трпеза – Вистина.мк

Бадниковата паричка донесе радост во домовите, а еве кои беа среќниците од празничната трпеза на познатите (фото)

Слободанка Илиева — Mon, 08 Jan 2024 08:31:54 +0000

Православните христијани го прославија Бадник, радосен ден кога се собира семејството на трпеза, на која освен посни јадења центално место има бадниковото лепче со паричка. Делењето или кршењето на лепчето како чин е оној најзначајниот момет кога сите се во исчекување да видат дали паричката е кај нив, но и кај кого би била во дуриот случај. Македонските јавни личности преку социјалните мрежи упатија пораки за Божиќ и Бадник, па открија како изгледа нивната бадникова трпеза и кај кого се паднала паричката. Кај повеќето од оние што покажаа како изгладаше оваа света вечер кај нив, среќниците за 2024 година беа најмладите членови. Имаа среќа навистина или беа сценирани моменти за да немна лутење, знаат повозрасните, но неважно. Радоста секако беше најголема! Кај Суана Гавазова паричката беше во парчето кај помалата ќерка, а мама Сузе тоа го покажа на својот Инстаграм, а со тоа и паразничката трпеза. Најсреќна беше и ќеркичката на ракоментниот голман Борко Ристовски, која прва година од својот живот ја има паричката без да се лути бато Душан кој лани беше оној најсреќниот. И кај Даниел Кајмакоски иста состојба. Бебето Стефан се уште нема годинка, а веќе ја има бадниковата паричка за среќа. Кај Антониа Гиговска бебето Киан имаше не една туку две парички, веројатно по една од дома и една од кај баба и дедо. За овој Бадник, Киан имаше дупла среќа. Претстојната година ќе биде посреќна и за Андријана Јаневска која на своите „стори“ ја објави само паричката со кус коментар дека овој пат е кај неа. Среќничка беше и Ања Ветерова. Делот од скршеното лепче кое и припадна нејзе ја криеше паричката на која таа и се израдува. На паричка се израдува и Елена Најдоски која доби знак дека претстојната година треба да биде нејзина, за арно, за убаво! Според обичајот и верувањата, бадниковата паричка треба да се стави до икона и да се чува до следната година. фото: Instagram/Facebook printscreen

Наташа Малинкова откри како се слави Божиќ во нејзиниот дом: „Секогаш се радувам на деновите кои за мене имаат посебна магија“

Христина Ѓоргиевска — Sat, 06 Jan 2024 07:51:33 +0000

Новогодишните и Божиќните празници се период кога целото семејство се собира во домот и уживаат во празничните денови. Некои уште почетокот на годината заминаа некаде на зимување, некои празниците ги дочекаа дома во кругот на најмилите и најблиските. Македонските јавни личности преку социјалните мрежи упатија искрени честитки со желба за мир, здравје и спокојство. Некои од нив го покажаа новогодишниот амбиент во домот, а за Бадник се пофалија со бадниковата трпеза која ја подготвиле. Македонската пејачка Наташа Малинкова за време за празниците влезе во кујна, се фати за работа и покажа каква е домаќинка. Имено, таа на социјалните мрежи се пофали како подготвува пита за Бадник кој традиционално се наоѓа на бадниковата трпеза. Малинкова разбирливо Божиќ го поминуваа дома во кругот на семејството, кое воедно и е нејзината најголема поддршка. Таа открива како се прославува Божиќ и Бадник во нејзиниот дом. „Отсекогаш периодот од Нова Година, па до Божиќ ми бил еден од омилените во годината. Секогаш се радувам на деновиве и за мене имаат некоја посебна магија. Како малечка палевме оган во дворот пред нашата куќа. Игравме, се радувавме и пеевме песни за Коледе. Сега овие денови имам прилика многу да патувам низ Македонија со настапите и да гледам како се слави Коледе и Божиќ низ градовите. Навистина е магично. Во мојот град, во Кавадарци многу се слави Коледе. Се палат големи огнови, се пее, се собираат многу луѓе“ - вели пејачката. Малинкова откри дека сама ја подготвува посната бадникова вечера. Пејачката откри како ги прославуваат празниците во нејзиниот дом. - Најчесто имам настапи за Бадник и Божиќ. Меѓутоа во текот на денот со семејството сме сите собрани дома и сите по нешто помагаат околу подготовките. Вечерта наздравуваме и откако ќе вечераме се собираме во дневната соба и си прераскажуваме како било претходната година. Најчесто малата Емилија има многу прашања па одговараме на нив“ - кажа во една прилика Малинкова. ФОТО: Инстаграм/natasamalinkova

