска иако продолжи така да се презива и откако се раздели од вториот сопруг, Мартин. Сани долго ја криеше разделбата, за потоа, меѓудруите и во естрадниот ТВ магазин „Бекстејџ“ јавно да потврди дека ставила крај и на вториот брак со билдерот Мартин Гроздановски. „Нешто што не го бива, подобро да се прекине на време... Како велат: Подобро е да се спречи отколку да се лечи“. А јас сум од тие што не сака да пијат лекови па затоа спречив на време. Затоа што бевме најдобриот пар, затоа и успејаа луѓето околу нас да не разделат. Меѓутоа нема врска, животот продолжува понатаму“ - рече Сани во Бекстејџ како да сака да ги задржи солзите. „Сега ќе газам, и со турнеи, и со песни и со се’. Јас се спремам за третиот, а ти си запнал со тие два брака“ - му рече тогаш (сите мислеа, а веројатно исамата таа) на шега на водителот. „Има кандидати колку сакаш“, додаде пејачкатабез да презизира зошто ставила крај на бракот велејќи дека тоа е нејзина приватна работа. Сани по разводот тргн да живее убав и опуштен живот. Нејзиниот Инстаграм профил постојано е полн со фотографии од настапите, со микрофонот в рака во длабоки деколтеа уи разголени нозе, летоска споделуваше дузина фотографии и видеа од оодморот со женско друштво на Јадранот… Се додека не одекна најновата вест дека Сани можеби нема да биде уште долго сингл затоа што наскоро се подготвува за трет брак! Имено таа на својот профил на Инстаграм сподели фотографија со веренички прстен, на левата рака и напиша дека по трет пат кажала ,,ДА”... Истата фотографија осамна и кај нејзиното ново момче Никола, кој работи како генерален менаџер на еден термохотел и спа лоцирани на швајцарските алпи, човекот со кој пејачката неодамна ја обзанани врската! Некои сфатија дека се работи за уште една ајнова шега на фолкерка, трети пак дека сето ова е само реклама, како минатиот пат кога Сани на слична фотографија напиша дека третпат кажала ДА, со тоа што на неа ја означи фирмата за накит со што сакаше да покаже дека нивните прстени се многу убави, а не и дека трет пат ќе е мажи! За до крај да појасни потоа и самата се огласи на својот профил и напиша: ,,Вака сега, бидејќи се изначитав погрдни коментари од малоумници… Да, кажав да на најубавиот накит на блингблинг и на најубавите нокти од Марија Најдовска. Пред да дадете коментари видете кој е тагнат!И не мора секад најпаметни да се правите! Средете ги вашите животи, па после за мојот замарајте се! Мене ми е супер!“ - напиша тогаш пејачката. Ама тоа беше тогаш... Сега очигледно работите стојат поинаку. Овојпат не е шега ниту реклама веста дека Сани Гроздановска ќе биде по трет пат невеста. Фолкерката оди на “треќа - среќа“ - доби веренички прстен и македонската пејачка по трет пат кажа - ДА! Останува само дилемата од нашата неодамнешна претпоставка, дали Сани набргу ќе им пее само на иселениците во европската дијаспора, а дома ќе доаѓа од Швајцарија само одвреме - навреме, кога сака, може и мора?! Фото: Инстаграм принтскрин/Nikola Urdarevik/sani.grozdanovskasanja

Некогашниот новинар и ТВ водител Филе – „Топки“ стана татко на 53 години: „Да ми кажуваше некој кога бев млад и полузелен дека на оваа возраст ќе лулкам бебе, ќе мислев дека е луд и му се измешале брзините…“ (ФОТО)

Антонио Димитриевски — Thu, 22 Sep 2022 08:41:43 +0000

Дете на новинарската школа на МТВ, впечатлив ТВ лик кој иако со години не е пред камерите, оние што го гледале, се’ уште го паметат. Некогаш познатиот и многу популарен (не само спортски) новинар и ТВ водител Игор Филевски - Филе, кој остана запаметен по прекарот „Филе - „Топки“, заради истоименото забавно-спортско шоу кое своевремено го водеше на некои од најгледаните македонски телевизии, деновиве одново стана татко. И тоа на 53 години... По трет пат. Имено, Филе уште од 2015 година не живее во македонија, туку сега е жител на Малта, каде неговата сопруга Ана се породи и на свет донесе живо и здраво машко дете. Син, кој го доби името Марио. „Дојде и тој ден. Марио е одлично, мајка му е исто така одлично, ама малку уморна. Јас сум добро, да не ме мислите, иако бев најизмачен и најстресиран, што е нормално, нели, бидејќи секоја бременост најтешко и најспектакуларно ја поминува мажот“ - напиша шеговито Филе веднаш по раѓањето на синчето, споделувајќи ги и првите фотографии од породилиштето од бебето и сопругата. Ден потоа Филе се јави со нов пост на својот Фејсбук профил. Повторно посветен на приновата, но и на самиот себеси, на годините, возраста, состојбата на телото и умот и нивната коресподенција со духот и младоста, на врската помеѓу татковството „на стари години“ и чувството при восприемањето на бебешкиот плач на 30 и кусур и 50 и кусур, па напиша: Инаку, Игор Филевски-Филе најпрвин ја доби ќерката на која како непоправлив вљубеник во фудбалот, особено оној кој го играат јужноамериканските асови како Кемпес, Марадона, Меси... тој на девојчето му го даде името на земјата во чиј фудбал и е вљубен, па ќерката ја крсти Аргентина. Потоа, во Малта го доби и втрото дете, овој пат син, кому му го даде името Лео... Веројатно не е тешко да се погоди дека го крстил по славниот аргентински фудбалски волшебник Лео Меси. И конечно и третото дете, неговиот втор син по се изгледа одново добива фудбалско име. Филе очигледно не бега од традицијата, па новороденчето Марио, најверојатно е крстено по славниот аргентински фудбалски ас од 80-тите, Марио Кемпес!? Аргентина, Лео и Марио - како свето фудбалско и семејно тројство! Како и да е, нека е со среќа и да е жива и здрава приновата! Фото: Фејсбук принтскрин/Filevski Igor (File X File)

Пандев доби трето дете – се роди малата Софија

Антонио Димитриевски — Tue, 24 Jul 2018 12:14:23 +0000

Најдобриот македонски фудбалер и капитен на нашата фудбалска А селекција, Горан Пандев по третпат стана татко, откако сопругата Надица на свет ја донесе ќеркичката Софија, а Филипо и Ана си добија сестричка.

Оваа вест ја објави неговиот клуб Џенова, кој преку „Твитер“ му ја честиташе на својот фудбалер приновата. Тие први ја објавија среќната информација за зголемувањето на семејството на Горан Пандев, честитајќи му на Горан и на неговата сопруга, а посакувајќи многу идни среќни денови во животот за новоредната Софија.