Тамара Тодевска се пофали со својата тајна вештина: За оваа нејзина умешност најдобро знаат најблиските, но кој би рекол!? (фото)

Слободанка Илиева — Fri, 10 Nov 2023 08:37:29 +0000

За Тамара Тодевска сите добро знаеме дека е еден од најдобрите вокали во земјава. Реализирана жена, посветена на кариерата, децата, на себе... Она што и прави задоволство секако е љубовта кон музиката без која не може да и минува секојдневието и животот воопшто.

View this post on Instagram

A post shared by Tamara Todevska (@tamaratodevska)

Познато е дека неколку години наназад стана страствен вљубеник во вежбањето, ги намали килограмите, од неодамна почна да прави и музика, сака вечерни излегува со друштво, наедно, секогаш немирна ко ветер, со темпераментен дух каков што имаат астролошките близнаци како неа. Токму близнаците, знаат да изненадат со нешто за кое на крај памет нема да ти падне, а тоа секогаш да биде изведено до перфекција, како во случајов. Имено, Тамара деновиве со или без повод засука ракави во кујната и подготви полна трпеза за пријателките и саканиот, а за истото се пофали самата преку социјалните мрежи, а секако ја пофалија и оние што се насладуваа од богатото мени. Од разни видови на салати, сирења, месо, апетисани, ајварче од Драчево кое го превеше со тато Велко неодамна, се’ на се’ гозба за мерак приготвена и сервирана како во ресторан од вештите раце на домаќинката Тамара Тодевска. Со ова се покажа и пред Лука, а за пријателките веруваме дека веќе знаеја колку им е вешта и вредна пријателката. Епа, алал вера шефице!

На Прочка никако не заборавајте да го имате ова на трпезата за радост и добро расположение во домот

Слободанка Илиева — Fri, 24 Feb 2023 13:17:38 +0000

Во недела ни доаѓа големиот празник Прочка. На Прочка, според традицијата, помладиот бара прошка од постариот. Синот приоѓа кај таткото, братот кај брата си, ќерка кај мајка си, снаа кај свекрва, сестра кај сестра си и секој секому му вели: „Прости ми“, а тој одговара: „Простено да ти е од мене и од Бога“. Така прави секој кон секого, и машко и женско, помладиот кон постариот, но и постариот кон помладиот. За Прочка се прави заедничка вечера во семејството на која се запокладува со сирење и јајца. Вечерата завршува со амкање јајца за децата, што претставува детска радост и добро расположение. А вистинската смисла на сето тоа е дека пред постот, на последното јадење, запостуваме и ја затвораме устата со бело јајце и потоа, на Велигден ја отвораме и замрсуваме со црвено јајце. Мрсењето завршува во Белата недела, со бело јајце и пак започнува со јајце, но црвено – велигденско, на Велигден. Утредента, првиот ден по Прочка е чист понеделник кога постот веќе започнал. Тоа е првиот ден од големиот Велигденски пост. Чист понеделник е така именуван затоа што започнува нешето очистување со постот – духовно и телесно. извор:курир.мк

Во петок е Свети Јован, за денот има посебни верувања: Дали трпезата треба да биде посна или мрсна?

Слаѓана Атанасова — Tue, 17 Jan 2023 11:06:43 +0000

На 20-ти јануари се празнува Крштевањето на Свети Јован, а дали трпезата ќе биде мрсна или посна зависи од тоа во кој ден се паѓа овој празник. Јован Крстител се слави неколку пати во текот на годината, но православната црква го слави празникот Крштение на 20 јануари. Празникот е посветен на светецот и пророк кој го крсти Исус Христос во реката Јордан. На Свети Јован е мрсна гозба, освен кога се паѓа во среда или петок, во тие два случаи се подготвува посна трпеза. Оваа година 20 јануари се паѓа во петок, што значи дека на Свети Јован СЕ ПОСТИ. Многу народни обичаи се поврзани со овој празник. Според верувањата, на тој ден жените никако не треба да допираат игли за плетење, ножици или игли. На денот на Свети Јован верниците не треба да земаат нож во раце, во знак на сеќавање на мачеништвото на Јован, ниту да јадат и пијат нешто што е во црвена боја, бидејќи таа боја ја симболизира невино пролеаната крв на светителот. На децата исто така не им се дава ништо црвено на овој ден. Исто така, според верувањата, 20-ти јануари е идеален ден за одење на патување, бидејќи ќе ја имате заштитата на овој светец.

Вакво нешто не сте виделе: Лидија Вукиќевиќ се надмина за бадниковата трпеза (фото)

Слободанка Илиева — Fri, 06 Jan 2023 08:15:22 +0000

Актерката Лидија Вукиќевиќ секоја година изненадува со изгледот на својот дом за новогодишните и божиќните празници. И овој пат Лидија својот стан на Бежанска коса до украси бајковито, почитувајќи ја традицијата и обичаите кои се поврзани за Бадник. Со фотографиите од прекрасно украсениот дом, актерката го честита празникот. -Среќен Бадник и Божиќ- порачува Лидија, додека на фотографијата покрај божиќната декорација, се гледа да подготвила бројни јадења и погача.

Еве неколку трикови како да уживате во празничната трпеза без да се здебелите

Слободанка Илиева — Thu, 29 Dec 2022 13:50:54 +0000

Започна за многумина еден од најубавите периоди од годината. Божиќ е сѐ поблиску, куќичките се полни со храна на која е тешко да се одолее, а кога станува збор за уживање во колачи и специјалитети кои Божиќ ги носи со себе – „најлошото“ допрва доаѓа. Сезоната на празници, меѓу другото, е и сезона во која луѓето имаат тенденција да се здебелат. Иако половина килограм или килограм-два вишок не звучи толку страшно, тоа е дополнителна тежина која повеќето луѓе не ја губат по празниците. Затоа, дебелеењето за време на празниците е еден од најголемите придонеси за целокупното гоење во текот на годината. Сепак, добрата вест е дека дебелеењето за време на празниците не е неизбежно. Еве 5 совети кои ќе ви помогнат да не го зголемите бројот на вагата во периодот што следи, без гладување. Бидете активни со членовите на семејството Седењето на каучот, гледањето телевизија и уживањето во солени и слатки специјалитети е омилена активност на многу семејства за време на празниците. Неактивноста може да придонесе за зголемување на телесната тежина, особено кога се изведува во лежечка положба. Обидете се да воведете некои заеднички активности во празничната рутина на вашето семејство кои ќе ви помогнат да ја контролирате вашата тежина, како што е пешачењето, кое е едноставно, ќе ги оттргне вашите мисли од храната и ќе ве поврзе со вашите најблиски. Бидете паметни кога грицкате За време на празниците секогаш ни се достапни нездравите грицки како колачињата, а кога ни се толку лесно достапни, поголема е веројатноста да бидеме посклони кон непотребни грицки. Дома, решете го овој проблем со тоа што не секогаш чувајте ги слатките грицки онаму каде што ќе ви бидат видливи, а внимавајте на вашите навики на работа или на семејните вечери. Ако сфатите дека јадете само затоа што храната ви е достапна, а не затоа што сте гладни, обидете се да се воздржите. Исто така, ако чувствувате глад, понекогаш обидете се да јадете нешто здраво наместо колач, како овошје или јаткасти плодови. Обрнете внимание на големината на порцијата Големите порции доаѓаат со големи килограми, затоа внимавајте колку храна ставате во чинијата – Божиќ не значи дека ви треба повеќе храна отколку што обично би сакале. Бидете свесни што јадете За време на празниците често јадеме и правиме многу други работи и не внимаваме на количините. Обидете се да јадете без одолговлекување, јадете полека и темелно џвакајте ја храната и подобро ќе го препознаете сигналот на вашето тело дека сте сити и јадете помалку. Исто така, земете неколку длабоки вдишувања пред јадењето, што ќе ви помогне да се опуштите и да бидете задоволни со храната. Наспијте се Недостатокот на сон не е невообичаено за време на празниците и може да предизвика дебелеење бидејќи ненаспаните се погладни, јадат повеќе калории и се помалку активни. Затоа внимавајте на спиењето. извор:попара.мк

Вака Емина Јаховиќ го славеше Бајрам: Ја покажа богатата трпеза и делови од луксузниот стан (фото)

Слободанка Илиева — Fri, 14 May 2021 08:43:05 +0000

Пејачката Емина Јаховиќ славеше Бајрам, а на својот Инстаграм профил покажа богата, домашна трпеза што ја подготви по овој повод, но и импресивни делови од нејзиниот луксузен стан. Емина овој празник го слави со својата мајка и децата, а на нејзината трпеза беа локалните специјалитети. Јаховиќ ја сними нејзината мајка како ја поставува масата, а деталите од нејзиниот стан ги привлекоа следбениците. „Благодарам, мамо“, рече пејачката во видеото.

Родиќ ги дочекаа Ражнатовиќ со богата трпеза во Тител: Таму беше и Богдан со Цеца, но и Шијан со бремената Бојана (фото)

Слободанка Илиева — Tue, 04 May 2021 09:10:01 +0000

Фолк sвездата Цеца Ражнатовиќ и нејзините најблиски уживаа во величествениот имот во Тител кај сватовите Родиќ. Имено, Вељко сподели дел од атмосферата на својот Инстаграм, а на ручек им се придружија и Мирко Шијан и неговата бремена девојка Бојана Родиќ и сестра на Богдана Ражнатовиќ. Тука беше и момчето на Цеца, Богдан Срејовиќ. - Семејство, што има? - им се обрати Вељко додека снимаше, и сите го поздравија со насмевка. Покрај родителите на Богдана, присутни се и сестрата на Цеца, Лидија со сопругот и децата, Наташа Родиќ, Богдана Ражнатовиќ ... Богатата трпеза не изостана, па очигледно е дека уживаат во природата и убавиот сончев ден.

Десет работи кои треба да се најдат на вашата трпеза за велигденскиот ручек

Антонио Димитриевски — Sat, 01 May 2021 08:18:58 +0000

Најголемиот христијански празник Велигден, Македонците секогаш го дочекувале со свечена и богата трпеза. Иако најбитно е најблиските да се со нас за заедно да прославиме, постојат неколку работи што е убаво да се најдат на велигденското мени, а секое од нив носи посебна симболика: 1. Мед – симболизира апостоли. Сите тие како пчели на Исус го разнесувале Евангелието на разни страни. 2. Јагнешко месо – го симболизира Господ, роден во шталата меѓу јагнињата, гонет од луѓето со волчја нарав. Тој е жртвено јагне кое трпеливо ги поднесло маките и смртта. 3. Говедско месо – го симболизира човекот (мудрост, лав (храброст), волот (правдата) и тоа се четирите животни кои во визиите ги видел пророкот Језекил и светиот апостол Јован Богослов. 4. Вапцани јајца – тие се симбол на Велигден иако се предхристијански обичај. Овој симбол на пролетното будење на животот постои и во еврејската религија. 5. Леб – на масата мора да има леб, сол и риба. Сите намирници кои служат за подготовка на празничните специјалитети имаат длабока симболика. Лебот го симболизира Господ. 6.Квасец – тој е симбол на небесното царство „бидејќи од мал гумен квасец сето тесто се закиснува“. Затоа велигденскиот колач задолжително се прави со квасец. 7. Сол – укажува на вистински христијанин кој и останаите ги усмерува кон добро. Душата насолена со науката на Исус не подлегнува и не се расипува, а притоа им помага на блиските да ја одржат и да не се расипат. 8. Вино – претворањето на водата во вино го симболизира чудесното претворање на земниот човек во небесен. Виното е симбол на Исус, а лозата е симбол на следбениците Хистови. 9. Грозје, смокви, чичак и трња – тие се симболи на добрите и злите луѓе. 10. Риба – е симбол на сите луѓе. Ловот на риба означува ловење на човечки души за Божјото царство. Конзумирање на риба е дозволено во текот на постот.